Elisa ka marrë sot nofkën e re. Ajo ëshët “Nafija” e Ramës dhe duke qenë e tillë ka bërë jo pak, por plot 5 milionë euro në krye të doganave. Kryetari I PD, Basha ka zbardhur një pjesë të vjedhjeve të Spiropalit.
Denoncimi i Bashës
Problemi që parashtron zonja Kryemadhi, e parashtron, natyrisht, si një veterane e themelimit të PS dhe FRESSH. E kuptoj nostalgjinë që ka prej ditës së parë, i kam konsideruar socialistët kundërshtarë politikë, fillimisht, si pasardhës të një partie që i bëri gjëmën këtij vendi, por edhe pas përpjekjes për reformim, për shkak të ndarjes totale të pikëpamjeve të çështjeve themelore të shoqërisë.
Kemi 5 vjet që nuk flasim më me socialistë, kemi tre palë zgjedhje që nuk kemi socialistë përballë.
Kë kemi përballë?
Banditë.
Hajdutë.
Dhe ky është problemi i madh i vendit. Nuk është “Nafija” problemi në vetvete. Problemi është se kur “Nafija” që kapet me ata dy tregtarët që u mori 500 mijë, e mbani mend videon që ju nxori, ne vend që të shkojë në burg, promovohet. Mburret se bëra 5 milionë në dogana.
Ky është modeli që i jep grave dhe vajzave socialiste?
Që në këtë parti do të ecësh përpara vetëm po të jesh “Nafije” dhe po të vjedhësh. Dhe ky është edhe problemi i Kavajës.
Se nuk ka nevojë të futemi në teorinë sociologjike dhe se si duhet të punojmë që mos të ndodhin trauma të tilla. As të drejtojmë gishtin tek adoleshentët. Por që për 1 muaj, operativët policisë të mos marrin vesh se çfarë po bëhet, ky është rezultat i drejtpërdrejt i dy faktorëve.
Shthurjes totale të policisë, që i kanë vënë detyrë të mbrojë kriminelët.
Dhe një qyteti që para një viti ka patur një Kryetar Bashkie njeriun e dënuar për përdhunimin në grup të një minoreneje.
Ky është modeli që duhet flakur me çdo kusht dhe me çdo çmim dhe jam i bindur se këtë do të bëjnë qytetarët me 16 Shkurt.
Si i bëri 5 milionë euro pasuri “Nafija”
Populli do t’i fshijë!
Kryetari i PD, Basha deklaroi nga Parlamenti se një qeveri e lidhur me krimin dhe vjedhjet nuk ikën përmes një pakti politik do të fshihet nga protesta popullore.
Replika e Bashës me Ballën
Z. Ruçi, e ke të qartë, sepse ke qenë edhe ti javën e kaluar në Berlin sesi është gjendja. Për pesë kriteret kryesore të Komisionit jo vetëm që s’ka progres, por ka regres.
1. Korrupsioni është zhytur më thellë dhe këtë e tregon TransparencyInternational.
2. Lufta kundër krimit të organizuar është ku thërret qameti, sepse ju kanë kapur në flagrancë duke bashkëpunuar me bandat e krimit të organizuar për të ardhur në pushtet dhe për të mbajtur pushtetin.
3. Në administratën publike, po kështu, jua nxori Zëri i Amerikës sesi i bëni emërimet.
4. Vendi është në krizë ekonomike.
5. Të drejtat dhe liritë e qytetarëve, i dhunoni në mënyrën më të pacipë, nga Unaza, në Shkozë, në Himarë, tek Teatri.
Pra, ju jeni damkosur, si pengesa kryesore për integrimin europian të vendit.
Zgjidhja jonë politike, të cilën edhe një herë jua ofroj, jo vetëm kukullave të krimit, por socialistëve të ndershëm, nga pozitat e kundërshtarit politik, është një qeveri tranzitore, pa këtë kryeministër hajdut, të kapur në flagrancë, e cila jo vetëm do të zhbllokojë pengmarrjen e demokracisë të kësaj salle, të kësaj qeverie, që merr vendime vetëm për një pakicë, oligarkësh, hajdutësh e kriminelësh, por është shansi i vetëm.
Sa më herët ta bëjmë, që të zhbllokoë edhe integrimin europian të vendit, hapjen e negociatave. Që do të bëhet, do të bëhet!
Nëqoftëse nuk arrihet përmes një marrëveshje politike, edhe një herë po ju them, se populli do të vijë ta çlirojë edhe këtë sallë, edhe institucionet. Do t’i fshijë ministrat dhe deputetët e lidhur me krimin.
Por nëqoftëse keni një fije ndërgjegje, thirrini arsyes, kujtoni se çfarë ju thanë në Berlin! Hapini rrugë zgjidhjes politike, që të keni të paktën një shans sado të vogël. Mos ta humbim përsëri hapjen e negociatave për herë të tretë.
Hapja e negociatave për herë të tretë do të humbet për shkak të një emri, që ka ndërtuar një model me të cilën, nuk ka negociata.
Jua bëj këtë jo si kërcënim, por si thirrje atyre që, me të vërtetë e ndjejnë përgjegjësi politike, edhe pse janë kundërshtarët tanë.
Thirrini arsyes, përndryshe nuk do t’i lini asnjë rrugë tjetër qytetarëve, përveçse të marrin fatin e tyre në duart e tyre, të marrin institucionet e tyre në duart e tyre, se në dorë të krimit, oligarkëve dhe hajdutëve nuk kanë për të qëndruar më, çfarëdo që të bëni e të thoni.
Shifra dramatike, 650 mijë shqiptarë ushqehen vetëm një herë në ditë
Raportet ndërkombëtare janin një shifër dramatike për nivelin e varfërisë në Shqipëri ku 25% e populllisë ose plot 650 mijë njerëz mund të ushqehen vetëm një herë në ditë.
Denoncimi i Bashës
I bëj thirrje ndërgjegjes së socialistëve të ndershëm t’i thërrasin zërit të arsyes dhe t’i japin rrugë zgjidhjes politike përpara se populli të vendosë të marrë në dorë fatet e tij dhe të spastrojë këtë sallë dhe institucionet nga krimi dhe oligarkia.
Vendi është në krizë totale, por ky parlament nuk ka asnjë lidhje me hallet dhe problemet e njerëzve. Të gjitha ligjet që sjellin janë ligje për të zhvatur, sepse si aktivitet kryesor të ekonomisë kanë pastrimin e parave të pista të drogës dhe vjedhjen e talsave të shqiptarëve.
Rrealiteti i tmerrshëm në rrugët tregtare të qyteteve kryesore eshtë se ato janë kthyer në shkretëtirë. Gjysma e bizneseve me qepenat e mbyllur, ndërsa pjesa tjetër pa klientë, vetëm me 1 të vetëpunësuar, me taksa të shtuara, me fitime në rënie të përditshme.
Një qeveri dhe një parlament, i dalë nga votat e blera prej krimit, nuk e lidh asgjë me jetën e vështirë të qytetarëve, duke u bërë shkaku pse ekonomia është në krozë dhe shoqëria është sot në depresion dhe 1/5 shqiptarë ushqehet 1 herë më ditë.
Nuk ka asnjë rrugëzgjidhje tjetër politike, përveç një qeverie tranzitore dhe zgjedhjeve të parakohshme, të garantuara në një mënyrë të tillë, që në këtë sallë të mos ketë asnjë parlamentar, që vjen si rezultat I paktit me krimin.
Ne shteruam çdo rrugë politike. Ne e kemi fare të qartë se pse e rrëzuat vettingun politik. Por, edhe ju duhet ta keni farë të qartë, se as Shqipëria e as Europa, nuk do t’ju lejojnë të vazhdoni më këtë maskaradë.
Disa prej jush i kanë marrë mesazhet në Berlin këtë javë. Në qershor nuk do të ketë hapje negociatash për Shqipërinë dhe përgjegjësi i vetëm për këtë është kryehajdutiRama, që është ekspozuar kudo si njeriu që është ulur në atë karrige me votën e krimit.
Për pesë kriteret kryesore jo vetëm që s’ka progres, por ka regres. Korrupsioni është thelluar, më vend të luftoni krimin e organizuar, ai ble vota për pushtetin tuaj, emërimet i panë tek VOA si bëhen, vendi është në krizë ekonomike. të drejtat dhe liritë e qytetarëve dhunohen. Jeni damkosur, si pengesa kryesore për integrimin europian.
Kjo është një faturë e rëndë për vendin dhe shqiptarët! Nuk kemi pse të vazhdojmë ta paguajmë këtë faturë. Zgjidheni politikisht krizën! Ndryshe, qytetarët do ta marrin fatin në duart e tyre, duke nisur me spastrimin e kësaj salle nga shërbëtorët e krimit, që e kanë vendin prapa hekurave dhe para drejtësisë.
FJALA E KRYETARIT TË PARTISË DEMOKRATIKE, LULZIM BASHA, NË PARLAMENT.
Sot është rasti i parafundit për t’i bërë një thirrje ndërgjegjes së socialistëve të ndershëm, që detyrojnë kukullat e krimit dhe të oligarkisë, që kanë mbushur këtë sallë dhe bandat e qeverisë, t’i thërrasin zërit të arsyes dhe t’i japin rrugë një zgjidhjeje politike përpara se populli të vendosë të marrë në dorë fatet e tij dhe të spastrojë këtë sallë, institucionet nga krimi dhe oligarkia që i kanë kapur prej fyti.
Sesa e ka humbur sensin e realitetit, sesa larg realitetit është ky parlament kukull i krimit dhe oligarkisë, mjafton çdo moment retorike qeveritare, siç ishte ky që sapo ndoqëm këtu. Para tre ditësh, vizitova Portin e Shëngjinit dhe pata rastin të bashkëbisedoj me peshkatarët, afro një viti e gjysëm pas vizitës së fundit që kam patur me ta. Gjendja në të cilën ndodhen është tragjike. Porti dukej si i bombarduar nga forca ajrore armike. I vetmi ndryshim ishte me të vërtetë një sipërfaqe e vogël, e rrethuar, ku po ndërtohej Markata e Peshkut dhe nuk kishte peshkatarë dhe qytetarë të Shëngjinit që nuk e dinë që kjo nuk bëhet për peshkatarët por bëhet për ata monopolistë, një grusht monopolistësh dhe oligarkësh, miqtë e Edi Ramës, të cilët janë të vetmit që kanë përfituar nga politika klienteliste të kësaj qeverie. Peshkatarët e tjerë janë lënë në mëshirë të fatit, rrjetat i blejnë dyfishin, trefishin e çmimit, 20-30 mijë euro iu kushton remonti çdo vit. Sepse në asnjë prej katër porteve kryesore, këta që harxhojnë miliona euro në muaj për PPP-të, për skemën më kriminale të taksave të shqiptarëve, nuk kanë derdhur asnjë qindarkë që, të paktën, këto riparime të bëhen aty, t’i shërbejnë punësimit dhe të ulin koston e operimit të peshkatarëve shqiptar. Jo, nuk ka ndodhur kjo. E vetmja shkallë riparimi është ajo që kemi ndërtuar ne në bashkëpunim me Damën, është në një zonë ushtarake, e cila herë pas here, në një radhë të gjatë, i mundëson ndonjë riparim tani sektorit shqiptar të peshkimit, por shumica detyrohen të shkojnë në Greqi dhe Itali, me çmime të papërballueshme, shkatërrimtare për ta.
Ky ishte një moment, por të tilla janë të gjitha pikat e rendit të ditës sot, dje para një jave, para dy javësh, para tre javësh, sepse vendi është në krizë totale dhe kjo sallë nuk ka asnjë lidhje me hallet dhe problemet e përditshme të shqiptarëve, asnjë lidhje.
Të gjitha ligjet që sjellin këtu këta janë ligje zhvatje, “ligje rregullimi të peshkimit artizanal”, “formalizimi i peshkimit artizanal”, këta që aktivitetin kryesor të ekonomisë kanë pastrimin e parave të pista të drogës. Këta që aktivitetin kryesor të ekonomisë kanë vjedhjen e taksave të shqiptarëve, të shumicës dërrmuese të shqiptarëve, që kanë paguar në vitet e qeverisjes së tyre 2 miliard euro më shumë për t’ia dhënë 5 oligarkëve, i ndajnë me Edi Ramën dhe politikanët e korruptuar që s’kanë asnjë lidhje me votën e qytetarëve.
Kriza ka arritur dimensione tragjike. Çdo ditë ka lajme tragjike nga vendi. Pasigurisë totale në shkolla dhe pacipësisë me të cilën shprehet Ministri i Brendshëm për ngjarjen tragjike në Kavajë, të dëshpërimit që i çon njerëzit drejt vetëflijimeve tragjike, si ai që ndodhi në Shijak, dhe që është një nga qindra raste të përvitshme, janë trefishuar rastet, vendi është në krizë depresioni, jo thjesht krizë sociale dhe ekonomike.
Të tjera raste të dhunimit dhe të sundimit të bandave mbi njerëzit e thjeshtë dhe biznesin, të dhunës në familje, si rasti i djeshëm në Vlorë, të gjitha simptoma të një krize totale që ka mbërthyer vendin.
Në këto ditë kam rivizituar disa prej qendrave kryesore urbane të vendit, nga Shkodra në Fier, në Durrës dhe kam parë një realitet të tmerrshëm, ku rrugët kryesore tregtare janë kthyer në shkretëtirë, gjysma e bizneseve me qepenat e mbyllur, gjysma e qepenave të hapur, brenda vetëm një njeri, i vetëpunësuari, burri apo gruaja e shtëpisë, fatlum nëse deri në ora 2 apo 3 të pasdites kanë patur 1 apo 2 klientë dhe një xhiro prej 5 apo 10 mijë lekësh të vjetra. Them fatlumë, si shprehje figurative, se s’ka asgjë fatlume, sepse paratë që duhet t’u paguajnë këtyre, me gjoba, me çmimin e rritur të energjisë, me çmimin e rritur të naftës, me çmimin e shtuar të kontabilistëve, se i kanë shtuar, i kanë futur në tvsh të gjithë, tejkalojnë çdo fitim minimal nga kjo xhiro që sa vjen e bie, siç bie fuqia blerëse e shqiptarëve.
Vendi është në krizë ekonomike dhe të vetmit që lundrojnë në luks janë një grusht politikanësh të lidhur me krimin dhe oligarkinë, për një arsye fare të thjeshtë: sepse si asnjëherë tjetër, prej shtatorit 2017, kjo sallë dhe qeveria shqiptare nuk i takon qytetarëve shqiptarë, nuk e ka lidhur fatin me qytetarët shqiptarë, por e ka lidhur fatin me ata që Zëri i Amerikës ua përplasi në fytyrë dhe ju nxori nga binarët seancën e kaluar, me Niçet, me Bajrët, me Ndokët, me Çelët dhe Sanxhaktarët, me Shullazët, me Bandën e Lushnjës, me bandat e Vlorës, me bandat anembanë Shqipërisë.
Një qeveri dhe një parlament i cili është ulur në këto karrige me votën dhe ndihmën e krimit, nuk ka asnjë lidhje me hallet e qytetarëve, prandaj ata ndihen më të braktisur se kurrë, jetimë, të lënë në mes të katër rrugëve. Fakti është se një qeveri dhe një parlament ekziston për disa arsye të thjeshta. Vetë institucionet e shtetit ekzistojnë për disa arsye të thjeshta, pjesë e një kontrate sociale, janë vullneti i qytetarëve, janë vullneti i banorëve, për të bërë disa detyra elementare, sigurinë, mirëqenien, shëndetësinë dhe shërbime të tjera sociale. Siguria zero, shëndetësia në mesjetë, punësimi është plaga më e madhe e shqiptarëve, mirëqenia vithiset nga java në javë, duke arritur rekorde, siç është përditësimi i raporteve të Organizatës Botërore të Ushqimit, e cila rikonfirmoi se një në dhjetë shqiptarë ushqehet vetëm një herë në ditë, ndërsa familjet e gjysmës së popullsisë shqiptare jetojnë me më pak se 5 dollarë në ditë, 5 mijë lekë të vjetra në ditë. A duan t’ia dinë këta? Sigurisht që jo. Gjysma prej tyre, nuk kanë asnjë lidhje, as me partinë, emblemën e të cilës mbajnë këtu në këtë sallë, as me anëtarësinë e asaj partie. Kanë lidhje vetëm me kriminelët.
Çfarë janë 5 dollarë, për dikë që ulet, ha dhe pi në dreka e darka që vetëm shishja e verës bën 1 mijë usd?!
Çfarë janë 5 dollarë për një kryeministër që, brenda një dite, me një transaksion të KESH, i jep një kompanie të lidhur me të, 4.5 milion usd?!
Nuk ka asnjë rrugëzgjidhje tjetër politike, përveç një qeverie tranzitore dhe zgjedhjeve të parakohshme, të garantuara në një mënyrë të tillë, që në këtë sallë të mos ketë asnjë parlamentar, që vjen si rezultat i paktit me krimin.
Ne shteruam çdo rrugë politike. Ne e kemi fare të qartë se pse e rrëzuat vettingun politik. Por, edhe ju duhet ta keni farë të qartë, se as Shqipëria e as Europa, nuk do t’ju lejojnë të vazhdoni më këtë maskaradë.
Disa prej jush i kanë marrë mesazhet në Berlin këtë javë. Në qershor nuk do të ketë hapje negociatash për Shqipërinë. Nuk do të ketë hapje negociatash me Shqipërinë në qershor dhe përgjegjësi i vetëm për këtë është kryehajduti, që tashmë është ekspozuar si njeriu që është ulur në atë karrige, jo me votën e shqiptarëve, por më votën e krimit.
Kjo është një faturë e rëndë për vendin. Kjo është një faturë e rëndë, për shqiptarët! Nuk kemi pse të vazhdojmë ta paguajmë këtë faturë.
Thirrini mendjes! Dëgjojini dhe socialistët e ndershëm. Të papunët, të harruarit, të braktisurit, që I keni hedhur në rrugë, sepse rrini dhe fërkoheni nga mëngjesi deri në darkë, me krimin.
Jepini rrugë politike! Zgjidheni politikisht këtë krizë, sepse, ndryshe, prej 16 shkurtit, të jeni të sigurtë se qytetarët shqiptarë, do ta marrin fatin e tyre në duart e tyre, duke nisur me spastrimin e kësaj salle nga shërbëtorët e krimit, që e kanë vendin prapa hekurave dhe para drejtësisë.
REPLIKA ME MINISTRIN E BRENDSHËM, SANDËR LLESHAJ
Ka një shprehje të njohur për shqiptarët: kur gishti tregon hënën, budallai tregon gishtin.
Ndaj, ty të duhet pak kohë të mësosh përmendësh tezat bajate të propagandës së Edi Ramës, të cilin duhet ta pyësësh, përse i promovoi ata që u akuzuan se shtinë mbi ata që i sollët për t’i vrarë dhe mbi të cilët marshuat drejt pushtetit tuaj korruptiv.
Por, këto janë çështje që socialistët i dinë fare mirë. I dinë socialistët e Fierit, i dinë socialistët e Burrelit, prandaj do të duhet edhe pak kohë t’i mësosh përmendësh tezat bajate dhe je fatkeq, se, kur të tjerët janë zbythur e kanë rënë kokëposhtë duke treguar këto gënjeshtra, ti je i fundit që vjen dhe kujton se po thua gjëra të reja.
Sa i përket rekordit tim si Ministër i Brendshëm, je dy herë fatkeq, sepse, kur unë punova dhe ia dola të plotësoja 150 kritere të luftës kundër krimit të organizuar, se bashku me miq të nderuar, disa prej të cilëve i ke dëshmitarë sot në Tiranë në pozicione të shquara, dhe arrita që shqiptarëve t’u plotësonim një ëndërr, atë të lëvizjes pa viza në zonën Shengen, zotrote, bashkë me disa të tjerë, e kishit mendjen sesi të krijonit alibitë për Edi Ramën dhe për pengesat që ai i vuri Shqipërisë, si askush tjetër, por pa sukses, në procesin e vizave për shqiptarët.
Ndërsa se ku e kane katandisur sot Shqipërinë, shefi yt, parardhësit e tu dhe propaganda jote nuk të ndihmon dot.
Delja e zezë e Europës, Kolumbia e Europës, bazë e krimit të organizuar, vendi 1 për pastrimin e parave të pista të krimit, kriminelët në Parlament dhe në krye të Bashkive. Ky është rekordi i Ministrisë së Brendshme dhe i kësaj qeverie të kapur dhe të zhytur në krim. Pra në një pikë biem dakord, s’kemi krahasim!
Vokshi: Ndërhyrja e policisë në Fakultetin Filologjik e paligjshme dhe antikushtetuese!
Kryetarja e Komisionit Parlamentar të Arsimit, Albana Vokshi dënoi si akt antikushtetues hyrjen e policisë më Fakultetin Filologjik, në përpjekje për të dëmtiar protestën e studentëve dhe pedagogëve. Gjatë nderhyrjes së saj në Parlament, zonja Vokshi bëri të ditur se gjithçka është e filmuar dhe se Ministri i Brendshëm do të mbajë përgjegjësi.
“Zoti Ministër, ky është puç kushtetues, larg duart nga studentët!Largoji policët dhe lërini ata të protestojnë. Detyra juaj e vetme është të zbatoni ligjin, të zbatoni Kushtetutën. Të respektoni dhe të garantoni çdo student, qoftë edhe një të vetëm, në të drejtën e tyre për të protestuar”, u shpreh zonja Vokshi.
Në emër të Partisë Demokratike, zonja Vokshi ka denuar edhe më parë tentativat e qeverisë Rama për të prishur protesten e studentëve, duke përdorur policinë në mënyrë të paligjshme dhe duke shkelur pacënueshmërinë territoriale të Universiteteve. Është edhe një herë rasti të sjellm në vëmendje se ne nuk do të harrojmë askënd që shkel ligjin për llogaritë politike kriminale të Edi Ramës.
Manchester United dhe Real Madrid, në garë për “Ronaldon e ri”
Manchester Unitedi dhe Real Madridi janë duke e mbikëqyrur mesfushorin sulmues të Benficës, Joao Felix, i cili konsiderohet si “Cristiano Ronaldo i ri”.
Felixi, 19-vjeçar, debutoi për ekipin e parë në gusht dhe u bë lojtari më i ri që ka shënuar gol në derbin e Lisbonës, kur e barazoi rezultatin në fund të ndeshjes kundër Sporting Lisbonës. Në ndeshjen e fundit, ai e shënoi golin e tij të tetë për këtë sezon, transmeton Gazeta Express.
Një burim i afërt me lojtar ka bërë të ditur për ESPN se Real Madridi ka qenë duke e monitoruar zhvillimin e tij, përderisa klube të tjera, si: Manchester Unitedit, Barcelona, Atletico Madridi, Juventusi, Milani, West Hami dhe Dortmundi, kanë qenë gjithashtu të interesuara për të.
Të gjitha këto klube kanë dërguar skautë në Benfica për ta siguruar transferimin e Felixit, mirëpo “Los Blancos” dhe “Djajtë e kuq” janë dy klubet më të interesuara. Klauzola e tij e largimit besohet të jetë 120 milionë euro dhe ai mund të largohet nga klubi portugez këtë verë.
“Unë nuk frikësohem nga shifrat që po përmenden, ose krahasimet që po i dëgjoj në media. Nuk frikësohem as nga interesimi i klubeve më të mëdha në planet. Ndihem i lajkatuar”, tha Felix për Tuttosport javën e kaluar.
“Unë jam profesionist dhe e kam fatin të jem i këshilluar mirë. Babai im ishte profesor i edukatës fizike, ishte trajner i atletikës dhe e njeh botën tonë shumë mirë. Pastaj unë e kam agjentin më të mirë në botë, Jorge Mendesin”.
“Më pëlqejnë ligat e mëdha, si: Spanja, Anglia, Italia dhe Franca. Të gjithë futbollistët më të mirë portugezë luajnë në ligat më të rëndësishme të huaja dhe, natyrisht, edhe unë dua ta bëjë këtë”.
“Do të doja të luaj përkrah Cristiano Ronaldo sepse ai është thjesht më i mrekullueshmi. Një idhull, ikonë botërore, shembull për të gjithë. Të luaj me një bishë si ai do të ma jepte mundësinë të përmirësohesha edhe më shumë”.
Të gjithë zërat e çojnë te Juventusi!
James Rodriguez lidhet ngushtë me largimin e tij nga Bayern Munchen këtë fund sezoni, teksa është Juventus klubi që ka shfaqur interes për të. Kolumbiani fillimisht do të kthehet tek Real Madrid, pasi në fund të këtij sezoni i skadon kontrata e huazimit te skuadra bavareze dhe më pas do të vihet në kërkim të një klubi tjetër.
Mësohet se Cristiano Ronaldo e ka telefonuar dhe i ka kërkuar që ai të transferohet në Torino, aty ku do zërë vendin e Paulo Dybala, i cili do largohet me të gjitha gjasat nga kampionët e Italisë. Një mundësi të mirë e cilësoi Juven edhe babai i lojtarit në një prononcim për media.
Vetë James, në një bisedë me gazetën Bild theksoi se për momentin është i përqendruar te Bayern Munchen dhe e sheh veten aty. 27-vjeçari e bëri të qartë se ende nuk ka marrë një vendim për të ardhmen dhe tha se marrëdhënia e tij me trajnerin Niko Kovac është normale.
“Ne jemi të dy profesionistë, është një marrëdhënie normale midis lojtarit dhe trajnerit”,tha kolumbiani. I pyetur në lidhje aktivizimin e paktë të tij nën drejtimin e Kovac, James tha: “Jam i qetë dhe stërvitem fort”.
“Deri atëherë, ka edhe katër muaj. Në këtë moment unë mendoj vetëm për Bayern Munchen”, u përgjigj sulmuesi i majtë kur u pyet për të ardhmen e tij.
E bleu energjinë me 34 euro kilovatin dhe ja shitën shqiptarëve me 49 euro, fitoi 4 milionë euro
Aferat korruptive dhe vjedhjet që u bëhen shqiptarëve nuk kanë të ndalur. Tani në sulm është hedhur e gjithë familja kryeministrore. Vjedh gruaja në njërën anë vjedh burri në anën tjetër.
Ish-kryeministri Sali Berisha e ka shpjeguar qartë skemën e vjedhjes së 4 milionë eurove nga familja Rama brenda 24 orëve me energjinë elektrike në Kuvend. Boshti i kësaj vjedhjeje është i preferuari i zonjës së Kryeministrit, Linda Ramës, emëruar në krye të OST-së.
“Kjo mazhorancë qëndron mbi vjedhjen dhe korrupsionin, – theksoi Berisha, nga foltorja e parlamentit dhe kërkoi vëmendje, përmes kamerave:
Qytetarë! Vetëm dhjetë ditët e fundit, brenda 24 orëve, klani i Edvin Kristaq Ramës vodhi në KESH, 4 milionë euro në 24 orë!
Siç thotë Komisariati i Energjisë në Vjenë, njerëz të afërt të kryehajdutit të vendit, blenë në kompaninë shqiptare, blenë energji. Tek kush? Tek akrabaja i familjes Rama, i emëruari dhe i preferuari i zonjës Basha: Ardian Çela.
Në fakt e blenë energjinë tek KESH-i dhe ia shitën Ardian Çelës. E blene 34 euro kilovatin dhe ua bleu, Ardian Çela, hajdutëve të Edi Ramës dhe për Edi Ramën, me 49 euro kilovatin.
Në 24 orë, nga ujërat e këtij vendi, nga digat e këtij vendi, nga sistemi i transmetimit, sistemi i shpërndarjes, kompanitë e lidhura me kryeministrin, vodhën 4 milionë euro. Kjo është vjedhja e fundit.”
Protesta në Himarë, banorët paralajmërojnë Ramën
Edi Rama larg duart nga pronat e himariotëve, larg duart nga bregdeti.
Këto ishin mesazhet që u përcollën në protestën e organizuar nga banorët e Himarës kundër Ramës dhe qeverisë së tij, që sipas qytetarëve po i grabit tokat.
Protesta në Himarë është në vazhdën e protestave që po mbahen në të gjithë vendin kundër qeverisë, pavarësisht se problemet mund të jenë të ndryshme.
Opozita ka thirrur një protest mbarëpopullore më 16 shkurt, ndërsa drejtues të saj kanë deklaruar se është koha që qytetarët të marrin në duart e tyre fatet e vendit dhe të ardhmen.
Zbulohet mashtrimi i Lleshajt/ Si u shantazhua e mitura në Kavajë, ngjarja u fsheh për një javë
Ministri i Brendshë, Lleshaj mashtroi deputetët dhe opinionin ditën e djeshme në Komisionin Parlamentar duke deklaruar se, “policia mori masa menjëherë ndaj përdhunuesve të 13 vjeçares në një shkollë të Kavajës. Por sipas vendimit të Gjykatës, e mitura u shantazhua dhe ngjarja u fsheh për një javë nga policia.
Ja çfarë thuhet në dosjen e Gjykatës në Durrës, e cila vendosi masat e arrestit në burg për 7 të mitur që kryen marrëdhënie sekueale me 13-vjecaren, të gjithë nxënës të shkollës ‘Rilindja’ në Kavajë. Në dosje e cila bazohet mbi dëshmitë e personave të përfshirë në ngjarjen që tronditi mbarë opinionin publik, thuhet se e mitura është afruar me një shok klase përmes Instagramit, në fillim të vitit shkollor, shtator 2018. Bazuar mbi këto dëshmi, rrënqethëse e të tmerrshme, deri në kufijtë e të paimagjinueshmes për të miturit, “BalkanËeb” zgjedh të publikojë vetëm një pjesë të saj.
Referuar dosjes, e cila ndërton të gjithë kronologjinë e ngjarjes të nisur në shtator të vitit të kaluar, e mitura ka nisur komunikimin me shokun e saj të klasës lidhur me një ese, ndërsa po përmes bisedave në rrjetet sociale ato janë afruar më shumë njëri tjetrin. Në tetor në ditën e lindjes së tij, djali i ka kërkuar vajzës të kryejnë marrëdhënie seksuale, moment i cili është filmuar përmes telefonit nga 14 vjecari. Përmes videos djemtë i kanë bërë shantazh të miturës, për të kryer marrëdhënie seksuale, ose në të kundërt do të përhapnin videon duke vënë në dijeni përndërit e saj dhe mësuesen. Në dosje thuhet se 14-vjecari u ka marrë para djemve të tjerë për të blerë lojëra elektronike.
Prej tetorit e deri në janar, e mitura ka qënë nën shantazhin e djemve, duke pranuar të kryejë marrëdhënie me ta, nga frika se video do të përhapej edhe te prindërit e mësuesja kujdestare.
Referuar dosjes ngjarja është mësuar nga pastruesja e shkollës e cila ka gjetur në telefonin e djalit të saj, shok banke me të miturën, një mesash të dërguar nga 14 vjecari ku i kërkonte ndonjë vend ku mund të kryente marrëdhënie me vajzën pas mësimit.
“Të premten e javës përpara se të bënte kallëzimin penal ( 25.01.2019 ) mësuesja kujdestare, shtetasja M.B, e ka pyetur se çfarë marrëdhënie kishte ajo me A dhe pasi e mitura ia ka treguar të gjitha mësuesja kujdestare ka njoftuar nënën e të miturës dhe ia ka treguar të gjitha në prani të drejtoreshës dhe psikologes së shkollës. Po kështu të dielën në drekë e ka marrë në telefon mësuesja kujdestare dhe pasi ka shkuar në shkollë me nënën e saj është takuar me mësuesen kujdestare, psikologen e shkollës, drejtoreshën e shkollës dhe drejtoreshën e arsimit. E mitura ka deklaruar gjithashtu se për shkak të kësaj ngjarje ka tentuar të bëjë edhe vetëvrasje”, thuhet në dosje.
Pra, kallëzimi në polici i vajzës është kryer 5 ditë me vonesë. Dy ditë pasi është vënë në dijeni, mësuesja ka thirrur sërish vajzën bashkë me nënën e saj, për të shkuar në shkollë ku është takuar me të, psikologen, drejtoreshën e shkollës dhe drejtoreshën e arsimit, por sërish denoncimi në polici nuk ka ardhur. Denoncimi në Komisariatin e Policisë në Kavajë është kryer më 29 janar 2019.
Urdhërohet KLP: Bëni prokuror burrin e deputetes Ermonela Felaj! (Dokumneti)
Gjykata Administrative e Apelit ka dhënë një vendim të çuditshëm, duke urdhëruar Këshilli i Lartë i Prokurorisë që të emërojë në funksionin “prokuror” Bledar Valikajn, bashkëshortin e deputetes së Partisë Socialiste, Ermonela Felaj, pavarësisht se ai nuk është “magjistrat”.
Bledar Valikaj, prej vitesh oficer i Policisë Gjyqësore, kandidoi në vitin 2015 për pozicionin “prokuror”. Në bazë të ligjit të kohës, prokurorët emëroheshin në dy forma-direkt nga Shkolla e Magjistraturës ose nëpërmjet konkurseve që zhvilloheshin në mënyrë periodike nga Prokuroria e Përgjithshme.
Në konkursin e zhvilluar në Shtator 2015, oficeri i Policisë Gjyqësore, Bledar Valikaj, merr pikët e nevojshme në testim dhe Prokurori i Përgjithshëm i propozoi Presidentit të Republikës së asaj kohe, Bujar Nishani, dekretimin e tij në pozicionin “prokuror”.
Presidenti Nishani, pasi kreu verifikimet e tij, e rrëzoi “me heshtje” propozimin e Prokurorit të Përgjithshëm, duke refuzuar në këtë mënyrë emërimin e bashkëshortit të deputetes socialiste Felaj në detyrën e “prokurorit”.
Presidenti i Republikës, brenda tagrave të tij kushtetues, kishte të drejtën e refuzimit, qoftë edhe me heshtje, të propozimeve për prokuror, në rastet se ai konstatonte problematika mbi integritetin personal të kandidatëve. Nishani nuk paraqiti publikisht arsyet e refuzimit të emrit të Bledar Valikaj.
Ky i fundit iu drejtua Gjykatës Administrative me një padi, nëpërmjet të cilës kërkonte “Konstatimin e paligjshmërisë së veprimit administrativ të President të Republikës;
detyrimin e Presidentit te Republikes për të marrë në shqyrtim propozimin e Prokurorit të Përgjithshëm për emërimin “prokuror” të kandidaturës së Bledar Valikaj.
Detyrimin për t’u shprehur në lidhje me propozimin e Prokurorit të Përgjithshëm për emërimin prokuror të kandidaturës ëe Bledar Valikaj”.
Pra, në fjalë të tjera, bashkëshorti i deputetes kërkonte detyrimin e Presidentit të Republikës për t’u shprehur mbi kandidaturën e tij. Gjykata Administrative, në Maj 2016 pranoi kërkesën e plotë të paditësit Bledar Valikaj.
Por, prej asaj kohe, Presidenti i Republikës nuk është shprehur për kandidaturën e Valikajt, me shumë mundësi, për shkak të tagrit të tij ligjor, sipas të cilit ai nuk mund të detyrohet të kryejë një veprim.
Pas një periudhe pritjeje, paditësi Valikaj i drejtohet me kërkesë Gjykatës Administrative të Apelit, në të cilën kërkon saktësimin e vendimit të shkallës së parë dhe, më konkretisht, kërkon “Detyrimin e Këshillit të Lartë të Prokurorisë të bëje emërimin si prokuror të paditësit Bledar Valikaj”.
Gjykata Administrative e Apelit e pranon edhe këtë kërkesë të bashkëshortit të deputetes Felaj, duke detyruar KLP-në që ta emërojë Bledar Valikajn “prokuror”.
Por ky vendim cënon rëndë nga ana tjetër një prej shtyllave të Reformës në Drejtësi. Prej Korrikut 2016, kur Parlamenti, me 140 vota, i hapi rrugë “Drejtësisë së Re’,
Kushtetuta parashikon që prokurorë mund të emërohen vetëm studentët që kanë përfunduar Shkollën e Magjistraturës.
Ndër 140 votat pro këtij ndryshimi ishte edhe ajo e Ermonela Felajt, e cila, ashtu si të gjithë kolegët e saj, u shpreh dakord për këtë ndryshim kushtetues.
Por, përtej vullnetit të shprehur politikisht, Ermonela Felaj dhe bashkëshorti i saj kanë investuar Gjykatën për të gjetur një rrugë alternative, aspak Kushtetuese dhe ligjore, për të marrë një emërim prokurori për Bledar Valikajn.
Tashmë, ky vendim e kalon “topin” në terrenin e Këshillit të Lartë të Prokurorisë, i cili duhet të marrë në shqyrtim vendimin e Gjykatës Administrative të Apelit, i cili bie në kundërshtim me Kushtetutën.
/Boldnews.al
Kryesore
Continue to the category
