Jam i tronditur nga lajmi për largimin e parakohshëm nga jeta të mjekut, profesorit, politikanit, dhe mikut tim të çmuar, Maks Cikuli. Ngushëllimet e mia më të ndjera Zanës, Julianit dhe Sarës për humbjen e bashkëshortit dhe babait të tyre të dashur. Me mendje e zemër gjendem sot pranë tyre dhe gjithë miqve të Maksit në këtë ditë zie.

Profesor Cikuli e vuri gjithë jetën e tij në shërbim të shëndetit të njerëzve, si mjek, si profesor, si deputet dhe si ministër i shëndetësisë.

Ai ishte një nga reformatorët e spikatur që e udhëhoqën Shqipërinë në rrugën e çlirimit nga diktatura komuniste drejt ndërtimit të institucioneve demokratike dhe të ekonomisë së tregut të lirë. Dy herë ministër Shëndetësie, në vitet 1994-1998 e 2005-2008, profesor Cikuli kontribuoi në tranzicionin e sistemit të shëndetësisë dhe mbështeti investimet e mëdha në ndërtimin e sallave bashkëkohore kirurgjikale dhe sistemit të spitaleve rajonale.

Maks Cikuli spikat si model i urtësisë politike dhe angazhimit inetelektul duke u dalluar në jetën parlamentare të vendit për kultivimin e dialogut dhe debatit civil si dhe mbrojtjen e pakompromis të lirive dhe të drejtave të shqiptarëve. Partia Demokratike është e nderuar që ka patur në radhët e veta njërin nga themeluesit e pluralizmit në Shqipëri, simbol të angazhimit shoqëror, të profesionalizmit, të dijes dhe të humanzimit.

Në këtë ditë zije kur familja ka humbur njeriun e saj më të shtrenjtë, qytetaria kujton me repektin më të madh modelin e intelektualit, shoqëria jonë nderon humanistin e pashoq, demokratët njërin nga përfaqësuesit e tyre të shquar dhe unë një mik të çmuar e të paharrueshëm. U prehtë në paqe!

Njëri nga aktivistët që ra pre e dhunës shtazarake të barbarëve të veshur me uniformë policie ishte edhe arkitekti i ri, Mend Zavalani.

Mendi nuk kishte bërë asnjë faj, dhe krim as që bëhet fjalë të kryej ndonjë artist, por e vetmjja gjë ishte pse nuk dëshironte që të shembej Teatri Kombëtar.

Ai ishte përkrah artistëve në mbrojtje të Teatrit, por u përball me barbarët dhe ata e morën zvarrë dhe e qëlluan si shtazë duke i shkaktuar plagë të rënda në fytyrë dhe në të gjithë trupin.

Reagimi i arkitektit Mend Zavalani në Facebook

Pamje te renda…
Nata e mbremshme do te ishte hera e pare dhe e vetme qe do te qendroja gjate gjithe nates ne mbeshtetje te Teatrit Kombetar. Videon munda ta filmoj pak sekonda pas nisjes se bastisjes se dhunshme qe bene forcat speciale me maska dhe mbase arme.

Ora shenonte 4:30 dhe kishin ngelur shume pak mbeshtetes te kauzes te shperndare ne shesh, ndersa disa te tjere po pushonin ne erresire brenda. Trupat e maskuara erdhen me terror duke terhequr me dhune e shtyre te pranishmit.

Ne nje moment pas videos ata u versulen mbi ne ne mes te sheshit te teatrit, duke qene ne numer kaq me te madh, saqe vete une kam marre shume goditje te forta dhe te njepasnjeshme ne koke dhe ne fytyre nga disa persona, duke me rrezuar e thyer syzet. Goditjet ishin aq te vazhdueshme saqe me kerrusen dhe ndieja vetem koken te mpire dhe dhimbje ne brinje dhe qafe.

Nje grusht i forte ne syrin e majte me erresoi shikimin dhe nga veshi i djathte gjaku me rridhte deri ne xhup, teksa trupat policore me terhiqnin drejt makines se tyre.

Kur arritem ne rajon, artisti Pleurad Xhafa, qe i kishin nxjerre kaviljen dhe kaluam bashke deri ne paraburgim, me beri nje foto te veshit te gjakosur. Munda t’u bej nje telefonate edhe babait e mamase, Kozeta Zavalani, para se te me sekuestronin celularin.

Falenderoj oficeret e policise te rajonit nr. 3 qe kane treguar integritet dhe nder te tjera nuk kane prekur celularin tim.

Ndërsa nëna e tij, gazetarja e njohir Kozeta Zavalani shprehet se ka kaluar orë tmerri dhe ankth të paparë për djalin e saj.

Ja çfarë shkruan nënë e tij, gazetarja Kozeta Zavalani

Kam kaluar orë të tmerrshme në ankth. Më në fund, pas 9 orësh, neodiktatura me maska, pasi e dhunuan pa paralajmërim, ne mënyrë të pajustifikueshme e kriminale tim bir, Mend Zavalani, që mban emrin e paraardhësit e patriotit Menduh Zavalani, e liruan nga paraburgimi me dëmtime të rënda dhe detyrim paraqitjeje. Krimi: qendrimi në mbrojtje të Teatrit…Tani është I traumatizuar, me veshin e çarë, që ia qepën në spital, me hematoma në sy, kokë e kudo në trup, pasi ka qendruar 9 orë në paraburgim dhe u lirua me detyrim paraqitjeje si pjesëmarrës i tubimeve të paligjshme…arkitekti që nuk donte veçse të mbronte një vlerë kombëtare!

Nënkryetari i LSI, Petrit Vasili, publikoi në “Facebook” videon që tregon momentin kur policia shoqëron në komsariat ish-deputeten e LSI, Silva Caka, duke thënë se efektivët po dhunojnë një grua të re, një nën, një juriste dhe një deputete.

Sipas Vasilit, të gjithë ata që dhunojnë, policë me uniformë qofshin apo cuba policie civile, janë tashmë të evidentuar qartë, pasi janë fotografuar e filmuar, sipas tij, në të gjitha veprimet e tyre prej kafshësh.

Mesazhi i Vasilit

Betim!!! Te gjithe keta qe dhunojne police me uniforme qofshin apo cuba policie civile jane tashme te evidentuar qarte. (VIDEO).

Keta po dhunojne Silva Caken nje grua te re, nje nene te dy femijve, nje juriste, nje deputete qe ka lene mandatin per te qene nje qytetare e thjeshte e per te protestuar kunder vandaleve dhe horrave te qeverise qe shemben teatrin.

Jane fotografuar e filmuar qarte ne te gjitha veprimet e tyre prej kafshesh.

Ate qe po bejne ta presin shume me keq se aq.

Askush nuk do ti fale kurre dhe ne asnje menyre.

Ky eshte Betim!!!!

Dje pushteti i vendosi kazmën godinës së Teatrit Kombëtar, një godinë historike dhe me shumë vlera.

Në një intervistë për “ABC e Mëngjesit” Ermira Gjata aktore, pedagoge në Universitetin e Arteve ka folur për shembjen e Teatrit Kombëtar.

Një moment i fotografuar gjatë shembjes së Teatrit Kombëtar është edhe fotoja e aktores që tregon dhimbjen, pamundësinë, pafuqinë për të mbrojtur një “Tempull të shenjtë” siç edhe vetë Ermira Gjata e përshkruan.

E emocionuar dhe me një dridhje të zërit Gjata u shpreh se me atë vendim ditën e djeshme janë shembur rrënjët e identitetit.

“Kur pashë që fadroma po shembte Teatrin edhe tani kur e kujtoj emocionohem. Çfarë do t’i themi studentëve, të rinjve që kanë një ëndërr? Atyre që duan të bëhen aktorë? Edhe pse ata e dinë që në këtë Shqipëri është e vështirë të bëhesh aktor dhe pavarësisht kësaj kanë zgjedhur të ndjekin këtë rrugë.

Atyre që u kam thënë që është tempull më i shenjtë i aktorëve, ajo godinë mbart rrënjë të identitet shqiptar, një kulturë e trashëguar prej 70 –vjetësh.

Arroganca e këtyre njerëzve dërrmon çdo lloj emocioni dhe nuk duan tja dinë fare. Akoma shpresoj se mund ta rikonstrukturojnë”, u shpreh Gjata.

Trafiku i drogës nga Shqipëri drejt Italisë vazhdon edhe në këto ditë pandemie. Një 31-vjeçar shqiptar është vënë në pranga nga autoritetet italiane në qytetin e Brindizit.

Atij i janë sekuestruar 546 kg marijuanë dhe 17 kg hashash të cilat sipas mediave italiane i kishte transportuar nga Shqipëria me një skaf 6 metra të gjatë.

Operacioni është ekzekutuar nga reparti ajro detar i Guardia di Finanza e Barit dhe nga reparti operativ detar i Rojes bregdetare të Brindizit.

Droga ishte fshehur nën dyshemenë e skafit e paketuar në pako me pesha të ndryshme.
Vlera e drogës përllogaritej në 5 milonë euro.