37.5 C
Tirana
E mërkurë, 13 Gusht, 2025
type here...

Zhvillim tjetër negativ për Shqipërinë, Berisha: Me Edvin Mafinë negociatat nuk hapen!

Ish-kryeministri Sali Berisha ka reaguar pas qëndrimit të qeverisë holandeze se, hapja e negociatave për Shqipërinë është e parakohshme, duke përmendur luftën kundër krimit dhe korrupsionit si dhe ngritjen e SPAK. Përmes një postimi në Facebook, Berisha thekson se një tjetër zhvillim negativ në lidhje me negociatat për Shqipërinë, ndërsa shton se qëndrimi i Holandës është i njëjtë me atë të Bundestagut që ka vendosur 9 kushte për vendin tonë.

Postimi i ish-Kryeministrit Berisha
Zhvillim tjeter negativ per hapjen e negociatave me Shqiperine!

Qeveria e Mbreterise se Hollandes ne letren e saj derguar parlamentit sugjeron njelloj si Bundestagu gjerman:
-Po hapjes pa kushte te negociatave me Maqedonine e Veriut.
-Jo hapjes se negociatave me Shqiperine pa plotesimin e kushteve, ne radhe te pare
a-luftes kunder krimit te organizuar dhe
b-luftes kunder korrupsionit me rezultate kokrete!

Ky qendrim i Hollandes njelloj si qendrimi i Bundestagut qe vendosi 9 kushte ka ne baze mos plotesimin nga qeveria shqiptare te asnjerit prej kushteve te vendosura nga Keshilli i Ministrave te BE me 26 qershor te vitit 2018 ne Luksemburg.

Letra negative per Shqiperine qe dje qeveria hollandeze i dergoj parlamentit vjene vetem sa do perforcoje qendrimin negativ te ketij te fundit mbasi dy myaj me ky parlament ka miratuar rezolute jo vetem kunder hapjes se negociatave me Shqiperine por edhe per rikthimin e vizave per qytetaret shqiptar.

Si perfundim miq me Edvin Mafine negociata me Shqiperine nuk hapen!

Lexoni shkrimin e meposhtem. sb

“Holanda: BE nuk duhet të hapë negociatat me Shqipërinë

Hollanda beson se Bashkimi Evropian nuk duhet të fillojë negociatat e pranimit me Shqipërinë. Në fillim të kësaj jave, udhëheqësit e BE-së argumentuan për këto bisedime.
Sipas Ministrit të Punëve të Jashtme, Stef Blok Shqipëria nuk është ende gati për të nisur bisedimet.

Sipas qeverisë së Amsterdamit, para se të çelen negociatat me Shqipërinë, kjo e fundit duhet të përmbushë më parë një sërë kushtesh sa i përket ligjshmërisë dhe luftës ndaj korrupsionit dhe krimit të organizuar.

Qeveria holandeze ve theksin te krijimi i SPAK dhe lufta kundër krimit të organizuar dhe korrupsionit.
“Këshilli konkludoi në 26 qershor 2018 se Shqipëria duhet të ndërmarrë një rrugë konkrete me zbatimin e sundimit të ligjit përpara se të hapen negociatat e anëtarësimit.
Vendi duhet të konsolidojë reformat gjyqësore dhe të japë rezultate të prekshme në luftën kundër korrupsionit dhe krimit të organizuar.

Kabineti mirëpret hapat e ndërmarra nga Shqipëria në fushën e vettingut, hapat në fushën e sundimit të ligjit, operacionet policore dhe arrestimin e dy kryebashkiakëve të inkriminuar.

Por Shqipëria duhet të bëjë më shumë për të luftuar korrupsionin e krimit të organizuar.
Struktura Speciale Kundër Korrupsionit dhe Krimit të Organizuar (SPAK) duhet në çdo rast së pari të jetë operacional dhe Shqipëria të shërbejë një rekord bindës në luftën kundër krimit të organizuar dhe korrupsionit.

Por sipas qeverisë holandeze, hapja e negociatave në këto momente, është një hap i parakohshëm”, thuhet në letrën e qeverisë holandeze drejtuar parlamentit, raporton Syri.net.

Një pjesë e shteteve anëtare pajtohet me rekomandimet e Komisionit Europian në lidhje me hapjen e negociatavee me Maqedoninë e Veriut dhe Shqipërinë, por nënvizojnë se bëhet fjalë vetëm për fillimin e një procesi të gjatë dhe jo për anëtarësim efektiv.
Edhe Bundestagu gjerman ra dakord që qeveria e Berlinit të japë “Ok”-in për hapjen e negociatave me Maqedoninë e Veriut, duke vendosur theksin te përparimi i reformave, veçanërisht në sundimin e ligjit dhe luftën kundër korrupsionit dhe krimit të organizuar.
Sa i përket Shqipërisë, Bundestagu vendosi çeljen e negociatave e kushte duke nisur nga funksionimi i Gjykatës së Lartë, Gjykatës Kushtetutese, dhe zbatimi i reformës zgjedhore. Ndërkohë kërkohet edhe përparim në luftën kundër krimit të organizuar dhe korrupsionit në të gjitha nivelet.

“Qeveria nuk po shprehet as për “Po” dhe as për “Jo”, por se hapja e negociatave me Shqipërinë është e parakohshme. Më 8 tetor do të ketë një tjetër seancë plenare në Holandë, ku qëndrimet do të bëhen më të qarta”, mbyllet letra e qeverisë së Amsterdamit. /SYRI.net
© SYRI.net”

 

Shkon në 50 numri i nxënësve të helmuar në Postribë

Shkon në 50 numri i nxënësve të shkollës ‘Adem Haxhia’ në Postribë të Shkodrës të cilët janë paraqitur në urgjencën e spitalit me simptomat e të vjellave, marrje mendsh.

7 gjimnazistë janë rikthyer në urgjencën e spitalit mbrëmjen e së premtes.

Pasditen e së enjtes, 3 tetor 2019,  26 nxënës u paraqitën në spital me simptomat e vjelljes, temperaturës dhe marrje mendsh, ndërsa prindërit denoncuan se shkaktari është fast-foodi pranë shkollës.

‘Ne dyshojmë te ushqimet që shiten edhe brenda në shkollë, edhe jashtë përreth shkollës’, – thanë ata. Deri mbrëmjen e djeshme shkoi në 50 numri i fëmijëve të paraqitur në urgjencën e spitalit.

Policia ka nisur hetimet, ndërsa DShP ka marrë mostrat e ujit dhe të ushqimeve të fast-foodit për të identifikuar shkaqet e helmimit./Ora

Edhe spe kryeqyteti nuk ka ujë, fatura e ujit vjen më e shtrenjtë se ajo e energjisë elektrike

Njeriu qe la pa uje Tiranen, lavderohet se leu vijat e bardha te nje rruge. Kjo ndodh vetem ne Shqiperi. Ka shume reklame dhe pak pune. Ne rast se do kishte ndodhur qe kryebashkiaku i Oslos do e linte kryeqytetin pa uje dhe do postonte ne facebook nje status krenarie se ekipi i tij ka lyer vijat e bardha te nje rruge, at’here ate do e trajtonte nje psikolog dhe askush nuk do e merte me seriozisht.

Pra Erion Veliaj do mund te kishte nje krenari, ne rast se do te permiresonte situaten e ujit ne Tirane, por ky nuk mjaftohet me kaq. Edhe pse kryeqyteti i “çmimeve famoze” nuk ka uje, fatura e ujit vjen me e shtrenjte se ajo e energjise elektrike. Po ku jap nje shembull personal.

Muajin qe lam pas, une kam qene me pushime dhe te gjithe e dime qe Tirana vuajti mungesen e ujit. Por nuk ishte e thene. Une e kam paguar faturen e ujit me shtrenjte se ate te energjise elektrike. Edhe pse nuk ka uje, Veliaj vazhdon dhe vjedh ne xhepat e qytetareve, sepse ky fenomen nuk kish ndodhur vetem me mua. Mos te flasim per luks pastaj, se ujin e paguajme per te pijshem dhe e dime fort mire se çfare nxjerr rrubineta…

Aulon Bej Kalaja

 

Protesat në Laknas, policia përplaset me banorët, një grua humb ndjenjat

Banorët përplasen me policinë në Laknas. Një grua humb ndjenjat, fëmijët shpërthejnë në të qara.

“Ne jemi në vendin tonë, kemi mbrojtur pyllin për 50 vite. Ne po na mbytin, do na bëjnë stallë derrash. Ne shkuam te bashkia na dhanë një muaj afat. Këtu na vijnë këta këlyshë këtu dhe do përfundojmë edhe në spitale”, u shpreh një banore.

Banorët shprehen se sa i përket thertores, kjo qeveri ka miratuar një ligj që nuk mund të ndërtohet një thertore pranë zonave të banuara, aq më keq akoma, 20 metra larg shtëpive.

Në kushtet që vetëm zona Laknas, Bërxull, Valias ka 3 thertore të medha, përse u dashka nje tjetër po në atë zonë, kur dime se aktualet nuk punojnë me kapacitete të plota. Nuk kemi asgjë me biznesin që ka mare përsieper këtë gje, madje nuk i njohim, por e kemi me kete pushtet qe pa bere asnje dëgjese publike me qytetaret dhe pa miratimin e tyre, kërkon t’iu grabisë pyllin këtyre banorëve.

Rama shpërblen kunatën prokurore të Arben Keshit për të mbyllur dosjen 184

Ish-Ministri i Brendshëm, Flamur Noka, akuzon kryeministrin Rama se shpërbleu  ish- it të Lartë të Prokurorisë për mbylljen e dosjes “184” drejtuesen e Prokurorisë së Dibrës Esmeralda Cami Keshi me zgjedhjen si anëtare të Këshillit.

Në një intervistë për Ora Neës, Noka është shprehur se ermërimi i Keshit në KLP, kunatës së Arben Keshit, i akuzuari kryesor në dosjen “184” ishte vetëm paradhënia për të mos ndëshkuar sipas tij  kunatin bandit dhe trafikant dhe kryeministrin.

“Dosja “184” nuk ishte rastësi që shkoi në Dibër sepse kryeprokurorja e Dibrës ishte kunata e kryekriminelit dhe kryeharbutit që bleu votat dhe ndryshoi rezultatin e votimeve në Dibër, Arben Keshit. Nuk është aspak rastësi që sot kjo zonjë zgjidhet dhe në KLP. Sepse nuk ka dy javë që ka shkuar dosja.Krimet e Rënda të masakruara nga Prokurorja Politike e Partisë (Marku) dhe ajo zonja te Krimet e Rënda (Prela) shkatërruan institucionin  e Krimeve të Rënda. Siç shkatërruan dosjen e Saimir Tahirit, kështu bënë dhe me “339” dhe “184”. Dosja “184” kishte spec të djegës, ishte kryeministri.

Dhe çfarë bënë? E hoqën nga Krimet e Rënda dhe ja çuan në Prokurorisë së Dibrës ku ishte kjo zonjë që sot paradhënie ka emërimin në KLP për të mos ndëshkuar kunatin bandit dhe trafikant dhe kryeministrin .Ky është shpërblimi paradhënie për mbylljen e dosjes “184”. A mund të më flasë sot kush për vetting në këtë vend? Partnerët tanë ndërkombëtarëe që kanë investuar kaq vite e  shohin këtë gjë? A e kuptojnë që drejtësinë e dosjes “184” do ta bëjë Arben Keshi i akuzuari kryesor për krim elektoral. Ai sot ka në dorë dosjen “184” dhe ai sot u shpërblye me një vend në KLP.  Reforma në drejtësi është kthyer në Ramaformë”, u shpreh ish-deputeti i PD Flamur Noka.

Asambleja e Prokurorëve përzgjodhi sot ish-drejtuesen e Dibrës Esmeralda Cami Keshi si anëtaren më të re të Këshillit të Lartë të Prokurorisë.

Përballë saj kandidoi Prokurori i Krimeve të Rënda Vladimir Mara.

Esmeralda Cami Keshi është zgjedhur anëtare e Këshillit të Lartë të Prokurorisë, pas shkarkimit nga detyra të Gentian Osmanit.

133 prokurorë nga 253 të pranishëm kanë votuar pro saj në qeverisjen me te larte të akuzës.

 

Pelosi nuk lejon Kongresin të votojë nëse duhet të hetohet Trump, reagon Shtëpia e Bardhë

Presidenti Donald Trump tha të premten se Shtëpia e Bardhë po përgatit një letër drejtuar kryetares së Dhomës së Përfaqësuesve Nancy Pelosi ku pritet të kundërshtojë zyrtarisht nisjen e hetimit që po kryejnë demokratët për shkarkimin e tij, pa marrë më parë miratimin me votë të kësaj Dhome.

Në letër pritet të thuhet se administrata nuk do të bashkëpunojë me hetimin pa këtë votim, që sipas zotit Trump nëse do të kishte ndodhur, do të kishte marrë mbështetjen e Dhomës së Përfaqësuesve.

Zoti Trump pranoi se demokratët “i kanë votat” në Dhomën e Përfaqësuesve për të nisur zyrtarisht procesin e hetimit, por tha se është i sigurt se ata nuk i kanë votat në Senatin e kontrolluar nga republikanët.

Presidenti tha se beson se këto veprime do t’u kushtojnë politikisht demokratëve.
“Besoj vërtet se ata do të paguajnë një çmim të madh gjatë procesit zgjedhor”, tha ai.

Pak ditë më parë ndërsa njoftoi se Dhoma e Përfaqësuesve do të niste hetimin për shkarkimin e zotit Trump, zonja Pelosi nuk foli për një votim të kësaj dhome mbi këtë çështje, sikurse ka ndodhur gjatë hetimeve për ngritjen e akuzave ndaj ish-Presidentëve Richard Nixon dhe Bill Clinton.

Për republikanët, të cilët kërkojnë një përgjigje të shpejtë në lidhje me hetimin, mungesa e hapit procedural ka qenë linja kryesore e sulmit ndaj demokratëve.

Zonja Pelosi e ka kundërshtuar atë si të panevojshëm, duke thënë se Dhoma e Përfaqësuesve është në përputhje me rregulloren për sa i takon fillimit të këtij procesi.

Ndërkohë tre komisione të Dhomës së Përfaqësuesve kanë publikuar me dhjetëra mesazhe telefonike të shkëmbyera mes diplomatëve amerikanë në Ukrainë ku diskutojnë se si të trajtohet një përgjigje ndaj kërkesës së Presidentit Donald Trump që vendi të nisë një hetim mbi familjen e Joe Biden-it.

Publikimi pason një intervistë gati 10-orëshe me ish të dërguarin amerikan në Ukrainë Kurt Volker. Ishte ky i fundit që u dha mesazhet telefonike ligjvënësve të këtyre komisioneve.

Në mesazhe zoti Volker dhe dy diplomatë të tjerë diskutojnë se si t’u “qasen” kërkesave të zotit Trump për hetimin e kundërshtarit të tij politik.

Në një mesazh të shkëmbyer mes zotit Volker dhe ambasadorit Gordon Sondland diskutohet një projekt-deklaratë sipas së cilës qeveria e Ukrainës do të shpallte një hetim mbi zgjedhjet presidenciale amerikane të vitit 2016 dhe rreth një kompanie, në të cilën ka shërbyer si anëtar bordi djali i zotit Biden, Hunter Biden.

Presioni i dyshuar që zoti Trump ka ushtruar mbi Presidentin ukrainas Volodymyr Zelenskiy është subjekt i hetimit të Dhomës së Përfaqësuesve për ngritjen e akuzave për shkarkimin e presidentit Trump.
“VOA”

Kush tha që lojrat e fatit janë mbyllur? Endri Prifti: Humba 50 milionë lekë në dy ditë në Tiranë

Këngëtari i njohur korçar Endri Prifti u ankua publikisht përmes një postimi se brenda vetëm dy ditësh, ka humbur miliona para në baste sportive në vetëm 2 ditë.

Në një reagim të ashpër në profilin e tij në Instagram, artisti denoncoi këtë veprimtari të paligjshme, që siç thotë nuk ka ndaluar ende në vend, pavarësisht masave të autoriteteve.

“Para një jave, duke ditur adrenalinën time mbas koncerteve, një grup shokësh shkojmë në një lokal dhe aty kishte lojëra fati, të cilat juve i ndaluat. Më morën për 2 ditë 15 milion kesh tek ky lokal në një zonë nga pazari i ri dhe nuk ju mjaftoi kjo por më futën në celular edhe 30 mijë euro baste sportive.

Mi futën pikë në kompjuter dhe tani duan lekët kesh. Kjo është e paligjshme, e padrejtë kanë vite të tëra që merren me mua me të njëjtën mënyrë…”, shkruan ai.

Për më tepër, rrëfen se ka pasur dhe një tjetër situatë problematike. 6 muaj më parë i kanë tërhequr dhe lejen e drejtimit. Endri I drejton një apel kryeministrit Rama dhe Presidentit Meta, duke I thënë: “Ju lutem merrni masa për këto situata të turpshme në vendin tonë të bukur dhe në popullin tonë të pafajshëm”.

Basha: Me kë do vijë Rama tek PD? Me Tomën? Me Gjushin? Me Avdylajt do të vijë? PD e do Ramën para drejtësisë

Pyetje: Rama thotë se është gati të vijë në selinë e PD te takojë z.Basha, znj. Kryemadhi, por z. Basha ka frikë te takohet tek për tek me mua. A keni një koment?

Lulzim Basha: Zoti Rama është përgjegjësi për krizën politike. Tani duhet të marrë përgjegjësi per kete krize, te zbatoje planin e ardhur nga Gjermania, t’i hape rruge zgjedhjeve te lira dhe te ndershme, te jape pergjegjesi per deshtimin me integrimin europian te vendit, c’lidhje ka te vije ne Partinë Demokratike, s’eshte i mirepritur ne PD fare. Por kam një pyetje. Me kë do vijë? Me Tomën? Me Gjushin? Me Avdylajt do të vijë? Ai nuk është një njeri i pafajshëm, ai është fajtori për këtë gjendje. Dhe që të vijë aty, të lajë zhulin e fajit me një tjetër fotografi me kryetarin e opozitës, kjo nuk ka për të ndodhur.

Politika nuk është lojë. Ka sharlatanë të cilët e shesin si lojë, ia shesin barkboshëve natën si shfaqje, i dallon qartë populli. Sharlatani qe me shfaqje te çon deri diku ajo, con 1 vit, 2 vjet, 3 vjet, ja edhe 6 vjet, vjen nje moment frigoriferi bosh, xhepat bosh, zgjohet populli, s’eshte loje kjo. Keshtu qe as te mos marre mundimin te niset per ne PD sepse e pret nje surprize e hidhur në Partinë Demokratike. Nuk eshte i mirepritur ne Partine Demokratike.

Partia Demokratike, Edi Ramen e do para drejtesise per ate qe ka bere. Por, ne respekt te qytetareve shqiptare, ne kemi ndermarre hapa konkrete, per te angazhuar PS per pergjegjesite qe ka perpara shqiptareve dhe hapi konkret eshte propozimi me 5 pika per Reformen Zgjedhore. E ka mbi tavoline sepse ia ka cuar Damiani me shoket e tij, te behet gati ta zbatoje, ose te hape krahun!

Zoti Rama ka treguar se kur është në hall, bën gjithçka.

I kemi dhënë më shukë khë sesa meriton. Ai ëhstë një njeri I mbaruar politikisht. Shqipëria është në krizë dhe kjo nuk është çështje as për zotin Rama, as për zotin Basha, as për zotin Meta.. Shqipëria është në krizë. Ne kemi ofruar një rrugë për zgjidhjen e krizës. Ai ta zbatojë ose të hapë krahun.

Pyetje: Rama gjithmonë viktimizohet, kur është në nevojë dhe mund të jetë gati të ulet në tryezë, nëse ka presion të fortë nga ndërkombëtarët.

Lulzim Basha: Nuk zgjidh asgjë tryeza. Nuk ka presion për t’u ulur në tryezë.

Pyetje: Zoti Rama është nga ata që vjen fillikat vetëm tek dera e PD. Çfarë do të bëni ju se u shprehët e pret një surprizë e hidhur.

Lulzim Basha: Kam neveri personale ndaj përpjekjes për të kthyer gjithçka në sensacion. Kjo nu ka të bëjë me shfaqet e Edi Ramë sapo kujtdo tjetër. Nuk zgjidhen problemet në politikë më shfaqe dhe me foto. Kriza e rëndë politike kërkon përgjegjësi. Kjo krizë zghidhet me zgjedhje dhe këtë ka thënë Bundestagu. Bëj gati kuadrin ligjor, zbatoje kuadrin ligjor – që do të thotë zgjedhje. Hapat janë tq artë. Kërkesat janë ultimative, përgjegjesia është e Edi Ramës, dështimi ëhstë I Edi Ramës. Megjithatë, ne si opozitë kemi ndërmarrë një hap të jashtëzakonshëm dhe kemi vënë mbi tavolinë një plan për ta zbatuar, me anë të të cilit garantojmë reformën zgjedhore, garantojmë kushte për zgjedhje të lira e të ndershme dhe çojmë vendin drejt zgjidhjes së krizës politike, përmes zgjedhjeve të lira e të ndershme. Të gjitha të tjera janë përpjekje për të heëur vëmendjen nga këto tre hapa të thjeshtë, por të domosdoshëm.

Basha: Hetimi Federal në SHBA rrëzoi akuzat ndaj PD, Prokuroria shqiptare e zvarrit çështjen për llogari të Ramës

Pyetje: Sipas informacioneve të Syri.net, prokuroria e Tiranës ka regjistruar çështjen për kryeministrin Rama. Tashmë mund të konsideroheni baraz, ka një çështje për ju z.Basha, ka një çështje për sponsorizime të paligjshme, ka një çështje për z.Rama, sigurisht prapë për sponsorizime të paligjshme?

Basha: Edi Rama ka fshehur, ka mohuar gjithçka prej fillimit, ndërsa ne prej fillimit i kemi kërkuar prokurorisë të hetojë për akuzat e ngritura nga e njëjta gazetë që ngriti akuzat kundër presidentit aktual të Amerikës. Akuza të cilat u hodhën poshtë nga hetimi federal në SHBA dhe mund t’ju them me përgjegjësi të plotë se nga akuzat e ‘Mother Jones’ ndaj PD, autoritetet federale në SHBA-ve kanë vendosur që këtu nuk ka asnjë bazë për një hetim.

I vetmi që vazhdon hetimet prej një viti e gjysëm dhe vazhdon e zgjat dhe zgjat është prokuroria e vendosur nën trysninë politike të Edi Ramës; kjo nuk krijon asnjë shqetësim për mua dhe as për bashkëpunëtorët e mi sepse as PD, as unë nuk kemi shkelur asnjë një ligj as në Shqipëri, as në SHBA dhe as në gjetkë. Por është një tregues se si përdoret prokuroria, se si përdoret presioni politik për të goditur kundërshtarin politik.

Ndërsa në rastin e Edi Ramës kemi të bëjmë me një akt penal të konsumuar të cilin kemi dy të dënuar me burg dhe këta dy të dënuar kanë qenë ndihmës në një vepër penal nga e cila ka përfituar person i tretë, që siç thotë drejtësia amerikane është kryeministri në detyrë Edi Rama. Prandaj nuk ka asnjë shenjë barazi mes nesh.

Pyetje: Ju kanë thirrur më në prokurori?

Basha: Jam thirrur sa herë që Edi Ramë i kanë shpërthyer skandale dhe pastaj dosja lihet në pluhur që të përdoret prapë kur të ketë skandalin tjetër të qeverisë për të mbuluar. Besoj se shqiptarët e kanë marrë vesh sesi shkon kjo mesele.

Pyetje: A ndiheni i shantazhuar nga kjo dosje z.Basha?

Basha: Absolutisht jo! S’është e lëhtë të më shantazhosh mua z.Peka. Janë përpjekur që në fillimet e karrierës time të më shantazhojnë, kam provuar se i kanë bërë hesapet gabim.

Basha: Edi Rama ka shkelur ligjin amerikan për foton me Obamën

Pyetje: Z. Basha sa rrezikon Kryeministri shqiptar përderisa pretendohet se ka shkelur ligjin elektoral amerikan? A rrezikon realisht të dënohet në Amerikë apo z.Rama riskon të përballet vetëm me drejtësinë në Shqipëri ku sipas informacioneve që ka Syri?

Lulzim Basha: Më duhet të bëj një konsultë juridike. Asnjë jurist nuk e di përmendsh ligjin kush thotë ndryshe, gënjen. Por si kryetar i opozitës mund t’ju them se ky është një rast i paprecedentë, siç ishte një rast i paprecedentë dhe rasti i sulmit politik ndaj presidentit aktual, kur ishte kandidat për president dhe tani kemi një rast të paprecedentë, ku është shkelur ligji zgjedhor, i cili ndalon kontribute të huaja në një fushatë elektorale. Dhe pas kësaj shkelje flagrante nuk ka asnjë dyshim se qëndron njeriu që është aktualisht kryeministri i Shqipërisë.

1...4 3034 3044 305...8 382Faqja 4 304 nga 8 382

Kryesore

Continue to the category
Më shumë
© 2024 Rilindja Demokratike Euroatlantike