Para takimit të dytë me Kim Jong Un, Donald Trumpi ka përshëndetur arritjen historike, mënjanimin e armëve atomike nga Korea e Veriut. Megjithatë rruga për sukses të vërtetë është e vështirë, mendon Michael Knigge.
aKa ditë që Shtëpia e Bardhë merret me përgatitjen e opinionit publik për takimin e dytë të presidentit Donald Trump me udhëheqësin e Koresë së Veriut, Kim Jong Un. Në të ashtuquajturën listë e fakteve, administrata e Trumpit tregoi javën e kaluar synimin kryesor të samitit, duke folur me terma super të mëdha, tipike në raste të tilla.
“Presidenti Donald J. Trump është angazhuar të arrijë një të ardhme të sigurt dhe të shndritshme për të gjithë njerëzit e Koresë së Veriut dhe të gjithë botës,” thuhet me gërma të trasha në krye të faqes së komunikatës. Dy pika më poshtë Shtëpia e Bardhë liston synime më modeste për takimin: përparim në “transforsmimin e marrëdhënieve, paqen e qëndrueshme dhe mënjanimin komplet të armëve bërthamore.”
Por në rast se takimi nuk sjell progresin e dëshiruar, Shtëpia e Bardhë i del të keqes përpara duke i thënë botës se “negociatat historike të Presidentit Trump me kryetarin Kim janë duke dhënë rezultate tashmë”, pikërisht faktin që dy liderët po takohen personalisht, dhe që marrëdhëniet midis dy vendeve “kanë arritur nivele të reja”, sepse Pheniani nuk ka bërë prova bërthamore për më shumë se një vit dhe se amerikanët nuk mbahen më të burgosut në Korenë e Veriut.
Synimi kryesor: mënjanimi i armëve bërthamore
Për të thënë atë që është, Shtëpia e Bardhë ka të drejtë që Korea e Veriut i ka ndërprerë provat bërthamore, raportet midis dy udhëheqësve pretendohet të jenë të mira, dhe amerikanët e burgosur janë liruar.
Le të lemë mënjanë pyetjen nëse mos testimi i armëve bërthamore është i vetmi rezultat i bisedimeve të Trumpit. Dhe le të lemë mënjanë pretendimin e bërë nga Trump se pararendësi i tij ka qenë në prag të “një lufte të madhe” me Korenë e Veriut dhe ky rrezik nuk ekziston me për shkak të angazhimit të tij me Kim-in.

Le të fokusohemi tek ajo që Trump e quajti fillimisht si synimin kryesor të bisedimeve të tij direkte me Kim-in: mënjanimn e krejt armëve bërthamore të Koresë së Veriut. Për fat të keq, Trump ka arritur shumë pak sukses në këtë synim. Dhe ndërkohë Shtëpia e Bardhë përmend në listën e arritjeve historike se Kim ka pohuar në fjalimin e Vitit të Ri se do të mënjanojë armët bërthamore, por kush më shumë se Trum e di se të thuash diçka është një gjë dhe ta bësh atë është një gjë krejtësisht tjetër?
Kështu që nëse ky takim supozohet të jetë më shumë se një mundësi për të bërë fotografi që dokumentojnë marrëdhëniet e mira midis Trumpit dhe Kim-it, atëherë ai duhet të sjellë rezultate. Sipas një njoftimit të Vox, një projektskicë paraprake e një marrëveshjeje të mundshme përfshin dhënien fund të gjendjes së luftës midis SHBA dhe Koresë së Veriut, krijimin e zyrave të ndërlidhjes dhe mbylljen e reaktorit bërthamor të Yongbyong po ashtu si dhe projektet ekonomike dhe kthimin e eshtrave të ushtarëve amerikanë.
Progres i mundshëm?
Në rast se Trump dhe Kim do të bjerë dakord për një marrëveshje që përfshin këto pika, atëherë do ajo duhet vërtet të quhet sukses, me kushtin që mbyllja e reaktorit Yongbyon të jetë e verifikueshme dhe vërtet e pakthyeshme, në mënyrë që të mos ndodhë si herë të jera, kur Pheniani ka premtuar se do e mbyllë, dhe e ka riaktivizuar më vonë sërish.
Duhet thënë se rruga për të mënjanuar komplet armët bërthamore do të jetë e gjatë dhe vështirë, por ky tani do të ishte një hap i rëndësishëm për të arritur synimet.

Presidenti venezuelian Nicolas Maduro ka akuzuar Shtetet e Bashkuara se po përpiqen të krijojnë një krizë, me qëllimin për të filluar një luftë në rajon.
“Po përpiqen të fabrikojnë një krizë për të justifikuar përshkallëzimin politik dhe ndërhyrjen ushtarake në Venezuelë për të sjellë luftë në Amerikën e Jugut”, tha Maduro në një intervistë me kanalin ABC News, në pallatin presidencial në Karakas.
Të hënën, Nënpresidenti amerikan Mike Pence njoftoi 56 milionë dollarë ndihma të reja humanitare për popullin venezuelian, ndërsa takohej në Kolumbi me udhëheqësin e opozitës Juan Guaido dhe përfaqësues të tjerë të vendeve të Grupit Lima, një organizatë ndërqeveritare që po përpiqet të ofrojë zgjidhje për krizën venezueliane.
Nënpresidenti Pence njoftoi sanksione ndaj katër guvernatorëve venezuelianë që mbështesin Maduron dhe tha gjithashtu se Shtetet e Bashkuara do të imponojnë “sanksione më të forta” për rrjetet “financiare të korruptuara” të qeverisë Maduro.
Maduro e përshkroi takimin në Bogota si pjesë e një përpjekje të vazhdueshme për të krijuar “një qeveri paralele në Venezuelë”, në mënyrë që Shtetet e Bashkuara të kenë qasje tek rezervat e mëdha të naftës së atij vendi.
Maduro shtoi se “qeveria ekstremiste e Ku Klux Klanit që drejton Donald Trump dëshiron luftë për naftën, dhe jo vetëm”.

Bernd Riegert

Bëjeni një provë vetë! Kujtoni emrin e një kreu të një qeverie socialdemokrate në Bashkimin Europian. Nuk iu bie ndërmend…me të drejtë, sepse nuk jeni i vetmi që duhet të mendoheni gjatë për këtë. Portugalia, Malta, Suedia, Sllovakia dhe Rumania qeverisen në BE nga socialdemokratët. Por në shtetet e mëdha të BE si Franca, Italia, Polonia nuk qeverisin socialdemokratët, edhe në Gjermani jo plotësisht (socialdemokratët janë në koalicion me konservatorët, shën.red.). Në Spanjë kryeministri Pedro Sanchez sapo shpalli zgjedhjet e parakohshme dhe nuk dihet, nëse ai do të fitojë zgjedhjet.
Qëllimisht socialdemokratët europianë zgjodhën të premten (22.02) kryeqytetin spanjoll, Madrid si vend për kongresin e tyre para zgjedhjeve europiane në fund të majit. Socialdemokratët që vuajnë në shumë vende nga vlera në rënie, donin të merrnin pak ndriçim nga drita që ende e rrethon Sanchez. Por edhe kjo dështoi, sepse vetë Sanchez po del në zgjedhje të reja.
Politologu dhe studiuesi i partive politike, Franz Ëalter në një intervistë me gazetën „Die Zeit” gati që para 10 vjetësh bëri parashikimin se Partia Socialdemokrate gjermane „nuk do të jetë më kurrë parti popullore”. Sepse elektorati i dikurshëm i punëtorëve, zgjedhësit kryesorë të saj është reduktuar. Ata që sot ndjehen të injoruar nga politika përqafojnë më mirë populistët, djathtas apo majtas. Kjo mund të vërehet në shumë vende europiane.
Sondazhe jo optimiste
Në Francë, Itali, Gjermani partitë tradicionale socialdemokrate kanë rënë ndjeshëm në elektorat. Me gjasë grupi parlamentare socialist në Parlamentin Europian pas zgjedhjeve të majit do të rrudhet ndjeshëm.

Në vitin 2014 socialdemokratët arritën të kapnin 191 vende. Në këtë vit, sipas një prognoze të platformës së studimit të opinionit publik, „Poll of Polls” ata mund të arrijnë vetëm 136 vende. Partia laburiste britanike nuk do të jetë më pjesë e parlamentit të ri, bën që t’u hiqen atyre edhe 21 vende. Megjithatë, kreu i grupit parlamentarr socialist në PE, Udo Bullmann, dëshiron të mbetet forca e dytë politike. Pritet që liberalët dhe populistët euroskeptikë pritet të fitojnë shumë vende në Parlamentin e ri Europian. Forca kryesore mbeten konservatorët, fraksioni i të cilëve, nga 221 vende pritet të dobësohet nga 221 në vitin 2014, në 177 vende.
As kandidati kryesor i socialdemokratëve europianë për postin e kreut të KE, Frans Timmermans nuk e ka të lehtë. Forca politike që kishin socialdemokratët në Holandë është rrënuar. Socialdemokratët holandezë me gjasë do të dërgojnë vetëm 3 deputetë në PE. Timmermans, shpreson të jetë njëri prej tyre.
Nga ana tjetër brenda familjes socialdemokrate europiane ka tensione. Socialdemokratët sllovakë apo rumunë nuk janë më socialdemokratë të vërtetë, sipas mendimit të shumë drejtuesve socialdemokratë, por në shumë pika më konservatorë apo nacionalistë se CDU dhe CSU në Gjermani. Më problematike paraqitet situata në Rumani, ku Frans Timmermans, zëvendëspresident aktual i Komisionit Europian akuzoi socialdemokratët, se nuk bëjnë sa duhet kundër korrupsionit dhe ruajtjes së shtetit ligjor. Në Rumani ka zëra se kreu arrogant i socialdemokratëve rumunë planifikon të dalë nga grupi parlamentar i përbashkët në PE. Kjo do të ishte një goditje e re në fushatë zgjedhore për socialdemokratët, pasi rumunët socialdemokratë sjellin në parlament 11 vende.