15.5 C
Tirana
E enjte, 8 Maj, 2025
type here...

Berisha: Protesta e 16 shkurtit është një përballje historike, Rama në grahmat e fundit…

Ish-Kryeministri Berisha, i ftuar në emisionin “Byro politike” në ABC News e ka cilësuar si historike protestën e 16 shkurtit. Ai ka deklaruar se, Edi Rama shëmbëllen më shumë se kurrë me byronë e dikurshme politike në grahmat e fundit të saj.
Berisha u është referuar manipulimeve masive të votave nga socialistët, duke marrë si referencë zgjedhjet e vitit 2001 dhe ato të vitit 2017.
Berisha theksoi se, dosja 339 dëshmoi më së miri se në Durrës, Lezhë, Dibër, Elbasan, u përdorën gjerësisht bandat dhe ishin ato që përcaktuan rezultatin zgjedhor.
Banda këto të lidhura me ministra dhe vetë Kryeministrin.
“Edi Rama shëmbëllen më shumë se kurrë me byronë e dikurshme politike në grahmat e fundit të saj.
Protesta është një përmballje historike. Në pluralizmin shqiptar, dy kanë qenë grabitjet më të mëdha elektorale.

Ka qënë viti 2001, ku me faktet e saj arriti të ndryshojë raportin e OSBE-ODIHR, e cila diktoi një zgjidhje që u diktua nga një rezolutë unikë nga Parlamenti Europian, ku shkruhej se në rast se socialistët zgjedhin presidentin ai nuk do të njihet.
Kemi vitin 2017 ku thuhej në raportet ndërkombëtare se 20 % e votave u blenë. Kjo mjafton për të rrëzuar cdo zgjedhje.
Çfarë ndodhi në 2017-ën? Një raport i OSBE që shkruan e zeza mbi të bardhë se blerja e votave arriti në 20%. Mjafton vetëm kjo që të mos e pranojmë rezultatin. Opozita u gjet pa provat e nevojshme të këtij 20%. Kaloi koha dhe doli dosja famoze 339 dhe tashmë kemi një dokument të institucioneve shtetërore se në Durrës, Lezhë, Dibër, Elbasan ishin bandat ato që përcaktuan rezultatin zgjedhor. Ishin bandat ato që përcaktuan rezultatin zgjedhor.
Sot nuk ka njeri që mund të thotë se mund të bëhen zgjedhje me Edi Ramën. Nuk jam autori i marrvëveshjes së 18 majit me Edi Ramën, por jam mbështetës i saj. Rama e bën për interesa të saj që bën sikur marrëveshja vazhdon, por ajo është varrosur. Një marrëveshje Rama-Basha? Kjo do të varroste përfundimisht procesin zgjedhor”, tha Berisha.

Shqipëria në Tiranë, Rama fshihet në Vlorë!

Nada MEÇORAPAJ

Si deputete e Vlorës, vizita e kryeministrit të vendit në qytetin tim do të më gëzonte. Sepse një kryeministër i përgjegjshëm udhëton dhe viziton me një agjendë të caktuar, me një premtim të mbajtur që do t’jua komunikojë zgjedhësve, apo me një premtim të ri, i cili do të besohet më lehtë nëse është realizuar një premtim i mëprashëm.
Të shtunën kryeministri është në Vlorë. Do të bëjë premtime me siguri, por do të jenë të llojit: sa të jem unë dhe Partia Socialiste kjo opozitë nuk vjen në pushtet!
Opozita ndërkohë do të jetë në Tiranë për protestën e 16 shkurtit. Kryeministri nuk do të jetë në zyrë, por ai nuk gjendet në zyrë që prej 6 vitesh. Çfarë tjetër e shpjegon keqqeverisjen?!
Ai udhëton, shëtit, hap ekspozita dhe bën statuse. Nganjëherë edhe fshihet. Në Vlorë.

Pse Rama shqetësohet për uljen e taksave nga PD!

Nga Jorida TABAKU

Nga janari 2014 e deri më sot qeveria shqiptare ka dhënë mbi 2 mld USD PPP tek një grusht njerëzish. Një vlerë që është sa 13,3% e PBB-së dhe që e ka çuar borxhin publik që paguhet nga çdo shqiptar në 83%. Janë këto koncesione dhe PPP shoqëruar me ligjet speciale me emër biznesi që kanë rënduar shpenzimet ndërsa taksat e shqiptarëve i kalojnë në xhep oligarkëve.
Përpos PPP-ve dhe koncesioneve janë dhe mbi 200 mln euro të tjera që qeveria u ka falur 11 oligarkëve të pereferuar. Ndërsa 1 në 3 tendera janë dhënë pa garë siç e konfirmon edhe raporti i BE-së për tenderat dhe koncesionet. Të gjitha këto vlera marramendëse merren nga taksat e qytetarëve, nga tarifat e rritura dhe nga raprezaljet e qeverisë për të mbledhur çikërrimat nga xhepat e qytetarëve.
Kësaj politike, ku taksohet i pamunduri dhe paraja i shkon në xhep oligarkut, ku tregu është i zaptuar nga ligje klienteliste dhe monopolistike, ku qeveria punon për të dhunuar lirinë dhe për të taksauar padrejtësisht, ne do t’i japim fund.
Oferta e Partise Demokratike është ulje e taksave të rritura që shkojnë në xhepat e oligarkëve me koncesione. Ne propozojmë uljen e tarifave dhe çmimit të energjisë elektrike me heqjen e taksës rilindje. Ofrojmë heqjen e taksës së karburantëve që ka rritur koston e ushqimeve dhe ka shndërruar karburantin në luks.
Do të ulim taksat për bizneset e vogla dhe të mesme që secili nga këto sipërmarrje të ketë mundësi të paguajë më pak dhe të zgjerojë biznesin për të hapur vende të reja pune dhe paga më të larta.
Propozojmë uljen e taksave për bizneset dhe sipërmarrjet që të rriten pagat dhe të rritet konkurenca. Ndryshojmë nga kush pretendon se mbron shtresën e mesme, ne propozojmë që punonjësit të mos prodhojnë artificialisht NIPT për të mos u taksuar me 23% mbi pagën.
Oferta jonë është e qartë; jo taksim i dijes, jo taksim i pandershëm dhe nxitje e punësimit, tregut të lirë sipërmarrjes. Beteja jonë është për një treg të lirë dhe kundër një tregu të kontrolluar nga oligarkët apo monopolet. Beteja jonë është për Shqiptarë që punësohen dhe jo që largohen për azil politik.
Me 16 shkurt shqiptaret do te protestojne dhe per taksat e rritura!

Mbështetje nga Londra për protestën më 16 shkurt!

Shqiptarë që punojnë dhe jetojnë në Londër së bashku me kreun e degës së PD Naim Hasani kanë zhvilluar një aktivitet përpara Parlamentit Britanik në shenjë solidariteti dhe mbështetje për protestën e qytetarëve shqiptarë të mbështetur nga Partia Demokratike e cila do të mbahet më 16 shkurt. Dega e Partisë Demokratike në Britani, zhvilloi një aktivitet simbolik, përpara Parlamentit Britanik, në shenje solidariteti nga Londra me protestën masive, paqësore dhe demokratike të thirrur nga Partia Demokratike e Shqipërisë dhe lideri i opozitës z. Lulzim Basha në Tiranë ne datën 16 Shkurt 2019. Kreu i degës së PD, Naim Hasani në fjalën e tij tha: -”Ju bëjmë thirrje të gjithë shqiptarëve të ndershëm në Shqipëri dhe diaspore kudo qe janë, ti bashkohen kësaj proteste.
Shumica dërrmuese e shqiptarëve ka mjaft arsye për ti thënë JO, shkatërrimit të demokracisë, largimit masiv nga trojet shekullore dhe shuarjes totale të shpresës tek rinia shqiptare, nga Rilindja dhe qeverisja me bandat dhe krimin, kundër uzurpimit të parlamentit shqiptar nga elemente të rrezikshëm kriminale dhe oligarkë, kundër fenomenit te turpshëm të shitblerjes se votës me paratë e krimit, me pasoja shkatërrimtare për rendin demokratik ne Shqipëri.
Një kronike të zgjeruar te këtij aktiviteti sensibilizues, në mbështetje të protestës se 16 Shkurtit do ta ndiqni edhe në media.# Shqipëria Ngrihet”.

Paloka zbulon ku do të jetë Rama më 16 shkurt!

Nënkryetari i PD, Edi Paloka shkruabn në një postim në Facebook se, Rama më datë 16 shkurt ose do të jetë jashtë ose do të shkojë në Vlorë.
Postimi i Palokës në FAcebook
BAST qe Rama me date 16 shkurt ose do te jete jashte ose do te shkoje ne Vlore.
Keshtu ka vepruar ne gjithe protestat e medha qe ka zhvilluar PD…
Edhe ne Vlore nuk shkon se ndjehet i sigurte prane “elektoratit” te tij, se per ate pune vlonjatet jane te paret qe duan t’i vene drune, po se nga Vlora eshte mesuar qe merr helikopterin per ne Rinas e atje i hipen menjehere carterit. Ndoshta per kete ja kthyen dhe nje here provizorisht Air Turkish Albanian…

Përmbyset autobusi në autostradë, shkon në 13 numri i viktimave!

Numri i viktimave ka arritur në 13, ndërsa rreth 40 persona të tjerë janë shtruar në Spitalet e Shkupit pas lëndimeve që kanë marrë nga aksidenti në autostradën Shkup-Tetovë
Këtë e konfirmoi ministri i Shëndetësisë Venko Filipçe në konferencën e parë për media pas aksidentit .
Shkaqet ndonëse nuk dihen akoma, por raportohet se autobusi i kompanisë Durmo Turs, në fshatin Llaskarcë ka humbur kontrollin dhe ka dalë nga rruga dhe është rrokullisur.
Ndërkohë drejtori i Emergjencës në Qendrën Klinike në Shkup, Ilir Asani ka konfirmuar se që nga ora 18:30 gjithsej 5 pacient janë transportuar ne spitalin “Nënë Tereza” prej të cilëve 4 janë në gjendje të rëndë kritike, mes tyre edhe një grua shtatzënë.

Deputeti publikon shifrat: Vetëm në Itali janë kapur 34.8 ton kanabis dhe 270 kg heroinë e kokainë!

Deputeti i PD, Ervin Salianji ka reaguar menjëherë pas deklarimeve të Ministrit të Brendshëm Lleshaj, sipas të cilit, 100% e territorrit është i pastër dhe që Shqipëria ka dalë nga harta e vendeve kultivuese të kanabisit!
Salianji e ka krahasuar deklarimin e Lleshajt me atë të ish-minisytrit Tahiri, i cili pretendonte dikur se 99.2 % e territorit është e pastër nga parcelat e drogës.
Salianji thekson se, “me një kërkim minimal duket që aktiviteti kriminal jo vetëm që nuk është ndalur por ka avancuar në kokainë dhe heroinë!
Miliona Euro që qeveria i ka lejuar i kanë kapur policitë partnere. Vetëm në Itali janë kapur 34.8 ton kanabis, 270 Kg Heroine dhe kokainë!
Në Greqi 11 ton kanabis dhe heroine dhe kokainë, mediat më prestigjoze flasin pêr mafian që po kontrollon gjithë rrugët në Evropë përveç qeverisë!”, thekson Salianji.
Ai ka renditur numrin e madh të kapjeve të sasive të mëdha të drogës me origjinë nga Shqipëria.
Në fund të reagimit të tij Salianji shkruan: Në 16 Shkurt të çlirojmë Shqipërinë nga krimi, në këmbë për Shqipërinë.
Postimi i plotë i Ervin Salianjit
Propoganda që nuk mbulon dot dështimin, qeveria e ka humbur kontrollin në territor njësoj siç ka humbur logjikën!
Tahiri tha që 99.2% e territorrit është i pastër nga parcelat e drogës, sot Lleshaj deklaroi që 100% e territorrit është i pastër dhe që Shqipëria ka dalë nga harta e vendeve kultivuese të kanabisit!

Me një kërkim minimal duket që aktiviteti kriminal jo vetëm që nuk është ndalur por ka avancuar në kokainë dhe heroinë!
Miliona Euro që qeveria i ka lejuar i kanë kapur policitë partnere. Vetëm në Itali janë kapur 34.8 ton kanabis, 270 Kg Heroine dhe kokainë!
Në Greqi 11 ton kanabis dhe heroine dhe kokainë, mediat më prestigjoze flasin pêr mafian që po kontrollon gjithë rrugët në Evropë përveç qeverisë!
Artikujt me poshtë që gjenden lehtesisht janë fakte dhe dhe mund të pêrballen me propogandën bajate të qeverisë!
Kapur nga Policia Italiane
Drogë me vlerë 1 milionë euro, kapet kamionisti shqiptar në Itali
3pako me 155kg droge me vlere 1milion euro
22 Janar, 2019 10:52
Në ‘grep’ nga një pistoletë lodër, shqiptari në Itali kapet me tetë kuintalë drogë
15 Janar, 2019 15:26
Kapet gomonia me 1.5 tonë drogë në Itali, dyshohet se vinte nga Shqipëria
1 Dhjetor, 2018 09:45
Kapet gomonia 7 metra e mbushur plotë me drogë në Itali, arrestohen 2 shqiptarë
535 kg hashash
25 Gusht, 2018 10:47
Diplomati lëshon deklaratën ‘bombë’: Shqipëria është narko-shtet, kapet vetëm 5% e drogës

27 Janar, 2019 19:38
Goditja e katërt e DEA-s ndaj mafies shqiptare: Drogë e banane edhe në Belgjikë, kapet 313 kokainë
19 Maj, 2018 13:36
Kapet tjetër sasi e madhe droge, policia italiane sekuestron 2 ton hashash, 4 shqiptarë në pranga
30 Prill, 2018 13:59
Kapet 270 kg heroinë në portin e Genovas
8 Nentor, 2018 08:53
Itali, kapet gomonia me 352 kg drogë, vinte nga Shqipëria
11 Tetor, 2018 10:25
Momenti kur kapet gomonia me 557 kg drogë, pranga dy shqiptarëve
9 Tetor, 2018 08:43
Lajmi i fundit/ Ndjekje me anije dhe helikopterë, kapet 2 tonë drogë
15 Shtator, 2018 10:09
Kapet skafi me 550 kg marijuanë në Itali, reagon policia: Janë arrestuar…
2 Shtator, 2018 12:24
Kapet në Italia gomonia e nisur nga Shqipëria me 500 kg kanabis, 4 të arrestuar
30 Korrik, 2018 19:08
Kapet gomonia me 3 milion euro drogë shqiptare në Bari (FOTO)
16 Korrik, 2018 21:17
Kapet 2.5 ton kanabis në Itali, vinte nga Vlora
10 Qershor, 2018 17:01
Kapet gomonia me 1 ton drogë, skafisti shqiptar në pranga. Policia jep detajet
22 Prill, 2018 16:01
Kapet një gomone me 500 kilogramë hashash, dy shqiptarë në pranga
26 Mars, 2018 10:34
Itali, kapet drogë e madhe nga Shqipëria, pranga 25 personave
1 Mars, 2018 08:40
Tetë milionë euro drogës, kapet në Bari skafi me 900 kilogram kanabis
26 Janar, 2018 17:40
Vijon operacioni në Itali, kapet gomonia me 1,5 ton kanabis
20 Tetor, 2017 09:16
Kapja e 500 kg kanabis, arrestohen dhe dy punonjës të policisë kufitare
26 Mars, 2018 11:10
Media italiane: Droga e kapur në Ankona vinte nga Shqipëria.
19 Shkurt, 2017 14:30 | 0 shfletime
TIRANE– Policia e Shtetit ka reaguar pas lajmit në disa media italiane për kapjen e 10 ton kanabis në datën 8 shkurt në portin e Anconas, sipas të cilave vinte nga Shqipëria.
Droga nga Shqipëria e kapur në Adriatik me vlerë 20 mln euro, identifikohen 4 skafistët
02/05/2018, 09:23
Sasia e marijuanës së sekuestruar është 2517 kg. Sipas Financës Italiane kjo sasi droge do të sillte një përfitim tregu prej 20 milionë euro.
Ndjekje si në filma, policia italiane kap shqiptarët me 2 ton drogë në një motoskaf
15.09.2018 • 11:11
Droga e sekuestruar në Otranto me vlerë 7 milionë euro
E Hënë, 02 Tetor 2017
Në komunikatën zyrtare të sapo shpërndarë nga Policia Financiare italiane zbardhen detajet e operacionit që çoi në sekuestrimin e një gomone të nisur nga Shqipëria me 712 kg marijuanë dhe në arrestimin e 3 skafistëve vlonjatë.
440 kg drogë drejt Italisë dhe Zvicrës, në pranga 16 shqiptarë
22 Mars, 2018 10:41
Policia Greke
Kapet në Greqi me drogë Kostandina nga Saranda
Policia greke ka sekuestruar mbi 35 kg marijuanë në kufirin greko-shqiptar.
15 Janar, 2019 18:21
Kapet shqiptari në Greqi, qeni i gjeti drogën e fshehur në makinë, Në vende të ndryshme brenda mjetit u gjetën 39 pako me kanabis, me peshë të përgjithshme 19,9 kilogramë.
21 Nentor, 2018 17:11
97 kg drogë në autobus, kapet shoferi shqiptar në Greqi
8 Nentor, 2018 12:00
Kalonte kufirin me 16 kg drogë, kapet shqiptari në Greqi
16 Tetor, 2018 11:54
Kapet 125 kg drogë në Greqi, pranga 7 shqiptarëve
30 Shtator, 2018 11:24
32 vjeçari kapet duke e trafikuar në Greqi 7 kg drogë në “Toyota Rav”
5 Gusht, 2018 17:04
Kapet me 51 kg drogë në automjetin e tij, pranga 38-vjeçarit shqiptar në Greqi

3 Qershor, 2018 18:47
Drogë nga Shqipëria, kapet banda në Greqi. Pjesë e grupit, dy shqiptarë
25 Maj, 2018 13:38
Policia sekuestroi 53 kg 200 gram marijuane, 55 mije 70 euro dhe 6 celulare.
Kapet mjeti luksoz me drogë në Greqi, marijuanë brenda bombolës së gazit. Pranga çiftit shqiptar
21 Prill, 2018 21:14
Policia ka ushtruar një kontroll të imtësishëm në impiantin e gazit të mjetit. Brenda në bombol, janë gjetur dhe sekuestruar 35 pako me 31 kg 944 gram marijuanë.
Kapet në Greqi me 5 kg drogë muzikanti i njohur shqiptar
24 Mars, 2018 19:58
Kapet me 53 kg drogë, shqiptari mundohet t’i shpëtojë policisë
13 Janar, 2019 18:34
Greqi, kapet shqiptari me 38 kg drogë
12 Nentor, 2018 13:57
Kapet 21 kg drogë në Igumenicë, pranga shqiptarit (EMRI)
30 Tetor, 2018 18:07
Kapet 12 kg drogë në Janinë, pranga shqiptarit
25 Shtator, 2018 12:43
Me 86 kg marijuanë drejt Greqisë, kapet në Igumenicë lushnjari, zbulohet që ishte i dënuar

25 Gusht, 2018 14:10
Shqiptari me greken kapen mat në Bari, ja si e kishin fshehur 30 kg heroinë
10 Korrik, 2018 13:14
Greqi, 5 vjet i arratisur nga burgu, shqiptari kapet me 248 kg kanabis në makinë
28 Prill, 2018 09:22
Kapet hashash në kufirin grek, arrestohet një person
27 Shkurt, 2018 13:56
Një 26-vjeçar shqiptar u arrestua nga policia greke pasi u kap duke transportuar më makinë një sasi prej 104.9 kilogramë kanabis sativa.
Kapet me 9.4 kg kanabis, arrestohet tepelenasi në kufirin me Greqinë
20 Janar, 2018 17:00
Trafikonte kokainë, kapet 41-vjeçari shqiptar në Greqi
19 Janar, 2018 09:45
Siç bëhet e ditur nga mediat e vendit fqinj, operacioni i policisë u zhvillua në Halkidiki, ku shqiptarit iu sekuestruan 79 g kokainë dhe rreth 1 kg hashash.
Shqiptari kapet në doganën greke me makinën mbushur me drogë
9 Shkurt, 2019 14:45
Brenda në mjet u gjeten dhe sekuestruan dy çanta me 36 pako që permbanin 60 kg 940 gram marihuanë. Bashkë me to u sekuestrua celulari me një kartë SIM dhe 95 euro.
Në 16 Shkurt të çlirojmë Shqipërinë nga krimi, në këmbë për Shqipërinë ????????

Argatët e Beogradit në Prishtinë dhe Tiranë flamurmbajtës të ndarjes e coptimit të territorit të Kosovës

Ish-Kryeministri Sali Berisha ka zhvilluar sot një takim kryetarin e Partisë Republikane në Kosovë, Faton Kurti. Biseda mes tyre është fokusuar tek plani i Hashim Thaçit për të ndarë Kosovën. Berisha është shprehur se tani është koha që populli të vendosë vetë për fatet e Kosovës.
‘Ne diskutuam gjerësisht mbi veprimet e rrezikshme antikombëtare të argatëve të Beogradit në Prishtinë dhe Tiranë, të cilët me veprimtarinë e tyre janë shndërruar haptas në flamurmbajtës të ndarjes, copëtimit të territorit të Kosovës.
Argatët e Beogradit në Prishtine dhe Tiranë kanë punuar kundër interesave të vendit dhe kombit të tyre, në shkelje flagrante të Kushtetutës së Kosovës për të nxjerrë në treg çdo gjë të Kosovës, dhe këtë e kanë bërë vetëm për interesa personale të tyre dhe padronëve të tyre.
Miladinët shqipfolës, për llogari të padronëve të tyre dhe për interesa personale kanë bërë pazaret më të fëlliqura në dëm të Kosovës. Ata po lobojnë me të gjitha mjetet e tyre për këtë projekt ogurzi, i cili mund të ngjallë një konflikt të pandalshëm në Ballkan.
Ishim në një mendim se marrëveshja Kosovë-Serbi është e një rëndësie jetike për marrëdhëniet midis këtyre vendeve dhe paqen e rajonit.
Po ajo mund të jetë e tillë vetëm si marrëveshje midis dy vendeve sovrane. Kur argatë dhe aventurierë të zhveshur nga çdo gjë bien në këtë shkallë, i takon popullit të thotë fjalën e tij.
Një kauzë e drejtë mbrohet me çdo çmim’, thuhet në njoftimin e shpërndarë nga zyra e ish-kryeministrit Sali Berisha.

Territore apo treg në këmbim të njohjes?! Kjo është çeshtja!

Enver BYTYÇI

Akademia e Shkencave dhe Arteve të Kosovës u pozicionua dje rreth idesë së Vuçiq, Ramës dhe Thaçit për ndryshimin e kufijve dhe ndarjen e Kosovës. Sipas akademikëve, ndarja e vendit është një projekt i vjetër i Beogradit dhe shumë e dëmshme për Kosovën. Ndërsa sot kreu i kësaj Akademie, Nexhat Daci, përgenjështroi se deklarata e shpallur dje është firmosur prej tij.
Hulumtova në internet për të gjet një kryetar të dytë të ndonjë akademie të shkencave në botë, që predikon dhënien e territoreve të vendit të tij një vendi tjetër fqinjë, por më kot. Kurrkund në botë nuk ndodh kjo, ashtu siç nuk ndodh që kreu i një shteti të punojë për tjetërsimin e territorit të vendit të vet. Megjithatë nuk dua të ndalem në këtë.
Ajo me të cilën publiku shqiptar është përballur këto dy muajt e fundit ka të bëjë me dy skema të ndryshme për zgjidhjen e konfliktit idis Kosovës e Serbisë si dhe keqinterpretimin e mbështetjes amerikane. Në Kosovë ka tashmë dy rryma politike, të cilat elaborojnë dy skema të zgjidhjes së konfliktit shqiptaro-serb.
Rryma e parë është ajo që kryesohet nga Hashim Thaçi e mbështetet nga Nexhat Daci. Sipas kësaj rryme në dialogun me Serbinë duhet zbatuar skema “Territore në këmbim të njohjes”. Kjo rrymë politike proserbe ka shpallur në publik idenë mashtruese, sipas së cilës “Kush është kundër kësaj skeme, është kundër SHBA-ve”! Dhe duke qenë pengesë taksa e qeverisë Haradinaj për mallrat serbe, kjo kategori politikanësh të marrë peng propogandojnë se “Haradinaj është kundër SHBA-ve, meqenëse ai nuk pranon të heqë ose të pezullojë taksën”!
Ndërkaq sot ambasadorja amerikane në NATO Kay Bailey Hutchison, foli ndryshe. Ajo tha se çeshtja e taksës është çeshtje në mes Kosovës dhe Serbisë. Kjo deklaratë e një prej autoriteteve diplomatike më të spikatur të Amerikës përgenjështron gënjeshtrat e Thaçit dhe të tijëve se “Amerika dhe Presidenti Trump na qenkan për heqjen e taksës dhe ndryshimin e kufijve”.

Ndërsa sot u dha edhe një dëshmi tjetër pro kësaj teze. Sekretari Amerikan i Shtetit, Mike Pompeu i bëri thirrje Europës që të bashkohet për të përballuar kërcënimin rus dhe kinez. Dhe nëse departiamenti i Shtetit Amerikan i përmbahet kësaj formule të ndalimit të influencës ruse në Europë, atëherë është e sigurt se SHBA-të nuk mbështesin ndryshimin e kufijve midis Kosovës dhe Serbisë, sepse ky ndryshim ka e do të ketë ndikim të kundërt. Kësisoj ngrehina e gënjeshtrave dhe mashtrimit e ngritur nga Rama e Thaçi bie!
Rënia e ngrehinës së mashtrimit të autorëve dhe aktorëve të faljes së territorit të Kosovës – Serbisë avantazhon skemën e zgjuar të Ramush Haradinajt: “Treg në vend të njohjes”! Sipas kryeministrit, Kosova mund të japë treg, por jo edhe territore në këmbim të njohjes nga Serbia. Kësaj formule i shërben kërkesa që “Serbia ta njohë Kosovën e kjo e fundit të heqë taksën ndaj saj”!
Por pavarësisht kësaj, Hashim Thaçi, Edi Rama, Nexhat Daci dhe dacër të tjerë të joshur ose të kërcënuar nga Beogradi vazhdojnë me këmbngulje spekullimet e manipulimet për heqjen ose pezullimin e kësaj takse, me qëllim që gjatë periudhës së pezullimit dy presidentët, Thaçi dhe Vuçiq, të mund të nënshkruajnë marrëveshjen në dobi të krijimit të Serbisë së Madhe! Spekullimi me amerikanët vazhdon të mbetet pjesë e arritjes së qëllimeve serbo-ruse për Kosovën.
Në fakt Vuçiq është në pozicion shumë të vështirë. Ai nuk mori mbështetje publike nga Vladimir Putin për Kosovën. Ndërkaq opozita proteston vazhdimisht kundër arrogancës së tij në qeverisje. Atij i duhet një aksion politik domethënës në dialogun me Kosovën, me qëllim që të rikthejë pozitat e humbura në elektoratin e tij.

Këtë shans përpiqet t’ia japë Thaçi dhe Rama, megjithëse dhe këta gjenden tashmë të tronditur në pozicionet që kanë.
Rama është i rrethuar nga jashtë dhe nga brenda. Thaçi është i kapur dhe shpejt do të bëhet objekt sulmi nga ana e opozitës së Kosovës.
Nëse Kosova thellon konfliktin politik për shkak të skemës së Thaçit për të dhënë territore në këmbim të njohjes nga Serbia, atëherë ajo mund të shkojë në zgjedhje të parakohshme. Vënia dhe heqja e taksës është atribut i qeverisë. Haradinaj nuk dëshiron që ta heqë atë. Madje ai është i vendosur për të përballuar presionin e stisur të Hashim Thaçit. Megjithatë Haradinajt i duhet edhe më tej të përballojë sulmet, intrigat dhe kurthet e Hashim Thaçit. Këto kurthe e intriga mund të vijnë psh nga bashkëpunimi i presidentit me Lidhjen Demokratike. Sot Abdullah Hoti është shprehur për pjesmarrjen e partisë së tij në këtë qeverisje. Kjo do të thotë që Thaçi punon për të krijuar një mazhorancë tjetër pa shkuar në zgjedhje të parakohshme.
Nëse do të ndodhin zgjedhjet e reja, partia e Thaçit do të shkonte në vendin e katërt pas Vetëvendosjes, AAK-së dhe LDK-së. Për këtë arësye Thaçi është në kërkim të një formule tjetër. Por ajo parti politike që ia jep këtë shans Hashim Thaçit është e destinuar të shuhet njësoj si Partia Demokratike e Kosovës. Këtë do ta dëshmojnë zgjedhjet e reja, kurdo që ato mund të bëhen. Ndryshimi ose përpjekjet për ndryshimin e kufijve të Kosovës dhe heqja e taksës nga një kryeministër tjetër, veç Haradinajt, do të jetë bumerang politik për partitë që do të punojnë për projektin serb të Ramës e Thaçit me moton “Territore në këmbim të njohjes”! Fitorja do t’i takojë skemës së Haradinajt të përkrahur nga Albin Kurti “Treg në këmbim të njohjes”!

Deklarata e fortë e Haradinajt: Me Edi Ramën Shqipëria nuk anëtarësohet në BE

Kryeministri i Kosovës, Ramush Haradinaj i kërkon Edi Ramës të mos përzihet më tepër se ç’i takon me punët e Kosovës. Haradinaj tha më tej për Klan Kosova se, me Edi Ramën Shqipëria nuk anëtarësohet në BE.
‘Po e kisha lut zotin Rama të rrijë në përgjegjësi të veta. Edhe ai sa Shqipëri sa… kur t’i lypim ndihmë le t’na ndihmon, por përgjegjësia e tij është Shqipëria në këtë rast.
Mos t’i japë vetes më shumë ngarkesë se edhe na jem ktu’, u shpreh Haradinaj për Klan Kosova.
Sipas Haradinajt, nëse Brukseli dyshon se Rama farovizon ndarjen e Kosovës, rrezikon vendosjen e Shqipërisë në plan të mirë me BE-në, ku rrezikohen negociatat dhe jo vetëm.
Sa i përket presionit për heqjen e taksës 100% që i është vendosur mallrave serbe, Ramush Haradinaj duket i palëkundur.
Kundërshtarët e kësaj takse Haradinaj i sfidoi t’i zënë vendin si kryeministër. Ai përsëriti premtimin se përsa kohë të jetë kryeministër i Kosovës, taksa 100% ndaj mallrave serbe nuk do të hiqet.

1...4 8664 8674 868...8 291Faqja 4 867 nga 8 291

Kryesore

Continue to the category
Më shumë
© 2024 Rilindja Demokratike Euroatlantike