Ish-ministri i Jashtëm i Shqipërisë, Besnik Mustafaj ka analizuar situatën politike në vend teksa ishte i ftuar në rubrikën “Opinion” në News 24. Ai u ndal tek protesta e opozitës së bashkuar, e cila është parashikuar me 16 mars, ndërsa për Mustafajn është jetike në demokraci mbushja e rrugëve me njerëz që kërkojnë përmirësimin e sjelljeve të një qeverie.
Analisti pohoi se kryeministri Edi Rama nuk arrin të lexojë pakënaqësitë e qytetarëve dhe kjo në pikëpamjen e Mustafajt është e rrezikshme për një sistem demokratik.
“Duhet mbajtur fryma e protestës dhe kjo mbahet përmes rrugës dhe jo ligjërimit. Unë nuk jam ithtar i dhunës. Protestat duhet të jenë demokratike deri në fund. Masiviteti i tyre është presioni që duhet ti behët deri në fund. Rama është një politikan që nuk lexon pakënaqësitë e popullit, pakënaqësitë e politikës dhe opozitës. Në demokraci, mbushja e rrugës është sinjal që duhet të ndryshohet qeveria dhe sjellja e saj”, tha Mustafaj.
Gjithashtu ai komentoi edhe gabimet e bëra nga kreu i Partisë Demokratike, Lulzim Basha në qasjen dhe marrëdhënien që ka mbajtur me shoqërinë civile në vend.
“Basha ka filluar që në 2015 një hapje ndaj shoqërisë civile dhe një tentativë për të vendosur urë lidhëse me shoqërinë civile nga fusha të ndryshme, e gjerë tek analistët e mediave shqiptare. E keqja e Bashës ka qenë se ka shkuar në këto takime dhe ka qenë i relaksuar. Nuk ka mbajtur shënime dhe nuk i ka analizuar konkluzionet.
Në përgjithësi në një sistem demokratik dhe opozita ka dy elementë që e përbëjnë atë.

Është elementi aritmetik, nëpërmjet numrave dhe aspekti moral. Në rastin konkret kur opozita ishte numerikisht ishte e pamundur të ndikojë në ligjvënien dhe në drejtimin e vendit. Këta që po shkojnë në Kuvend nuk kanë anën morale, shkojnë për të qenë numra dhe nuk përfaqësojnë interesin e elektoratit. Mua nuk më përfaqësojnë ata. Këta nuk janë moralisht legjitim”, shtoi ai.
Ish-diplomati, Besnik Mustafaj u ndal tek vajza e Azem Hajdarit, e cila nuk shkoi në një linjën me PD-në për të djegur mandatin e deputetes. Mustafaj ndërkohë komentoi edhe veprimin e deputetëve të rinj të opozitës, të cilët pranuan të marrin mandatin e deputetit pas krijimit të vakancave brenda parlamentit. Sipas tij, ata nuk përfaqësojnë elektoratin në aspektin moral.
“Nuk preferoj të bëjë koment për Rudinën. Është në një moshë që po rritet dhe po piqet. Mbiemri Hajdari është shumë i rëndësishëm. Hajdari është në momentin dhe në moshën që i lejohen gabimet dhe ato janë elementë të mësimit.
Edi Rama nuk ka treguar dhe nuk po tregon që është një burrë shteti. Unë besoj se Edi Rama e keqkupton edhe atë që e quani ju “mbështetjen e ndërkombëtarëve”. Evolucioni i ndërkombëtarëve është i pritshëm. Opozita ka shkuar aq larg sa nuk mund të ketë kthim pas. Unë nuk e kuptoj se pse i kërkojnë kthim pas Bashës. Edi Rama ka një natyrë shumë bizantine dhe ai do të gjejë kandidatë të pavarur nga opozita dhe do të krijojë një konfiguracion shumëngjyrësh në zgjedhjet lokale dhe kjo nuk do më çudiste shumë nëse do ta bënte Edi Rama”, përfundoi Mustafaj.

Në ditën e 131 të protestës, banorët e Unazës së Re kërkojnë anulimin e projektit shtëpitë e të cilëve do të shemben nga Rama-Veliaj pa asnjë dëmshpërblim.
“Mos guxo të na prishësh shtëpitë, do t’ju vrasë zoti përmes popullit. Edhe diçka nga ana juridike, ne këto shtëpi i kemi ndërtuar 30 vjet më përpara. Në atë kohë shteti nuk ekzistonte. Çfarë ndodhi? Për 15 vjet rrjesht na e thanë, ju e keni fituar”, shprehet një nga banorët.
Në mbështetje të tyre, i pranishëm në protestë është ish-deputeti i PD-së Klevis Balliu. Gjatë fjalës së tij, demokrati u shpreh i bindur se më 16 mars do të largohet qeveria e kryeministrit, Edi Rama.
“Ne nuk na prish punë as shiu as dielli, e vetmja gjë që ju prish punë juve është Edi Rama. Është e vërtetë me datë 16 do festojë Luli dhe gjithë shqiptarët se do ikësh ti. Ju jeni bërë një shembull sesi protestohet dhe sesi qëndrohet përballë mafies dhe pushtetarëve të korruptuar. Të gjithë thonë bravo i qoftë unazës që nuk ulin kokën përballë një pushteti të korruptuar.
Këta qeveritarë të ardhur nga bota e drogës të paguajnëkrimit. Nuk duam të bjerë ky projekt, por vetëm qeveria. Rama bie vetëm një mënyrë, protestës dhe revoltës te kryeministria. E kam thënë dhee përsëris që fuqia që ju keni është më e madhe se e kësaj qeverie. Datë 16 mars nuk është një vend ku mblidhesh se ju thirrur një person. Kjo protestë përfaqëson të gjithë atë naftëtarë , nënat e tyre që nuk kanë parë fëmijët e tyre se iu desh të protestonin . E di gjithë bota dhe Europa se shqiptarët janë populli më i vjedhur”, tha Balliu.

Në takimin që po mbahet nga Aleanca per Mbrojtjen e Teatrit, me praninë dhe të liderit të opozitës, Lulzim Basha ka qenë e pranishme edhe shkrimtarja e njohur Flutura Açka. Ajo deklaroi se, sot askush nuk i përfill artistët, ndërsa tha se Ministria e Kulturës nuk ka drejtori për librin dhe për bibliotekën. 
“Askush nuk i përfill sot artistët. Pa menduar për librin që është vaj medet. Çmimi i librit është rrritur me 26%. Një popull ku 1 milion nuk kanë lexuar dot, se nuk e blejnë dot. Besoj do të jetë në vemendjen tuaj që për librin të mos lihet. Mendoje se se çfarë katastrofe ndodh me librin. Në miistrinë e Kulturës nuk ka drejtori libri dhe biblioteke.
Është paralizuar qendra kombëtare e librit. Kjo mund të bëhet enkas për të fshirë të shkuarën. Në vitin e Skënderbeut është djegur dhe përmbytur bliblioteka kombëtare. Kjo bëhet ndoshta për të fshirë çfarë është bërë këto 30 vjet ose është bërë nga padija. Unë dua nga ana juaj vëmendje. Ka shumë probleme”, tha shkrimtarja.
Açka tha se nëse qeveria vendosë të prishë teatrin kundër vullnetit të artistëve ata do lidhen me zinxhirë.
“Kur nuk dihej se çfarë do bëhej me teatrin, një shoqja ime më telefonoi dhe më pyeti: Flutura si mendon ti se cili mund të jetë hapi i fundit? I thashë se hapi i fundit mund të ishte të lidheshim me zinxhirë. Më thoni dhe unë do vij të lidhem. Dhe kjo mund të jetë një masë drastike nëse ndodh. Ky është një paralajmërim për ata që në një natë të errët mund të vendosin të shkojnë kundër dëshirave të artistëve”, tha Açka.
Ndërkohë që pedagogu Mark Marku kërkoi llogari nëse PD ka një projekt të sajin lidhur me atë që do të ndodhë me Teatrin.

“Gjithë diktatorët kanë frikë nga teatri, kur ai nuk u shërben interesave të tyre”, kështu u shpreh profesori dhe publicisti Edmond Tupja ndërsa i drejtohej kryeministrit Edi Rama, në tryezën e organizuar nga kryedemokrati Basha në bashkëpunim me Aleancën për Mbrojtjen e Teatrit.
“Qeveria aktuale, në personin e kryeministrit ka frikë nga teatri. Gjithë diktatorët kanë frikë nga teatri, kur ai nuk u shërben interesave të tyre. Sepse në teatër që në kohën e Aristotelit në teatër bëjmë katarsis.Spektatori bën katarsisin, pra zhvishet për të bërë katarsisin sepse nuk mund të shkosh i blinduar dhe të zhvishesh do të thotë ta shikosh veten lakuriq. Të shohësh veten lakuriq në kuptimin e figurshëm do të thotë të kuptosh sa vlen. Dhe kur ti e kupton që nuk vlen ti e urren vetveten. Kjo është për z. Rama”, u shpreh professor Tupja.

Edi Rama po i përdor të gjitha metodat, që nga blerja e deri tek dhuna, ndaj kandidatëve të listave të PD-së me qëllim që të pranojnë mandatin e deputetit.
Pas denoncimeve publike për blerje, sot kryetari i PD, Fier, Luan Baçi ka denoncuar një rast skandaloz, atë të arrestimit të Kryetarit të grupseksionit të PD në Fier vetëm sepse ai nuk pranoi të marrë manatin e depuytetit ndërsa ishte tek lista pritëse.
Baçi tha se kandidati për deputet në listat e PD, Pandeli Tole është arrestuar dhe është vënë në presion për të pranuar mandatin e deputetit.
‘I kanë prerë flet arrestin dhe po e mbajnë brenda pasi nuk ka pranuar mandatin. Pandeli Tole po mbahet në mënyre të padrejtë’, ka thënë Baçi.
Baçi shtoi se policia është vendosur në shërbim të politikës.‘Mbahet në birucë dhe po i bëhet presion. Policia është vendosur në shërbim të politikës dhe qeverisë. Po cenon të drejtat e qytetarëve fierakë’, u shpreh Baçi.
Postimi kryetarit të PD Fier, Luan Baçi
“Vazhdojne, presjonet, shantazhat dhe intrigat, e Policise, ne drejtim te Qytetareve Fierak qe protestuan, kunder Kryeministrit, ne Fier.
E turpshme dhe shume e denushme, rasti i arrestimit te Pandeli Toles, Kandidat i listes se PD dhe kryetar Grup sek i Deges se PD Fier dhe i bejne presjon, per te pranuar, mandatin e Deputetit.
Nuk mund te na trembni, aq me teper, nuk mundeni te na bleni.
Tik, tak, tik tak”.
Pandeli Tole është arrestuar mesditën e së mërkurës.

Gjykata e Fierit liroi para pak ditësh 4 protestuesit e arrestuar pas revoltës kundër vizitës së Ramës në këtë qytet. Mase e dhënë është “detyrim parqitje”.
Protestuesit, të cilët u arrestuan më datë 9 mars në Fier. Tre protestues janë nga Patosi dhe një nga Roskoveci. Ata janë Behar Xhelo 56 vjeç, Besnik Jaupaj 56 vjeç, Gezim Balla 56 vjeç dhe Hysen Hoxha 59 vjeç.
Veprat penale për të cilat ata akuzoheshin ishin “Organizimi dhe pjesëmarrja në grumbullime dhe manifestime të paligjshme” dhe “Pengimi i qarkullimit të mjeteve të transportit”.
Kreu i Degës së PD Fier, Luan Baçi ka kërkuar të bëhet pjesë e seancës. Mirpo, ky i fundit nuk është lejuar nga policia që të hyjë në ambientet e brendshme të Gjykatës. Insistimit të Baçit për të ditur arsyen e refuzimit të hyrjes së tij në Gjykatë, policët iu përgjigjën se “kemi urdher nga shefi”, “fol me shefin”.