Enti Rregullator i Energjisë dhe më pas Qeveria po shesin si suksesin më të madh të 34 viteve uljen e çmimit të energjisë me 1 lek.

Konsumatorët paguajnë 9.5 lekë për KWH pa përfshirë këtu TVSH 20%, ndërsa në total bashkë me taksën 1 KWH energji në Shqipëri për konsumatorin famil;jar është 11.4 lekë. Me uljen me 1 lek për KWH, tashmë çmimi i energjisë shkon në 10.4 lekë.

Vendimi vjen 4 muaj para zgjedhjeve dhe ngjan si një karamele që u ofrohet shqiptarëve nga Qeveria, e ngjashme me atë faljen e gjobave.

Qeveria pretendon se nga kjo masë, pra ulja me 1 lekë do të përfitojnë rreth 1 mln shqiptarë, që nuk harxhojnë më shumë se 700 KWH në muaj, pasi në të kundërt nuk do të përfitojnë uljen e çmimit. Qeveria pretendon se kursini është 100 euro në vit, edhe pse ekspertë të pavarur nga përllogaritjet e konsiderojnë masën e kursimit jo më shumë se 28 euro.

Nga gjithë ky operacion i Qeverisë nuk përfitojnë konsumatorët jofamiljarë, pra bizneset, edhe pse në shumë nga vendet e Europës, përfshi edhe ato të BE-së ka pasur një ulje të çmimit përsa i takon konsumatorëve jofamiljarë të energjisë.

Por çfarë ndodh me çmimin e energjisë në Europë, përfshi edhe vendet e Rajonit?

Referuar analizave zyrtare të Eurostat, përgjatë 2024 çmimet e energjisë elektrike për konsumatorët familjarë u rritën në 10 dhe u ulën në 15 vende të BE-së, krahasuar me 2023. Rënia më e madhe është regjistruar në Holandë, ku çmimi u ul me 29%, ndërsa rritja më e madhe ishte në Irlandë me 37%.

Përgjatë 2024, Luksemburgu, Austria dhe Holanda dhanë më së shumti ndihma për konsumatorët familjarë, ndërsa çmimet e energjisë elektrike për konsumatorët jofamiljarë në BE ranë me-13% krahasuar me 2023.

Çmimet e energjisë elektrike jo-familjare në BE ishin më të lartat në Irlandë (0,256 € për KWH) dhe më të ulëtat në Finlandë (0,0939 € për KWH).

Nëse i referohemi grafikëve të Eurostat, Shqipëria pothuajse ka të njëjtin nivel me Bullgarinë dhe Hungarisë, sa i takon çmimit të energjisë, ndërkohë që krahasuar me vendet e Rajonit, çmimet janë më të larta se në Bosnje, Kosovë, Serbia, është pothuajse në të njëjtën kuotë me Malin e Zi, po ka çmime më të larta se Turqia dhe Gjeorgjia.

Ajo që vihet re nga analizat e Eurostat është fakti se në Shqipëri çmimi i energjisë elektrike nuk lëviz, pra pavarësisht se çfarë ndodh në tregun ndërkombëtar, uljeve apo ngritjeve, këtu nuk ka asnjë lloj ndikimi.

Kështu nga 35 vende ku kemi lëvizjeve të çmimit të energjisë (14 me rritje dhe 21 me ulje), Shqipëria qëndron statike, të paktën deri në momentin kur hyn në fuqi hyrja e trumpetuar nga Qeveria.

Nëse do të ishte një vendim i përcaktuar nga kushtet e tregut natyrisht një vendim i tillë mund të ishte marrë që në 6 mujorin e dytë të 2024-ës, sikundër vepruan shumë nga vendet e BE-së dhe jashtë saj. Ndaj dhe një vendimmarrje në prag të zgjedhjeve, më shumë ngjan si një vendim elektoral, aq më tepër që pasohet nga një tjetër vendim ai i bosnusit për pensionistët në pranverë.

Analisti Ben Andoni ka komentuar situatën politike në vend, në prag të zgjedhjeve të përgjithshme të 11 Majit. Në një intervistë për RTSH24, Andoni theksoi se problemi kryesor që ka sot PD-ja dhe opozita është identifikimi me Sali Berishën dhe statusit të tij të non gratës.

Sipas tij, kjo ka për të qenë dhe më e vështirë në zgjedhjet e 11 Majit, po të kemi parasysh që vetëm një ditë më parë, administrata në ikje e Presidentit të SHBA-ve ka nxjerr urdhrin e tretë ekzekutiv kundra njerëzve me rekorde negative në Ballkan.

“Gjeja që nuk më pëlqen është identifikimi I PD-së me vetveten që bënë z. Berisha. Kjo qasje e pengon jashtëzakonisht opozitën sepse z. Berisha ka statusin non grata , dhe nuk është kaq e thjesht sa e komentojnë vete eksponentët e PD-së. Këtë mund ta lidh dhe që së fundmi administrate në ikje e Presidentit Joe Biden, ka nxjerr urdhrin e tretë ekzekutiv kundra njerëzve me rekorde negative në Ballkan”-nënvizon ai.

Sipas tij, Berisha është nga të parët e listuar, ish-zv Kryeministri i Maqedonisë së Veriut po ashtu, Artan Grubi apo dhe individ të tjerë.

“Opozita duhet ta mendoj me kujdes jo vetëm ofertën e saj për zgjedhjet e 11-Majit por dhe të ardhmen e saj. PD-ja duhet të mendoj një ofertë për publikun i cili në vetvete po kërkon një të djathtë të re.  Me sa shohim sot, në këtë parti më shumë improvizohet dhe sajohet sesa ka një plan realisht për të ardhmen. Në bazë të informacioneve që kam, PD-ja do të prezantoj planin e saj për rimëkëmbjen e ekonomisë por ende nuk ka një shtab që merret me planin por vetëm znj. Tabaku”, tha ai.

Sipas Andonit, PD-ja nuk po bënë mosbindje civile sepse nëse do të ishte kështu, Berisha nuk do të ishte paraqitur para Gjykatës ditën e hënë.

“Këto katër muaj që kanë mbetur opozita duhet të prezantoj shtyllat e saj sesi do të qeverisi  vendin në rast fitore”, deklaroi ai.

Ndërsa duke analizuar mazhorancën, Andoni tha që ajo po prezantohet në opinion publik me projektet që kanë bërë këto vite, sesa me një retorik kundërshtuese me opozitën.

“Kjo është një qasje për të krijuar idenë se nuk ekziston opozita por problemi më i madh i mazhorancës është vetë përballja e tyre me publikun.  Ka vërtetë një rritje ekonomike në Shqipëri por kjo rritje nuk është e materializuar në rritjen e mirëqenies së publikut. Me gjithë turizmin e madh në vend, me investimet në procesin e integrimit apo dhe ndërtimet e shumta nuk kanë përmirësuar jetën e shqiptarëve.

Një tjetër çështje që komentoi në studion e RTH-së Ben Andoni ishte dhe ajo e kreut të Bashkisë së kryeqytetit, Erion Veliaj që po hetohet nga SPAK.

“Problemi më i madh që ka sot PS-ja është problemi që ka sot z. Veliaj. Por vetë mazhoranca ka bërë një zgjidhje interesante që pothuajse e kanë zhveshur nga shumë element dhe angazhime brenda partisë.  z. Veliaj e presin sfida të mëdha ku nga pretendente kryesor pas z. Rama tashmë është alternativa për të shpikur një Veliaj të ri për të bërë karrierë brenda partisë, gjë që është shumë e vështirë”, tha Andoni.

Në përfundim, Andoni tha se Rama po bënë fushatë me individë që nuk janë të përfolur nga drejtësia.

“Rama  narracionin e tij të ri politik për ofertën e 11 majit po e bënë me individë që nuk kanë indicie nga drejtësia.  Ndaj unë mendoj që oferta e mazhorancës mund të vonojë por do të jetë një ofertë që do të përmblidhi më shumë një zhvillim modernë të Shqipërisë dhe brenda besoj se do të ketë dhe Mea Culpa të mëdha me atë që ka ndodhur në mandatin e tij të tretë”, përfundoi ai.

Gazetari Artan Hoxha shprehet se konferenca e fundvitit e kryeministrit Edi Rama me gazetarët, prodhoi mesazhe të qarta, mbi atë se çfarë pritet të dalë për të në ditët në vijim.

Hoxha tha se mbrojtjen që Rama i bëri kryebashkiakut të Tiranës, Erion Veliaj, nuk e ka bërë për asnjërin nga socialistët e tjerë të partisë.

Sipas Hoxhës, përgjimet ec janë e dhëna më e fortë për SPAK, lidhur me hetimin e korrupsionit zgjedhor. Për gazetarin Hoxha, askush nuk po merret me thelbin e çështjes dhe shqetësimin e qytetarëve, sa i përket incineratorit të Tiranës, që sipas tij po helmon jo vetëm të gjallët, por edhe të vdekurit në Sharrë.

“Pjesa dërrmuese e konferencës së Ramës ishte në apologji për Veliajn, gjë që nuk e bëri për Ahmetajn, Beqajn e të tjerë.

Atë ditë kishte 3 mesazhe, së pari kush e kontrollon lojën e së dyti për mbështtjen për Veliajn, së 3, çoi këtë gjënë tjetër për të minimuzuar gjërat që do të dalin. Është shumë interesante, për ato që do të dalin për Ramën.

Hetimet që kanë të bëjmë me krimet e kriptuara janë historike, ato janë para zgjedhjeve të 2021. Ajo që ulërin, është se si është zhvilluar fushata dhe si kanë lëvizuar forcat e nëndheshme që çuan në këto rezultate.

Nuk shoh asnjë çështje për krimet zgjedhore, ndërsa aty i kanë pasur. Krimi dhe organizatat kriminale, ndanin pushtetin me njëri-tjetrin. Aty s’del asnjë e dhënë, deri tani s’ka agjsë. Vijnë dëhsmitarë një nga një, në paradë, në tapet… Në vend të merremi me thelbin e shqetësimit të publikut, ne merremi me këto faturat. Këto janë teknikalitete.

Isha në një rast, në një vaki në Sharrë. Sa kaluam Kombinatin, ishin bërë male, tre male të mëdha dhe vetëm shtohej, rritej më shumë në Sharrë. Nuk qëndroje dot. Ne nuk merremi me diçka që helmon. Po helmojnë dhe të vdekurit.

Interesi i qytetarëve është kjo gjëja e madhe që po i dëmton çdo ditë. Te incineratori Veliaj s’është, te 5D jo…s’ka shkuar me avokat, emri i tij s’është i regjistruar”, tha Hoxha.