Kreu i PD, Lulzim Basha ka reaguar sërish në lidhje me situatën e krijuar tek kryeministria. Basha shprehet se, Rama kërkon përplasje dhe në mënyrë të qëllimshme ka krijuar këtë situatë.
“Me tërheqjen e policisë, Rama tregoi se ka skenar perplasjeje, duke nxjerrë gjendjen jashtë kontrollit! Protestuesit erdhën për të protestuar pa dhunë. Policia ka ndêrprerë kontaktin me organizatorët”, deklaroi Basha.
Deklarata e dytë e kryetarit Basha
Ky që shohim është një skenar. Ju e patë sesi, pas një përpjekjeje fare të lehtë nga një grup banorësh të Unazës, papritur u ça kordoni i policisë, që të përdorej dhuna, të hidhej gazi lotsjellës. Dhe e gjitha kjo që dëgjoni në altoparlant, është pjesë e një skenari kriminal të policisë, të vënë nën urdhrat e Edi Ramës, për të provokuar një gjendje të tillë. Protestuesit kishin ardhur për të demonstruar paqësisht, pa dhunë. Po flisnin qytetarët. Në qendër të sheshit po flisnin qytetarët e Unazës, po flisnin fermerët, studentët, minatorët dhe, për shkak të skenarit të tyre ogurzi, tani gjendja ka dalë jashtë kontrollit dhe nuk duket asnjë polic, askund. Nuk merr kontakt me organizatorët e protestës, por vazhdon t’i fryjë skenarit të përplasjes dhe të dhunës me këto mesazhe idiote. Policia nuk po zbaton ligjin, policia e ka thyer ligjin.
Me tërheqjen e policisë, Rama tregoi se ka skenar përplasjeje, duke nxjerrë gjendjen jashtë kontrollit!
Qytetarët shkulin mikrofonat zhurmues të policisë
Të rinjtë ngjiten me kacavjerrje mbi 29 metra duke shkulur mikrofonat zhurmues të policisë. Protestuesit shkulën mikrofonat zhurmues të policisë për të lejuar qytetarët që të flasin në protestën e opozitës.
Qindra mijëra shqiptarë janë mbledhur në Tiranë për të protestuar kundër qeverisë së Edi Ramës.
Dhjetëra persona janë plagosur dhe disa të tjerë janë helmuar në gjen dje të fikti nga lënda helmuese që hodhi Garda në drejtim të tyre. Të paktën 6 persona janë dërguar me ambulancë për në spital. Ata kanë kryesisht probleme asfiksie nga gazi lotsjellës, por edhe goditja me sende të tjera. Dy autoambulanca kanë hyrë mes turmës për të marrë të plagosurit.
Dhjetëra të plagosur dhe disa të tjerë janë helmuar para Kryeministrisë
Dhjetëra persona janë plagosur dhe disa të tjerë janë helmuar në gjen dje të fikti nga lënda helmuese që hodhi Garda në drejtim të tyre. Të paktën 6 persona janë dërguar me ambulancë për në spital. Ata kanë kryesisht probleme asfiksie nga gazi lotsjellës, por edhe goditja me sende të tjera. Dy autoambulanca kanë hyrë mes turmës për të marrë të plagosurit.
Basha: Hapja e kordonit policor, plan i Ramës për të nxitur dhunën!
Kreu i PD, Lulzim Basha ka reaguar pas hapjes së kordonit nga policia. Basha tha se, ky është një skenar që Rama e ka bërë për të nxitur dhunën.
Prononcimi i Bashës për mediat
Ministri i Brendshëm e di fare mirë që kordoni i policisë ka hapur radhët për të krijuar një skenë të tillë. Siç e shikoni rrinë duarkryq sepse kanë një skenar për të nxitur dhe për të stimuluar dhunë.
Ka nisur para katër ditësh me deklarata të papërgjegjshme të Policisë, ka vazhduar gjithë mbrëmjen e djeshme, ditën e sotme, gjatë kohës që kanë qarkulluar protestuesit.
Dhe tani ndërkohë që protesta filloi plotësisht në mënyrë paqësore dhe s’kam asgjë me efektivët, se efektivët kanë marrë lule nga ne në fillim të protestës.
Ndërkohë me presionin më të vogël të turmës, që natyrisht që janë të irrituar sepse janë banorë të Unazës së Re, kanë shkuar për t’u prishur shtëpitë për t’u vjedhur 18 milionë euro, papritur shohim që hapet kordoni policor. Kjo do të thotë që ka një plan për të nxitur dhunë. Ka një plan për të nxitur dhunën që t’i drejtojë gishtin e akuzës opozitës dhe kjo është e papranueshme.
Policia gaz helmues ndaj protestuesve, ka të plagosur
Policia ka çarë vetë kordonin që rrethonte godinën qeveritare në nëj akt provokimi ndaj revoltës popullore. Kanë mjaftuar vetëm disa shtyrje në dukje që policia menjëherë të lirojë kordonin policore dhe po ashtu të nxisë protestuesit drejt Kryeministrisë. Kryetari i PD, Basha ka bërë të qartë se ka qenë vetë policia që e ka çarë kordonin policor. Ndërkohë po qëllohet me gaz helmues ndaj protestuesve dhe ka të plagosur në rradhët e protestuesve. Situata është mjaft e vështirë dhe protestuesit nuk janë tërhequr nga protesta, por ata janë spostuar nga shkallët e Kryeministrisë.
Protestuesit sulmuan godinën e Kryeministrisë ka reaguar Sali Berisha dhe menjëherë pas tij dhe kreu i PD-së Lulzim Basha.
Ata e kanë cilësuar një provokim të policisë dhunën që shperheu pak minuta pas fillimit të protestës. Ndërsa shumë aktivistë po mbanin fjalën e tyre, disa protestues u panë të çanin kordonin e policisë dhe janë ngjitur në shkallët e kryeministrisë duke shkatërruar skelën dhe tentuan të thyejnë xhamat dhe ti vënë flakën.
Basha u shpreh se: Policia e hapi kordonin mbrojtës qëllimisht për ta degjeneruar protestën paqësore në dhunë.
Gjatë minutave të kaosit u hodhën dhe flakadanë, ndërsa garda goditi me plumba gome si dhe hodhi gaz lotsjellës.
Protestuesit pushtojnë Kryeministrinë!
Ka nisur përplasje tek kryeministria.
Banorët e Astirit janë përplasur me policinë duke tentuar për t’u futur në kryeministri.
Protestuesit kanë hedhur shashka dhe flakadanë.
E gjithë Shqipëria në Tiranë, Rama gjen strehim në Vlorë i rrethuar nga autobusët e rretheve
Ndërsa në Tiranë qindra mijëra shqiptarë kanë rrethuar Kryeministrinë, Rama është fshehur në Vlorë. Në kanë mbërritur qytetarë nga qytetet e tjera si Lushnja, Fieri apo Mallakastra, Durrësi etj.
Kryeministri Edi Rama po zhvillon atje një antimiting. Burime të Faxweb.al bëjnë me dije se takimi i Ramës është shtyrë, për shkak se pritet mbërritja e qytetarëve, (një pjesë punonjës të administratës) nga qytete të tjera të vendit.
Edhe pse u tha se do të ishte një takim për “Bashkinë që duam”, duket se Rama do bëjë vlonjatë mezor, qytetarë nga i gjithë vendi. Kjo u paralajmërua që prej ditës së djeshmne nga ana e ish-kryeministrit Sali Berisha, ndërsa Rama e përgënjeshtronte duke thënë: Na qenkan shqetësuar andej nga Mavroboja për takimin e Vlorës nesër. Presion i madh për t’i sjellë njerëzit në miting thonë. S’është miting o mavri me bojë po dialogu qytetar #BashkiaQëDuam prandaj mos na bëni reklamë aman të keqen, se i thonë Vlorë dhe s’kemi ku ulim njerëzit.
Fotot e para të protestës më të madhe në 20 vite!
Protestuesit kane pankarta me mesazhin se Edi Rama eshte kryeminister ilegjitim, me vota te blera nga krimi. Pankarta te tjera akuzojne Ramen per vjedhjen e shqiptareve per t’u pasuruar vete bashke me oligarket. Te gjitha pankartat japin mesazhin se ka ardhur koha qe kesaj qeverie t’i jepet fund dhe t’i hapet rruga nje zgjidhje politike.
Ja mbath nga Tirana dhe rrethon Kryeministrinë me tela me gjemba si kufiri në vitet ‘90
Rreth orës 11:00 pritet protesta e opozitës ditën e sotme. Ndryshe nga herët e tjera, masat e marra nga policia janë më të shtuara.
Në dyert e Kryeministrisë është vënë re vendosja e telave me gjemba.
Kryeministria është institucioni më i vëzhguar dhe i mbrojtur, për shkak se protestuesit do të mblidhen para saj. Mbi tarracën e Kryeministrisë janë vendosur punonjës të Gardës, të cilët vëzhgojnë me dylbi.
Pamjet i ngjajnë atyre të vitit 1990 kur kufiri rrethohej me gjemba.
Kryeministria rrethohet me tela me gjemba
Në dyert e Kryeministrisë janë vendosur tela me gjemba. Ndryshe nga herët e tjera, masat e marra nga policia janë më të shtuara dhe ndërkohë që Kryeministria është objekti më i vëzhguar për shkak se protestuesit do të mblidhen para saj. Mbi taracën e Kryeministrisë ka punonjës të Gardës që vëzhgojnë me dylbi.
Opozita e Bashkuar proteston sot kundër qeverisë “Rama”. Prej më shumë se një muaji, partitë opozitare kanë thirrur shqiptarët në protestë në kryeqytet për të rrëzuar kryeministrin Edi Rama dhe për t’i hapur rrugë krijimit të një qeverie tranzitore që do të përgatisë vendin për zgjedhje të parakohshme parlamentare, që sipas opozitës do t’i hapë vendit rrugën e integrimit.
Policia ka paralajmëruar se në protestë ka persona me precedentë penalë dhe ish-të dënuar për krime të dhëna që do të përdorin dhunën por opozita e ka mohuar duke thënë se elementët kriminalë janë në qeveri.
Opozita është deklaruar kundër dhunës por se gjithçka është në dorën e protestuesve. Në protestën e sotme, ndryshe nga sa jemi mësuar nuk do të ketë fjalime.
Ndërkohë që në orët e para të mëngjesit, autobusë e mjete të shumta me qytetarë janë nisur nga 12 qarqet e vendit.
FRPD menaxhon protestën
Do të jenë të rinjtë e Forumit Rinor të Partisë Demokratike që do të menaxhojnë dhe mbajnë nën kontroll protestuesit e thirrur sot në protestën e opozitës. Gazetari Klajdi Bodlli raportoi për “BalkanWeb” se 500 te rinj të FRPD do të bëhen kordon para protestuesve.
Policia është bërë kordon para objektit të Kryeministrisë. Në gardhin e efektivëve të policisë ka shumë pak police femra, pothuajse të gjithë janë policë meshkuj. Ndërkohë në derën e Kryeministrisë qëndon një zjarrfikëse dhe punonjës të zjarrfikësve.
Bëhen gati autobotet, policët pajisen me maska kundër gazit
Plot 1300 forca policie do të jenë sot në terren të angazhuar për protestën e opozitës së bashkuar që do të nisë në orën 11:00 në Tiranë. Nga ana e strukturave të policisë ka nisur të vihet në zbatim plani i masave.
“Ka nisur që në orët e para të mëngjesit shpërndarja e policisë nëpër kryeqytet dhe jo vetëm por edhe në akset lidhëse me qytetet e tjera ka prezencë të shtuar të policisë rrugore.
Është ndjekur protokolli dhe janë vendosur autobotet me ujë pas kryeministrisë, zjarrfikëse dhe ambulanca në rast të ndonjë emergjence. Pritet që të jenë 1300 efektivë policie në terren, 900 do të vendose para Kryeministrisë”.
Mediat gjermane: Protestë masive në Shqipëri për rrëzimin e qeverisë
Protesta e organizuar nga opozita që pritet të zhvillohet sot të shtunën paradite (16.02.2019) në Tiranë ka ngritur gadishmërinë e policisë për të shmangur incidente potenciale të dhunës, trazirat dhe destabilitetin. Drejtori i Përgjithshëm i Policisë së Shtetit, Ardi Veliu, në një deklaratë zyrtare të publikuar në prag të protestës informon të gjitha palët dhe qytetarët se citoj ”Policia e Shtetit ka informacione që persona të caktuar, me rekorde kriminale apo të dënuar më parë për vepra të rënda penale, janë përgatitur për të ushtruar dhunë në protestën e datës 16 shkurt 2019, të organizuar nga Partia Demokratike”.
Në deklaratë policia e shtetit u bën thirrje organizatorëve, të distancohen nga zërat që inkurajojnë dhunë dhe personat me rekorde të rënda kriminale si edhe të gjithë qytetarëve, që nuk kanë lidhje me protestën, “të evitojnë qëndrimin në bulevardin “Dëshmorët e Kombit”, përballë Kryeministrisë, ku pritet të zhvillohet protesta.
OSBE – dhuna nuk është rruga më e shkurtër për të marrë pushtetin
Prania e OSBE-së në Tiranë, në deklaratën e saj në prag të zhvillimit të protestës së opozitës tërheq vëmendjen e organizatorëve, qytetarëve dhe gjithë palëve të përfshira se “aspiratat e të gjithë qytetarëve shqiptarë kërkojnë një diskurs politik të pjekur dhe konstruktiv; trazirat nuk janë një rrugë e shkurtër për të ardhur në pushtet. Shqipëria ka parë boll dhunë politike në të shkuarën.”
OSBE sjell në vëmendje dëmin që mund t’i shkaktohet Shqipërisë nga kthimi pas kohën e protestave me akte dhune, duke patur parasysh precedentet e protestave të opozitave: opozitës së djathtë në vitin 1998 dhe asaj të majtë në vitin 2011, ku u vranë 4 protestues të parmatosur nga qeveria e djathtë e asaj kohe. “Shqipëria futet në një periudhë katërmujore vendimtare, kur të gjitha përpjekjet dhe energjitë duhet t’i kushtohen organizimit të zgjedhjeve vendore, të cilat janë një provë e vërtetë për demokracinë” thekson deklarata e OSBE-së.
Kërkesat e opozitës
Kërkesa kryesore e protestës së organizuar nga opozita është largimi i kryeministrit Rama, formimi i një qeverie kalimtare me akademikë për të garantuar zgjedhje të lira dhe të ndershme. Opozita e akuzon kryeministrin Rama dhe qeverinë e tij, se është e lidhur me krimin dhe ka fituar mandatin e dytë qeverisës, në sajë të vjedhjes së votave në zgjedhjet parlamentare të qershorit 2017, bazuar në përgjimet e publikuara telefonike të Prokurorisë.
Mes garantimit të së drejtës së protestës e shmangies së dhunës
Policia e shtetit synon të garantojë ushtrimin e së drejtës së qytetarëve për të protestuar dhe njëherazi të shmangë degjenerimin e protestës në dhunë, trazira dhe destabilitet. Për këtë qëllim nuk u është dhënë leja organizatorëve, të përfshijnë në mjediset ku do të zhvillohet protesta edhe rrugën” Ismail Qemali” ku ndodhet Radio-Televizioni Publik, përfaqësi diplomatike dhe institucione shtetërore. Hyrja në Kryeministri , në strehën e të cilës është vendosur vepra ”Maqeque” e artistit të njohur francez Philippe Parreno, është mbuluar dhe izoluar.
Policia e Shtetit ka dhënë leje për zhvillimin e protestës në bulevardin
”Dëshmorët e Kombit” që historikisht është përdorur për protesta dhe ka hapësirë për pjesëmarrje masive të qytetarëve protestues. Sipas të dhënave të sapopublikuara nga PD, protestues nga gjithë vendi janë nisur të shtunën paradite drejt Tiranës, me mjete publike, private, autobusë dhe furgonë.
Lulzim Basha, lideri i Partisë Demokratike, organizatores kryesore të protestës ka reaguar pas vendimit të policisë. Ai e konsideron mosdhënien e lejes për të protestuar në rrugën ku ndodhet RTV Publik “si një përgjegjësi që do të bjerë mbi qeverinë Rama, për pengesën që i bëhet të drejtës së shqiptarëve për të protestuar”. Ndërkohë Kryeministri Rama do të jetë në Vlorë gjatë zhvillimit të protestës në takim me qytetarë në kuadër të takimeve që kreu i qeverisë së Tiranës zhvillon për bashkëqeverisjen me qytetarët.
Kryesore
Continue to the category
