Kryetari i opozitës, Basha deklaroi sot gajtë protestës së banorëve të Unazës së Re se Europa sot flet gjuhën e qytetarëve të bashkuar. Basha deklaroi se nuk do të ketë Shqipëri europiane pa daljen para drejtësisë së Ramës.

“Europa e do Shqipërinë. Europa i do shqiptarët. Dështimi i sotëm nuk është dështimi i asnjë shqiptari të ndershëm, nuk është dështimi i Shqipërisë. Është dështimi i një njeriu që ka marrë peng Shqipërinë.

Ky dështim mban vulën dhe firmën e të njëjtit njeriu që firmosi dhe vulosi aferrën korruptive tek Unaza e Re, që firmosi dhe vulosi vjedhjen e zgjedhjeve. Pa u hetuar dhe pa u çuar para drejtësisë Edi Rama dhe gjithsecili prej bashkëpunëtorëve të tij nuk ka dhe nuk mund të ketë Shqipëri europiane.

Këtë e kemi thënë prej fillimit ne demokratët, ne opozitarët, këtë sot e ka thënë me një gjuhë të qartë edhe Brukseli. Europa ka treguar se sa e drejtë dhe legjitime është kauza me të cilën nisi beteja e opozitës, beteja e Partisë Demokratike dhe aleatëve tanë.

Kjo nuk është një betejë për pushtet. Kjo nuk është nëj betejë për veten tonë. Nuk është betejë për karrige. Kjo është betejë për t’i dhënë fund një herë e mirë jo vetëm këtij regjimi hajdutësh, kriminelësh, pa drejtësi, pa gjykata, një regjimi i cili ka asgjësuar bazën e bashkëjetesës demokratike, votën e lirë.

Beteja jonë është që një herë e mirë t’i japim fund këtij tranzicioni të tmerrshëm, plot me vuajtje dhe dhimbje dhe padrejtësi dhe të hapim për të gjithë shqiptarët, pa dallim bindje politike, një kapitull ku politikanët të mbahen përgjegjës para ligjit njësoj si çdo qytetar i thjeshtë dhe sa herë që ta shkelin ligjin, të marrin dënimin e merituar nga një drejtësi e pavarur.

Për një Shqipëri kur kurrë më të mos cënohet vota, vjedhja e votës, blerja e votës, shkatërrimi i zgjedhjeve me krimin e organizuar, kapja dhe blerja e medias, mbyllja e zërit të gazetarit të lirë; janë tipare të një vendi autokrat dhe kriminal. Ato nuk janë tipare të një Shqipërie europiane ashtu siç e duam dhe luftojmë të gjithë sëbashku.

Por miqtë e mi, koha kur Shqipëria po ecën indietro po merr fund. Koha kur Shqipëria sundohet nga paligjshmëria do të marr fund shumë shpejt. Gjashtë muaj më parë kur e nisëm këtë betejë, shumëkush nuk besoi, na talli dhe na përqeshi.

Sot Europa flet me gjuhën e qytetarëve të bashkuar që duan ndryshim, duan transformim të thellë politik dhe ekonomik që besojnë tek Shqipëria, që besojnë tek demokracia, që besojnë tek liria, që besojnë tek familja, besojnë tek atdheu, besojnë tek Europa. Zoti ju bekoftë ju shqiptarë të lirë dhe të ndershëm! Zoti e bekoftë Shqipërinë! Fitore”tha Basha.

Revolta e banorëve të Unazës së Re ëhstë një leksion demokarcia sepse ata po mbrojnë një të drejtë të shenjtë siç është e drejta e pronës në nnjë kohë që pushteti kërkon ti grabisë këto prona për t’ua dhuruar klientëve të vet dhe për të ndërtuar mbi këto shtëpi kulla.

Qytetaret nuk terhiqen perballe nje adresioni dhe terrori te shtetit policor.

Banorët kërkojnë të drejtën e tyre që të mos devijohet plani dhe të dëmshpërblehen me vlerën e tregut.

Protesta e Astirit është shoqëruar me tensione dhe përplasje mes protestuesve dhe forcave të Policisë ku duhet theksuar se ishin të shumta në numër, ndërkohë që grupe rezervë qëndronin në distancë për të mos lejuar bllokimin e rrugës.

Ndërkohë kjo ka zgjatur për pak kohë pasi numri i protestuesve u shtua dhe qëndrimi i të gjithë në trotuar ishte i pamundur. Ka qenë vetë kryedemokrati Lulzim Basha ai që ka dalë i pari në rrugë, dhe pas tij janë bashkuar edhe protestuesit, ndërsa është gjetur mirëkuptimi i drejtuesve të mjeteve.

Të pranishëm mbrëmjen e sotme në protestë kanë qenë edhe ish-deputeti Klevis Balliu, sekretari për çështjet ligjore në PD, Çlirim Gjata, ish-deputeti Endrit Braimllari si dhe shumë zyrtarë e aktivistë të tjerë të njohur.

Kreu i Partisë demokratike, Lulzim Basha i është bashkuar protestës së banorëve të Unazës së Re ku hodhi akuza të forta ndja kryeministrit Edi Rama si tregoi se kur do të ishte gati vendi për t’u anëtarësuar në Bashkimin Europian.

Basha tha se nuk mund të shkuohet në BE kur Shqipëria drejtohet nga krimi dhe kriminelët, si dhe theksoi se banorët që mbrojnë shtëpitë e tyre mbahen në burg ndërsa hajdutët janë të lirë.

“100 milionë euro është çmimi i aferës pas së cilës fshihet dhuna, krimi i organizuar dhe korrupsioni. Janë vendosur këtu nga anti-ligji për t’i shërbyer një hajduti dhe të sëmuri kronik si Edi Ramës.

Arrestuan tre baballarë që mbronin fëmijët e tyre dhe shtëpitë e tyre. Përmes parave të drogës dhe krimit shkeli ligjet amerikane.

Një person është dënuar me burg, por për Edi Ramën nuk ka drejtësi që e heton. I lirë është edhe Saimir Tahiri që e gjithë bota e din se e ktheu shtetin në një hambar të drogës. I lirë është Damian Gjiknuri që u kap duke manipuluar votat.

Në një vend ku kriminelët dhe hajdutët janë të lirë, dhe baballarët që mbrojnë shtëpitë e tyre janë burgjeve. Ky vend nuk e meriton Europën. Dhe ndaj ju bëj thirrje ndërkombëtarëve që një vend ku drejtohet nga krimi nuk mund të integrohet pa plotësuar kriteret.

Nuk shkohet në Europë me Edi Ramën. Shqipëria si Europa do të thotë hajdutët në burg, do të thotë dëmshpërblimi i pronave, do të thotë mirëqënie, punësim dhe siguri për gjithë shqiptarët dhe jo për një grup kriminelësh dhe hajdutësh”, tha Basha.

Kryetari i opozitës, Basha i është bashkuar protestës së banorëve të Unazës së Re sëbashku me një grup ish-deputetësh.

Gjatë fjalës së tij, kryeopozitari u shpreh se, në një vend ku arrestohen qytetarët dhe kriminelët të veshur me pushtet janë të lirë, nuk e ka vendin në

“Qindra vogëlushë janë nën terror psikologjik. Shikoni këta qindra policë reth nesh. Janë në kushte të vështira, por në vend që ti shërbejnë ligjit, po i shërbejnë një hajduti psiqik. Drejtësia e kapur dhe e korruptuar nuk ka filluar hetimet për Edi Ramën, që përmes parave të drogës shkeli ligjet amerikane.

Të lirë Damian Gjiknuri e Taulant Balla, i lirë Saimir Tahiri që e kthehu Shqipërinë në hambar droge. Në një vend ku kriminelët janë të lirë dhe baballarët që mbrojnë banesat e fëmijëve të tyre, nuk e ka vendin në Europë.

Luftojmë për fëmijët tuaj, për shenjtërinë e pronës, për kushtetutë e ligj”, u shpreh Basha.
Sipas tij, Shqipëria si Europa do të thotë hajdutët në burg.

Në vendngjarje ka shumë forca policie, ashtu sikundër ka pasur prezentë të shtuar policore në këtë zonë gjatë protestave të fundit.

Kujtojmë se policia ka arrestuar disa protestues, ndërsa disa prej tyre po mbahen në burg, nën akuzat se kanë bllokuar rrugën.