21.5 C
Tirana
E hënë, 5 Maj, 2025
type here...

5 substancat që krijojnë më shumë varësi

Të rendurit drogat në bazë të asaj se sa shumë varësi krijojnë është detyrë e vështirë sepse të gjithë njerëzit reagojnë ndryshe ndaj substancave.

Sidoqoftë, një grup i ekspertëve – duke përfshirë specialistët nga Royal College of Psychiatrists, e gjithashtu kimistë, shkencëtarë të forenzikës dhe farmaceutikë – së fundmi ka përpiluar një listë me pesë drogat më varëse. Renditja e tyre është e publikuar në revistën The Lancet, ndërsa rezultatet mund t’ju befasojnë.

Heroina
Truri e konverton heroinën në morfinë, e cila lidhet me molekulat në qeliza të cilat ndikojnë në atë se si e perceptojmë ne dhimbjen dhe shpërblimin – duke prodhuar ndjesi të mëdha të euforisë. Megjithatë, mbidoza e heroinës mund t’ju vret sepse e ngadalëson dhe mund ta ndalë frymëmarrjen.
Renditja: 3/3

Kokaina
Brenda pak sekondave kokaina e mbush trurin me kimikalin të cilin na bën të ndjehemi mirë – dopaminën. Ndjesia e kënaqësisë është aq e fuqishme saqë disa kafshë laboratorike e kanë zgjedhur kokainën para ushqimit derisa kanë vdekur nga uria.

Siç duket, kokaina në mënyrë akute ndikon në qendrat kryesore të kujtesës së trurit, gjë që shpjegon se përse krijon aq shumë varshmëri.
Renditja: 2.4/3

Nikotina
Nikotina është përbërësi kryesor i duhanit dhe mblidhet në mushkëri para se të shpërndahet në tru. Për shkak se efektet e veta hiqen shumë shpejt – duke përfshirë ndjesitë e kënaqësisë – shkencëtarët besojnë se duhanpirësit janë më të prirë për ta ripërsëritur procesin (pra të konsumojnë prapë).
Renditja: 2.2/3

Barbituratet
Barbituratet, të cilat ende përshkruhen nga doktorët përkohësisht për problemet si shqetësimi apo pagjumësia, i bllokojnë disa nga shenjat kimikale të trurit, gjë që në mënyrë efektive i ndalë disa regjione të trurit. Në doza të vogla, këto ilaçe mund të shkaktojë ndjenja të euforisë, por dozat e mëdha mund të shkaktojnë probleme me frymëmarrje dhe t’ju vrasin.
Renditja: 2/3

Alkooli
Alkooli ndikon në zonat e trurit të quajtura “ngacmues”, gjë që na ngadalëson mendimin, frymëmarrjen dhe ritmin e zemrës. Njëkohësisht shkakton edhe ndjesi të kënaqësisë.
Renditja: 1.9/3

Ilaçi natyral 800-vjeçar që trajton shumë sëmundje të zemrës

Për të gjithë ata që duan t’i trajtojnë apo parandalojnë sëmundjet e zemrës, ekspertët e mjekësisë alternative e rekomandojnë një ilaç natyral i cili është i vjetër 800 vjet.

Ilaçi është shumë i lehtë për t’u përgatitur në shtëpi dhe ka rezultate të mahnitshme.
Receta origjinale i përket Opatika Hildegard von Bingen që kishte jetuar në shekullin e 13-të dhe ka vdekur në moshën 81 vjeçare.

Më vonë, receta e saj për sëmundje të zemrës ishte përdorur nga shumë doktorë të famshëm të cilët ua kishin rekomanduar pacientëve. Ky ilaç përdoret për trajtimin e aritmisë, dridhjeve, etj.

Gjithashtu është zgjidhje natyrale e përsosur edhe për mbrojtjen e enëve të gjakut.
Më së shumti rekomandohet për ata që duan t’i parandalojnë sëmundjet e zemrës.

Përbërësit:
– 10 tufa majdanoz të freskët (pa rrënjë)
– 1 litër verë e bardhë ose e zezë
– 2 lugë gjelle uthull vere
– 300 gramë mjaltë organike

Përgatitje:
Tufat e majdanozit i vendosni në 1 litër verë dhe pastaj ia shtoni 2 lugë gjelle uthull të pastër vere. I vloni për 10 minuta dhe pastaj i shtoni 300 gramë mjaltë, duke e lënë të vlohet në temperaturë të ulët edhe për 4 minuta tjerë. Produktin e fituar e vendosni në një shishe dhe e konsumoni nga një lugë gjelle në ditë.

Kujdes! Vitaminat mund të rrisin rrezikun e kancerit në mushkëri

Meshkujt, dhe veçanërisht meshkujt duhanpirës, duket se janë më të prirë të diagnostikohen me kancer të mushkërive nëse konsumojnë doza të mëdha të vitaminës B6 dhe B12.

Sipas hulumtimeve, meshkujt të cilët merrnin këto suplemente të vitaminave kishin pasur një rrezik thuajse dyfish më të lartë të zhvillimit të kancerit në mushkëri. Ndërsa për meshkujt duhanpirës, rreziku kishte qenë deri në katërfish më i lartë.

“Dozat e larta të suplementeve me vitamina B6 dhe B12 nuk duhet të merren për parandalimin e kancerit në mushkëri, e veçanërisht te meshkujt, sepse mund të shkaktojnë dëme”, ka treguar autori i këtij studimi Theodore Brasky.

Sidoqoftë, studimi nuk ka qenë i dizajnuar të dëshmojë shkaktarin dhe efektin mes vitaminave dhe kancerit të mushkërive, por ka treguar vetëm një ndërlidhje mes tyre.

Rama në Korçë, futet fshehurazi në fshatin ku u shembën shtëpitë nga tërmeti, nuk pranon të takohet me banorët e dëmtuar

Keyeministri Rama ishtë në Floq të Korçës, nuk takon banorët që ende qëndrojnë të strehuar në shkollën e fshatit.

Rama është ndalur pak momente te banesat që po rikonstruktohen, por nuk janë lejuar mediat. Ai siç duket ka menduar ndonjë reagim nga banorët që janë në pike te hallit dhe ke evituar edhe mediat.

Rama është larguar nga Floqi pa asnjë deklaratë për mediat.

Fshati Floq disa muaj me pare u prek nga lekundjet e termetit. Një numër i madh banesash u dëmtuan nga termeti.

Prej me shumë se dy muajsh banorët e Floqit qëndrojnë të strehuar në shkollën e fshatit.

Ka nisur rikonstruksioni i një numër të vogël banesash nga qeveria.

Ndërkohë banorët jetojnë në kushte tejet të vështira në shkollën e fshatit, mes temperaturave të larta.

Itali: Conte pranon mandat të ri për formimin e qeverisë

ROME, ITALY - AUGUST 02: Italian Premier Giuseppe Conte holds a meeting with journalists during the meeting with The President of the European Commission Ursula von der Leyen at Palazzo Chigi, on August 2, 2019 in Rome, Italy. (Photo by Simona Granati - Corbis/Getty Images)

Ish-kryeministri italian Giuseppe Conte pranoi të enjten një mandat të ri për të provuar të krijojë një qeveri të re të mbështetur nga Lëvizja populiste 5 Yje dhe demokratët e qendrës së majtë, me qëllim bllokimin e një gllabërimi të pushtetit nga udhëheqësu i krahut të djathtë, Matteo Salvini.

Zoti Conte tha pas një takimi me Presidentin Italian Sergio Mattarella se ai do të takohej menjëherë me palët në përpjekje për të vendosur sa më shpejt stabilitetin politik pas krizës shkaktuar nga loja e pushtetit të zotit Salvini që rrëzoi qeverinë populiste 14-mujore.
“Është një emërim që e pranova me rezerva,” tha zoti Conte, i cili u detyrua të jepte dorëheqjen më 8 gusht pasi Salvini tërhoqi mbështetjen për qeverinë e tij.

Lëvizja e zotit Salvini krijoi paqëndrueshmëri politike që e ktheu edhe një herë vëmendjen e investitorëve në Itali, duke rritur kostot e huamarrjes në borxhin e saj që vazhdon të mbetet i lartë. Italia gjithashtu përballet me një afat kritik në vjeshtë për hartimin e një buxheti për Bashkimin Evropian, me mundësinë e ngritjes së taksës së vlerës së shtuar për të mbuluar mangësitë.

Lëvizja populiste me 5 yje dhe demokratët janë bashkuar në një aleancë jo të natyrshme së bashku për ta frenuar përpjekjen e zotit Salvini për të rrëmbyer pushtetin kur ai papritmas tërhoqi mbështetjen për qeverinë e brishtë të koalicionit mes Legës dhe 5 Yjeve, duke kërkuar zgjedhje të parakohshme.

Aleanca e re duket se do të parandalojë zgjedhjet – tani për tani. Por edhe nëse zoti Conte arrin të formojë qeverinë, fiton mbështetjen e Presidentit Sergio Mattarella dhe një votëbesim në parlament, analistët politikë paralajmërojnë se qeveria nuk ka gjasa të zgjasë.

Partia Demokratike nuk pranoi as të shqyrtojë mundësinë e bisedimeve me 5 Yjet pasi zgjedhjet kombëtare pa rezultat të qartë në mars 2018 përfundimisht çuan në koalicion me Legën, dhe të dy partitë kanë shkëmbyer prej kohësh ofendime.

Zoti Salvini u mori zemër të rrëzonte qeverinë me mbështetjen e madhe që mori në zgjedhjet evropiane të pranverë, zgjedhjet lokale dhe sondazhet politike që treguan se Lega gati sa e kishte dyfishuar mbështetjen e saj që nga zgjedhjet e vitit 2018, ndërsa ajo e 5 Yjeve ishte përgjysmuar.

Por zoti Salvini, popullariteti i të cilit u rrit me politikat e tij kundër imigracionit, nuk bsonte se ish rivalët politikë do të bashkëpunonin për të bllokuar përpjekjen e tij për pushtet.

Zoti Conte shihet si një aleat i 5-Yjeve, edhe pse profesori i së drejtësnuk kishte asnjë përkatësi partiake kur u bë kryeministër në qershor 2018. Ai mbajti një profil relativisht të ulët gjatë qeverisjes 14 mujore të 5 Yjeve dhe Legës, por para se t’i dorëzonte dorëheqjen Presidentit Matarella, ai sumoi ashpër zotin Salvini që shkaktoi rënien e qeverisë.

Florida nën kërcënimin e uraganit, Trump anulon udhëtimin në Poloni

“Dita e Punës” nuk do të jetë ditë kremteje për Floridën, nëse uragani Dorian ndjek rrugën e parashikuar të tij.

Qendra Kombëtare e Uraganeve tha të enjten vonë se Doriani pritet të shndërrohet në uragan të madh në premten dhe do të mbetet “i rrezikshëm” përgjatë fundjavës derisa është duke thithur ujërat e ngrohta të Atlantikut.

Ai u shndërrua në uragan të kategorisë së dytë me erëra të forta që arrijnë në 165 kilometra në orë. Meteorologët parashohin që Doriani mund të godas Floridën Juglindore të hënën si uragan i kategorisë së katërt me erëra deri në 209 kilometra në orë.

Stuhitë e kategorisë së katërtë kanë fuqi të shkaktojnë dëme që ekspertët i quajnë katastrofike, si shkatërrimin e shtëpive dhe dyqaneve, copëtimin e rrugëve dhe rrëzimin e drunjve dhe linjave të energjisë.

Guvernatori Ron DeSantis e ka shpallur gjendjen e jashtëzakonshme në tërë shtetin.
Presidenti amerikan, Donald Trump, anuloi udhëtimin e planifikuar në Poloni për “t’u siguruar se të gjitha burimet federale janë të përqendruara në stuhinë e pritshme… Është shumë e rëndësishme për mua që të jem këtu”, tha presidenti Trump.

Nënpresidenti Pence në vend të presidentit Trump në Poloni
Presidenti amerikan Donald Trump, pritej të udhëtonte në Varshavë, për të marrë pjesë në shënimin e 80 vjetorit të fillimit të Luftës së Dytë Botërore.

Më 1 shtator të vitit 1939 Gjermania naziste pushtoi Poloninë dhe përgjatë luftës atje u vranë 6 milionë qytetarë polakë, pjesa më e madhe hebrenj. Në ceremonitë përkujtimore më 1 shtator në Varshavë do të shkojë nënpresidenti amerikan Mike Pence.

Banorëve përgjatë bregut të Atlantikut ne Florida u është thënë që të jenë të gatshëm evakuimin e mundshëm. Ata po mbushin rezervuarët e makinave dhe po grumbullojnë rezerva ushqimore, ujë dhe pajisje emergjente.

Meteorologët presin që uragani të lëvizë drejt Bahamas veriperëndimore të shtunën.
Dorian shkaktoi disa përmbytje dhe ndërprerje të energjisë në dy ishuj të Porto Riko por nuk shkaktoi dëme të mëdha.

Tensionet SHBA-Iran dhe tentativat për bisedime

Ministri i Jashtëm i Iranit, Javad Zarif thotë se nëse Shtetet e Bashkuara duan të përfshihen në negociata, ato duhet të respektojnë marrëveshjen e 2015 që kufizoi aktivitetin bërthamor të Iranit në shkëmbim për zbutjen e sanksioneve.

Komentet e shefit të diplomacisë iraniane pasojnë pohimet e Presidentit të Shteteve të Bashkuara gjatë takimit të G-7 në Francë, se nëse ekzistojnë kushtet e përshtatshme, ai është i gatshëm për bisedime me presidentin e Iranit. Por, siç njofton korrespondentja e Zërit të Amerikës Cindy Saine ekspertët thonë se ende ka pengesa serioze si në Teheran, ashtu edhe në Uashington për bisedimet e nivelit të lartë.

Gjatë një vizite në Malajzi, shefi i diplomacisë iraniane akuzoi sot Uashingtonin se është angazhuar në terrorizëm ekonomik kundër popullit iranian:

“Nuk është e mundur që ne të dialogojmë me Shtetet e Bashkuara nëse nuk ndalin këtë luftë, këtë terrorizëm ekonomik kundër popullit iranian. Ne dialoguam gjatë me Uashingtonin, arritëm marrëveshje dhe tani ata duhet të zbatojnë marrëveshjen që arritëm para se të vazhdojmë më tej bisedime”.

Zoti Zarif foli për vendimin e Presidentit Trump për t’u tërhequr nga marrëveshja ndërkombëtare e 2015 që synonte të kufizonte programin bërthamor të Iranit.

Ndërkaq, pak ditë më parë, Presidenti Donald Trump shtangu shumë veta, sidomos në Teheran, kur u përgjigj pozitivisht ndaj një pyetjeje të Presidentit Macron, duke thënë se “ka mjaft mundësi” që mund të takohet me Presidentin e Iranit, Hasan Ruhani brenda pak javësh.

Pas komentit dolën spekulime se takimi do të bëhej gjatë Asamblesë së Përgjithshme të OKB-së në shtator. I pyetur dje në Pentagon nëse kriza mes Shteteve të Bashkuara dhe Iranit është zgjidhur, Sekretari i Mbrojtjes, Mark Esper u shpreh:

“Nuk kërkojmë konflikt me Iranin. Duam të angazhohemi në diplomaci me iranianët”.
Kryeministri japonez Shinzo Abe ka ofruar të veprojë si ndërmjetës mes Uashingtonit dhe Teheranit. Ministri i jashtëm iranian tha se vendi i tij nuk do acarimin e tensioneve me Uashingtonin, por shtoi:

“Ne besojmë se çdo vend duhet të jetë në gjendje të gëzojë të drejtat e tij në bazë të ligjit ndërkombëtar”.

Tensionet u acaruan pasi Shtetet e Bashkuara u tërhoqën vjet nga marrëveshja ndërkombëtare që i ofronte Iranit lehtësira në sanksione me kusht që të kufizonte programin e tij bërthamor. Administrata Trump vendosi sanksione shtesë kundër Teheranit. Ekspertët thonë se tani është momenti i përshtatshëm për një takim të nivelit të lartë mes dy vendeve.
“Një takim i tillë do të ishte një moment sizmik nëse realizohet. Por takimet nuk janë negociata, të cilat janë një proces i gjatë e kompleks,” thotë ekspertja Barbara Leaf.
Ekspertë të tjerë shprehin skepticizëm pas ballafaqimeve të fundit në ujërat ndërkombëtare:

“Mendoj se nevojitet një periudhë e gjatë qetësie, kur iranianët të mos rrëmbejnë anije në ujërat ndërkombëtare dhe kur SHBA nuk reagon me forcimin e sanksioneve,” thotë analisti i Fondacionit “Heritage”, Luke Coffey.

Disa ekspertë nënvizojnë deklaratën e zotit Ruhani se nuk kërkon thjesht një moment për prapagandë:

“Mendoj se iranianët janë shumë të shqetësuar se takimi do të jetë thjesht një moment para gazetarëve që do t’i shërbejë Presidentit Trump por nuk do të çojë në lëshime substanciale nga Shtetet e Bashkuara,” thotë analistja Dalia Dassa Kaye, e cila punon për Korporatën Rand.

Disa analistë thonë se udhëheqësit iranianë mund të jenë duke nxjerrë konkluzione nga takimet e Presidentit Trump me udhëheqësin koreano-verior, të cilat nuk kanë arritur të zgjidhin mosmarrëveshjet e vjetra për programin bërthamor të Koresë së Veriut apo të eliminojnë sanksionet ndërkombëtare.

Çfarë po ndodh? Tërhiqet Barcelona, refuzon propozimin e PSG-së për Neymarin

E përditshmja spanjolle raporton se drejtuesit e Barcelonës e kanë refuzuar ofertën e Paris Saint-Germainit për transferimin e Neymarit dhe tani kthimi i brazilianit në Camp Nou është pothuajse i pamundur.

Klubi katalonas i kishte shqyrtuar deri më tani kërkesat e klubit francez, i cili së fundi i ofroi Barcelonës t’ia japë Neymarin në shkëmbim të Ousmane Dembeles, Ivan Rakitivit, Todibos dhe një shume të konsiderueshme parash.

Këta tre lojtarë i kërkonte PSG-ja të jenë pjesë e marrëveshjen për kthimin e Neymarit në Barcelonë, pas huazimit të Philippe Coutinhos në Bayern Munich, pasi që klubi francez e vlerëson Neymarin 215 milionë euro.

Bordi drejtues i Barcelonës e shqyrtoi këtë propozimin dhe në fund i dha përgjigje negative drejtuesve të PSG-së. Kjo e bën pothuajse të pamundur arritjen e një marrëveshjeje, pasi që vetëm edhe katër ditë kanë mbetur para se të mbyllet afati kalimtar.

Një delegacion i Barcelonës raportohet se kishte qenë në kryeqytetin francez të martën për ta diskutuar një marrëveshje për Neymarin. Një marrëveshje e tillë do të duhej të kompletohet para 2 shtatorit, pasi që në këtë datë mbyllet afati kalimtar i verës.

Real Madridi ka qenë gjithashtu i interesuar për 27-vjeçarin, mirëpo mediat braziliane, franceze e spanjolle raportojnë se futbollisti e preferon kthimin në Camp Nou, përkundër që PSG-ja do të parapëlqente ta shiste atë në Real Madrid.

Neymari ende s’e ka bërë asnjë paraqitje për PSG-në këtë sezon, përderisa klubi ka hyrë në një krizë lëndimesh, pasi e humbi Kylian Mbappen dhe Edinson Cavanin qysh në fillim të sezonit.

Veliaj, leje ndërtimi luksi për oligarkët e Ramës për të ndërtuar pallat mbi pallat në zemër të kryeqytetit

• Erjon Veliaj, leje ndërtimi luksi për oligarkët e Ramës për të ndërtuar pallat mbi pallat në zemër të kryeqytetit.

• Në 4 vjet Veliaj e Rama i mashtruan shqiptarët dhe në vend të lulishteve, parqeve, apo edhe pronave legjitime të kryeqytetasve, ngritën kulla betoni.

• Bashkia e Erjon Veliajt dhe qeveria e Edi Ramës janë vënë në shërbim të oligarkëve dhe parave të pista duke dhënë leje ndërtimi për luks
DEKLARATË E PARTISË DEMOKRATIKE, ORJOLA PAMPURI

Erjon Veliaj mashtroi qytetarët e Tiranës 4 vjet me parë duke u premtuar se asnjë leje ndërtimi nuk do të jepej nën drejtimin e bashkisë së kryeqytetit prej tij.

Duke ndjekur filozofinë e kreut të organizatës kriminale të Rilindjes, shefit të tij politik, Edi Rama, Veliaj jo vetëm që nuk e ndaloi dhënien e lejeve, por në 4 vite të drejtimit të tij, e vetmja gjë që lulëzoi ishin betoni dhe kullat.

Të dhënat e INSTAT tregojnë se për të gjithë vitin 2018 janë dhënë leje me sipërfaqe prej 940 mijë metra katrorë, nga 521 mijë vitin e mëparshëm, me një rritje prej 80%.  Po sipas raportit zyrtar të INSTAT, në tremujorin e parë të këtij viti janë dhënë gjithsej për kryeqytetin 94 leje ndërtimi, me një rritje prej 44% në krahasim me të njëjtën periudhë të vitit të kaluar. Trendi rritës vijoi edhe në tremujorin e dytë, ku u thye rekordi i lejeve të ndërtimit për bashkinë e kryeqytetit me 111 leje të reja.

Në 4 vjet Erjon Veliaj dhe Edi Rama i mashtruan shqiptarët dhe në vend të lulishteve, parqeve, apo edhe pronave legjitime të kryeqytetasve, ngritën kulla betoni me financime miliarda euroshe, duke krijuar një situatë katastrofike ndërtimesh në Tiranë.

Filozofia e kullave u kthye në filozofi të qeverisjes së Tiranës, duke i vendosur lejet e ndërtimit në shërbim të oligarkëve dhe parave të pista, të cilat pastrohen në themelet e betonit, siç është edhe rasti i kullave në pronën publike të Teatrit Kombëtar.

Por Erjon Veliaj dhe Edi Rama nuk po ndalen me kaq!

Prej disa ditësh në Tiranë ka lulëzuar një formë e re betonizimi me para të pista droge dhe korrupsioni.

Qytetarët e alarmuar kanë denoncuar dhjetëra raste ndërtimesh luksi, ku përfitues rezulton të jenë njerëz të pushtetit ose oligarkë të lidhur dhe përfitues me pushtetin e Rilindjes.

Kjo është pamja në një nga ndërtesat më të larta të Tiranës, Sky Tower, pronë e ish-deputetit socialist Vladimir Kosta.

Mbi këtë ndërtesë në zemër të kryeqytetit po hedh shtat një ose më shumë kate.

Ndërkohë që një qytetar i thjeshtë i Tiranës nuk ngul një gozhdë në shtëpinë e tij se përfundon në burg, oligarku i Ramës ndërton pa iu prishur fare terezia në zemër të kryeqytetit.

Nëse Erion Veliaj i ka dhënë lejen, atëherë duhet të bëjë transparencë se si një ish-deputet i Rilindjes ndërton një ndërtesë mbi ndërtesë!?

Por marrëzia me ndërtimet e luksit të pushtetarëve të Rilindjes nuk ka të ndalur.

Në këtë foto është një tjetër objekt banimi në kryeqytet ku po hedh shtat një tjetër pallat mbi pallat.

Qytetarët e alarmuar kanë denoncuar deputetin e Partisë Socialiste, Robert Bitri që po ndërton një kat shtesë në këtë objekt banimi që jo vetëm shton betonin në Tiranë, por rrezikon jetën e qindra banorëve që jetojnë në këtë objekt.

Veliaj edhe në këtë rast hesht dhe ndërsa dërgon në qeli baballarë që rregullojnë çatitë e banesave të fëmijëve të tyre, mbyll sytë ose më keq i jep leje oligarkut të radhës, që të ndërtojë një kat luksi për veten e tij.

Bashkia e Erjon Veliajt dhe qeveria e Edi Ramës janë vënë në shërbim të oligarkëve dhe parave të pista duke betonizuar Tiranën.

Erjon Veliaj dhe Edi Rama po grabisin çdo hapësirë të kryeqytetit duke e kthyer atë në kulla miliarda euroshe për oligarkët dhe anëtarët e organizatës kriminale të Rilindjes.

Partia Demokratike ka një plan të qartë për t’i dhënë fund këtij masakrimi të pronës publike dhe një program të plotë për të kthyer Tiranën dhe të gjithë Shqipërinë në rrugën e zhvillimit dhe në shinat e ligjshmërisë.

Për ta bërë këtë duhet të heqim nga themelet betonin e të keqes që është ulur sot në qeveri, Edi Ramën dhe bandën e tij të “Rilindjes”.

Me zgjedhje të lira e të ndershme, PD dhe aleatët e saj do t’u ofrojnë shqiptarëve alternativën europiane dhe dhënien fund të modelit të qeverisjes me krimin dhe oligarkët.

Kusët nuk arrestohen, të lidhur si mishi me kockën me Partinë e Krimit

Sali BERISHA

7 te vrare dhe 5 te plagosur ne gusht, por vetem dy te ndaluar per 12 te vrare dhe plagosur!! Ky eshte bilanci afer zeros i narkopolicise se Edvin Mafise, gjeneral Hashashit dhe Ardi Eskobarit.

Te dashur miq, muaji gusht pati 7 vrasje dhe 5 plagosje, pra nje bilanc vertet dramatik. Krimi goditi ku deshi dhe kur deshi ne qytetet Tirane, Durres, Vlore, Elbasan, Fier, Rreshen dhe Selenice duke deshmuar se Shqiperine, vendin me numer nder me te lartit te policeve per fryme, ai eshte dhe zoteruesi kryesor dhe i vertet i rendit.

Deshmia me flagrante e rendit ne duart e krimit ne Shqiperi qendron ne faktin se, per 12 te vrare dhe te plagosur ne muajin gusht, narkopolicia e Edvin Mafise, gjeneral Hashashit dhe Ardi Eskobarit ka ndaluar vetem 2 persona pra ne 92% te rasteve vrasesit mbeten te lire, rezultat ky afer zeros i narkouniformave te narkoshtetit.

Ky rezultat afer zeros lidhet ne te gjitha rastet me faktin se vrasesit jane banda te partise ose vrasjet i kryejne ne bashkepunim te ngushte me policine.

Keshtu, vrasja e Endrit Çeles nga Kuset e lidhur si mishi me kocken me Partine e Krimit gjer ne nivelet me te larta, u mbajt e fshehur per 8 ore nga shefi i komisariatit 2 vetem e vetem qe tu jepte mundesi vrasesve Kusi te largoheshin ne drejtim te paditur.
Po keshtu, vrasesit e biznesmenit ne Vlore shetisin te lire ne qytet madje kercenojne edhe familjen e viktimave sepse i mbrone policia.

Po keshtu, Santjago u vra nga vrases te lidhur me policine vetem se ai filloi te shoqerohej me Saimir Trafikun dhe kjo ishte e mjaftueshme qe te urdherohej eleminimi i tij.

Autori i vrasjes se fundit ne Selenice, Tesi i partise i denuar me perjete ne vendin fqinj per vrasjen e dy shtetasve italiane, pritet te kryeje i mbrojtur nga policia vrasjen e rradhes. Pra ne narkoshtetin e Edvin Mafise, gjeneral Hashashit dhe Ardi Eskobarit krimi ben ligjin dhe narkopolicia eshte ne funksion te tij!

1...4 2864 2874 288...8 282Faqja 4 287 nga 8 282

Kryesore

Continue to the category
Më shumë
© 2024 Rilindja Demokratike Euroatlantike