Pas hetimeve të nisura për tërmetin e 26 nëntorit, Prokuroria e Tiranës ka firmsour 41 urdhër ndalime për abuzime me ndërtimet e dëmtuara në disa zona të Tiranës. Policia ka ekzekutuar 31 urdhër-ndalime, ndërsa 10 persona janë shpallur në kërkim. Burime i thanë “ABC Neës” se 6 prej tyre rezultojnë të kenë dalë jashtë vendit.

Drejtuesja e Prokurorisë së Tiranës, Eliabeta Imeraj, deklaroi se hetimet do të vijojnë edhe në ndërtesat brenda Tiranës që janë konstatuar të pabanueshme.

“Kemi arritur të evidentojmë disa ndërtesa dhe banesa që janë shpallur të pabanueshme. Duke marrë në kosnideratë elementët teknikë të nevojshëm për tu hetuar, në rastin konkret është arritur në konkluzionin që pas ekpsertimeve përkatëse janë identifikuar autorët”, sqaroi Elisabeta Imeraj.

Prokurori që ka drejtuar hetimin për tërmetin, Erjon Imeri thotë se janë gjetur një sërë shkeljesh nga ana e ndërtuesve dhe zbatuesve të projekteve ndërtuese. Në disa raste është konstatuar edhe mungesa e lejes së ndërtimit nga njësia administrative.

“Funksionarë të ish komunave kanë miratuar leje ndërtimi në kundërshtim me ligjin dhe në mungesë të theksuar dokumentacioni teknik dhe ligjor. Në disa dosje mungojnë oponenca teknike”, tha Erjon Imeraj.
Grupi hetimor ka vendosur nën akuzë, edhe ata persona të cilët kanë ndërtuar në mënyrë të paligjshme, që kanë kryer shtesa, të cilat dyshohet që kanë sjellë dobësimin e strukturës mbajtëse të objekteve.

Ndërkohë hetimet vijonë edhe për të tjera objekte të cilat janë shpallur të pa banueshme në të gjithë Tiranën. Në kryeqytet janë 25 institucione, 134 pallate dhe rreth 200 objekte të dëmtuara, të cilat janë objekt hetimit. Prokuroria po kryhen hetime edhe në zonën e njësisë administrative Dajt, bashkinë Kamëz e në të gjitha njësitë bashkiake ku ka pasur objekte të dëmtuara.

Drejtuesja e Prokurorisë së Tiranës u shpreh e rezervuar për të dhënë detaje të tjera lidhur me hetimet e tërmetit.

I pranishëm në konferencën e Prokurorisë së Tiranës, ishte i pranishëm edhe drejtori i Policisë së Tiranës, Rebani Jaupi. Të ndaluarit nën akuzën e “shpërdorimit të detyrës”, falsifikimit të dokumenteve dhe ndërtimit të paligjshëm do të dalin të enjten me gjykatën për caktim të masës së sigurisë./abcnews.al

Ngritja e Këshillit Politik, që do të punojë për Reformën Zgjedhore, është pritur nga një valë reagimesh në media. Pavarësisht qëndrimeve, analistët bien dakord për dy gjëra. E para, që opozita ia doli të delegjitimojë Kuvendin dhe institucionet e tjera. E dyta, që vendi po i afrohet më shumë zgjedhjeve të parakohshme.

Analisti Agron Gjekmarkaj, në një shkrim për Panoramën, thekson se ata që e sulmojnë kreun e opozitës, Lulzim Basha, janë paterica të Edi Ramës.

Sipas tij, marrëveshja e 17 majit nuk ka lidhje me uljen në bisedime të Këshillit Politik.
Duke iu referuar rezolutës së Bundestagut gjerman dhe kushteve të vendosur, Gjekmarkaj shkruan:

“Një nga këto pika është Reforma Zgjedhore si hap i parë për një proces më të mirë zgjedhjesh dhe rregullat e lojës në çdo vend shkruhen bashkë me kundërshtarin. Ndaj, fotografia e kuartetit bashkë me lajmin që e shoqëroi nuk është kataklizmi.

Në këtë pikë, sulmet që i bëhen Lulzim Bashës nga ata që u bënë patericat e Edi Ramës në votimet e 30 qershorit, janë thjesht një përpjekje për të fshehur bashkëpunimin e tyre me Kryeministrin tamahqar në përdorim renegatësh.

Marrëveshja e majit 2017 dhe ulja në bisedime për këtë reformë nuk kanë asnjë lidhje të dukshme. Opozita ka detyrimin etik të ketë një tezë dhe një qëndrim të vetin për sistemin zgjedhor, ta mbrojë dhe ta shpjegojë atë mes debatit për lista të mbyllura e të hapura”.

“Ndërkohë, Basha, ndonëse me çmimin e lartë të sakrificës, ia doli të delegjitimojë institucionet dhe ta kalojë vendimmarrjen në tryezën jashtë Parlamentit. Opozita tregoi forcën e saj, duke iu imponuar maxhorances për të arritur një pjesë të qëllimeve të saj përmes Reformës Zgjedhore!

Përfundimi i Reformës Zgjedhore, më 15 mars, i hap rrugë teorikisht zgjedhjeve më me standarde e mundësisë që ato të jenë të parakohshme, mundësi që do të nxiten apo stopohen edhe nga Juri Kim, ambasadorja e re e SHBA-ve në vendin tonë.

Nga ana tjetër, pamja e qeshur e Damian Gjiknurit, mecenat të “çunave problematikë të Dibrës”, “hero” epik i dosjes së këtij qyteti, nuk është një ogur i mirë. Ndoshta, opozita do duhej ta tërhiqte pak më shumë litarin para se të ulej krah tij”.

Ngjarjet e shumta kriminale kohët e fundit në Lushnje kanë shkaktuar furtunë në komisariatin e këtij qyteti.

Është shkarkuar shefi i komisariatit të Policisë, Elton Pepa dhe në vend të tij ka ardhur Ardian Metani, i cili ka mbajtur shefin e Krimeve të Rënda në Vlorë.

Për të forcuar strukturën e këtij komisariati është emëruar shef krimesh Klodian Jashari si edhe shef rendi Julian Çela. Elton Pepa është emëruar specialist pranë ZQK Interpol Tirana.

Gjatë vitit të fundit në Lushnje kanë ndodhur një mori vrasjesh mafioze duke rikthyer frikën e ngjarjeve të vitit 1997 në qytet.

Në tetor të vitit të shkuar u ekzekutua në lokalin e tij Besmir Hida, 35 vjeç. Hida ishte daja i Zamir Latifit të vrarë në tetor të vitit 2017 bashkë me Jurgen Hoxhën.

Po ashtu, në 14 dhjetor u ekzekutua sërish në lokalin e tij Enver Boriçi, vëllai i Arben Boriçit i dënuar me burgim të përjetshëm si pjestar i bandës së Lushnjes. Enver Boriçi gjithashtu ka qenë pjesë e bandës së Lushnjes.

Për të dyja këto vrasje nuk ka asnjë të arrestuar apo shpallur në kërkim, gjë e cila duket se ka çuar në marrjen e masave për komisariatin e Lushnjes.