Çfarë uron kancelarja Merkel për Vitin e Ri…

Në fjalimin me rastin e Vitit të Ri kancelarja Merkel u bën thirrje qytetarëve për guxim, besim dhe frymë të re. Ndryshimi i klimës, digjitalizimi dhe migracioni janë sfida të mëdha.

Nga Deutsche Welle

“Vitet 20-të mund të jenë vite të mira”, thotë kancelarja Angela Merkel në fjalimin me rastin e Vitit të Ri. “Le të surprizohemi sërish me atë që ne mund të bëjmë. Ndryshimet për mirë janë të mundshme, nëse ne jemi të hapur dhe e përqafojmë të renë.” Me këtë apel kancelarja 65 vjeçare po e çon Gjermaninë në dekadën e re.

Fjalimet në televizion të kancelares në Gjermani – përveç fjalimit me rastin e Vitit të Ri – janë të rralla: Merkel madje asnjëherë nuk ka mbajtur një fjalim enkas. Fjalimi i Vitit të Ri trasmetohet në orën me shikueshmërinë më të lartë të programit dhe ka një kuotë të lartë shikueshmërie.

Sivjet fjalimi i Merkelit zgjat 15 minuta. Gjithçka ecën sipas planit, a do të jetë ky fjalimi i saj i parafundit. Zgjedhjet e ardhshme janë më 2021 – atëherë pa Merkelin. Pra është ky fjalim edhe një lloj amaneti i saj.

Tipike Merkel

Merkel e nisi mandatin e saj si kancelare më 2005 si reformatore dhe vazhdimisht ka tërhequr vëmendjen, se sa e rëndësishme është, që vendi dhe partia e saj kristiandemokrate (CDU) të kaliten për të ardhmen. Tani në fjalimin e saj sërish gjen ngjashmëri me fjalimet e fillimeve të karrierës si kancelare. Më shumë se kurrë, thekson ajo, Gjermania ka nevojë për “guxim, për frymën e re” dhe për “forcën për t’u shkëputur nga rrugët e vjetra” ose “për vendosmërinë që të veprojë më shpejt”, vëren ajo. Këto nuk tingëllojnë si një retrospektivë dhe qetësi për ato çfarë janë arritur – edhe kjo mënyrë të shprehuri është tipike për Merkelin.

Merkel përmend tri sfidat aktuale. Digjitalizimi i aktivitetit në punë, lufta e shkaqeve të migrimit nga kontinenti fqinjë, Afrika dhe në radhë të parë ndryshimi i klimës. Përderisa kjo është shkaktuar nga njeriu, “ne duhet të ndërmarrim gjithçka të mundshme njerëzore, për t’i përballuar sfidat e njerëzimit”.

Mbrojtja e klimës pikërëndesë

Paketën ligjore të miratuar së fundi nga federata dhe landet në Gjermani Merkel e përshkruan si një bazë të mirë, tek e cila mund të mbështetesh. Por ajo thekson, se masat e vendosura „ndokujt i gjallin frikë, se nuk do të jenë të përballueshme, dhe ndokujt tjetër i duken të pamjaftueshme “. Megjithatë Gjermania mund të mbështetet tek „ajo që e ka bërë të gjithmonë të fortë: „Idetë, shpirti krijues, zelli dhe këmbëngulja. Ajo si kancelare do të angazhohet me të gjitha „forcat” e saj, që Gjermania të japë kontribut për ta vënë nën kontroll ndryshimin e klimës në mënyrë „ekologjike, ekonomike dhe sociale”. Me këtë Merkel jep një sinjal edhe ndaj partive të tjera, që për mbrojtjen e klimës të jenë të arsyeshme dhe të mos duan ta realizojnë atë në mënyrë të njëanshme.

Busulla për dekadën e ardhshme duhet të mbeten vlerat e kushtetutës dhe ekonomia sociale e tregut. Edhe në epokën digjitale vlen, që „teknika i shërben njeriut dhe jo „anasjelltas”.

“Çfarë na bashkon”

Pavarësisht nga të gjitha ka „arsye të forta për të pasur besim”. Merkel kujton në fjalimin e saj ribashkimin gjermano-gjerman, që kremton 30 vjetorin më 2020. Në vitin që lemë pas në Gjermani pati debate intensive për pasojat politike, ekonomike dhe sociale të ribashkimit. Arritja është “madhështore”, thotë Merkel, por megjithatë ka ende mjaft për të bërë, „nga sa ne patëm menduar 30 vjet më parë”. E rëndësishme është, të mbështetemi tek e përbashkëta, “ajo që na bashkon ne”.

Në një pjesë të fjalimit të saj Merkel i referohet polarizimit në Gjermani dhe pasojave të tij. Ajo u premtoi politikanëve profesionistë dhe atyre vullnetarë se do t’i mbrojë prej “urrejtjes, armiqësive dhe dhunës, prej racizmit dhe antisemitizmit”. “Kjo është detyra e shtetit” dhe qeveria federale ndihet „veçanërisht e detyruar” për këtë.

2020 do të jetë viti i Europës

Në fund Merkel jep një pasqyrë për planet e presidencës gjermane të BE-së më 2020. Do të ketë një samit me Kinën dhe një takim me shtetet e Afrikës. Merkel thekson, se sa i rëndësishëm është Bashkimi Europian në përballjen gjeostrategjike për “vlerat dhe interesat”.

Kancelarja falenderon posaçërisht të gjithë ata, që “shërbejnë jashtë Gjermanisë”, si ushtarët, policët dhe ndihmësit civilë. Të gjithë qytetareve dhe qytetarëve ajo u uron një “Vit të Ri 2020 të shëndetshëm, të gëzuar dhe të bekuar”.

Ish-shoferi i kryebashkiakut të Lushnjes ende i lirë

Kryebashkiaku Fatos Tushe dhe Gëzim Saraçi, personi që tentoi ta vriste në zyrë, kanë qenë miq të ngushtë më parë aq sa kryebashkiaku i Lushnjes e kishte punësuar si shofer personal.

Bëhet e dityur se, miqësia e tyre ishte prishur, ndërsa ai Saraçi ishte larguar nga detyra disa vite më parë për t’u punësuar sërish. Por, Saraci është larguar sërish nga puna, gjë e cila dyshohets e ka shkaktuar edhe konfliktin mes tyre.

“Lidhja mes tyre ka qenë e hershme. Saraçi ka marrë pjesë në fushatën e parë dhe të dytë të Tushes për në bashki. Pas heqjes nga puna disa vite më parë ai e ka kërcënuar disa herë Tushen brenda ambienteve të bashkisë. Sëfundmi ata kanë patur një sherr pak ditë më parë”, raporton gazetari.

Dyshohet se konflikti mes tyre ka nisur pas prishjes së pazarit të drogës. Por grupi hetimor ka edhe një tjetër pistë për shkakun që çoi Saraçin t’i hedhë granatë Tushes në zyrë. Ata dyshojnë edhe për një konflikt për shkak borxhi mes dy ish-miqve, gjë e cila pritet të konfirmohet nga verifikimet e mëtejshme.

Bëhet e ditur se autori Gëzim Saraçi nga Lushnja, është shkarkuar 5 vite më parë nga Tushe.
Mësohet se Saraçi njihet në Lushnje si përdorues droge, ndërkohë që motivet e këtij krimi dyshohet se lidhen me mosmarrëveshje që kryebashkiaku Tushe ka pasur me shoferin, jashtë postit të tij, që tashmë do bëhen objekt hetimi lidhur me këtë ngjarje.

Ish-shoferi ka biznese ndërtimi në Lushnje, ndërkohë që pasi u punua nga puna jetonte jashtë vendit në Itali.

Ndërkohë Partia Demokratike në një deklaratë për mediat shkruan se të gjitha rrethanat tregojnë se goditja e kryebashkiakut të Lushnjës është prishje pazaresh mes tij dhe ish shoferit, me të cilin ka ndarë bashkë para nga droga, prostitucioni dhe korrupsioni.

Më tej Partia Demokratike shkruan se “Është fakt i njohur në Lushnjë, se ish shoferi i kryetarit të Bashkisë Lushnjë, një trafikant droge dhe prostitucioni, ka financuar fushatën elektorale të Fatos Tushes. Çdo lushnjar e di se personi që ka kryer sot goditjen kundër kryebashkiakut, ishte njeriu më i besuar i Fatos Tushes dhe që bënte çdo pazar në emër të tij”.

Ndërkaq bëhet e ditur se Kryebashkiaku i Lushnjes Fatos Tushe ka marrë një plagë siperfaqësore në gjoks, po merr mjekimin e nevojshëm dhe ndodhet jashtë rrezikut për jetën në spitalin e Traumës.

Po ashtu edhe sekretarja e tij Erisa Qalli po mjekohet në spitalin e Traumës në Tiranë.

Rama nuk u jep invalidëve pensionet dhe ndihmën ekonomike, reagon Berisha: Për vete zhgërryhet në luks

Invalidët nuk mund të festojnë Vitin e Ri, pasi qeveria nuk ua ka dhënë pensionin këtë muaj. Përveç varfërisë, invalidët duhet të vuajnë edhe mungesën e ilaçeve.

Ish-Kryeministri Berisha shkruan në një postim në Facebook se Edvin Mafia, për vete zhgërryhet në luksin e vilës 57 m të gjatë, në një kohë kur mijëra njerëz kanë mbetur pa ilaçe dhe pa bukë.

Postimi i ish-Kryeministrit Berisha

Nuk u jep pensionet dhe ndihmen ekonomike!

Ata mbeten pa ilaçe dhe kafshaten e gojes!

Kreu i mafies se droges, Edvin Mafia per vehte zhgerryhet ne luksin e viles 57 m te gjate te ndertuar kur kishte te deklaruara vetem 2900 euro dhe 200000 lek ne ILDKP.

Lexoni denoncimet e invalideve dixhital. sb

Pershendetje doja te nadaja me ju nje problem jetik ne njesine administrative 4 leket per personat me aftesi te kufizuar invalitet.te verbrit etj nuk kan mare leket qe i takon sot ishte nje kaus njerzit e deshperuar qe qanin se nuk kishin lek per femijet e tyre ju lutem pasqyroheni kete lajme dhe dergoni gazetaret tuaj ne allias tek posta neser eshte dita e fundit te vitit dhe invalitet po e kalojne vitin e ri ne mjerim dhe pa lek.

ndersa vet kalon festat ne luksin e Sarajeve te Surrelit qe i ka ndertuar me parat tona
persh zoti berisha sot lali eri nuk dha leket neve invalidet qe marin ndihmen ekonomike 33 mij leke kjo eshte nje skandal i madh mos e gezoft vitin e ri persh doktor berisha

Si ka mundesi bashkia mirdit pensioni invalideti nuk merret akoma te lutem di ndonje arsyje
z berisha jemi mbni 500 invalide qe nuk kemi mar kempet ke otp bang ,nuk dim ku te ankohemi ,jemi te semur me ilace dhe pa vit te ri si gjith te tjeret ,por na kan braktisur,ministrja e shendetsis nuk e rrun fare per ne,respekte

Erion Veliaj kallëzohet në SPAK, çfarë pritet të ndodhë…

Aleanca për Mbrojtjen e Teatrit Kombëtar do të kallëzojë sot penalisht kryetarin e Bashkisë së Tiranës, Erion Veliaj.

Përfaqësuesit e saj do ta dorëzojnë padinë për Veliajn pranë Prokurorisë së Posaçme Antikorrupsion, ndërsa e akuzojnë atë për “Shpërdorim detyre”.

Pedagogu i njohur, Ervin Goci, dhe njëkohësisht aktivist i Aleancës për Mbrojtjen e Teatrit Kombëtar në një prononcim për mediat tha se deri më tani nuk është bërë publike asnjë informacion rreth projektit që ka bashkia për shembjen e kësaj godine. Sipas tij SPAK është një stres-test, ndërsa theksoi se do të shihet nëse ky institucion do të reagojë apo jo.

“Nuk kemi transparencë për projektin për teatrin. Nuk kemi asnjë informacion në lidhje me faktin se çfarë do të bëhet për këtë rast. Për ne këta duhet të çohen ne ato mekanizma të cilat shteti shqiptar, që është investuar për sistemin e drejtësisë.

Nuk ka rëndësi se çfarë besimi kemi ne, institucionet duhet të reagojnë, Nëse institucioni vepron, (SPAK) atëherë ka një rreze drite, një shpresë për popullin”, tha Goci.

Kujtojmë se ditën e djeshme përfaqësuesit e Aleancës për Mbrojtjen e Teatrit u mblodhën para bashkisë së Tiranës ku kërkonin transparencë nga institucioni i bashkisë rreth projektit të Teatrit Kombëtar dhe deklaruan se nëse nuk e bënin këtë gjë do ta çonin në Gjykatë.

PD: Atentati ndaj kryebashkiakut për prishje pazaresh droge, ish-shoferi i ka financuar fushatën elektorale

Partia Demokratike ka reaguar pas ngjarjes së rëndëqë ndodhi në Lushnje, ku ish-shoferi i kryebashkiakut të Lushnjes, Gëzim Saraçi i hodhi granatë në zyrë kryetarit Fatos Tushe, duke e lënë të plagosur së bashku me sekretaren.

Deklarata e PD

Ngjarja e rëndë e ndodhur sot në Bashkinë e Lushnjës është pasqyra e vërtetë e drejtimit të vendit nga Edi Rama në çdo nivel, në qeverisjen qendrore dhe atë lokale.

Të gjitha rrethanat tregojnë se goditja e kryebashkiakut të Lushnjës është prishje pazaresh mes tij dhe ish-shoferit, me të cilin ka ndarë bashkë para nga droga, prostitucioni dhe korrupsioni.

Është fakt i njohur në Lushnjë, se ish-shoferi i kryetarit të Bashkisë Lushnjë, një trafikant droge dhe prostitucioni, ka financuar fushatën elektorale të Fatos Tushes. Çdo lushnjar e di se personi që ka kryer sot goditjen kundër kryebashkiakut, ishte njeriu më i besuar i Fatos Tushes dhe që bënte çdo pazar në emër të tij.

Ngjarja e rëndë e ndodhur sot në zyrën e kryebashkiakut të Lushnjës, është tregues i degradimit të shtetit të ndërtuar prej Edi Ramës, si dhe një fakt më shumë se njerëzit me të cilët ai përfaqësohet, ble vota dhe mban pushtetin janë llumi i shoqërisë.

Për Partinë Demokratike ka vetëm një mënyrë për të dalë nga kjo krizë përfaqësimi. Këto janë zgjedhjet e lira dhe të ndershme, parlamentare dhe lokale në të njëjtën ditë, të cilat do të largojnë nga drejtimi i vendit kryeministrin me rekordet më të zeza të lidhjeve me krimin dhe korrupsionit dhe për t’u dhënë qytetarëve një qeveri që punon për mirëqenien dhe sigurinë e tyre.

Kryebashkiaku dhe sekretarja në gjendje të rëndë, nisen drejt Tiranës

Kryebashkiaku i Lushnjës, Fatos Tushe mësohet se është nisur drejt Tiranës për një mjekim më të specializuar, pas trajtimit të parë në spitalin e Lushnjës.

Ai mbeti i plagosur pas një atentati që iu mëngjesin e sotëm brenda zyrës së tij nga ish-shoferi i tij Gëzim Saraçi, i cili është në kërkim nga uniformat blu.

Kryabashkiaku Tushe ka marrë dëmtime në shpatull dhe në këmbë bëjnë me dije burime nga spitali rajonal. Ndërkohë që ai është nisur drejt Tiranës, sekretarja e tij, Erisa Qalliu që ka marrë gjithashtu plagë të rënda nga shpëthimi ndodhet ende nën trajtim mjekësor në Lushnje.

Gjendja shëndetesore e sekretares cilësohet e rëndë, por thuhet se është jashtë rrezikut për jetën.

NJOFTIMI I POLCISE
Sot, rreth orës 09:00, në zyrën e Kryetarit të Bashkisë Lushnjë, dyshohet se është hedhur një granatë dore dhe për pasojë është dëmtuar Kryetari i Bashkisë shtetasi F. T. dhe sekretarja e Bashkisë, shtetasja E. Q., të cilët ndodhen në spitalin e Lushnjës, nën kujdesin e mjekëve.

Nga veprimet e para hetimore dyshohet se autor i kësaj ngjarjeje është ish-shoferi i Kryetarit të Bashkisë, shtetasi G. S., i cili pasi ka hedhur granatën është larguar menjëherë nga ambientet e Bashkisë Lushnjë.

Forca të shumta policie të Komisariatit të Policisë Lushnjë, të DVP Fier, Renea e FNSH e Fierit po krehin zonën, me qëllim kapjen dhe arrestimin e autorit.

Grupi i posaçëm hetimor, me Specialistë nga Departamenti i Policise Kriminale ne Policine e Shtetit dhe DVP Fier, nën drejtimin e Prokurorisë po punon për zbardhjen e plotë të ngjarjes.

“Ekipi fitues 2020” i Xhevdet Amulit!

Nga Qamil Gjyrezi

Partia Demokratike e Shkodrës që nga Dukagjini deri në Velipojë, ka luajtur një rol të madh në organizimin e protestave kundër qeveritare në vitin 2019. Rilindja dhe Edi Rama e kanë diskriminuar Shkodrën në këto 7 vite të një qeverisje të mbrapshtë. PD e Shkodrës ka marrë pjesë në të gjithë këtë “aksion politik” krejt të vecantë opozitar të PD-së dhe liderit Lulzim Basha nga jugu në veri, që do të futet në historinë tonë politike.

Keyetari i PD Shkodër z. Xhevdet Amuli, krahas të qënit një biznesmen i suksesshëm dhe i njohur është edhe dashamirës i futbollit dhe ka luajtur futboll me ekipet e Vllaznisë.

Spunton për shkrimin e mora nga një foto e postuar në F.B. para një ndeshje “kalceto” të ekipit “Arifi” me fanela të verdha, me kapiten Xhevdet Amulin dhe ekipit me fanela Blu e me kapiten ish-deputetin e P.D.-së Bardh Spahija.

Xhevdet Amuli ka ndihmuar gjithashtu shumë edhe ekipin e “Vllaznisë” si bashkë-president i këtij ekipi për të arritur rezultate të mira sportive.

Xhevdet Amuli dhe kirurgu i njohur Bardh Spahija, janë gjithashtu politikanë të sukseshëm. Ish-deputeti Spahija u burgos padrejtësisht nga strukturat policore të Rilindjes dhe nuk u kthye asnjëherë i bindur në fitoren e P.D.-së. kundër qeverisë së kapur nga krimi dhe droga.

Futbolli ka në thelb psikologjinë e fituesit. Kjo psikologji ka ndikuar edhe te “politikbërja” e Amulit dhe e Spahisë.

Të dy politikanët kanë patur një rol të rëndësishëm në vitin 2019 për organizimin e protestave opozitare, me strukturat e P.D.-së nga Dukagjini në Velipojë, kryesinë e P.D.-së Shkodër dhe me të gjithë ish-deputetët e PD-së.

P.D. e Shkodrës ka luajtur një rol të rëndësishëm dhe mori pjesë aktivisht në protestat antiqeveritare kundër Rilindjes dhe Kryeministrit të kapur nga krimi dhe korrupsioni Edi Rama.

Futbolli ka aftësi për të socialilizuar, motivuar dhe bashkëpunuar.

Me këto motive Xhevdet Amuli ka punuar edhe me strukturat dhe antarët e PD-së në Shkodër, duke krijuar një klimë bashkëpunimi me filozofinë e e “ekipit politik fitues”.

Në këtë foto është edhe si portier i ekipit “Arifi”, Kryetari i FRPD-së dega Shkodër Arvit Bushati, i cili ka një rol të rëndësishëm në organizimin e të rinjve opozitarë. Bushati ka qenë shumë aktiv gjatë vitit 2019, për organizimin e të rinjve të PD-së, duke u burgosur disa herë nga strukturat policore të “Rilindjes”.

Në ekipin “Arifi” është portier edhe antari i kryesisë së P.D.-së dega Shkodër juristi Ergys Ivziku, antarët e kryesisë Ardit Qylybyli dhe Arban Lutfia, të cilët kanë bashkëpunuar shumë mirë me strukturat për organizimin e aksionit kundër qeveritar, Rilindjes dhe Edi Ramës.

Në këtë foto janë edhe miq të tjerë, antarë të P.D.-së dhe intelektualë, të cilët do të jenë gjithashtu pjesë e ekipit fitues të PD-së në Shkodër në vitin 2020 në zgjedhjet e parakohshme lokale dhe parlamentare.

Politika është e lidhur me futbollin. Futbolli ka elementë të cilët duhet të ndikojnë edhe tek fitoret politike, ku në themel duhet të jetë psikologjia e fituesit dhe fitoret politike në ekip.

E lidha poltikën me futbollin, mbasi ky “ekip politik”, me strukturat e tjera të PD-së në Shkodër, rininë dhe gratë e P.D.-së do ti sjelli Shkodrës në vitin 2020 fitoren në zgjedhjet lokale dhe parlamentare për të cuar përpara Shkodrën 2400 vjecare në të gjitha fushat e jetës.

Rilindja ka sjellur në Shkodër, varfëri ekstreme, papunësi, ka larguar të rinjtë, ka krijuar një psikozë mosbesimi, ka shkatërruar arësimin dhe shëndetësinë dhe e ka diskriminuar qytetin më të madh në veri të Shqipërisë.

Prandaj para “ekipit fitues” të kryetarit Xhevdet Amuli, ish-deputetëve të Shkodrës, strukturave të P.D-së në të gjithë qytetin, ka një sfidë të madhe ku në themel duhet të jetë Shkodra dhe qytetarët e saj.

Ekipi “politik i bashkuar” i PD-së Shkodrës nga Dukagjini deri në Velipojë do të dalin fitues në 2020, mbi shkatërrimin dhe diskriminimin që ka sjellë Rilindja dhe Edi Rama për Shkodrën!

Kryetari i Bashkisë Lushnje plagoset me granatë në zyrë bashkë me sekretaren

Plagoset kryetari i Bashkisë së Lushnjes, Fatos Tushe. Nga të dhënat paraprake dyshohet për shpërthim brenda zyrës në bashkinë e Lushnjes. Burimet bëjnë të ditur se, pas shpërthimit në bashki janë dëgjuar edhe krisma armësh.

Ngjarja e rëndë ka ndodhur sot në mëngjes në orën 08:00. Sipas burimeve, kryetarit të bashkisë së Lushnjes, Fatos Tushe i vendosën lëndë plasëse në zyrë, që dyshohet se është granatë.

Nga shpërthimi ka mbetur i plagosur kryebashkiaku Fatos Tushe si dhe sekretarja e tij, Erisa Qalliu. Pas ndihmës së parë që kanë marrë në spitalin e Lushnjes, bëhet e ditur se Tushe dhe Qalliu janë nisur drejt Tiranës për mjekim më të sepcializuar, megjithëse raportohet se janë jashtë rrezikut për jetën.

Fatos Tushe ka marrë dëmtime në shpatull dhe në këmbë. Sipas informacioneve të para, policia dyshon se autori është Gëzim Saraçi, ish-shofer i kryebashkiakut Fatos Tushe.

Bëhet e ditur se, ish shoferi e ka pritur kryetarin te shkallët, ku më pas janë ngjitur së bashku dhe janë future në zyrë. Bëhet e ditur se të dy kanë debatuar e më pas autori nga xhepi i xhupit ka nxjerrë lëndën plasëse.

Në këtë moment ka qenë e pranishme edhe sekretarja e tij, Erisa Qalliu, e cila po ashtu është lënduar. Nuk dihet se cili ka qenë mekanizmi i shpërthimit, por nga të dhënat paraprakë mësohet se shpërthimi ka ndodhur në zyrë.

Burimet bëjnë me dije se drejt vendngjarjes është nisur edhe drejtori i Përgjithshëm i Policisë së Shtetit Ardi Veliu dhe Tonin Voci, drejtori i policisë Kriminale.

Ende nuk është lokalizuar autori i sulmit, por policia ka ngritur postblloqe në të gjithë hyrjet dhe daljet e qytetit.

Të dy të plagosurit janë dërguar urgjent në spital ku ndodhen jashtë rrezikut për jetën.Dyshohet se shpërthimi është shkaktuar nga një granatë që i ishte future në xhep kryetarit. Policia dyshon se autori është Gëzim Saraçi, i cili ka patur detyrën e shoferit të kryetarit.

Panore Veliu, Drejtoresha e Spitalit të Lushnjes, nuk ka pranuar fillimisht dhe ka qenë e rezervuar për sa i përket informacionit lidhur me shëndetin e kryebashkiakut të Lushnjes dhe Sekretares së tij.

Ajo që deklaroi Drejtoresha e Spitalit është se drejt Tiranës, janë nisur të dy të plagosurit, kryebashkiaku Fatos Tushe dhe sekretarja Erisa Qalliu.

Në Lushnje tashmë ka mbërritur edhe Drejtori i Përgjithshëm i Policisë dhe Drejtori i policisë kriminale Tonin Vocaj.

Policia doli me deklaratë zyrtare për ngjarjen e rëndë në Lushnje.

NJOFTIMI

Sot, rreth orës 09:00, në zyrën e Kryetarit të Bashkisë Lushnjë, dyshohet se është hedhur një granatë dore dhe për pasojë është dëmtuar Kryetari i Bashkisë shtetasi F. T. dhe sekretarja e Bashkisë, shtetasja E. Q., të cilët ndodhen në spitalin e Lushnjës, nën kujdesin e mjekëve.

Forca të shumta policie të Komisariatit të Policisë Lushnjë, të DVP Fier, Renea e FNSH e Fierit po krehin zonën, me qëllim kapjen dhe arrestimin e autorit.

Grupi i posaçëm hetimor, me Specialistë nga Departamenti i Policise Kriminale ne Policine e Shtetit dhe DVP Fier, nën drejtimin e Prokurorisë po punon për zbardhjen e plotë të ngjarjes.

VOA: 2019, një vit i hidhur për Shqipërinë

2019-a la një shije të hidhur për vendin. Viti nisi me një konflikt në rritje politik që shpërtheu në prostesta shpesh të dhunshme të opozitës, e cila në një akt të paprecedent dogji mandatet parlamentare dhe bojkotoi zgjedhjet vendore, në një përpjekje ekstreme për largimin e kryeministrit Edi Rama.

Vendi nuk arriti të merrte as hapjen e premtuar të bisedimeve për anëtarësim në BE.
Ndërsa në fund të muajit Nëntor, një tërmet i fortë, i dha një goditje shkatërrimtare disa qyteteve duke shkaktuar 51 viktima dhe dëmë kolosale. Tre tërmete të tjerë kishin goditur më parë vendin gjatë vitit.

Tërmeti i 26 Nëntorit
Ora shënon 3.54 e mëngjesit. Të forta për nga intensiteti, me një magnitudë 6.4 dhe të shtrira në më shumë se 40 sekonda, lëkundjet, me epiqendër në Durrës, trondisin si kurrë më parë Shqipërinë në 40 vitet e fundit. Frika dhe paniku mbizotërojnë kudo. Me kalimin e orëve do të mësohet se përmasat janë dramatike.

Në Thumanë, dy pallate janë rrëzuar, në Durrës, tre hotele, dy pallate, ndërsa një vilë tre katëshe në zonën e Kënetës, arrin të qëndrojë në këmbë, e anuar, për disa orë, derisa shembet. Brenda saj një familje e tërë në një grackë vdekjeprurëse.

Ngado është një betejë kundër kohës për të shpëtuar nga rrënojat sa më shumë jetë. Të varfëra në mjete e pajisje, njësitë e ushtrisë dhe zjarrfikëseve shqiptare përpiqen për të pamundurën.

Brenda ditës atyre u vijnë në ndihmë forca të specializuara nga Italia, Rumania, Kosova e në ditët në vazhdim dhe nga vende të tjera. Në spitalet e Tiranës dhe Durrësit dynden të plagosur pa fund.

Të nesërmen shpallet gjendja e Jashtëzakonshme “në perimetrin e dy rajoneve që janë prekur drejtpërdrejtë e ku plagët janë të hapura, Tiranës dhe Durrësit”, shpjegon kryeministri Edi Rama në mbledhjen e qeverisë të nesërmen në mëngjes.

Bilanci i viktimave sa vjen e thellohet. Disa dhjetra persona arrijnë të nxirren të gjallë. Pas katër ditësh, kërkimet ndërpriten. 51 persona humbën jetën. Dita ditës rritet dhe bilanci i dëmeve, ndërsa paslëkundje të tjera, shpesh të forta, mbajnë gjallë frikën dhe panikun. Me mijëra sistemohen nëpër çadra, për të tjerë vihen në dispozicion hotelet. Numri i të prekurve është i lartë.

Solidariteti ndërkombëtar, është mbresëlënës. Përveç ndihmave të para, qeveria kërkon mbështetje me ekspertë, për vlerësimin e godinave. “Eshtë momenti për të intesifikuar kontrollet fizike të banesave”, vë në dukje kryeministri.

Mbi 32 mijë ndërtesa inspektohen deri në ditët e fundit të dhjetorit. Disa mijëra rezultojnë të dëmtuara rëndë. Afro 4 mijë janë personat e strehuar nëpër hotele, mbi 8 mijë në cadra dhe mbi 4 mijë familje kanë përfituar bonus qeraje.
EMBED SHARE
Komisioni europian ofron një mbështeje të parë prej 15 milion eurosh (4 Dhjetor). Në total janë afër 70 milion dollarë ndihmat e grumbulluara. Në buxhetin e 2020 parashikohen afro dhe 130 milion të tjera.

Në Janar, Komisioni europian pritet të organizojë një konferencë donatorësh dhe premton mbështetje për fazën e rindërtimit. “Komisioni europian është tanimë në kontakt me Kombet e Bashkuara dhe Bankën Botërore për përgatitjen e vlerësimit të nevojave”, deklaroi Komisioneri europian për Menaxhimin e Krizave, Janez Lenarçiç, ndërsa vizitoi më 5 Dhjetor, një kamp të ngritur në Vorë për të strehuar familjet e dëmtuara. Deri në ditët e fundit të dhjetorit, nuk ka ende një bilanc të dëmeve.

Qeveria ka në program ndërtimin e disa lagjeve të reja, për strehimin e banorëve të prekur. Opozita e angazhuar që në momentet e para pranë zonave të goditura, me kalimin e javëve flet për një situatë të rënduar. “Gjendja e zonave të dëmtuara nga tërmeti, një muaj më pas është dëshmi e dështimit të qeverisë në menaxhimin e situatës”, deklaron në mënyrë të përsëritur kryetari demokrat Lulzim Basha, pas vizitave në zonat e goditura.

Tërmeti nxjerr në pah shumë probleme, para të cilave përgjatë gjithë këtyre viteve, janë mbyllur sytë; babëzinë me ndërtime pa kriter, abuzimet me lejet, dhe shkeljet pafund të toleruara nga institucionet.

Prokuroritë e Tiranës, Durrësit dhe Krujës nisin hetimet. Shumë shpejt 9 persona arrestohen ndërsa 8 të tjerë shpallen në kërkim. Bëhet fjalë për ndërtuesë, ish zyrtarë e nëpunës të administratës lokale, apo dhe mbikqyrës e kolaudues të punimeve të cilët dyshohet të kenë vepruar në shkelje të ligjeve. Akuzat ndaj tyre janë nga shpërdorimi i detyrës deri te ajo e vrasjes. Nëse hetimeve do t’i shkohet deri në fund, atëherë me gjasë ato do të mund të çojnë larg.

Protestat dhe Bojkoti i Opozitës
Një klimë tejet e nderë që në fillim të vitit, paralajmëron, në sfondin e zgjedhjeve vendore të 30 Qershorit, , furtuna të forta në skenën politike, të cilat do e trazojnë jo pak jetën e vendit, përgjatë gjithë muajve.

“Na pret beteja dhe përballja e madhe për demokracinë dhe shtetin ligjor, duke udhëhequr protestat popullore për rrëzimin e Edi Ramës”, deklaron kryetari demokrat Basha në mbledhjen e Këshillit Kombëtar. Pak ditë më pas opozita njofton organizimin e protestës më 16 shkurt për të kërkuar një qeveri kalimtare që do të organizojë zgjedhje të parakohshme.

Bulevardi përpara kryeministrisë të mbushur me mbështetës të opozitës, do t’i ngjajë shumë shpejt një shesh beteje, për afro 5 orë, gjatë së cilave sulmohet disa herë hyrja e godinës.

Policia do të ndërhyrjë për të shpërndarë protestuesit me gaz lotsjellës.
“Kjo kryengritje qytetarë do të vazhdojë deri në përmbysjen totale të këtij sistemi të kalbur”, thekson zoti Basha në shesh, mes protestuesve. “Edi Rama nuk ka parë gjë akoma”, deklaron nga selia e partisë së saj, kryetarja e LSI-së Monika Kryemadhi.

NJë ditë më pas zoti Basha bën të ditur se ka vendosur “t’i propozoj grupit parlamentar dhe forumeve më të larta vendimmarrëse të partisë, djegien e mandateve parlamentare”. Strukturat e PD por dhe aleatet mbështesin propozimin, përkundër kundërshtimit të komunitetit ndërkombëtar.

Një telefonatë e zëvendës asistentit të Sekretarit amerikan të Shtetit Mattheë Palmer me zotin Basha dhe zonjën Kryemadhi nuk e ndryshoi qëndrimin e opozitës e cila zyrtarizon aktin publikisht më 21 Shkurt.

Në mbrëmje kryeministri Rama deklaron se është i gatshëm të dialogojë me opozitën duke saktësuar megjithatë se çka nuk mund të diskutohet është “ndërprerja e një mandati legjitim qeverisës, përmes një kamikazërie politike në mexhilisin e jetës parlamentare”. Një qëndrim që do të mbetet i palëkundur, ndërsa opozita do të vijojë pandërprerje me protesta që do të shoqërohen me përleshje të dhunshme me forcat e rendit.

Ndërkohë që zgjedhjet vendore po afrojnë, opozita e bën të qartë se nuk ka ndërmend të përfshihet. “Zgjedhje me Edi Ramën nuk do të ketë”, deklaron Basha në përfundim të protestës para parlamentit më 28 Mars. Në të kundërt, po aq i bindur, është dhe kryeministri. “Hyjnë ata në zgjedhje, s’hyjnë ata në zgjedhje, zgjedhjet vendore do të bëhen në afatin e caktuar”, thekson ai përpara deputetëve.

Komuniteti ndërkombëtar deklaron hapur se Qeveria “është legjitime”, e po ashtu dhe parlamenti ku vendet bosh të opozitës po plotësohen nga kandidatët në listat e saj. Në Tiranë (9 Prill) zoti Palmer kërkon që opozita të shohë mundësinë për t’u riangazhuar në proceset politike.

“Mendoj se zgjedhjet e Qershorit janë mundësia më e mirë për ta bërë këtë sa më parë”.
Por opozita do të vijojë me protestat por dhe me bllokime të akseve rrugore duke tentuar të nxisë mosbindjen civile. Me kalimin e javëve, përplasjet vijnë e bëhen dhe më të ashpra, me policë por dhe protestues që përfundojnë të plagosur. Të shumtë ata që më pas arrestohen.

Gjuha e opozitës sa vjen e ashpërsohet. “Do të ketë përballje në çdo qendër votimi, në çdo kuti votimi”, deklaron me tone të larta zoti Basha gjatë një takimi me mbështetësit e partisë së tij në Durrës, më 22 Maj.

Publikimi i përgjimeve të bisedave të kryebashkiakut të Durrësit Vangjush Dako me personazhe të krimit, apo dhe të zyrtarëve socialist në zgjedhjet e Dibrës, shërbejnë si nxitje e mëtejshme për protestat.

Më 8 Qershor ndërsa opozita ishte mbledhur për manifestimin e radhës, presidenti Meta, siç dhe kish paralajmëruar, njofton vendimin për të anulluar 30 qershorin si datë të zgjedhjeve. “Ishte ky bashkim që diktoi anullimin e 30 Qershorit”, pohoi kryetari demokrat në sheshin para godinës së qeverisë ku opozita është mbledhur për protestën e rradhës.

Por për kryeministrin Rama bëhet fjalë për “një akt që politikisht është vetvrasje, ligjërisht është nul”, shprehet ai gjatë një takimi elektoral.

Dy ditë më pas Kreu i Shtetit firmos dekretin dhe shpjegon arsyet: “Anullimi i zgjedhjeve është mjeti I vetëm emergjent për zgjidhjen e krizës së rëndë politike dhe parandalimin e një përshkallëzimi të pakontrolluar të saj”. E menjëhershme përgjigja e shumicës. “Parlamenti i Shqipërisë do të fillojë procedurat për shkarkimin e Ilir Metës”, deklaron Elisa Spiropali, ministre për Marrëdhëniet me parlamentin.

KQZ vendos të mos njohë dekretin e të vijojë me përgatitjen e zgjedhjeve. “Eshtë një akt administrative absolutisht i pavlefshëm”, shprehet gjatë mbledhjes së Komisionit, nënkryetari Denar Biba.

AKti i presidentit Meta nuk i qetëson gjakrat. Në bashkitë e drejtuara prej tyre, demokratët kërkojnë lirimin e mjediseve të zënë për komisionet e zgjedhjeve, të cilat më pas sulmohen, ndërsa materialet zgjedhore shkatërrohen ose digjen.

Më 27 Qershor presidenti Meta dekreton 13 Tetorin si datë të re zgjedhjesh. Por në të njejtën ditë, nga Uashingtoni, për Zërin e Amerikës, Mattheë Palmer deklaron: “Ne presim që zgjedhjet të zhvillohen më 30 Qershor”. Zyrtari amerikan i bën thirrje drejtuesve të opozitës që t’ua bëjnë të qartë përkrahësve të tyre që të mos ketë dhunë, që askush të mos pengojë të drejtën e atyre që dëshirojnë të marrin pjesë në zgjedhje.

Deklarata e tij, e pasuar dhe një linjë e njëjtë dhe e BE-së, duket se shërbeu si balsam në mjedisin e helmatisur të prag- zgjedhjeve. “Ne nuk do të lejojmë që asnjë fije floku i asnjë shqiptari të preket”, thekson zoti Basha më 28 Qershor. Një ditë para zgjedhjeve ai bën thirrje vetëm për bojkotim të tyre. Po ashtu dhe presidenti Meta thekson “rëndësinë e jashtëzakonshme që ka nesër ruajtja e paqes sociale”.

Dita e votimit shkon përgjithësisht e qetë, ku siç dhe pritej pjesmarrja ishte e ulët. Shifra prej 22.97 përqind e dhënë nga KQZ në ditët që do të pasojnë, do shoqërohet me polemika.

Në mbrëmje, kryeministri Rama, i cili siguron kontrollin e të gjithë bashkive të vendit në një garë pa konkurrentë deklaron se “sot fitoi e ardhmja, fitoi shteti, fitoi forca e politikës, fitoi qytetaria”. Por për kryetarin e PD-së Basha “sot shqiptarët braktisën në masë maskaradën e votimit njëpartiak të Edi Ramës”.

Polemikat për 30 qershorin do të vijojnë. Vetëm 24 orë nga dita e votimit, misioni i vëzhguesve ndërkombëtar ishte kritik ndërsa theksoi ndër të tjera se qytetarët nuk patën mundësi për të zgjedhur.

Ndërsa, më 2 Korrik, presidenti Meta flet për “ turp e skandal, as 10 përqind nuk ka marrë. Le të mbushin kutitë tërë ditën”. Ai këmbëngul për 13 Tetorin dhe duket se nuk e ka gëlltitur faktin se komuniteti ndërkombëtar, njëzëri i mëshoi mbajtjes së zgjedhjeve në datën e paracaktuar. “Përfaqësuesit e huaj të mos bëhen qesharak. Se ne jemi vend anëtar i Nato-s, kemi 10 vjet. Të mos tallen me kushtetutën tonë”.

Në muajt që pasojnë shumica do humbasë dy kryebashkiakë, atë të Shkodrës Valdrin Pjetri dhe të Vorës Agim Kajmaku. Falë dokumentave të publikuar nga PD, zbulohet se ata kanë fshehur probleme të së kaluarës së tyre. Nën akuzë dhe kryebashkiaku i Vaut të Dejës, në proces verifikimi nga Prokuroria. Ndërsa ish kryebashkiakut të Durrësit Vangjush Dako e familjes së tij do i ndalohet hyrja në Shtetet e Bashkuara nën dyshimet për përfshirje në akte të rënda korrupsioni.

Meta, Shumica dhe Drejtësia
Konflikti mes shumicës dhe presidentit Meta për zgjedhjet, përbën vetëm një prej episodeve të një marrëdhënie gjithnjë e më të vështirë mes palëve. Ngritja e institucioneve të reja të drejtësisë do të shënojë një tjetër përplasje të fortë. Në sulmet e tij presidenti nuk do të kursejë as komunitetin ndërkombëtar.

Java e parë e Janarit do të jetë një luftë nervash mes kryeministrit Rama dhe presidentit Meta. Nga 8 ministrat e shkarkuar, kreu i Shtetit firmos për 7 prej tyre, (5 Janar) por jo për ministrin e Jashtëm Ditmir Bushati, duke dhënë një sinjal të qartë kundërshtimi për propozimin e të riut nga Kosova Gent Cakaj, në krye të diplomacisë. Dhe në fakt, ndërsa më pas dekreton (9 Janar) të gjithë anëtarët e rinj të kabinetit, lë jashtë emrin e Cakajt.

Një ditë më vonë, ai refuzon zyrtarisht emërimin e tij, duke vënë në dukje mungesën e përvojës, shkeljet ligjore, me mos marrjen e ceritifikatës së sigurisë gjatë detyrës si zëvendësministër, apo dhe komentet televizive rreth debatit për ndryshimin e kufijve të Kosovës, që sipas kreut të shtetit “janë të rrezikshme”.

Kryeministri reagon ashpër duke e ciësuar vendimin e presidentit “të turpshëm dhe antikushtetues”, ndërsa po atë mbrëmje do ta mbrojë publikisht nga “paragjykimet, balta e terrenit politik shqiptar, dhe mllefi i pangushëllueshëm i injorantëve”.

Shkëmbimet e replikave vijojnë me tonte të ashpra mes të dy drejtuesve të lartë të Shtetit, por e vetmja rrugëdalje për kryeministrin mbetet që të marrë përsipër që të jetë vetë në krye të diplomacisë. Ai bën betimin mbrëmjen e 22 Janarit dhe të nesërmen në mëngjes, shkon në ministrinë e Jashtme, jo për të prezantuar veten, por për t’ia deleguar kompetencat zotit Cakaj.

Nisma për Shkarkim
Marrëdhëniet me presidentin Meta mbeten të ndera. Ndonëse gjatë krizës politike ai bëri disa herë thirrje për dialog, ai nuk u pa asnjëherë si një ndërmjetësues I mundshëm nga shumica, me të cilën vijoi shkëmbimi i replikave të hidhura.

Pas vendimit të tij për të anulluar 30 Qershorin për socialistët “Ilir Meta e ka humbur të drejtën për të qëndruar në zyrën e presidentit me pëlqimin tonë”, deklaron zoti Rama në parlament më 13 Qershor.

“Presidenti është zgjedhur nga parlamenti, natyrisht ko nga ky, por nga një parlament plotësisht legjitim”, kundërpërgjigjet zoti Meta.

Socialistët mbledhin firmat dhe nisin procedurat për shkarkimin. Më 8 Korrik parlamenti miraton ngritjen e komisionit hetimor. Presidenti Meta cilësohet si “armiku i hapur i vetë kushtetutës së Shqipërisë”. Por më herët gjatë ditës presidenti Meta përmes një deklarate të gjatë shpjegon se vendimi i tij është marrë në mbështetje të plotë me Kushtetutën dhe se ajo cfarë kishte ndodhur me 30 qershor kish qenë sipas tij “një proces votimesh tërësisht i paligjshëm, antikushtetues”

Ai do të përsërisë shpesh se nuk i druhet asnjë lloj komisioni hetimor, ku paraqitet për të dëshmuar më 9 shtator. Kreu i Shtetit deklaron se vendimi i tij synonte të shmangte zgjedhje me një kandidatë të vetëm e per pasojë ka “mbrojtur të drejtën e zgjedhjes së qytetarëve shqiptarë”.

Çështja ndërkohë i ka kaluar Komisionit të Venecias, ekspertët e së cilit janë në Tiranë. Pas takimit me ta presidenti Meta (11 Shtator) thekson sërish se “nuk ka asnjë shans dhe asnjë mundësi që Ilir Meta të dalë përpara 24 Korrikut 2022 nga ky institucion”.

Draft opinion i Komisionit i 27 Shtatorit, vlerëson se presidenti ka vepruar në tejkalim të kompetencave të veta kushtetuese e në mungesë të një baze ligjore, duke vërejtur se megjithatë, nuk janë kushtet për të vërtetuar një shkelje serioze që do të çonte në shkarkimin e tij.

Zoti Meta do të këmbëngulë se nuk ka asnjë shkelje dhe se ai i ka bërë “një mbrojtje të shkëlqyer Kushtetutës”, ndërsa pak ditë më pas (4 Tetor) në një letër dërguar Komisionit përdor tone të ashpra ndaj vlerësimeve të ekspertët të cilët sipas tij “kanë tejkaluar kompetencat dhe mandatin e tyre”.

Raporti përfundimtar zbut disi qëndrimet, por pa ndryshuar konstatimin se “presidenti ka vepruar përtej kompetencave”.
Pavarësisht vendimit të parlamentit për shkarkimin e presidentit, i shtyrë për në pranverë, fjala e fundit i takon Gjykatës Kushtetuese. Emërimi i anëtarëve të rinj të saj do të bëhet pak javë më vonë, një tjetër mollë sherri mes kreut të Shtetit dhe shumicës

Debati për Kushtetuesen
Më 16 Tetor presidenti dekreton në Gjykatën Kushtetuese Besnik Muçin, ndonëse ky i fundit ishte në pritje të vendimit të Kolegjit të Apelimit. Dhe në fakt 5 javë më pas ai shkarkohet, duke u bërë anëtari më jetëshkurtër i Gjykatës. Më 7 Nentor, një ditë para skadimit të afatit 30 ditor, presidenti Meta njofton se nuk emëron kandidatin për vakancën tjetër që i takon atij, me motivacionin se fillimisht i takon radha parlamentit. Shumica nga ana e saj i mëshon faktit se presidenti e dogji mundësinë e tij dhe se e renditura e parë në listën e vakancave të Kreut të Shtetit, Arta Vorpsi, kalon automatikisht

Më 11 Nëntor parlamenti zgjedh dy anëtare të Gjykatës. Dy ditë më pas Presidenti Meta dekreton Marsida Xhaferllarin. Ai sulmon me një gjuhë të ashpër kreun e Këshillimit të Emërimeve në DRejtësi, Ardian Dvorani, të cilin do ta kallëzojë dhe penalisht, duke e akuzuar, për mënyrën si si veproi me listat e kandidatëve e se ka tentuar të detyrojë presidentin të veprojë në shkelje të Kushtetutës “me lojëra të tilla të turpshme që as ca fëmijë rrugaçë nuk i bëjnë”

Të nesërmen (14 Nëntor) zonja Vorpsi, noterizon formulën e betimit dhe e dërgon me postë në presidencë, ku në mbrëmje ajo nuk do të jetë në ceremoninë e betimit të anëtarëve të rinj.

Një ditë më pas parlamenti do të miratojë një tjetër rezolutë ku nuk njeh dekretin e presidentit për Xhaferllarin. Por po atë ditë Gjykata Kushtetuese përfshin në listën e anëtarëve të vet, Xhaferllarin e jo Vorpsin.

Më 19 Nëntor Presidenti Meta në një takim me drejtuesit e opozitës flet për një përpjekje “të mirëstrukturuar, sipas pikëpamjes sime, kriminale, shqiptaro-ndërkombëtare, për kapjen e Gjykatës Kushtetuese dhe dorëzimin e saj Edi Ramës”.

Një ditë më pas ai ka një telefonatë me të dërguarin special të Shteteve të Bashkuara për Balkanin Mattheë Palmer, ndërsa të nesërmen vijoi me sulment ndaj komunitetit nërkombëtar, pas deklaratës së ambasadës amerikane që debati për emërimet në Kushtetuese t’i kalojë Venecias. “No more rule of embassy! Rule of Laë! (Jo më Shtet i ambasadave. Por Shtet ligjor).
Pak javë më pas (20 Dhjetor) Komisioni hetimor për presidentin vendos që t’i drejtohet Komisionit të Venecias.

Institucionet e reja të Drejtësisë
Gjykata Kushtetuese nuk arrin të bëhet funksionale, e të kapë kuorumin prej të paktën 6 anëtarësh, që I lejon të shqyrtojë çështje në seancë.

Gjykata e Lartë vijon po ashtu të jetë e bllokuar, me vetëm një anëtar. Përparim shënohet vetëm me ngritjen e disa institucioneve të reja.

Që në fillim të vitit Këshilli i Lartë i Prokurorisë hapi garën për Prokurorinë e posaçme antikorrupsion, SPAK, (7 Janar) e më pas për Prokurorin e ri të përgjithshëm. Të dyja proceset do të mbyllen në fund të vitit.
Me 27 kandidatë të përfshirë në garë, SPAK arrin të formohet më 25 Nëntor, por do të nisë nga funksionimi pak javë më vonë pasi anëtarët e saj bëjnë betimin (19 Dhejtor). Po atë ditë, do të emërohet drejtuesi i ri, Arben Kraja, i përzgjedhur përmes një procesi konkurrimi.

Në një garë me drejtuesen aktuale Arta Marku dhe prokuroren e Apelit Fatjona Memçaj, Olsian Çela nga Krimet e rënda, renditet i pari në listë. Zgjedhja e parlamentit do të jetë për të. (5 Dhjetor)

Gjatë gjithë vitit procesi i rivlerësimit, kaloi në sitë me dhjetra gjyqtar e prokurorë, duke nxjerrë jashtë sistemit shumë prej tyre, drejtuesë të niveleve të ndryshme, përfshirë dhe kreun e Gjykatës së Lartë Xhezair Zaganjori. Në total, që nga nisja e tij, Vettingu ka rrëzar 83 gjykatës e prokurorë, ndërsa 42 të tjerëjanë tërheuqr ose kanë dalë në pension. Vetëm 94 prej tyre kanë arritur t’ia dalin

Integrimi
Shqipëria humbet edhe një vit tjetër, pa mundur të bëjë një hap të ri përpara në procesin e integrimit europian. Konflikti i brendshëm, më i skajshëm se kurdoherë më parë, është një pengesë e shtuar përgjatë një rrugëtimi ku dhe zhvillimet në vetë gjirin e BE-së, përfshirë skepticizmin e disa prej vendeve anëtare, nuk ishin në favor.

Konferenca e organizuar në Berlin në 29 Prill, me pjesmarrjen e presidentit francez Emmanuel Macron, I dedikohet Ballkanit, por duke lënë në hije Zgjerimin, një temë jo aq e preferuar në një moment kur vendet anëtare janë nën ethet e zgjedhjeve europiane.

Në fund të Majit, Shqipëria merr vlerësimin pozitiv të Komisionit. “Komisioni i rekomandon Këshillit, hapjen e bisedimeve të anëtarësimit tani, me të dyja vendet, Shqipërinë e Maqedoninë e Veriut”, bën të ditur KOmisioneri për Zgjerimin Johannes Hahn.
Por në 18 Qershor, Ministrat e Jashtëm nuk do të dalin me një vendim, duke e shtyrë atë “sa më shpejt që të jetë e mundur dhe jo më vonë se Tetori 2019”

Shtyrja në kohë nuk sjell ndonjë avantazh. Hollanda gjendet në frontin kundër, me parlamentin e shprehur me votë për çështjen. Përpjekjet e Shqipërisë fokusohen te Gjermania. Në parlamentin e saj skepticizmi ndaj Shqipërisë është i dukshëm, përkundër Qeverisë Federale. Në 24 Shtator grupi më i madh parlamentar i CDU/CSU-së miraton një rezolutë me 9 kushte, plotësimi i të cilave është i ndarë në kohë. Teksti miratohet pak ditë më pas nga Bundestagu. Kryeministri Rama flet për një lajm të mirë. Ndërsa për kryetarin demokrat kushtet janë dëshmi e dështimit të Qeverisë.

Franca ndërkohë nuk është shprehur drejtprdrejtë, ndonëse presidenti francez ka dhënë sinjale të qarta, se shqetësimi i tij kryesor janë problemet në vetë gjirin e BE-së. “Vizionin e kësaj reforme, për ndryshimin rrënjësor të BE-së, që ka presidenti i Francës, nuk e ndikon as Gjykata Kushtetuese në Shqipëri, as Refroma zgjedhore. Nuk ka lidhje”, shprehet krye ministri Rama më 2 Tetor.

Por pak ditë më pas, mësohet dhe qëndrimi i Francës, e cila kërkon një rishikim të procesit të zgjerimit. Ministrat e Jashtëm dështojnë të arrjnë në një marrëveshje, duke ja kaluar vendimmarrjen krerëve të shteteve të tyre. “Fjala e fundit nuk është thënë ende”, tha kryeministri Rama në një videomesazh dy ditë para mbledhjes, ndërsa shpresat janë te një përpjekje e fundit e kancerlares Merkel gjatë takimit të saj me presidentin Macron në Tuluz të Francës. Por ky i fundit nuk tërhiqet. Përpjekjet do të vijojnë dhe në Bruksel deri në orët e para të mëngjesit të 18 Tetorit. Por sërish pa rezultat

Pas përfundimit të Këshillit presidenti francez, i cili praktikisht vuri veton, do të shprehet se njeh përparimin e bërë nga të dy vendet, “por se ka ende disa gjëra që duhen zgjidhur”. Kancelarja gjermane do të deklarojë se ndjehet e keqardhur që nuk pati unanimitet, duke theksuar se “Gjermania beson se objektivat e vëna nga Komisioni europian janë arritur”.

Për presidentin e Këshillit europian Donald Tusk “të dy vendet kanë të drejtën të nisin bisedimet për anëtarësim që sot. Ato janë gati. Për fat të keq disa vende anëtare nuk janë ende gati”. Ndërsa për kryeministrin italian Giuseppe Conte, mos hapja e bisedimeve me Tiranën dhe Shkupin “është një gabim historik”.

Në Tiranë, interpretimet janë të ndryshme. “Kjo që ka ndodhur është rezultat i mosarritjes së konsensusit mes vendeve anëtare për arsyet e tyre”, vlerëson kryeministri. “Vendi jo vetëm që nuk po qeveriset, por po sundohet, shumë larg standarteve minimale”, deklaron kreu i opozitës.

Vendet anëtare vendosën t’i rikthehen kësaj çështjeje pranverën e ardhshme, përpara samitit të Zagrebit, kushtuar Ballkanit, ndërkohë që Komisioni do të duhet të rishikojë mekanizmat e negociatave, sipas një ideje paraprake që Franca avancon disa javë më vonë.

“VOA”

Librazhdi, një panoramë e zymtë në prag të Vitit të Ri, Vreto: Taulantët kaperdisen në zyra të kondicionuara

Rrethi i Librazhdit në 80% të territorit të tij është në varfëri të plotë. Rrugët janë të shkatërruara, shërbimi shëndetësor i zonave dhe në qytet pothuaj inegzistent, zahiretë e dimrit për familjet në tërësi por të varfërit në veçanti pothuajse janë minimale (familja më e pasur ka 10-dit ushqim, e varfëra 1 apo 2 ditë), uji i pishëm ne qytet ka probleme dhe shkon me shume vështirësi ne zonat ku eshte shtrire rrjeti ujesjellesit…

Probleme të mëdha ka dhe për bagëtite e trasha dhe të imta pasi baza ushqimore nuk është e mjaftueshme sepse parcela të tëra ishin të monitoruara nga njerëzit e mafies dhe dyshohet per mbjellje hashashi, ky dyshim i arsyeshem u perforcua pasi gjykata me propozim te prokurorise ka pezulluar gjithe strukturen drejtuese te policisë Librazhd, madje edhe shefin e komisariatit (sigurimsin) B.H.

Ne sot bashke me nenkryetarin e PDSH-se z. Edmond Spaho, u drejtuam ne disa biznese dhe konkluzioni eshte qe tregu ka mbetur pa bleres dhe shume shpejt dhe pa tregetar. Qepena te ulur, tregetar te pezmatuar dhe drobitur nga pamundesia per te perballuar kete situate te rende dhe pa shprese per te ardhmen, madje shume prej tyrte ishin ne dileme te rrime apo te ikim, sepse nuk shikojme asnje drite jeshile per te ardhmen e femijeve.

Mafiozet me votat e blera dhe te vjedhura qe sot administrojne pushtet, jane te pa turp, manipulatore te opinionit publik duke e bere te zezen te bardhe. Keta sharlatane, tolloviten duke konsumuar dreka e darka me punonjestit e administrates apo ndonje fasoneri dhe pjesen tjeter te popullates e lene ne meshire te fatit pa asnje sherbim.

Bashkeqytetare, pamjet tregojne vete si eshte gjendja ne Librazhd, ju po e jetoni vete skamjen dhe varferine dhe nga kjo situate po ju largon cdo dite nga vendi, per mos u kthyer kurre. Taulantet, kaperdisen ne zyra te kondicionuara, ne makina perrallore, me puro apo hashash, me euro apo dollare dhe sduan te dine per jeten tuaj qe nxihet cdo dite e me shume.

Të nderuar miq, mbase nuk është momenti që në prag të ndërrimit të viteve të shkruash për situatën e zezë, qe te mendosh eshte viti ri apo viti zi, te kujtosh qe gjyshërit, prindërit por dhe shumë prej nesh pritën dhe vuajtën 50-vjet, në vitin 1945-1947 filloj rrëmbimi i lirisë, 1947-1967 u rrëmbye prona e tundëshme dhe e patundëshme, 1967-1968 u rrëmbye feja dhe u ndalua predikimi saj, 1945-1990 u pushkatuan, dënuan, iternuan, dëbuan me qindra individë dhe familje ( e çdo kujt i vinte radha për groposje se gropa ishte hapur ). Kjo kohë nuk është e largët dhe është tmerr të përsëritet, mendja na shkon dhe mendojme se duke ushqyer krokodilin ai nuk do na hajë, mbase më vonë “por do na hajë.
Koha nuk pret…

Bujar VRETO
Kryetar i PD Librazhd