Manchester Unitedi dhe Real Madridi janë duke e mbikëqyrur mesfushorin sulmues të Benficës, Joao Felix, i cili konsiderohet si “Cristiano Ronaldo i ri”.
Felixi, 19-vjeçar, debutoi për ekipin e parë në gusht dhe u bë lojtari më i ri që ka shënuar gol në derbin e Lisbonës, kur e barazoi rezultatin në fund të ndeshjes kundër Sporting Lisbonës. Në ndeshjen e fundit, ai e shënoi golin e tij të tetë për këtë sezon, transmeton Gazeta Express.
Një burim i afërt me lojtar ka bërë të ditur për ESPN se Real Madridi ka qenë duke e monitoruar zhvillimin e tij, përderisa klube të tjera, si: Manchester Unitedit, Barcelona, Atletico Madridi, Juventusi, Milani, West Hami dhe Dortmundi, kanë qenë gjithashtu të interesuara për të.
Të gjitha këto klube kanë dërguar skautë në Benfica për ta siguruar transferimin e Felixit, mirëpo “Los Blancos” dhe “Djajtë e kuq” janë dy klubet më të interesuara. Klauzola e tij e largimit besohet të jetë 120 milionë euro dhe ai mund të largohet nga klubi portugez këtë verë.
“Unë nuk frikësohem nga shifrat që po përmenden, ose krahasimet që po i dëgjoj në media. Nuk frikësohem as nga interesimi i klubeve më të mëdha në planet. Ndihem i lajkatuar”, tha Felix për Tuttosport javën e kaluar.
“Unë jam profesionist dhe e kam fatin të jem i këshilluar mirë. Babai im ishte profesor i edukatës fizike, ishte trajner i atletikës dhe e njeh botën tonë shumë mirë. Pastaj unë e kam agjentin më të mirë në botë, Jorge Mendesin”.
“Më pëlqejnë ligat e mëdha, si: Spanja, Anglia, Italia dhe Franca. Të gjithë futbollistët më të mirë portugezë luajnë në ligat më të rëndësishme të huaja dhe, natyrisht, edhe unë dua ta bëjë këtë”.
“Do të doja të luaj përkrah Cristiano Ronaldo sepse ai është thjesht më i mrekullueshmi. Një idhull, ikonë botërore, shembull për të gjithë. Të luaj me një bishë si ai do të ma jepte mundësinë të përmirësohesha edhe më shumë”.
Manchester United dhe Real Madrid, në garë për “Ronaldon e ri”
Të gjithë zërat e çojnë te Juventusi!
James Rodriguez lidhet ngushtë me largimin e tij nga Bayern Munchen këtë fund sezoni, teksa është Juventus klubi që ka shfaqur interes për të. Kolumbiani fillimisht do të kthehet tek Real Madrid, pasi në fund të këtij sezoni i skadon kontrata e huazimit te skuadra bavareze dhe më pas do të vihet në kërkim të një klubi tjetër.
Mësohet se Cristiano Ronaldo e ka telefonuar dhe i ka kërkuar që ai të transferohet në Torino, aty ku do zërë vendin e Paulo Dybala, i cili do largohet me të gjitha gjasat nga kampionët e Italisë. Një mundësi të mirë e cilësoi Juven edhe babai i lojtarit në një prononcim për media.
Vetë James, në një bisedë me gazetën Bild theksoi se për momentin është i përqendruar te Bayern Munchen dhe e sheh veten aty. 27-vjeçari e bëri të qartë se ende nuk ka marrë një vendim për të ardhmen dhe tha se marrëdhënia e tij me trajnerin Niko Kovac është normale.
“Ne jemi të dy profesionistë, është një marrëdhënie normale midis lojtarit dhe trajnerit”,tha kolumbiani. I pyetur në lidhje aktivizimin e paktë të tij nën drejtimin e Kovac, James tha: “Jam i qetë dhe stërvitem fort”.
“Deri atëherë, ka edhe katër muaj. Në këtë moment unë mendoj vetëm për Bayern Munchen”, u përgjigj sulmuesi i majtë kur u pyet për të ardhmen e tij.
E bleu energjinë me 34 euro kilovatin dhe ja shitën shqiptarëve me 49 euro, fitoi 4 milionë euro
Aferat korruptive dhe vjedhjet që u bëhen shqiptarëve nuk kanë të ndalur. Tani në sulm është hedhur e gjithë familja kryeministrore. Vjedh gruaja në njërën anë vjedh burri në anën tjetër.
Ish-kryeministri Sali Berisha e ka shpjeguar qartë skemën e vjedhjes së 4 milionë eurove nga familja Rama brenda 24 orëve me energjinë elektrike në Kuvend. Boshti i kësaj vjedhjeje është i preferuari i zonjës së Kryeministrit, Linda Ramës, emëruar në krye të OST-së.
“Kjo mazhorancë qëndron mbi vjedhjen dhe korrupsionin, – theksoi Berisha, nga foltorja e parlamentit dhe kërkoi vëmendje, përmes kamerave:
Qytetarë! Vetëm dhjetë ditët e fundit, brenda 24 orëve, klani i Edvin Kristaq Ramës vodhi në KESH, 4 milionë euro në 24 orë!
Siç thotë Komisariati i Energjisë në Vjenë, njerëz të afërt të kryehajdutit të vendit, blenë në kompaninë shqiptare, blenë energji. Tek kush? Tek akrabaja i familjes Rama, i emëruari dhe i preferuari i zonjës Basha: Ardian Çela.
Në fakt e blenë energjinë tek KESH-i dhe ia shitën Ardian Çelës. E blene 34 euro kilovatin dhe ua bleu, Ardian Çela, hajdutëve të Edi Ramës dhe për Edi Ramën, me 49 euro kilovatin.
Në 24 orë, nga ujërat e këtij vendi, nga digat e këtij vendi, nga sistemi i transmetimit, sistemi i shpërndarjes, kompanitë e lidhura me kryeministrin, vodhën 4 milionë euro. Kjo është vjedhja e fundit.”
Protesta në Himarë, banorët paralajmërojnë Ramën
Edi Rama larg duart nga pronat e himariotëve, larg duart nga bregdeti.
Këto ishin mesazhet që u përcollën në protestën e organizuar nga banorët e Himarës kundër Ramës dhe qeverisë së tij, që sipas qytetarëve po i grabit tokat.
Protesta në Himarë është në vazhdën e protestave që po mbahen në të gjithë vendin kundër qeverisë, pavarësisht se problemet mund të jenë të ndryshme.
Opozita ka thirrur një protest mbarëpopullore më 16 shkurt, ndërsa drejtues të saj kanë deklaruar se është koha që qytetarët të marrin në duart e tyre fatet e vendit dhe të ardhmen.
Zbulohet mashtrimi i Lleshajt/ Si u shantazhua e mitura në Kavajë, ngjarja u fsheh për një javë
Ministri i Brendshë, Lleshaj mashtroi deputetët dhe opinionin ditën e djeshme në Komisionin Parlamentar duke deklaruar se, “policia mori masa menjëherë ndaj përdhunuesve të 13 vjeçares në një shkollë të Kavajës. Por sipas vendimit të Gjykatës, e mitura u shantazhua dhe ngjarja u fsheh për një javë nga policia.
Ja çfarë thuhet në dosjen e Gjykatës në Durrës, e cila vendosi masat e arrestit në burg për 7 të mitur që kryen marrëdhënie sekueale me 13-vjecaren, të gjithë nxënës të shkollës ‘Rilindja’ në Kavajë. Në dosje e cila bazohet mbi dëshmitë e personave të përfshirë në ngjarjen që tronditi mbarë opinionin publik, thuhet se e mitura është afruar me një shok klase përmes Instagramit, në fillim të vitit shkollor, shtator 2018. Bazuar mbi këto dëshmi, rrënqethëse e të tmerrshme, deri në kufijtë e të paimagjinueshmes për të miturit, “BalkanËeb” zgjedh të publikojë vetëm një pjesë të saj.
Referuar dosjes, e cila ndërton të gjithë kronologjinë e ngjarjes të nisur në shtator të vitit të kaluar, e mitura ka nisur komunikimin me shokun e saj të klasës lidhur me një ese, ndërsa po përmes bisedave në rrjetet sociale ato janë afruar më shumë njëri tjetrin. Në tetor në ditën e lindjes së tij, djali i ka kërkuar vajzës të kryejnë marrëdhënie seksuale, moment i cili është filmuar përmes telefonit nga 14 vjecari. Përmes videos djemtë i kanë bërë shantazh të miturës, për të kryer marrëdhënie seksuale, ose në të kundërt do të përhapnin videon duke vënë në dijeni përndërit e saj dhe mësuesen. Në dosje thuhet se 14-vjecari u ka marrë para djemve të tjerë për të blerë lojëra elektronike.
Prej tetorit e deri në janar, e mitura ka qënë nën shantazhin e djemve, duke pranuar të kryejë marrëdhënie me ta, nga frika se video do të përhapej edhe te prindërit e mësuesja kujdestare.
Referuar dosjes ngjarja është mësuar nga pastruesja e shkollës e cila ka gjetur në telefonin e djalit të saj, shok banke me të miturën, një mesash të dërguar nga 14 vjecari ku i kërkonte ndonjë vend ku mund të kryente marrëdhënie me vajzën pas mësimit.
“Të premten e javës përpara se të bënte kallëzimin penal ( 25.01.2019 ) mësuesja kujdestare, shtetasja M.B, e ka pyetur se çfarë marrëdhënie kishte ajo me A dhe pasi e mitura ia ka treguar të gjitha mësuesja kujdestare ka njoftuar nënën e të miturës dhe ia ka treguar të gjitha në prani të drejtoreshës dhe psikologes së shkollës. Po kështu të dielën në drekë e ka marrë në telefon mësuesja kujdestare dhe pasi ka shkuar në shkollë me nënën e saj është takuar me mësuesen kujdestare, psikologen e shkollës, drejtoreshën e shkollës dhe drejtoreshën e arsimit. E mitura ka deklaruar gjithashtu se për shkak të kësaj ngjarje ka tentuar të bëjë edhe vetëvrasje”, thuhet në dosje.
Pra, kallëzimi në polici i vajzës është kryer 5 ditë me vonesë. Dy ditë pasi është vënë në dijeni, mësuesja ka thirrur sërish vajzën bashkë me nënën e saj, për të shkuar në shkollë ku është takuar me të, psikologen, drejtoreshën e shkollës dhe drejtoreshën e arsimit, por sërish denoncimi në polici nuk ka ardhur. Denoncimi në Komisariatin e Policisë në Kavajë është kryer më 29 janar 2019.
Urdhërohet KLP: Bëni prokuror burrin e deputetes Ermonela Felaj! (Dokumneti)
Gjykata Administrative e Apelit ka dhënë një vendim të çuditshëm, duke urdhëruar Këshilli i Lartë i Prokurorisë që të emërojë në funksionin “prokuror” Bledar Valikajn, bashkëshortin e deputetes së Partisë Socialiste, Ermonela Felaj, pavarësisht se ai nuk është “magjistrat”.
Bledar Valikaj, prej vitesh oficer i Policisë Gjyqësore, kandidoi në vitin 2015 për pozicionin “prokuror”. Në bazë të ligjit të kohës, prokurorët emëroheshin në dy forma-direkt nga Shkolla e Magjistraturës ose nëpërmjet konkurseve që zhvilloheshin në mënyrë periodike nga Prokuroria e Përgjithshme.
Në konkursin e zhvilluar në Shtator 2015, oficeri i Policisë Gjyqësore, Bledar Valikaj, merr pikët e nevojshme në testim dhe Prokurori i Përgjithshëm i propozoi Presidentit të Republikës së asaj kohe, Bujar Nishani, dekretimin e tij në pozicionin “prokuror”.
Presidenti Nishani, pasi kreu verifikimet e tij, e rrëzoi “me heshtje” propozimin e Prokurorit të Përgjithshëm, duke refuzuar në këtë mënyrë emërimin e bashkëshortit të deputetes socialiste Felaj në detyrën e “prokurorit”.
Presidenti i Republikës, brenda tagrave të tij kushtetues, kishte të drejtën e refuzimit, qoftë edhe me heshtje, të propozimeve për prokuror, në rastet se ai konstatonte problematika mbi integritetin personal të kandidatëve. Nishani nuk paraqiti publikisht arsyet e refuzimit të emrit të Bledar Valikaj.
Ky i fundit iu drejtua Gjykatës Administrative me një padi, nëpërmjet të cilës kërkonte “Konstatimin e paligjshmërisë së veprimit administrativ të President të Republikës;
detyrimin e Presidentit te Republikes për të marrë në shqyrtim propozimin e Prokurorit të Përgjithshëm për emërimin “prokuror” të kandidaturës së Bledar Valikaj.
Detyrimin për t’u shprehur në lidhje me propozimin e Prokurorit të Përgjithshëm për emërimin prokuror të kandidaturës ëe Bledar Valikaj”.
Pra, në fjalë të tjera, bashkëshorti i deputetes kërkonte detyrimin e Presidentit të Republikës për t’u shprehur mbi kandidaturën e tij. Gjykata Administrative, në Maj 2016 pranoi kërkesën e plotë të paditësit Bledar Valikaj.
Por, prej asaj kohe, Presidenti i Republikës nuk është shprehur për kandidaturën e Valikajt, me shumë mundësi, për shkak të tagrit të tij ligjor, sipas të cilit ai nuk mund të detyrohet të kryejë një veprim.
Pas një periudhe pritjeje, paditësi Valikaj i drejtohet me kërkesë Gjykatës Administrative të Apelit, në të cilën kërkon saktësimin e vendimit të shkallës së parë dhe, më konkretisht, kërkon “Detyrimin e Këshillit të Lartë të Prokurorisë të bëje emërimin si prokuror të paditësit Bledar Valikaj”.
Gjykata Administrative e Apelit e pranon edhe këtë kërkesë të bashkëshortit të deputetes Felaj, duke detyruar KLP-në që ta emërojë Bledar Valikajn “prokuror”.
Por ky vendim cënon rëndë nga ana tjetër një prej shtyllave të Reformës në Drejtësi. Prej Korrikut 2016, kur Parlamenti, me 140 vota, i hapi rrugë “Drejtësisë së Re’,
Kushtetuta parashikon që prokurorë mund të emërohen vetëm studentët që kanë përfunduar Shkollën e Magjistraturës.
Ndër 140 votat pro këtij ndryshimi ishte edhe ajo e Ermonela Felajt, e cila, ashtu si të gjithë kolegët e saj, u shpreh dakord për këtë ndryshim kushtetues.
Por, përtej vullnetit të shprehur politikisht, Ermonela Felaj dhe bashkëshorti i saj kanë investuar Gjykatën për të gjetur një rrugë alternative, aspak Kushtetuese dhe ligjore, për të marrë një emërim prokurori për Bledar Valikajn.
Tashmë, ky vendim e kalon “topin” në terrenin e Këshillit të Lartë të Prokurorisë, i cili duhet të marrë në shqyrtim vendimin e Gjykatës Administrative të Apelit, i cili bie në kundërshtim me Kushtetutën.
/Boldnews.al
Nuk do ta lemë me kaq!…
Nga Klodi Lalaj
Siç pritej, pas deklarates së pedagogeve se greva do të zgjasë deri në fundjavë dhe pastaj mësim dhe përsëri protesta në rrugë, nisen edhe vajtimet mediatike.
Zhgënjime bombastike. Qarje! Melankoli! Elegjira! Loti sa kokrra e grushtit. Madje si prindër të zhgënjyer nga pritshmëritë, kalojnë në akuza përse nuk realizuam ëndrrën e tyre.
Dikush donte parti të re, dikush rrëzimin e Ramës dhe të Lulit, dikush tjetër bërjen e Shqipërisë si gjithë Europa! Brenda natës, me një protestë, të rregullonim botën.
Gjithë këto ëndrra pa levizur vendit, të ngulur në divanë me pultin në dorë ose në karrigën e kompjuterit. U përçatë edhe ju! – me tha një ditë njëri që me gjasë nuk i fliste as të vëllait të tij.
Ideja është se pas këtyre lotëve struket një romantizëm i rrezikshëm. Romantizëm sepse presin një hero që ti shpetojë. I rrezikshëm ngaqë mbjellin idenë fataliste se asgjë s’ndryshon.
Zotërinj, protestat nuk ndodhin vetë. Ato janë rezultat i vetëdijesimit dhe mobilizimit. Dhe protesta e dhjetorit shërbeu për të treguar se ka dëshirë për ndryshim, e tash duhet vullneti.
Pra, me leviz ti vendit.
Ah po, në fundjavë ndoshta mbyllet cikli i dytë, ai i bojkotit. Por nis cikli i ri, i treti, ai i daljes përsëri në rrugë. Dhe protesta ka krijuar dhjetra e qindra të rinjë që nuk do ta lenë me kaq muhabetin.
Zjarr në banesat sociale në Tiranë!
Një apartament në banesat sociale në Shkozë është përfshirë nga flakët mesditën e sotme. Bwhet e ditur se zjarri ka shpërthyer në kuzhinën e apartamentit në katin e tretë, por ende nuk dihet shkaku.
Raportohet se njerëzit janë evakuuar nga baneset për shkak se rrezikonin asfiksinë dhe se nga zjarri nuk ka të dëmtuar.
Në vendngjarje kanë mbërritur sakaq edhe zjarrfikëset, duke e vënë zjarrin në kontroll. Pritet që pas hetimeve të zbulohet edhe shkaku i rënies së zjarrit.
Deklarata e fortë e Bashës: Qeveri tranzitore pa kryehajdutin ose populli do t’u fshijë
Kryetari i PD, Basha deklaroi nga Parlamenti se, Ruçi dhe Rama e kanë marrë prerë mesazhin politik në Berlin për një qeveri tranzitore, ndërsa paralajmëroi ashpër Ramën dhe bandën e tij në qeveri. “Qeveria tranzitore pa kryehajdutin do të bëhet ose përmes një marrëveshje politike, ose në rast se refuzoni këtë rrugë, atëhere populli do t’u fshijë këtu dhe në qeveri”, tha Basha.
Basha u shpreh se: “Zoti Ruçi e di që Shqipëria ka regres dhe jo progres në 5 kriteret, ju e dini mirë se ishit vetë në Berlin. Populli do vijë ta clirojë këtë sallë edhe njëherë po ua them: Thirrini arsyes kujtohuni çfarë ju thanë në Berlin. Mos ta humbim për herë të tretë hapjen e negociatave për shkak të një emri. Thirrini arsyes, se qytetarët do marrin institucionet në duart e tyre”, vijoi Basha.
Kryetari i opozitës, Lulzim Basha ka bërë një parashikim të hidhur sot në Kuvend lidhur me hapjen e negociatave të vendit me BE-në, por ndërkohë i ka dhënë edhe një paralajmërim të fortë qeverisë.
“Ne e kemi fare të qartë se pse e rrëzuat Vetingun në politikë, tha Basha. Por duhet ta kini fare të qartë se as Shqipëria dhe as Evropa nuk do t’ju lejonë ta vazhdoni më tej këtë maskaradë. Disa prej jush i keni marrë mesazhet në Berlin këtë javë. Në qershor nuk do të ketë hapje negociatash për Shqipërinë!
Nuk do të ketë hapje negociatash për Shqipërinë në qershor dhe përgjegjësi i vetëm për këtë është kryehajduti që është ulur në atë karrike me votën e krimit.
Kjo është faturë e rëndë për vendin. Nuk kemi pse ta paguajmë këtë faturë. Thirrni mendjes. Dëgjojini edhe socialistët e ndershëm, të harruarit.
Jepini rrugë politikë, zgjidheni politikisht këtë këtë krizë, sepse më 16 shkurt shqiptarët do ta marrin fatin e tyre në dorë duke nisur me spastrimin e saj nga shërbëtorët e krimit që e kanë vendin prapa hekurave të drejtësisë.
Paralajmërimi i fortë i Berishës për Lleshajn: Do zvarritesh rrugëve bashkë me…
Në mungesë të kryeministrit Edi Rama sot në Kuvend janë zhvilluar debate të forta për përdhunimin e vajzës 13-vjeçare në Kavajë, mes ish-kryeministrit Berisha dhe ministrit Sandër Lleshaj.
Berisha e ka quajtur Lleshajn bastard, duke qenë se është munduar të fshehë krimin me urdhër të Edi Ramës.
‘’Policia e ka fshehur përdhunimin e 14-vjeçares, ky që foli këtu është bastard dhe i pafytyrë, që merr urdhërat nga Edi Rama. Të jesh i bindur që së bashku me të do zvarritesh rrugëve. Je puçist”, u shpreh Berisha.
“Policia u njoftua por ishte në anën e përdhunuesve dhe fshehur krimin, Shërbimi Informativ njoftoi, kryeministrin dhe ministrave, kryeministri ishte në anën e përdhunuesve, valsalët e tij pa moral heshtën dhe nuk thanë një fjalë, fshehën krimin.
Përsëritën të njëjtin skenar, këta përdhunues që e bënë me djalin e deputetit të tyre, të njëjtin skenar kur një e sëmurë me AIDS akuzoi kreun aktual të grupit për përdhunim, ca morali kanë këta të dalin para jush, është dita juaj qytetarë, nëse nuk i krreni, nuk do keni fëmijë të sigurtë kurrë në shkollat tuaja”, tha më tej Berisha.
Ndërkohë që Lleshaj u shpreh: ‘’Policia ka marrë dijeni, ka reaguar në momentin zero, në 29.1 2019 ndaj denoncimit të familjarëve, po në këtë moment policia ka referuar çështjen në prokurori, pra e ka bërë publike atë, dhe së treti të gjitha akuzat janë të pabaza, të dëmshme dhe dashakeqe për të nxirë një institucion që i shërben qytetarëve.
Denoncimi në rrjetet sociale, është bërë pasi kanë qenë të arrestuar, janë arrestuar para se të bënit atë palo status, juve tju vij turp që gënjeni.
Mua kriminel nuk më thoni dot ju, i kam duart e bardha unë, jo të skuqura, nuk kam gjak në duar unë”.
Kryesore
Continue to the category
