Në mungesë të kryeministrit Edi Rama sot në Kuvend janë zhvilluar debate të forta për përdhunimin e vajzës 13-vjeçare në Kavajë, mes ish-kryeministrit Berisha dhe ministrit Sandër Lleshaj.
Berisha e ka quajtur Lleshajn bastard, duke qenë se është munduar të fshehë krimin me urdhër të Edi Ramës.
‘’Policia e ka fshehur përdhunimin e 14-vjeçares, ky që foli këtu është bastard dhe i pafytyrë, që merr urdhërat nga Edi Rama. Të jesh i bindur që së bashku me të do zvarritesh rrugëve. Je puçist”, u shpreh Berisha.
“Policia u njoftua por ishte në anën e përdhunuesve dhe fshehur krimin, Shërbimi Informativ njoftoi, kryeministrin dhe ministrave, kryeministri ishte në anën e përdhunuesve, valsalët e tij pa moral heshtën dhe nuk thanë një fjalë, fshehën krimin.
Përsëritën të njëjtin skenar, këta përdhunues që e bënë me djalin e deputetit të tyre, të njëjtin skenar kur një e sëmurë me AIDS akuzoi kreun aktual të grupit për përdhunim, ca morali kanë këta të dalin para jush, është dita juaj qytetarë, nëse nuk i krreni, nuk do keni fëmijë të sigurtë kurrë në shkollat tuaja”, tha më tej Berisha.
Ndërkohë që Lleshaj u shpreh: ‘’Policia ka marrë dijeni, ka reaguar në momentin zero, në 29.1 2019 ndaj denoncimit të familjarëve, po në këtë moment policia ka referuar çështjen në prokurori, pra e ka bërë publike atë, dhe së treti të gjitha akuzat janë të pabaza, të dëmshme dhe dashakeqe për të nxirë një institucion që i shërben qytetarëve.
Denoncimi në rrjetet sociale, është bërë pasi kanë qenë të arrestuar, janë arrestuar para se të bënit atë palo status, juve tju vij turp që gënjeni.
Mua kriminel nuk më thoni dot ju, i kam duart e bardha unë, jo të skuqura, nuk kam gjak në duar unë”.
Paralajmërimi i fortë i Berishës për Lleshajn: Do zvarritesh rrugëve bashkë me…
Berisha për herë të parë: Bosnja mori nga Shqipëria e Kroacia barut e gjyle kundër serbëve
Ish-Kryeministri deklaroi nga Parlamenti se, gjatë luftës në Bosnje, Bosnja ka marrë nga Shqipëria barut dhe gjyle kundër serbëve. Deklarata e Berishës është bërë në një replikë me deputetin socialist i cili tha se Berisha gjatë luftës kishte thyer embargo.” Bosnja mori nga Shqipëria e Kroacia barut e gjyle kundër serbëve”, tha Berisha.
Ish-kryeministri Sali Berisha ka dënuar me forcë sot në Kuvend, atë që e quajti “tregti territoresh” me Kosovën dhe akuzoi Edi Ramën dhe “argatët e Beogradit”, që edhe emrin e Merkelit e shqiptojnë sllavisht, “Merkell…”, se bëjnë gjithçka për karriget e tyre. Ish -Kryeministri theksoi me forcë: “E mbështesim fuqimisht marrëveshjen, por… PA COPETIM të territoreve. Copëtimi i territoreve hap Kutinë e Pandorës sjell bllokim automatik të integrimit.”
Por, me interes qe kur Berisha tregoi momentin kur Presidenti amerikan Bush e kishte pyetur haptazi se kur mendonte ai, Berisha, se duhej shpallur pavarësia e Kosovës.
Ish-Kryeministri Sali Berisha tha se, mbështet një marrëveshje mes Kosovës dhe Serbisë, por pa copitim territoresh. Gjatë fjalës së tij në Kuvend, Berisha tha se Rama po bëhet sherri i Ballkanit dhe se Merkel ka refuzuar takimin me të.
“Mbështesin marrëveshjen Kosovë-Serbi pa copëtim territoresh. Gjatë vizitës së presidenti Bush në Shqipëri më drejtohet duke më thënë se cili është mendimi juaj për Kosovën dhe unë thashë se ne duam që të jetë e Pavarur. Më tha kur mendon ti se duhet të shpallet pavarësi? I them se meqë ju e keni ndarë mendjen dhe ne do ju jemi mirënjohës, i thashë merrni kohën tuaj sepse nuk duhet të bëhemi mollë sherri mes jush dhe BE. Ky proces duhet të ecë me mirëkuptim dhe jo siç bën zotëria me argatët e Beogradit se tani Merkel po ikën. Kur ishte atje iu serviles me siperlativa, por Merkel refuzoi pritjen. Nuk e priti dhe refuzoi pritjen.
Rama po bëhet sherri i Ballkanit dhe faturën e paguajnë shqiptarët. Po bëhet sherri i Ballkanit sepse është i lidhur me vjedhjet dhe krimet. Dënoj me ashpërsinë më të madhe… Kosova dhe Serbia të zgjidhin problemet si dy shtetet të pavarura dhe jo mbi bazën e argatëve që s’kanë atdhe. Ata janë armiqtë të shqiptarëve dhe paqes në rajon”, tha Berisha.
Fjala e Berishës në Kuvend
“Zografi i dytë ka marrë përsipër të bëjë tregti territoresh ën Kosovë me argatët e Beogradit në Prishtinë. Lexojeni një intervistë të ministrit gjerman sot. Është socialdemokrat. Shikoni çfarë thotë dhe çfarë çmimi ka Shqipëria në këtë aferë.
“Këshilltari i Ramës kur fliste, thoshte “Merkelli” e shqiponte sllavisht. Asgjë nuk e cenon më shumë sigurinë tonë sesa argatët e Beogradët për karrigen e tyre.
Ne e mbështesim fuqimisht marrëveshjen, por… pa copëtim të territoreve. Copëtimi i territoreve hap Kutinë e Pandorës, copëtimi i territoreve sjell bllokim automatik të integrimit!
Po ju jap një shembull: Gjatë vizitës së presidentit Bush në Shqipëri ishte një moment i tillë, me të dy delegacionet. Presidenti më drejtohet, më thotë: “Më thuaj, cili është mendimi juaj për Kosovën, si zgjidhje?”
Natyrisht, unë mbrojtja me të gjithë argumentet që kisha, Pavarësinë.
Aty për aty më kthehet: “Qëndrojnë këto që thua ti. Kur mendon ti se duhet shpallur?”
Këta që ishin aty hapën sytë. Menduan se unë do t’i thosha “sot ose javën që vjen”.
“Jo, – i them! – Zoti President, meqë ju e keni bërë mendjen dhe shqiptarët do t’ju jenë përgjithmonë mirënjohës, merrni kohën tuaj! Se ne nuk duhet të bëhemi mollë sherri midis jush dhe Bashkimit Europian. Ky proces duhet të eci, dihet se kë kemi mik ne, dihet cili është destinacioni ynë. Ky proces duhet të eci me një mirëkuptim. Jo siç bën zotëria me argatët e Beogradit”.
Hasa-Spiropalit: Je Nafija e Edi Ramës që i lëpihesh për të bërë karrierë!
Deputeti i PD-së, Endri Hasa ka sulmuar ministren e Shtetit për Marrëdhënien me Parlamentin, Elisa Spiropali. Ai e ka quajtuar atë “nafije” që i është lëpirë kryetarit për të bërë karrierë. 
“Vjen këtu na bën moral 5 milion euroshi i doganës. Kjo është e denjë për të bërë filma se si nafijet i thurnin lavde Skëndërbeut që të ngjiteshin në maja. Këto janë nafijet e Edi Ramës”.
Me Spiropalin replikoi edhe kryetarja e LSI-së, Monika Kryemadhi, e cila tha: “Andronikës që ka qejf të rrijë me Skënderbeun i them të mos e përmendë më PS se s’ka lidhje me atë parti aty, se aty s’ka më socialistë. Kur ishim ne në PS ka qenë tjetër kohë, ka pasur të tjerë njerëz. E ardhmja bëhet duke kuptuar gabimet e së kaluarës, kurrë nuk do jeni aty ku duhet. Ti Elisa e nise si revolucionare por do të ikësh si borgjeze, megjithatë dije se borgjeze s’të bëjnë paratë por shpirti, mendja dhe dija”.
Luftë spiunazhi
Nga Halil Matoshi
Taksa 100% në mallrat e Serbisë dhe votimi i Statutit të “Trepçës” janë dy vendime sovrane të Kosovës, të cilat nuk mund t’i suspendojnë spiunët Lazanski dhe Drecun, por as zonjat Mogherini e Kocijançiq, të cilat me njëanshmërinë e dëshmuar po japin sinjale se me ose pavetëdijshëm janë rreshtuar në ingranazhet e “Doktrinës Gerasimov” si një mënyrë e re lufte, “një teori e zgjeruar e luftës moderne”, e cila përmes kërcënimeve hibride ka mësyrë edhe destabilizimin e Kosovës.
Se qëndrimi armiqësor i Serbisë ndaj Kosovës po hyn në një fazë intensive, dëshmojnë edhe parashikimet avetine për një luftë të tretë botërore – kuazi komentatorët serbë pikënisje për të fabrikuar lajme të rreme e marrin një raport amerikan sipas së cilit një konflikt i intensitetit të ultë në Kosovë është i mundshëm.
Ish-pjesëtari ië shërbimit sekret të Ushtrisë jugosllave (KOS), Miroslav Lazanski, taksën e Prishtinës zyrtare dhe votimin në Kuvendin e Kosovës për Statutin e “Trepçës” i sheh në dritën e një konflikti të intensitetit të ultë, i cili tashmë veç paska nisur në Kosovë dhe, sipas “analizës” së komentatorit ushtarak te toneve raciste, qenka uverturë për një Luftë të Tretë Botërore!?
Në anën tjetër, Milovan Drecun, kryetar i njëfarë Këshilli Parlamentar të Serbisë për Kosovën, që ish-kolegët e tij gazetarë e njohin si një informator veteran të shërbimeve sekrete jugosllave dhe serbe (KOS, UDB dhe BIA) duke e implikuar për përfshirje në atentate politike ndaj veprimtarëve politikë në Kosovë gjatë viteve 1990-1999 dhe terrorizëm shtetëror, me fantashkencën e tij të urrejtjes patologjike ndaj shqiptarëve, me teoritë e tij fashiste, shkon aq larg sa ta përfshijë kryeministrin e Kosovës, Ramush
Haradinajn, në sulmet terroriste në Madrid dhe Londër gjatë viteve 2004 dhe 2005!? “Sherlock Holmesi” i Serbisë, Drecuni, me metodat e trillit të milicive sekrete serbe “zbulon” se eksplozivi i përdorur në këto sulme vinte nga magazinat e Shqipërisë me porosi të “Klanit Haradinaj”!?
Këso teorish konspirative të palogjikshme dhe stereotipe nuk mund të imagjinohen nga njerëz normal, pos nga njerëz psikotikë si Lazanski e Drecun.
Le të kujtojmë publikun e gjerë se Ramush Haradinaj në dhjetor 2004 është zgjedhur kryeministër i Kosovës dhe në mars të vitit 2005, në bazë të dëshmive të deponuara të Serbisë, është akuzuar dhe është paraqitur para Tribunalit të Hagës, nga ku në dy raste doli i pafajshëm.
As në propagandat më të errëta fashiste apo staliniste, një njeri që është në burg nuk ndërlidhet me lehtësi të padurueshme me sulme terroriste, aq më tepër një njeri i cili njihet me qëndrimet e tij të ashpra kundër radikalizmit të dhunshëm me sfond islamin politik.
Po ashtu, duhet t’ia kujtojmë publikut se Kosova është ndër shtetet e rralla që ka një Ligj që sanksionon përfshirjen e qytetarëve të saj në luftërat e huaja dhe zbatimi i këtij ligji e ka parandaluar shkuarjen e kosovarëve në Siri.
Këto janë faktet, ndërsa rrenat monstruoze të fabrikuara në kuzhinat e spiunazhit serbo-rus në bazën e Nishit dhe të distribuuara si Fake Neës në mediat e Serbisë, Republika Srpskës dhe në një pjesë të mediave në gjuhën serbe në Kosovë, do të duhej t’i demantonte edhe Zyra e Federica Mogherinit, përmes zëdhënëses Maja Kocijançiq, në vend se të japin deklarata të njëanshme, të cilat po e inkurajojnë Beogradin zyrtar që ta vazhdojë fushatën kundër shtetit sovran të Kosovës!?
Trump flet në Kongres: Në dy vjet u hapën 5.3 milionë vende të reja pune
Presidenti Trump mbajti të martën fjalimin mbi gjendjen e vendit. Presidenti foli para përbërjes së re të Kongresit, të zgjedhur në muajin nëntor.
Ky ishte fjalimi i dytë i Presidentit Trump mbi gjendjen e vendit që kur erdhi në Shtëpinë e Bardhë.
“Zonja Kryetare e Dhomës së Përfaqësuesve, zoti Nënpresident, Anëtarë të Kongresit, Zonja e Parë e ShBA, bashkatdhetarët e mi amerikanë! Takohemi sonte në një moment me potencial të pafund. Me fillimin e punimeve të Kongresit të ri, dal para jush i gatshëm për të punuar me ju për të arritur suksese historike për të gjithë amerikanët. Miliona bashkatdhetarë të mi që na shohin tani të mbledhur në këtë seli, shpresojnë se ne nuk do të qeverisim si dy parti, por si një komb i vetëm. Axhenda që do të prezantoj sonte nuk është as republikane, as demokrate, por është axhenda e popullit amerikan”.
Me këto fjalë, Presidenti hapi fjalimin e tij para një Kongresi të ri që rezultoi nga zgjedhjet e 6 nëntorit. Presidenti e hapi fjalimin me një nga temat e theksuara shpesh në fjalimet e tij, mbrojtjen e interesave të punëtorëve amerikanë, duke vënë në plan të parë interesat e Amerikës:
“Shumë prej nesh bënë fushatë me të njëjtat premtime: mbrojtje të vendeve të punës dhe tregti e drejtë për punëtorët amerikanë; rindërtimi dhe përmirësimi i infrastrukturës së vendit; ulja e çmimeve për kujdesin shëndetësor dhe ilaçet; krijimi i një sistemi të imigracionit që është i sigurtë, i ligjshëm dhe modern, si dhe një politikë e jashtme që vë në plan të parë interesat e Amerikës.
Mundësi të reja i paraqiten politikës amerikane me kusht që të kemi kurajon që t’i shfrytëzojmë. Fitorja nuk kërkon që të shënojë pikë partia jonë. Fitorja arrihet kur fiton vendi”.
Duke e vënë theksin mbi sukseset e Amerikës në dekada, presidenti u ndal tek disa momente historike të rolit amerikan në kontribut të njerëzimit:
“Këtë vit, vendi do të shënojë dy përvjetorë të rëndësishëm që dëshmojnë madhështinë e misionit të Amerikës, si dhe fuqinë e krenarisë amerikane.
Në qershor mbushen 75 vjet nga ajo që Gjenerali Ajzenhauer e quajti “Kryqëzata e Madhe” – operacioni i forcave aleate për të çliruar Evropën. Në operacionin e 6 qershorit, 1944, 15 mijë të rinj amerikanë u hodhën me parashuta, u sulën nga deti dhe toka, për të shpëtuar civilizimin tonë nga tirania. Në sallë kemi të ftuar tre nga nga këta heronj amerikanë: Joseph Reilly, Irving Locker and Herman Zeitchik. Zotërinj, ju përshëndesim!
Në 2019-ën mbushen 50-vjet që kur astronautët e rinj udhëtuan një çerek-milion milje në hapësirë për të vënë flamurin amerikan në Hënë. Gjysmë shekulli më pas, kemi në sallë një nga astronautët e misionit “Apolli 11″: Buzz Aldrin. Këtë vit astronautët amerikanë do të rikthehen në hapësirë me raketa amerikane”.
Imigracioni, një ndër temat parësore që ka theksuar në politikat e brendshme Presidenti Trump, ishte edhe në fokusin qendror të Fjalimit mbi Gjendjen e Vendit.
“Asgjë nuk e dëshmon më qartë ndarjen e thellë mes klasës politike dhe klasës punëtore amerikane se sa imigracioni. Sot ju bëj thirrje të mbroni kufirin jugor të vendit tonë në emër të dashurisë për njerëzit tanë. Politikanë që jetojnë në lagje të mbrojtura, pas hekurave, nuk duan t’ia dinë për klasën punëtore amerikane që preket nga mbingarkimi i shkollave, i spitaleve, rreziku ndaj jetës, ndërkohë që pagat e tyre dëmtohen nga konkurrenca e imigrantëve”.
Presidenti kërkoi nga Kongresi mbështetje për propozimet që ai ka parashtruar për zgjidhjen e sfidave që sjell imigracioni:
“Administrata ime i ka dërguar Kongresit një propozim të logjikshëm për t’i dhënë fund krizës në kufirin tonë jugor. Propozimi përfshin asistencë humanitare, më shumë zbatim të ligjit, zbulimin e drogave në portet tona, mbylljen e të çarave që mundësojnë trafikimin e fëmijëve, si dhe plane për një barrierë të re fizike, ose një mur, për të siguruar zonat e gjera ndërmjet pikave hyrëse kufitare.
Në të kaluarën, shumica e njerëzve në këtë sallë votuan për një mur, por muri i vërtetë nuk u ndërtua kurrë. Unë do ta ndërtoj.
Kjo është një barrierë inteligjente çeliku që lejon të shikohet në anën tjetër, dhe jo thjesht një mur betoni. Do të vendoset në zonat e identifikuara nga agjentët e kufirit si zonat që e kanë më të nevojshme, dhe siç mund t’jua thonë vetë agjentët, aty ku ngrihen muret, kalimet e paligjshme bien.
San Diego kishte dikur numrin më të madh të kalimeve të paligjshme në vend. Në përgjigje të kërkesave të banorëve të San Diegos dhe të udhëheqësve politikë, u vendos një mur i fortë sigurie. Kjo barrierë e fuqishme pothuajse i dha fund krejtësisht kalimeve të paligjshme të kufirit.
Qyteti kufitar El Paso, në shtetin Teksas, kishte dikur një nivel jashtëzakonisht të lartë të krimeve të dhunshme, një nga më të lartat në vend, si dhe konsiderohej një ndër qytetet më të rrezikshme të vendit tonë. Tashmë, me një barrierë të fuqishme, El Paso konsiderohet si një ndër qytetet tona më të sigurta.
Thënë më thjesht, muret funksionojnë dhe muret shpëtojnë jetë. Prandaj, le të të punojmë së bashku, të bëjmë kompromis, dhe të arrijmë një marrëveshje që do ta bëjë vërtet më të sigurtë Amerikën”.
Presidenti foli edhe për politikat amerikane të bashkëpunimit ndërkombëtar për sigurinë duke përsëritur se Shtetet e Bashkuara po mbajnë një barrë më të madhe dhe të padrejtë krahasuar me aleatët e tyre:
“Gjatë dy viteve të fundit kemi filluar të rindërtojmë plotësisht Ushtrinë e Shteteve të Bashkuara, me një buxhet prej 700 miliardësh vitin e kaluar, dhe këtë vit me 716 miliardë. Po i shtyjmë edhe vendet e tjera të paguajnë pjesën e tyre të drejtë. Për vite, Shtetet e Bashkuara janë trajtuar shumë padrejtësisht nga NATO-ja, por ne tashmë kemi siguruar një rritje prej 100 miliardë dollarësh të shpenzimeve ushtarake të vendeve aleate të NATO-s”.
Në Fjalimin e tij mbi Gjendjen e Vendit, Presidenti Trump u ndal edhe tek politikat ndaj Rusisë:
“Si pjesë e forcimit të ushtrisë sonë, Shtetet e Bashkuara po zhvillojnë një Sistem për Mbrojtjen nga Raketat të modernizuar.
Nën Administratën time, ne nuk do të kërkojmë kurrë ndjesë për avancimin e interesave të Amerikës.
Për shembull, dekada më parë Shtetet e Bashkuara nënshkruan një traktat me Rusinë duke rënë dakort të kufizojmë dhe të reduktojmë aftësitë tona në fushën e raketave.
Ndërkohë që ne e zbatuam marrëveshjen pikë për pikë, Rusia i shkeli kushtet e marrëveshjes në mënyrë të përsëritur. Për këtë arsye, unë njoftova se Shtetet e Bashkuara po tërhiqen zyrtarisht nga Traktati për Armët Bërthamore me Rreze të Mesme (INF).
Ndoshta mund të negociojmë për një marrëveshje të ndryshme, ku të shtohet edhe Kina apo vende të tjera; ose ndoshta nuk e arrijmë dot, dhe në këtë rast do të shpenzojmë më shumë dhe do të arrijmë më shumë inovacion se të gjithë të tjerët”.
Presidenti bëri thirrje për një politikbërje më gjithëpërfshirëse:
“Duhet të heqim dorë nga politika e hakmarrjes, rezistencës dhe shpagimit dhe të përqafojmë potencialin e bashkëpunimit, kompromisit dhe të mirës së përbashkët”.
Dhjetë ditë pas rihapjes së qeverisë që rezultoi nga përplasjet mes administratës dhe Kongresit lidhur me buxhetin, presidenti foli për nevojën për një politikbërje të udhëhequr nga kompromisi dhe bashkëpunimi.
“Nëse duam paqe dhe përparime, nuk duhet të ketë luftë e investigime. Ndryshe nuk funksionojnë gjërat. Ne duhet të jemi të bashkuar brenda vendit për të arritur të mundim kundërshtarët tanë jashtë vendit”.
Presidenti i bëri thirrje Kongresit që të miratojë pa vonesa kandidatët e tij për poste në administratën e tij.
Presidenti i kushtoi një pjesë të madhe në fjalimin e tij përparimeve ekonomike gjatë dy viteve të tij në Shtëpinë e Bardhë:
“Ne kemi mundësuar një zhvillim ekonomik të paparë. Kemi krijuar 5.3 milionë vende të reja pune dhe, më e rëndësishmja, kemi shtuar 600 mijë vende të reja pune në prodhimin industrial që të gjithë thonin se ishte e pamundur”.
“Administrata ime ka reduktuar pengesat burokratike në një kohë më të shkurtër se kushdo tjetër. Kompanitë po rikthehen në vendin tonë falë reduktimeve historike të taksave e pengesave ligjore”.
Ai përsëriti politikat e tij të mbrojtjes së tregut amerikan të punës dhe synimin e tij që në shkëmbimet tregtare me vende të tjera të vërë në plan të parë interesat e punëtorëve dhe kompanive amerikane.
Reagon pedagogu: Lleshaj sjell policë për të kërcënuar studentë e pedagogë, i kemi filmuar të gjitha…
Menjëherë pas shfaqjes brutale të forcave të policisë në ambjentete e fakltetit të Histori Folologjisë në Tiranë ka reaguar pedagogu Mark Marku.
Ai denoncoi ndërhyrjen e policisë së shtetit në Fakultetin e Filologjikut. Duke folur për mediat ai akuzoi Ministrin Sandër Lleshaj se po përdor policinë për të kërcënuar pedagogë e studentë.
“Sjell policë për të kërcënuar studentë dhe pedagogë. Bashkë me imazhin e qeverisë, këta po shkatërrojnë çdo strukturë shtetërore. I kemi filmuar të gjitha. Do ta çojmë rastin në gjykatë dhe te Avokati i Popullit. Fshiheshin pas mureve që mos tu dilnin fytyrat, ky është imazhi i policisë së Sandër Lleshajt?”. Tha pedgagdu Marku
Studentët kërkojnë garanci nga dekani Laçi
Një ditë pas deklaratës së dekanit Sabri Laçi se nga java e ardhshme protesta e pedagogëve do ndryshojë formë duke pezulluar mësimin vetëm një ditë në javë, studentët e Histori Filologjikut i kanë nisur atij një kërkesë duke kërkuar garanci për vijimin e protestës së tyre.
“Mosnjohje të asnjë mase disiplinore ndaj studentëve nisur nga data 5 dhjetor dhe në vazhdim.
Garantim të barazisë mes studentëve që zgjedhin të bojkotojnë mësimin deri në plotësim të kushteve të panegociueshme dhe studentëve që zgjedhin të frekuentojnë mësimin.
Studentët, të ashtuquajturit “studentë të bojkotit” të trajtohen të barabartë në sezonin e provimeve, ashtu si edhe ata që zgjedhin frekuentimin e mësimit në periudhën në vazhdim, pa asnjë penalizim.
Garanci nga Dekanati i fakultetit tonë për mos-djegie të vitit akademik 2018-2019 dhe përfundim të këtij viti akademik deri në 31 korrik 2019″, janë kërkesat e studentëve që bojkotojnë mësimin prej më shumë se 2 muajsh drejtuar dekanatit të Fakultetit të Histori Filologjikut.
Kërkesa e plotë
Drejtuar: Dekanatit të Fakultetit të Historisë dhe Filologjisë
Lënda: Garantimi i të drejtës së studentëve për të protestuar
KËRKESË
Dekanit të fakultetit të Historisë dhe Filologjisë, Prof. dr. Sabri Laçi,
Studentët e fakultetit të Historisë dhe Filologjisë, në përkatësi të çdo departamenti dhe viti arsimor në fakultet kërkojnë nga dekanati i këtij fakulteti garantimin e të drejtës themelore të studentëve, atë për të protestuar.
Nisur nga ngjarjet aspak të këndshme që kanë ndodhur në hapësirën e Fakultetit të Historisë dhe Filologjisë, presionit të disa prej pedagogëve në këtë institucion, vendimeve konfuze të Asamblesë dhe segmenteve të caktuara brenda studentëve, të cilët kanë shpërndarë dezinformim në masën e gjerë, ne kërkojmë:
1. Mosnjohje të asnjë mase disiplinore ndaj studentëve nisur nga data 5 dhjetor dhe në vazhdim.
2. Garantim të barazisë mes studentëve që zgjedhin të bojkotojnë mësimin deri në plotësim të kushteve të panegociueshme dhe studentëve që zgjedhin të frekuentojnë mësimin.
3. Studentët, të ashtuquajturit “studentë të bojkotit” të trajtohen të barabartë në sezonin e provimeve, ashtu si edhe ata që zgjedhin frekuentimin e mësimit në periudhën në vazhdim, pa asnjë penalizim.
4. [UNANIMISHT] Garanci nga Dekanati i fakultetit tonë për mos-djegie të vitit akademik 2018-2019 dhe përfundim të këtij viti akademik deri në 31 korrik 2019.
Duke Ju falenderuar për mirëkuptimin, presim një vendimin dekanati lidhur me këto çështje sa më shpejt të jetë e mundur.
Gjermania fut në rreth të kuq Ramën, ministri i Merkel i kujton “destabilizimin e rajonit”
Deutsche Welle: Shqipëria pret që në qershor (së bashku me Maqedoninë) të marrë dritën jeshile për fillimin e negociatave të anëtarësimit me BE-në. Sa realiste është kjo?
Michael Roth: Një gjë është e qartë: Çdo vend kandidat matet me arritjet e veta. Këshilli i BE-së vendosi në qershor 2018 se me çfarë do të maten përparimet e Shqipërisë. Këtu kanë rëndësi qendrore reformat në administratën publike, gjyqësor, lufta kundër korrupsionit dhe krimit të organizuar si edhe të drejtat e njeriut. Shqipëria duhet të vazhdojë të ndjekë reformat e saj, në mënyrë që shtetet anëtare të BE-së – të cilat duhet ta marrin këtë vendim njëzëri – të jenë të bindur se përparimi i saj është i mjaftueshëm për fillimin e negociatave të anëtarësimit. Qeverisë federale për një “po” i nevojitet drita jeshile nga Bundestagu.
Në verën e vitit të kaluar, në një intervistë me DË, jeni shprehur pozitivisht për procesin e vettingut. A jeni i kënaqur me ecurinë e deritanishme të tij?
Procesi i verifikimit të gjyqtarëve – i ashtuquajturi vetting – i cili ka filluar vitin e kaluar, është duke ecur mirë. Deri më tani janë shqyrtuar ose janë tërhequr nga procesi paraprakisht gati 100 gjyqtarë dhe prokurorë. Rreth gjysmës së tyre iu desh të largohej nga gjyqësori kryesisht sepse nuk mund të shpjegonte me besueshmëri origjinën e pasurisë. Përveç kësaj, për plotësimin e vendeve vakante është ngritur një institucion i ri i pavarur dhe Shkolla e Magjistraturës po e përmirëson cilësinë e kualifikimit të tyre. Megjithë vështirësitë e mëdha që ka, kjo reformë gjyqësore është shembullore.
Në Indeksin e Perceptimit të Korrupsionit që publikon çdo vit Transparency International Shqipëria ishte keqësuar. A do të ndikojë negativisht ky fakt në vendimin e Këshillit të BE-së për fillimin e negociatave?
Këtë e shoh me shqetësim. Lufta kundër korrupsionit duhet të vijojë me vendosmëri dhe është një prioritet kyç për hapjen e negociatave me BE-në.
Gazetarët e rrjetit investigativ, BIRN, kanë publikuar së fundmi në bashkëpunim me “Zërin e Amerikës” protokolle përgjimesh ku flitet për blerje votash me ndihmën e krimit të organizuar, ndër të tjerash, në Durrës. A ndikojnë këto protokolle mbi imazhin e Shqipërisë në BE? Dhe nëse po, çfarë mund të bëjë Shqipëria deri në qershor për ta përmirësuar imazhin e dëmtuar?
Zbatimi i reformës zgjedhore në përputhje me rekomandimet e OSBE / ODIHR-it është i rëndësishëm për të forcuar sistemin zgjedhor e bashkë me të edhe demokracinë në Shqipëri. Ne e kemi mbështetur intensivisht përgatitjen e propozimeve konkrete për reformën zgjedhore – prandaj presim që kjo reformë të miratohet në Kuvend dhe të zbatohet me shpejtësi. Këtu pritet që të luajë një rol të veçantë edhe opozita, e sidomos Partia Demokratike, pasi qeveria nuk e ka shumicën e mjaftueshme të votave për ndryshimin e Kodit Zgjedhor. Natyrisht, shkeljet e të drejtës së votës, të cilat qysh tani janë të dënueshme, duhet të ndiqen penalisht dhe të ndëshkohen. Zgjedhjet e lira, të barabarta dhe të fshehta janë themeli i çdo demokracie të vërtetë.
Opozita ka paralajmëruar për mesin e shkurtit protesta dhe po bën thirrjen për rrëzimin e qeverisë aktuale. Cili do të ishte apeli juaj për të dyja palët?
Sigurisht që dëshiroj që protestat e paralajmëruara të jenë paqësore dhe të mos kthehen në dhunë. Demonstratat paqësore janë legjitime dhe liria e tubimit është një shtyllë e rëndësishme e kulturës së politikës demokratike. Si student edhe unë kam marrë pjesë në demonstrata. Por vendi qendror i debatit politik midis qeverisë dhe opozitës është parlamenti shqiptar dhe jo rruga. Kjo është arsyeja pse i bëj thirrje opozitës: Shqipëria ende ka detyra të mëdha përpara, të cilat kërkojnë një bashkëpunim të të gjitha forcave politike.
Opinioni shqiptar aktualisht është disi i shqetësuar në lidhje me përpjekjet diplomatike për zgjidhjen e konfliktin midis Kosovës dhe Serbisë. Ish-ministri i jashtëm i Shqipërisë, Ditmir Bushati, ka qenë kundër ndryshimit të kufijve në Ballkan. Kryeministri dhe de jure ministri i jashtëm i Shqipërisë, Edi Rama, i shmanget përgjigjes së kësaj pyetjeje në publik, por shumëkush mendon se ai është pajtuar tashmë me këtë plan. Si e shikoni ju ndihmesën e Shqipërisë për zgjidhjen e çështjes së Kosovës?
Integriteti territorial i vendeve të Ballkanit Perëndimor është i rëndësishëm për ne. Përpjekja për zhvendosje kufijsh ka shkaktuar vuajtje të pafundme në të kaluarën. Prandaj, sipas meje, këto përsiatje, jo vetëm që nuk premtojnë shumë sukses, por janë edhe tejet të rrezikshme. Çfarë na nevojitet, është një marrëveshje gjithëpërfshirëse, e cila i rregullon përfundimisht marrëdhëniet, i mundëson Serbisë dhe Kosovës të anëtarësohen në BE dhe i zgjidh me marrëveshje të gjitha çështjet teknike që janë ende të hapura. Nga Shqipëria ne presim që kjo ta përdorë në mënyrë konstruktive ndikimin e saj politik dhe të vazhdojë të angazhohet në mënyrë konstruktive për stabilitet në të gjithë rajonin. Kjo vlen veçanërisht për çështjet që kanë të bëjnë me normalizimin ndërmjet Kosovës dhe Serbisë. Mund të jetë vetëm në interes të Shqipërisë, si pjesë e rajonit, që të parandalojë me çdo kusht një destabilizim të ri të Ballkanit Perëndimor, gjë që detyrimisht do të vijonte nga ndryshimi i kufijve.
Gjermania është kundër ndryshimit të kufijve në Ballkan, por SHBA dhe Komisioni i BE-së nuk janë kundër. Aktualisht ekziston një shtytje e madhe nga ana e SHBA-së për të arritur një marrëveshje edhe para zgjedhjeve për Parlamentin e Evropës. Si do të ndikonte kjo marrëveshje në procesin e anëtarësimit të vendeve të Ballkanit në BE?
Është e vërtetë se ka qëndrime të ndryshme në lidhje me ndryshimet kufitare. Qëndrimi ynë është se një marrëveshje mes Kosovës dhe Serbisë duhet ta rrisë stabilitetin në të dyja vendet dhe në rajon. Unë nuk shoh se si mund të arrihet kjo me ndryshime kufijsh. Përkundrazi, Ballkani Perëndimor nuk do të binte në qetësi. Nga vendet fqinje dëgjoj vazhdimisht se ata janë të shqetësuar për këtë diskutim, sepse shohin rrezikun e efektit të dominosë. Për proceset e anëtarësimit në BE kjo me siguri që nuk do të ishte aspak e dobishme.
*) Kryetari i kuvendit të Shqipërisë, Gramoz Ruçi (PS), dhe deputeti i partisë socialiste Taulant Balla, i cili është edhe kryetar i Grupit Parlamentar të Miqësisë Shqipëri-Gjermani, patën të martën (05.02.2019) një vizitë të shkurtër në Berlin, ku u takuan me kryetarin e Bundestagut, Wolfgang Schäuble (CDU) dhe ministrin parlamentar të shtetit pranë ministrisë gjermane për punë të jashtme, Michael Roth (SPD).
Bashkia Kamëz prej vitit 2013 kur Rilindja erdhi në pushtet nuk është përfituese e asnjë projekti zhvillues
Bashkia Kamëz prej vitit 2013 kur Rilindja erdhi në pushtet nuk është përfituese e asnjë projekti zhvillues për qytetin e Kamzës nga qeveria. Edhe pse në mënyrë konsistente kryebashkiaku Xhelal Mziu ka paraqitur në institucionet qendrore projektet zhvilluese përsëri indiferenca ka qenë absolute nga ana e qeverisjes qendrore. Kryetari i Bashkisë Kamëz, z. Xhelal Mziu thotë se: -“Janë mbi 140 projekte që flenë në sirtarët e ministrive përkatëse. Ky është një diskriminim që i bëhet qytetarëve të Kamzës, nëpërmjet diskriminimit që i bëhet institucionit, Bashkia Kamëz. Në vitin 2015, me miratimin e reformës administrativo-territoriale, ku bashkisë Kamëz, ju bashkëngjit ish – Komuna Paskuqan ku një ndër pikat e reformës ishte dhe kalimi i 7- kompetencave të cilat duhej të delegoheshin nga qeverisja qendrore drejt Njësive të Qeverisjes Lokale, të cilat ende nuk kanë kaluar. Ende sot, kompetenca nuk i janë kaluar Bashkisë Kamëz. Ndër 7 kompetencat që duhej ti kalonin Bashkisë Kamëz nga qeveria qendrore që nga viti 2015 janë; administrimi i pyjeve dhe rrugëve rurale”. Sipas kreut të bashkisë Kamëz, një kompetencë që i është kaluar Njësive të Qeverisjes Vendore (por jo bashkisë Kamëz), është administrimi i fondit pyjor dhe kullosor.
“Deri në fund të muajit qershor 2016,(VKM nr. 433, datë 08.06.2016) nuk ka patur asnjë akt normativ apo ligjor për administrimin e pyjeve. Kjo VKM është miratuar pa patur bashkëngjitur hartat përkatëse të ndarjes së territoreve ndërmjet Bashkisë Kamëz dhe asaj të Tiranës dhe për rrjedhojë Bashkisë Kamëz i janë transferuar sipërfaqe pyjesh dhe kullotash të cilat nuk janë në territorin e saj, ndërsa Bashkisë së Tiranës i janë dhënë sipërfaqe pyjesh dhe kullotash që janë në territorin e Bashkisë Kamëz.
Jo vetëm kaq por Bashkisë Kamëz nuk i është dhënë fondi për administrimin e pyjeve dhe kullotave transfertë që duhej të jepej nga Qeveria Qendrore dhe as personel mbështetës”- thotë kryebashkiaku Mziu. Zoti Mziu shton se –“në Bashkinë Kamëz ka një numër të konsiderueshëm rrugësh rurale, ku kërkohet ndërhyrja për mirëmbajtjen e tyre, por akoma e kësaj dite kjo kompetencë nuk i ka kaluar Bashkisë Kamëz. Bashkia Kamëz i është drejtuar disa herë me shkresa zyrtare Ministrisë së linjës dhe akoma nuk është bërë transferimi i kësaj kompetence. Kjo neglizhencë ka sjellë jo pak probleme në rrjetin rrugor rural ku bashkia ka financuar nga buxheti i saj”. Dëmi që kjo qeveri i ka shkaktuar Kamzës nuk është vetëm në mosfinancimin e projekteve që ndodhen në sirtarët e ministrive të linjes por Rilindja iu ka hequr familjeve të varfra në Kamëz dhe bukën e gojës ku nga 7000 familje që ishin përfituese deri në vitin 2013, sot janë 700 familje etj, probleme.
Deklarata e fortë: Rama shkoi në Arabi për të rikuperuar paratë që humbi në bankat e Azisë!
Zbulohet misteri i vizitës së Kryeministrit Edi Rama në Arabinë Saudite. Kryetarja e LSI-së Monika Kryemadhi u shpreh në Kuvend se, Rama shkoi në Arabi për të rikuperuar paratë që humbi në bankat e Azisë!
“Për të rikuperuar paratë e humbura në bankat e falimentuara të Azisë së Largët, shkon në vendet arabe …”, tha shprehimisht Kryemadhi.
“Kjo është metoda e Kryeministrit; “Gënje, se shqiptarët do ta besojnë”, tha kryetarja e LSI-së. – U tallën të gjithë studentët dje me studentet e ekselencës, që doli se ishte bashkëshortja e një drejtori të naftës në ministri, që punonte në ministri dhe quhej “studente e ekselencës” dhe hidhen në treg si ushqim për njerëzit që kanë mungesë informacioni. Ku ta nisësh dhe ta vazhdosh?!
Ta vazhdosh me taksat e larta, me çmimet e larta, me njërëzit që ikin apo me një kryeministër të papërgjegjshëm, që për të rikuperuar paratë e humbura në bankat e falimentuara të Azisë së Largët, shkon në vendet arabe në mënyrë të tillë për të bërë e lëvruar borxhet e falimentuara të tij dhe që andej fillon e përdor zhargonin e tij elokuent ndaj pedagogëve duke i quajtur qenër!”, nënvizoi Kryemadhi.
Kryemadhi paralajmëron ministren: Kujdes me mesazhet që dërgon, të ka Meta dhe kushërirë!
Kryetarja e LSI-së, Monika Kryemadhi gjatë fjalës së saj sot në Kuvend akuzoi ministren e Drjetësisë, Etilda Gjonaj pasi ka shantazhuar nërpermjet sms-ve dhe telefonatave gjyqtarët dhe prokurorët.
Sipas Kryemadhit, bashkëshorti i Etilda Gjonajt, gjithashtu është përfshirë në korrupsion, dhe se ka lidhje me Ervis Martinajn dhe shumë pika të tjera bastesh.
“Ilir Meta e ka dhe kushërirë, por kjo nuk më ndalon të flas për shkak të lidhjeve familjare. Nuk ka asnjë lloj mënyre që mund ta mbrojë ministren e Drejtësisë. Ajo ka shantazhuar punonjësit. Ajo mund ta dijë shumë mirë që korrupsioni është Brenda familjes së saj. Le të tregojë ministrja se pse është pushuar bashkëshorti i saj nga puna disa herë.
Të jetë shumë e kujdesshme në telefonatat dhe mesazhet që u dërgon gjyqtarëve dhe prokurorëve. Spese SPAKU do të fillojë nga ato që e shantazhojnë”, tha Kryemadhi.
Kujtojmë se ditën djeshme janë arrestuar katër ish-zyrtarë të Ministrisë së Drejtësisë me akuzën e abuzimeve me tendera. Gjonaj deklaroi dje se janë në verefikim dhe dy ish-ministra të LSI-së, Petrit Vasili dhe Ylli Manjani.
Kryesore
Continue to the category
