Kreu i Partisë Demokratike, ka falënderuar sot të gjithë shqiptarët, të cilët ishin pjesë e protestës së thirrur nga opozita.
Ndërkohë që ka deklaruar se protesta opozitare e radhës do të jetë sërish ditën e enjte, ku populli shqiptar do t’i japë goditjen përfundimtare qeverisë së krimit dhe korrupsionit.
‘Dua sot në emër të opozitës tu shpreh mirënjohjne më të thellë qindra mijëra shqiptarëve që i dhanë zë revoltës së tyre. Ne zotohemi sot se kjo kryengritje e qytetarëve ndo të vazhdojë deri në përmbysjen e këtij sistemi të kalbur. Ju ftoj të enjten në orën 10:00 në protestën tjerët për të vazhduar më të vendosur se kurrë. Derëen e kryeministrisë e bllokoi me duart e tij, dhe nga ajo derë as nuk do të hyjë e as nuk do të dalë nga jo derë. Ditën e enjte populli do ti japë një përgjigje tjetër’, deklaroi Basha.
Nuk ndalet kryengritja popullore, Basha ultimatum Ramës: Të enjten…
Washington Post: Protestuesit kërkojnë largim të qeverisë dhe zgjedhje të lira
Mijëra përkrahës të opozitës shqiptare u përleshën me policinë të shtunën në një protestë anti-qeveritare që protestonin për atë që ata pretendojnë se është një kabinet i korruptuar dhe joefikas. Protestuesit kërkuan që qeveria të japë dorëheqjen dhe të mbahen zgjedhjet e parakohshme.
Protestuesit, duke hedhur fishekzjarre dhe objekte të tjera, shpërthyen nëpër radhët e policisë ndërsa po përpiqeshin të hynin në zyrën e Kryeministrit socialist Edi Rama. Ata shkatërruan derën kryesore të ndërtesës së qeverisë në kryeqytetin e Tiranës dhe thyen një vepër arti në anën e ndërtesës, por nuk mundën të hynin brenda.
Policia përdori gaz lotsjellës për të shpërndarë protestuesit. Nuk kishte asnjë fjalë të menjëhershme për asnjë lëndim.
Një poster shkruante “Ky është fundi i hajdutëve”, ndërsa një tjetër tregoi një pamje të fytyrës së Ramës që ngjante me atë të Presidentit të Venezuelës, Nicolas Maduro. Protestuesit bërtisnin: “Rama ik!”.
Tubimi u organizua nga Partia Demokratike e qendrës së djathtë. Në një intervistë me The Associated Press përpara tubimit, udhëheqësi i demokratëve, Lulzim Basha, tha se mbështetësit e tij duan që qeveria të japë dorëheqjen, të vendoset një kabinet i përkohshëm dhe të mbahen zgjedhjet e parakohshme.
“Ne kemi nevojë për të rivendosur demokracinë përmes një parlamenti që zgjidhet nga vullneti i njerëzve dhe jo nga paratë apo kërcënimet e kriminelëve”, tha ai.
Këtë vit Shqipëria, një anëtare e NATO-s që nga viti 2009, shpreson të marrë miratimin e Bashkimit Evropian për të nisur negociatat e plota të anëtarësimit. Luftimi i korrupsionit dhe krimit të organizuar janë disa nga prioritetet kryesore të BE-së për Shqipërinë, që ka parë korrupsionin në të gjithë spektrin politik.
Shtetet e Bashkuara, BE dhe Organizata për Siguri dhe Bashkëpunim në Evropë denoncoi dhunën në ndërtesën e qeverisë dhe u bëri thirrje partive politike “të ndërmarrin të gjitha hapat e nevojshme për të siguruar që situata të bëhet paqësore dhe konstruktive”.
Ministri i Brendshëm Sander Lleshaj u kërkoi udhëheqësve politikë që të distancohen nga dhuna.
Presidenti Ilir Meta gjithashtu bëri thirrje për përmbajtje duke thënë se “qytetarët duhet të jenë të lirë të protestojnë dhe të respektohen të gjitha institucionet”.
Rama të shtunën ishte takimi me qytetarët në portin jugperëndimor të Vlorës, në një fushatë të dukshme të ndaluar përpara zgjedhjeve bashkiake të Shqipërisë në qershor.
Në faqen e tij Tëitter, Rama kërkoi falje artistit gjerman Carsten Holler, i cili krijoi skulpturë kërpudhash në ndërtesën e dëmtuar.
Ambasada e Francës: Protestuesit u provokuan
Ambasada franceze është e qartë se protestuesit janë provokuar. Në një deklaratë publike ambasaa e dënon dhunën ndërsa bën thirrje për dialog. Ambasada i bën thirrje protestuesve të evitojnë provokimet. Rama ka pasur një skenar të qartë të nxitjes së dhunës që në fillim të protestës duke hapur gardhin e policëve para Kryeministrisë.
Mijëra shqiptarë i janë bashkuar sot opozitës në thirrjen e saj për të protestuar tek kryeministria.
Reagime të shumta kanë ardhur nga selitë diplomatike. Edhe Ambasada e Francës në Tiranë reagoi për protestën.
Me një reagim të saj, ambasada bën thirrje të mos ketë dhunë.
Reagimi i Ambasadës së Francës në Tiranë:
Ambasada e Francës në Tiranë i bën thirrje protestuesve për qetësi dhe të evitojnë provokimet dhe aktet vandale.
Sikundër e kemi shprehur bashkërisht me BE-në dhe vendet e tjera anëtare, e drejta e qytetarëve për të shprehur lirishit dhe në mënyrë paqësore pakënaqësinë e tyre, është një vlerë kyçe për një demokraci europiane moderne.
Dëmtimi i pasurisë publike dhe ushtrimi i dhunës janë të papranueshëm.
I bëjmë thirrje protestuesve të ndalin menjëherë dhunën dhe të privilegjojnë dialogun.
Polici i trullosur nga gazi lotsjellës, qytetari i jep ndihmën e parë, e qartë kush është dhunuesi
Eshtë e qartë se kush është dhunuesi. Dhunojnë protestuesit, por edhe vetë policët që sikurse shikohet në foto është trullosur nga gazi lotsjellës ndërkohë që ndihma e parë i ka ardhur pikërisht nga qytetarët që janë në protestë.
Policia ka spostuar turmën me gaz lotsjellës , duke shkaktuar kështu probleme nga asfiksia tek disa prej protestuesve që ndodheshin më pranë godinës së Kryeministrisë.
Ndërkohë, nga gazi lotsjellës janë lënduar dhe vetë efektivët e policisë. Në videon e mëposhtme shihet qartë që një qytetar që është afruar duke dhënë ndihmën e parë efektivit të policisë, i cili ishte i trullosur nga gazi lotsjellës.
Ai bën masazh në qafë dhe i rri afër duke e ndihmuar.
Gjatë protestës së sotme, ndaj qytetarëve janë përdorur një mori objektesh dhe lëndësh kimike, me qëllim largimin e tyre nga protesta.
Forcat speciale dhe garda, të cilat gjenden mbi tarracën e kryeministrisë dhe brenda saj, kanë hedhur gaz lotsjellës disa herë, ujë me presion dhe plumba gome në drejtim të qytetarëve.
Këto metoda ushtarake duket se janë një strategji e, ish gjeneralit të konvertuar në ministër të brendshëm, Sandër LLeshaj, i cili ka vënë në zbatim një plan të mirëmenduar, me qëllim shpërndarjen e turmës.
Partitë politike të opozitës, kanë bërë thirrje që policia të ndalë dhunën, veçanërisht gazin lotsjellës, i cili është hedhur masivisht dhe ka shkatuar dëme tek qytetarët. Pamje dramatike janë transmetuar në media, të protestuesve të cilët janë helmuar nga gazi i hedhur në drejtim të tyre.
Këto metoda ushtarake skandaloze, ë përdorura mbi qytetarët, duhet të jenë objekt hetimi nga organet e drejtësisë.
Pavarësisht taktikave ushtarake
Basha: Ka patur…
• Asnjë prej protestuesve nuk erdhi për të kryer akte dhune.
• Ka patur një skenar të mirëmenduar nga Edi Rama për të çuar në dhunë dhe konfrontim.
• U bëj thirrje qytetarëve të vazhdojnë të rrinë të bashkuar për të drejtat e tyre.
Kryetari i opozitës, Lulzim Basha deklaroi nga protesta përpara Kryeministrisë se, kurrë nuk kishte bërë dhe as do të bënte thirrje për dhunë. Basha deklaroi se, kryeministri Edi Rama duhet të largohet dhe t’i hapë rrugën krijimit të një qeverie tranzitore, e cila do të garantojë zgjedhje të lira dhe të ndershme.
DEKLARATA E TRETË E KRYETARIT TË PD, LULZIM BASHA.
Siç e patë edhe ju, në veçanti ju që e njihni punën e policisë, patë një hapje të menjëhershme dhe të çuditshme të gardhit të oficerëve të policisë që mbronin perimetrin e kryeministrisë.
Kjo është qartësisht pjesë e një plani për të provokuar futjen e protestuesve në selinë e Kryeministrisë, sepse në asnjë rast policia dhe gardhi policor, edhe kur kanë presion shumë më të madh, nuk hapet në këtë mënyrë.
Pra ka patur një skenar të mirëmenduar madje të paralajmëruar nga Edi Rama për të çuar në dhunë dhe konfrontim.
Në qëndrojmë në krah të tyre dhe do të vazhdojmë të qëndrojmë në krah të qytetarëve deri në fund.
Pyetje: Protesta është organizuar nga ju, a keni një thirrje që ata të mos kryejnë akte dhune?
Basha: Qytetarët janë thirrur nga opozita me një qëllim të qartë politik. Qeveri tranzitore, zgjedhje të parakohshme, t’i japim fund qeverisë, që është kapur në vjedhje tek Unaza, tek Teatri, është kapur në vjedhje të votave, siç BIRN dhe Zëri i Amerikës që, në fakt, kanë meritat, por edhe ju si gazetare investigative (Klodiana Lala), demonstroni përmes fakteve të prokurorisë dhe sistemit të drejtësisë në çdo vend të Europës, kur qeveria kapet në vjedhje, ikën qeveria dhe shkon në burg hajdutët, nuk vuan populli.
Populli e ka kuptuar këtë dhe është bashkuar në një protestë më të madhen në këto 30 vite.
Asnjë protestues nuk erdhi për të bërë akte dhune.
Ju e dini fare mirë se si organizohen protestat e dhunshme. Asnjë prej protestuesve këtu nuk erdhi për të kryer akte dhune. Ato u provokuan dhe u nxitën nga një skenar i mirëmenduar i Edi Ramës dhe i ekzekutuar nga një grusht policësh të korruptuar dhe të lidhur me krimin.
U bëj thirrje të gjithë efektivëve të policisë të ruajnë qetësinë sikundë, u bëj thirrje qytetarëve të vazhdojnë të rrinë të bashkuar për të drejtat e tyre.
Mediat ndërkombëtare jehonë protestës së opozitës: Mijëra në shesh kundër qeverisë Rama
Gazeta e madhe italiane La Repubblica shkruan për përplasje midis përkrahësve të opozitës dhe policisë në Tiranë.
Mijëra njerëz kanë dalë në rrugë në kryeqytetin shqiptar për të protestuar kundër qeverisë së socialistit Edi Rama, duke kërkuar dorëheqjen e kryeministrit, në pushtet që më 2013, dhe zgjedhje të parakohshme.
Manifestuesit e organizuar nga Partia Demokratike kanë çarë kordonin e forcave të rendit duke kërkuar të hyjnë në selinë e ekzekutivit, e rrethuar nga qindra policë që zmbrapsën sulmin duke përdorur gaz lotsjellës dhe ujë.
Në një intervistë me Associated Press para protestës, lideri demokrat Lulzim Basha tha se, opozita kërkon dorëheqjen e qeverisë, krijimin e një kabineti tranzicioni që do ta çojë vendin në zgjedhje të parakohshme ‘për të rivendosur demokracinë përmes një parlamenti të ardhur nga vullneti i popullit e jo nga paratë apo kërcënimet e kriminelëve’.
Opozita, e formuar nga pesë parti të qendrës së djathtë dhe qendrës së majtë, akuzon kryeministrin për bashkëpunim me krimin e organizuar dhe se e ka zhytur vendin në korrupsion e mjerim.
Berisha: Kjo revoltë fundi politik i Ramës, është futur në vrimën e miut e mund të dalë në darkë por…
Ish-kryeministri Sali Berisha nuk është larguar asnjë minutë nga protesta që ka nisur prej orës 11:00. Në një prononcim për gazetaren Klodiana Lala, Berisha tha se protestuesit kanë ardhur në protestë të paarmatosur duke ia vënë fajin policisë për acarimin e situatës.
Berisha tha se, kjo revoltë është fundi politik i Edi Ramës dhe i bëri thirrje të lexojë mesazhin pasi në të kundër populli do ta tërheqë zvarrë dhe do të hedhë në Lanë.
“Ke parë ti Klodiana një protestues të vetëm me revole, dinamit dhe hunj. A ke parë, unë skam parë, as edhe një. Është një narkopolici që po provokon protestuesit pasi e panë me sytë e tyre fundin e tmerrshëm të shpejtë të Edi Ramës. Besoj se cilido që ka abc-në më elementare të revoltës e ka të qartë se kjo revoltë është fundi politik i i Edi Ramës.
Ju mund të thoni se është thyer nga Vlora dhe është futur në vrimën e miut, e mund të dalë në darkë por ta ketë të qartë që diktatorët po nuk dëgjuan edhe zvarriten. Diktatorët në qoftë se nuk lexojnë mesazhet…
Alia tha se e lejoi pluralizmin për të mos pasur fatin e Causheskut. Rama bën mirë të dalë në darkë të informojë popullin se dha dorëheqjen. unë nuk jam njeri i ultimatumeve, jap një sugjerim. po të dojë të rrijë se do shoh tmerr. E patë fuqinë nukleare të kësaj revolte po të shpërthejë kjo fuqi edhe në Vlorë e kap Edi Ramën.
Unë kam bindjen e thellë, ky është vetëm një fillim i tmerrshëm për të. Kjo opozitë sot ka një mision historik të njëjtë me atë të Venezuelës, rikthimin e votës së lirë në vendin e vet. Për kaq qëndron”, tha Berisha.
I pyetur nga gazetarja Lala se çfarë nënkupton me shprehjen se diktatorët zvarriten, Berisha tha se nuk duhet injoruar kjo masë njerëzish.
“Ta kuptosh se nëse nuk lexon mesazhin e popullit të vet, populli i vet e zvarrit dhe e hedh në Lanë. A janë për t’u injoruar kjo masë gjigande njerëzish. Në qoftë se opozita do i sillte me hunj e dinamit ajo ndërtesë do ishte shembur nga themelet. opozita erdhi t’i japë mesazhin e madh. Uroj të lexohet sa nuk është vonë”, u shpreh Berisha.
Paloka për “Zërin e Amerikës”: Rama ka në dorë sot të vendosë vetë si të largohet, mos të presë 20 shkurtin!
“Zëri i Amerikës” po transmeton direkt në rrjetet sociale, protestën e qytetarëve përpara Kryeministrisë në Tiranë.
Nënkryetari i PD-së, Edi Paloka, i ka bërë një thirrje kryeministrit Edi Rama të largohet nga posti dhe t’u hapë rrugën zgjedhjeve të lira. Nga zemra e protestës përpara Kryeministrisë, Paloka është intervistuar nga Zëri i Amerikës, ku ndër të tjera tha:
“Ramës i mbetet vetëm të vendosë mënyrën se si të largohet. Rama ka në dorë sot të vendosë vetë si të largohet. Mos të presë 20 shkurtin kur dikatorët tërhiqen zvarrë.
Këtu është gjithë Shqipëria. Zëri i Amerikës është një arsye më tepër pse qytetarët janë këtu, sepse kanë shpresën që e shohin në radhë të parë tek SHBA.
Tërë Shqipëria është këtu, qytetarët janë këtu derisa Rama të largohet.
Reagimi i Policisë nga taracat është reagimi i frikacakut, që vetë ka shkuar të fshehë kokën në Vlorë dhe ka lënë disa shërbëtorë këtu që duhet ta mbajnë vathë nëvesh këtë që po bëjnë.
Qyteti është i shqiptarëve. Protestuesit zunë atë që u takon. Ne nuk kemi ardhur t’i bëjmë qytetarët mish për top, por kemi ardhur t’i japim një mesazh Ramës dhe ky është vetëm fillimi. Nuk ka parë asgjë akoma.
Mesazhi është: Rama ik! T’u hapë rrugë zgjedhjeve të lira!
Arsye ka me mijëra, aq sa shqiptarë janë këtu, aq arsye. Një qeveri në një vend normal ikën me zgjedhje, kurse një qeveri që i vjedh dhe i blen, ne i kërkojmë të largohet. Këta qytetarë nuk mund të zgjedhin dot lirisht sa të jetë Rama në pushtet.
Policia, dy orë goditje me gaz lotsjellës protestuesve paqësorë, qytetarët nuk largohen!
Efektivët e Gardës vahzdojnë të derfhin gaz lotsjellës mbi protestuesit para Kryeministrisë. Siç duket edhe nga kjo foto gardistët hedhin gaz helmues ndaj protestuesve, por ata nuk largohen.
Dhjetëra protestues janë helmuar dhe u ka rënë të fikët nga lënda helmuese që hodhi Garda në drejtim të tyre. Të paktën 6 persona janë dërguar me ambulancë për në spital. Ata kanë kryesisht probleme asfiksie nga gazi lotsjellës, por edhe goditja me sende të tjera. Dy autoambulanca kanë hyrë mes turmës për të marrë të plagosurit.
PD thirrje Lleshajt: Ndalo provokimet ndaj protestuesve paqësorë sipas urdhërave të kryehajdutit Edi Rama
Sekretari i Përgjithshëm i PD, Gazmend Bardhi i ka bërë thirrje ministrit të Brendshëm Sandër Lleshaj të ndalojë provokimet ndaj protestuesve paqësorë sipas urdhërave të Kryehajdutit Edi Rama. Ai i ka kërkuar Lleshajt të të urdhërojë Policinë e Shtetit që të zbatojë ligjin dhe të garantojë mbarëvajtjen e protestës.
Reagimi i Bardhit
Sander Lleshaj ndalo provokimin ndaj protestuesve paqesorë sipas urdhrave te Kryehajdutit Edi Rama. Urdhero Policine e Shtetit te zbatoje ligjin dhe te garantoje mbarevajtjen e protestes, duke larguar provokatoret qe ke futur mes nesh!
Kryesore
Continue to the category
