Dega e PS-së në Shkodër, përfshi këtu edhe drejtues të Organizatave Socialiste, duket se janë rebeluar ndaj Kryeministrit Edi Rama, njëherazi kryetar i PS-së, por edhe ndaj grupit të deputetëve socialistë të Shkodrës.

Burime nga PS bëjnë të ditur se në qytetin më të madh në veri të vendit, në rradhët e socialistëve po mblidhen firmat për një peticion drejtuar Ramës, ku veç të tjerave do t’i kërkohet që të mos përcaktojë ose vendosë veton për kandidatët për kryetar bashkie, deputetë apo këshillat bashkiakë.

Mësohet se kritika të fort aka pasur edhe ndaj drejtuesit të degës lokale në Shkodër, Edmond Emini, i cili fajësohet mbi pranimin e kandidaturës së Valdrin Pjetrit, kur emri i tij nuk ishte fare mes emrave të propozuar nga baza socialiste.

Por jo vetëm kaq, përmes peticionit, socialistët shkodranë kërkojnë nga Rama që të kërkojë falje publike lidhur me kandidimin e Pjetrit, të cilit gjithashtu i kërkojnë që t’i kërkojë falje drejtpërsëdrejti çdo personi të angazhuar në fushatën e tij në votimet e 30 qershorit.

Duket se të pakënaqur socialistët shkodranë janë edhe me zgjedhjet për drejtuesit e Këshillit Bashkiak, ku sërisht emri i propozuar për kryetare u caktua nga Tirana dhe iu imponua anëtarëve socialistë të këshillit.

Burime nga dega e PS-së shprehen se Kryeministrit Rama do t’i kërkohet që praktika të tilla të mos aplikohen, duke nisur që nga përzgjedhja e emrit për kryebashkiak të Shkodrës.

Një tjetër pakënaqësi e tyre ka të bëjë me angazhimin e Tom Doshit, deputetit që në zgjedhjet e fundit, mori mandatin nën siglën e PSD-së.

Burimet shprehen se ndaj Doshit ka pakënaqësi për vetë faktin se ai nuk është pjesë e strukturave të PS-së, madje në zgjedhjet e 2017 ka mbledhur votat e së majtës, duke i humbur PS-së të paktën dy mandate.

“Nuk mundet që vendimmarrja në strukturat e PS-së të përcaktohet nga një deputet që zyrtarisht nuk është pjesë e strukturave tona”, shprehen burime nga PS-së, ndërsa në mesazhin drejtuar Ramës, paralajmërohet se në rast të mos reflektimit, nuk do të ketë angazhim në fushatë prej tyre. /BN/

Kulmi i mbledhjes arrihet kur e paracaktuara nga Rama për të qenë kryetare e këshillit bashkiak, Briselda Kadia, deklaron se për postin që i ka caktuar Edi Rama, ka edhe mbështetjen e Valdrin Pjetrit.

Lexoni të plotë debatin e ‘elitës’ së Partisë Socialiste dhe të deputetëve të saj në Shkodër, për të kuptuar se si funksionon, Edi Rama, jo vetëm me partinë, por edhe me çdo institucion qeverisës.

Më e trishtueshmja e gjithë kësaj historie që do të lexoni më poshtë është se edhe pse shumica e pjesëtarëve në këtë mbledhje kundërshtojnë fortë fillimisht trajtimin e tyre si dele nga Edi Rama, në fund të gjithë ‘votojnë si dele’!

Procesverbali i mbledhjes së PS në Shkodër

Shënimet e Takimit (Minutat)           

 Vendi i takimit:

Selia PS- Dega Shkodër

Qëllimi i takimit: Mbledhje me Anëtarë të Këshillit Bashkiak 2019 dhe AS Bashkisë          

Data e takimit: 18.08.2019                

Objektivat e takimit:

Zgjedhje e Kryetarit të KB, n/Kryetarëve dhe Anëtarëve për Këshill Qarku

Koha e takimit: 19.00             

 Pjesëmarrës:

Deputetët: Luan Harusha, Senida Mesi; Edmond Emini, Kryetar AS; Astrit Beci, Koord.Elektoral, Këshilltarët Bashkiak, Kryetar KS në NJA

Munguan: Oltion Luli (ndodhet jashtë vendi);

Çështjet e diskutuara 

Senida Mesi: Si e deleguar nga Kryeministri dhe Sekr. Përgjithshëm i Partisë z. Balla iu përcjell urdhrin e Kryeministrit që kandidatja për Kryetare Këshilli të jete grua. Për këtë ne kemi propozuar Brisela Kadia. Nga T.Balla kërkohet unitet absolut. Kush nuk do të votojë këtë kandidate do të përjashtohet nga Partia.

(zhurmë në sallë)

Tereze Brigja: Ne nuk jemi dele që na vini me këta urdhra. Së pari të vini e të kërkoni falje për Kryetarin që kishim. Nuk kam gjë kundra emrit që propozoni! Por e njohu KM Valdrinin që na e soli pa pyet?? Po ashtu pa na pyet e pa e njohtë po na sjell dhe këtë herë! Na turpëruat. U detyrohemi falje njerëzve që përfaqësojmë e mos ta shtojmë turpin…

Senida Mesi: Të mirkuptoj. Nuk të heq një presje. Por ky është një urdhër politik. Të tillë do të ndoshin shpesh edhe kur të jeni në Këshill Bashkiak.

Blediana Nika: Së pari të vinë të na kërkojnë falje. Edhe ju që jeni aty, po..po. Se nuk u morët vesh ju në këta 2.5 vite jemi në këtë gjendje që na katapultojnë njerëz pa na pyet. Unë flas e kam të drejtë të flas, se kam sjellë ma shumë vota se secili në këtë sallë…Dhe mos më drejto gishtin mua kur flet!!

Senida Mesi: Se kush bën vota në Velipojë e dimë mirë! Prandaj respekto debatin dhe fol me radhë. Kij respekt!

Tereze Brigja: Ne jemi në demokraci, dhe nuk pranojmë të komandohemi kështu. Do doja shumë të ishte Edi rama këtu, ti them si më dhemb shpirti për këtë gjendje ku është katandisë PS Shkodër. Na bëri gropën me atë kandidat, që siç e pamë as në zonë të vet në Rrenc nuk fitoi. Nuk pat aftësi me njohtë kandidatin…si merr përsipër me na detyru prap figurë tjetër… Flas se kam kontribut në vite…kam derdhë djersë. A e dini ju ça do me thanë me drejtu njerëz me votu deri në maje të Dukagjinit, nëpër një shteg rruge ku kanë vdekë mbi 75 vetë?? Nuk e dini…se nuk ka të ngjashëm në qytet kjo sforco…Nuk kam më besë ndër njerëz me u kërku votë…se jena malsorë e kena besë! Keni bërë gabim fatal, dhe tani vini prap na komandoni! Të zhytur në turp!

Bledina Nika: Senidë, si dhe kush bën vota në Velipojë e dimë ne! Nëse ti i jep vetes të drejtë me diskutu këtë dhe vjen e na vendos Veto këtu, harron peshën e grupimit…të partisë dhe të votës!! Dhe të kërkoj hallall që të kena ba deputete, se ma ato vota je bërë deputete!!

Diana Muriqi: Pse na vendosni gisht për të zgjedhur një femër? Ça lidhje ka? Nuk e thotë ligji! Po qe për ashtu kemi Aurora Dibrën!

Dhurata Tyli: Në mbledhjen e të premtes, Kryetari na dha mesazh që të jemi të bashkuar. Nëse ju propozoni Briselën, ne le ta vendosim!

Anton Deda: Një sekond! Jo, ne duam Arvit Osjen!

Lulash Nika: Ju jeni deputetë të Qarkut, duhet ju të dakordësoheni më parë. Bënu bashkë dhe dilni me një propozim!

Senida Mesi: Po e kemi dakordësuar ne deputetët! Vendosëm Brisela Kadia

Luan Harusha: Ky është një propozim, vendimet i merrni ju!

Luan Heta: Situata është e paprecedent. Nuk i vemë faj askujt…Ne kemi humb pa kundërshtar dhe kjo nuk na falet. Ngjan me një mallkim! Jam plotësisht dakord me Terezën, nuk po kandidoni atë vajzën se doni ju, por se po na e thonë. Është e pafalshme që ju bëheni transmetues të fjalës së Ballës. Mënyra si na e thoni është e pafalshme. Të na jepni urdhër dhe e mër në emër të KM dhe T. Ballës!!!

Senida Mesi: Ne kemi urdhëër politik për këtë emër. Dhe mos më tregoni mua procedurën e Këshillit Bashkiak.

Bledina Nika: Kjo mënyrë komunikimi si e jotja moj Senidë, iu jep rezultatin që merrni në qytet…

Teuta Zaja: Prezenca e madhe e grave në këtë sallë, na imponon më shumë qetësi dhe vetëpërmbajtje! le të tregojmë qytetari! Ndoshta Senida u shpreh gabim. Por me sa e noh unë figurën e Briselës jam dakord që të jetë një grua, por me qëllim që ta pjekim këtë vendim këtu. Pastaj të diskutojmë nëse duhet Nersada…Aurora..Diana..

Lush Marku: Nuk më pëlqen ky lloj diskutimi. Na duhet të tregojmë tolerancë. Kur nuk gjejmë konsensu në këtë sallë, mendo në sallë tjeter…Debate kemi bërë përherë në parti, ama kemi dakordësuar vendime këtu. Dhe mbi të gjitha kemi bërë përherë analiza. Duhet vetëpërmbajtje. Mirë e tha deputetja, Kryetari i KB i takon të jetë një qytetare shkodrane, grua dhe me eksperiencë. Pastaj…mandate të falura i kmei! Se sa të fortë jemi, u tregua…Sa u respektua Shkodra e kuptuam. Me mandate të falura, çna prish punë kush do jetë Kryetare! Jam dakord me Briselën. I uroj suksese! Do të ishte turp po të mos merrnim 40 vota.

Hilmi Sakti: Po ne nuk jemi repart ushtarak, që urdhërohemi kështu!

Sokol Zaimaj: Mbase jemi të ngarkuar për çka na ka ndodhë…prandaj jemi dhe kaq të irrituar. Të vetëpërmbahemi. Unë propozoj Arvit Osjen, dhe Jona Lëqejzën për n/Kryetare.

Besmir Vukaj: Ne të votojmë këtu për çdo person! Që nesër të shkojmë me rezultat të dalë nga vota!

Marjan Ndërshtiqaj: Kjo mënyra si po procedohet në PS spo na motivon hiç ne të rinjve. Si i thonë në Shkodër ‘tavë krapi’ ashtu po na serviren Kryetarët…dhe kjo po na bëhet shumë kosto. Unë propozoj Arvit Osjen për Kryetar!

Hilmi Sakti: Kam punuar në ushtri sa kohë, dhe kështu ‘demokracie’ skam parë kurrë. Këtë vajzën po e digjni kot, veç nga kjo mënyrë si po e hidhni në treg…Të paktën na propozoni dhe një djalë dhe le ta votojmë. Unë propozoj Arvit Osjen. Gjithahstu salla që keni zgjedhë për Konstituim nuk është menduar fare…te ish-Komiteti Partisë!!! Lutem konsiderojeni sa më parë ta ndryshoni!

Daniela Jakoja: Kam një problem personal! Po më godasin në rrjete sociale me profile fallco për shkak të përkatësisë time etnike. mendoj se është nga kjo sallë. Kush të ketë diçka personale, le ta flasë në sy! Me këtë rast propozoj veten për n/kryetare këshilli se kam biseduar më heret dhe me Valdrinin…

Gerald Hasaj: Kjo mënyrë propozimi të emrave është shumë problematike! E pësuam për Bashkinë! Pse na detyroni prap? Unë propozoj Arvit Osjen.

Kristi Shllaku: Propozoj Arvit Osjen.

Nersada Mandija: Propozoj Arvit Osjen. Le ta bëjmë me votim, edhe të hapur. Të çojë dorën kush është për Arvit Osjen, Kryetar!

 (Ngrihen 32 duar)

Senida Mesi: Një sekond se po na ngatërroni!!Ka vendim politik për këtë. Brisela është kandidatura e dakordësuar nga ne deputetët.

Brisela Kadia: I kuptoj polemikat për 2 arsye. E para për shkak të situatë s ë ditëve të fundit, dhe e dyta se nuk jemi mësuar e pushtet. Unë jam kontaktuar para një muaji për këtë pozicion. Kam mbështetjen e deputetëve, e kisha dhe të Valdrinit.

Hekuran Gjorreta: Na vinë veç katapultime. Nuk jemi dele. Prap po na katapultoni. Unë nuk e njoh

Hilmi Sakti: Të bëjmë proces, të zgjidhet këtu brënda nesh, sonte!

Aurora Dibra: Ju falenderoj për kandidimin, si dhe për përfshirjen në skuadrën e KB Shkodër, edhe pse kam kaluar dhe 1 mandat para 8 vitesh. Nuk kam aspirata për Kryetare, ama çështjet e mjedisit të cilat jnaë specialiteti im profesional dëshiroj të vazhdoj ti çoj përpara. Nesër jam për votim unanim, pasi ta kemi dakordësuar këtu.

Luan Heta: Unë jam 1 nga ata që kam dëshirë për Kryetar por jam tërhequr!

(salla njëzëri: kur u tërhoqe se ti na ke bërë telefonata për votë)

U tërhoqa tani,pra! Të dalim me emrin për të cilin kanë konsensus ata lart! Janë vendime politike!

Arvit Osja: Është normale që kemi diskutime, edhe që çojmë zërin. Më shqetëson si u hap mbledhja dhe si na servirët një emër nga ‘lart’. pa na pyetur më parë. Brisela është mikeshë e imja, ndoshta dhe njeriu më i dahsur i imi në këtë sallë. Më shqetëson fakti që ju citoni fjalën e KM këtu apo të sekr,Përgjithshëm…nuk e vesoj kurrë se ata na imponojnë emër ne.

Senida Mesi: Edhe ti kur u zgjodhe Kryetar Partie, me një emër u votua!

Arvit Osja: E vërtetë, ama kishte zgjedhje pro/kundra. ne le të biem dakord sonte. Ama votimi është nesër në sallë të KB. Ju thoni jemi dakordësuar, por ne ja ku jemi akoma në mbledhje dhe të padakordësuar. këtu. Të biem dakod këtu e nesër të mos lejmë nam.

Hilmi Sakti, drejtuar Luan Hetës: Do japësh llogari para KM, që je dakordësuar me ata tjerët dhe vjen e e bën zhurmuesin këtu sa herë flet njeri. Po na tregon si negociohet pa bërë zgjedhje! Kam ardhë  para jush në PS.

Senida Mesi: Ju veç do thoni po.

Hilmi Sakti: Kam mbledhë vota fshat më fshat…kam sjellë 800 vota këtu. Prandaj dhe këtu do votoj!

Kërkohen 10 minuta pushim, që të dakordësohen mendimet! Sillet kutia e votimit në sallë!

 Ora 22.00- rifillon mbledhja

Luan Harusha: Ju bëj me dije çfarë vendosëm bashkë me deputeten S.Mesi: Për Kryetar KB do votoni Brisela Kadia, n/Kryetarë: Arvit Osja, Tereze Brigja.

Kandidatë për Këshill Qarku: Jona Lëqejza, Sokol Zaimaj, Ardita Spahia, Lush Marku, Blediana Nika, Diana Muriqi, Hilmi Lakti.

Mbedhjen e deklarojmë të mbyllur!

Ish-ministri i Drejtësisë, Ylli Manjani ka analizuar skemën se si Rilindja e Edi Ramës ka transformuar shtetin e të drejtës i cili duhej të ishte në shërbim të qytetarëve në një shtet partiak, që ngjall frikë dhe mbi të gjitha sundon mbi jetën ekonominë dhe liritë e njerëzve.

Postimi i plotë i Manjanit në Facebook

Rilindja e komunizmit
Nëse analizon ftohtë, pa emocion apo ngarkesë krahësh politikë, thelbi i qeverisjes së Rilindjes ishte:

Kontrolli i individit, vënia e tij nën varësinë e shtetit.

Që të jemi të sinqertë, në 30 vitet e fundit pushteti politik e ka pasur gjithnjë qejf të kontrollonte individin, veçanërisht individin kundërshtar.

Por Rilindja synon më shumë se sa kontrollin. Ajo kërkon SUNDIMIN. Fiks si në komunizëm.

Fakt është që diçka ka arritur Rilindja. Qeverisja e saj vendos për:

– trajtimin e të sëmurëve, pavarësisht spitalit ku shkon;
– çfarë mësojnë fëmijët në shkolla pavarëaisht shkollës ku studiojnë;
– thellimin më shumë sesa në palcë të borxhit publik, pavarësisht nëse paguhet dot mbrapsht apo jo;
– kush bëhet i pasur dhe kush kalon në varfëri, dallim që sa vjen e thellohet;
– kujt i merret prona, pavarësisht se mund të kesh dokument pronësie;
– kujt i jepet tenderi, pavarësisht sa i zoti është;
– kujt i hiqet liria, pavarësisht sa prova ka për fajsinë;
– kujt i llogaritet vota, pavarësisht se për kë është votuar;

Këto janë fakte që i kemi përjetuar, por njëkohësisht dhe provat e dukshme se si pushteti synon të sundojë njerëzit.

Mjetet për t’i arritur këto synime janë:
1. Zhvlerësimi i ligjit, i rëndësisë dhe shenjtërisë së tij.
2. Vendosja e policit mbi çdo institucion tjetër.
3. Propagandë të jashtëzakonshme që synon të kriminalizojë kundështarët.

Pasoja është e dukshme. Individi sot ndjehet i pa mbrojtur, i survejuar, i trembur dhe i terrorizuar nga shteti, i cili ka në dorë çdo gjë të tij. Ligji, garancia e tij, ka skaduar. Është zëvendësuar nga urdhëri politik, të cilin polici, as atë nuk ta lexon.

E fundit ndërhyrje që bëri Rilindja ishte: marrja nën kontrollin e saj politik Shtetin.
Pra marrja nën kontroll politik indivindin.

Ky i fundit duhet tja dijë për nder Rilindjes që është ende në punë, që nuk e rrahin, nuk ja kanë marrë ende shtëpinë, që nuk e kanë arrestuar për verifikime, që nuk është sëmurë apo është shëruar nga një sëmundje.

Pra, duhet tja dijë për nder qeverisë pse është ende gjallë e merr frymë…

Ky quhet SUNDIM!

Ndaj nëse duhet të ndryshojë ky vend, duhet hequr Sundimtari si fillim. Pastaj duhet ndërtuar shteti jo partiak që të shërbejë dhe jo sundojë.

Mendoj se ende është e mundur të çlirohemi nga sundimi dhe të bashkohemi me perëndimin nëpërmjet demomracisë.

P.S. Unë nuk analizoj individë, por fenomene që i jetojmë. Por nëse komentet tuaja tentojnë të vënë në krahasim Ramën që sundon me të tjerët, unë qartësisht nuk jam me sundimtarin!

Jam për rotacionin politik si mundësia e vetëm demokratike që na jepet për të ndryshuar në mos të tërën, të paktën diçka.

Por duhet ndryshuar kjo situatë sepse po vjen rregjimi komunist përsëri.

Përplasje mes policisë dhe qytetarëve te memoriali i ushtarëve turq, që dhanë jetën në mbrojtje të pushtetit të Presidentit turk, Rexhep Tajip Erdogan, 3 vjet më parë, në atë që cilësohet si grushti i dështuar i shtetit.

Dhjetëra qytetarë të Tiranës kanë protestuar ditën e sotme tek parku i liqenit të Tiranës, ku Edi Rama dhe Erion Veliaj kanë vendosur memoriali turk.

Sot qytetarët janë mbledhur për të protestuar kundër vendosjes së këtij memoriali. Por edhe Rama e Veliaj kishin marrë masa për të ruajtur memorialin. Kjo ka sjellë edhe përplasje të policisë me qytetarët.

Policia e cila ka rrethuar memorialin ka ndaluar qytetarët që ti afrohen memorialit, duke sulmuar njerëzit që po afroheshin tek memoriali.

Por qytetarët janë përballur me policë bashkiakë të Erjon Veliajt, që kishin në krah edhe Policinë e Shtetit të Sandër Lleshajt.

Nga raportimet mësohet se ka pasur disa incidente mes policisë dhe qytetarëve që kërkojnë heqjen e memorialit.

Policia, ka vendosur një perimetër sigurie rreth e rrotull memorialit, duke mos lejuar qytetarët që të afrohen. Madje raportohet se në disa momente tensioni nuk ka munguar as përdorimi i forcës të policisë në drejt të qytetarëve.

Rama nis furtunën në Bashkitë që zaptoi me dhunë. Kryebashkiaku i emëruar nga Rama në Bashkinë Selenicë ka vendosur të shkarkojë me një të rënë të lapsit 60 punonjës.

Kryetari i Ramës pas vetëm 10 ditësh që mori detyrën ka firmosur shkarkimin e 60 punonjësve të kësaj Bashkie.

Punëtoret e shkarkuar janë ata të ndërmarrjes së shërbimeve publike, kryesisht në pastrim dhe gjelbërim.

Sipas informacioneve të marra në fillim javën që lamë pas kreu i Bashkisë Pëllumb Binaj ka firmos ndërprerjen e kontratës me 60 punëtorë të gjelbërimit dhe pastrimit.

Pëllumb Binaj e mori detyrën në datën 5 të këtij muaji.

Ish-Kryeministri Sa Berisha ka postuar sot në faqen e tij në Facebook, një tjetër video ku duket një avion i vogël në fluturim.

Sipas tij, mjeti fluturues i përket narkoflotës, duke lënë të kuptohet se me të po transportohet lëndë narkotike.

Postimi i plotë i ish-Kryeministrit Berisha

Narkoflota Durrës – Bari fluturon 2 herë në ditë!

Eksporti i prodhimit të bollshëm të këtij viti është përparësi e Edvin Mafisë, gjeneral Hashashit dhe Ndrikull Xhaçkës!

Shikoni videon e qytetarit dixhital. sb