Edhe pse kanë kaluar tre ditë nga ekzekutimi mafioz në Durrës i Edison Harizajt dhe mikut të tij Genti Caca, ende nuk ka asnjë të dyshuar kryesor për ngjarjen, ndërsa hetimet e policisë lidhen me dy pista, ajo e hakmarrjes dhe e larjeve të hesapeve. Dyshimet janë se në vrasje kanë marrë pjesë dy mjete dhe 5 persona, ndërsa mbi audin ku udhëtonin dy viktimat është qëlluar rreth 30 herë, me breshëri kallashnikovi.
Harizaj njiher ndyshe si ‘’Il Padrino” apo ”Edi Faqedjeguri” dhe mik i Emiljano Shullazit. Ka dyshime të forta se eliminimi ka ardhur pikërisht për shkak të implikimit të tij në krime të rënda, të ideuara dhe urdhëruara prej Emiljano Shullazit.
Një tjetër pistë që po hetohet është ajo e vrasjes për hakmarrje, pasi emri i Harizajt doli në skenë nga një i penduar i vetëdorëzuar në Policinë e Fierit, i cili deklaronte se Albano Xhaferri, i kthyer nga Belgjika, ishte vrarë në Vlorë me porosi të Edison Harizajt. Burime nga grupi hetimor thanë se ka dyshime të forta se plani për ekzekutimin e 39-vjeçarit kishte nisur kohë më parë, por ishte dekonspiruar.
Për këtë shkak, Harizaj mori masa duke hequr qafe Albano Xhaferrin, i cili sipas të dhënave ishte pajtuar që në Belgjikë që të kthehej në Vlorë për ta mbajtur Harizajn nën vëzhgim, nga persona që ende nuk dihen nga ana e policisë shqiptare.
“Sipas hetimeve të deritanishme, i zhdukuri në Vlorë, Albano Xhaferri ishte caktuar që të mbante nën vëzhgim Harizajn dhe mikun e tij, i cili më herët i kishte shpëtuar një atentati për të kuptuar rutinën e tyre. Xhaferri ishte porositur t’i gjente banesat, makinat, vendet që frekuentonin më tepër në mënyrë që të ndërtohej një pritë për t’iu bërë atentat. Për këtë detyrë që ai e kishte marrë nga Belgjika, Xhaferri kishte vënë në dijeni edhe shokun e tij, Elton Troqe. Por vetëm pak ditë pasi Xhaferri erdhi në Vlorë për të kryer porosinë, u zbulua prej Harizajt. Dy të rinjtë humbën kontaktet me familjarët dhe dyshohet të jenë vrarë”, thuhet nga grupi i hetimit.

‘Ngrihu o popull! Për një kriminel – 3 mijë veta, për ne që po na prishin shtëpitë – asnjë!’
Protesta e banorëve tek Unaza e Re u mbyll në orën 9:00. Banorët që bllokuan qarkullimin për 1 orë të revoltuar nga projekti që u shemb banesat dhe bizneset, e liruan rrugën dhe qarkullimin duke premtuar se do të dalin sërish për të drejtën e tyre.
Janë 317 godina dhe biznese që shemben prej projektit të ri, por mbi 160 familje do ta pësojnë rëndë, pasi u ndërpritet në mes procedura e legalizimit dhe nuk dëmshpërblehen.
“Ne të na shikojnë, jo ata grekët atje që vijnë e kërkojnë Vorio Epirin në jug të Shqipërisë dhe s’i preku njeri se kanë frikë nga grekët, tha një prej tyre. – Për një kriminel ishin mbledhur 3 mijë veta, për ne që po na prishin shtëpitë asnjë. Ngrihuni o popull, kërkoni të drejtat tuaja se po iu ikën truri i kokës.
Nuk i prishim shtëpitë, ne do lëmë kokën. O do vrasim njerëz o do lëmë koka njerëz, të bëhen 15 a 30 dëshmorë”, thanë banorët.
Banori: “Po ja jap unë Maznikut 10 vjet qeranë e shtëpisë dhe të ma lërë vilën e tij”
Banorët e Astirit në Tiranë janë sot në ditën e shtatë të protestës së tyre kundër prishjes së banesave. Projekti i Unazës së Madhe do të prekë rreth 300 godina, mes tyre banesa dhe biznese, e megjithatë derimë tani asnjë përfaqësues nga qeveria nuk ka shkuar pranë familjeve që t’iu japë atyre një zgjidhje përfundimtare.
E vetmja zgjidhje që iu është dhënë, të paktën përmes Arbi Maznikut, nënkryetarit të Bashkisë së Tiranës është ajo e garantimit që qerasë për një vit.

Po përveç harresës nga shtetit banorët janë të zhgënjyer dhe nga mediat që nuk janë të pranishme, për të mbështetur këtë kauzë të tyre jopolitike. E vetmja media që ka ndjekur çdo ditë këtë protestë është Fax News, dhe banorët janë deri në fund falenderues, pavarësisht momentit të rëndë që kalojnë.
“Ku janë këta Klanat a Top Chanel, News 24 e urdhëruan dje në mes të protestës që të largohej, mediat e tjera përveç jush nuk na kanë mbështetur”, shprehet një prej banorëve të prekur.
Të njëjtin qëndrim ka mbajtur dhe deputeti demokrat Klevis Balliu, i cili shprehet se mediat janë urdhëruar që të mos jenë pjesë e kësaj proteste.
“Mediat e këtij vendi duhet të ishin të gjitha këtu, unë ju falenderoj ju që jeni çdo ditë me këta banorë”, u shpreh deputeti Balliu.
Banorët shprehen se janë nën një terror të vazhdueshëm psikologjik, dhe nuk dinë se ku të kërkojnë të drejtën e tyre.
‘’Po ja jap unë Maznikut 10 vjet qeranë e shtëpisë dhe të ma lërë vilën e tij. Kemi paguar për këtë banesë, po na detyrojnë që të duket sikur po kërkojmë lëmoshë. Kemi punuar me djersë dhe do ta mbrojmë me gjal”, shprehet një tjetër prej banorëve.
“E patë atë varrimin dje, ne kemi fjetur mbi bidona shurre, dhe më pas detyroheshim të bënim çdo punë për grekët që të ndërtonim me djersë këto banesa. Shuajeni këtë vend, na hapni varret këtu dhe le të vijnë grekët në jug të vendit”, shprehet më tej i irrituar një tjetër banor.

Ditën e sotme u përhap një lajm nga disa media pranë qeverisë se në Amsterdam ishte arrestuar miku i ngushtë i Lulzim Bashës.
I arrestuari u njoftua se ishte Amar Shkëmbi, të cili i ishte një gjetur një sasi prej 60 kg heroinë dhe dyshohej se ishte i implikuar në ngjarje të tjera kriminale.
Mirëpo Amar Shkëmbi ka reaguar për JOQ.al duke hedhur poshtë çdo lajm të dhënë për të dhe duke deklaruar se është i lirë dhe ndodhet në Brazil për momentin.
Amar Shkëmbi sqaroi për JOQ:
Sot më aknë përdorur për lajme të rreme.
Quhem Amar Shkëmbi dhe ndodhem në Brazil për pushime.
Lulzim Bashën nuk e njohoh personalisht përveçse nga lajmet dhe emisionet televizive, apo ndryshe si kryetar të PD-së.
Nuk e di fare se si ka dalë ky lajmdhe me çfarë qëllimesh.
Unë jam një pronar ferme që merrem me rritjen e pemëve “Paulonia” dhe gjatë verës merrem edhe me një beach bar të quajtur “Cuba Libra Albania”. Jam shtetas shqiptar dhe nuk kam shtetësi të huaj.
Ndërsa sa për foton e shpërndarë me Lulzim Bashën, Amar Shkëmbi tregon:
“Foto me Bashën është bërë para dy vitesh në një restorant në Tiranë. Kam qënë për drekë me familjen dhe duke qënë se Lulzim Basha ishte dy tavolina më tutje, mendova t’i kërkoj një foto, kjo është e gjitha”.
Amari ka dërguar edhe foto e video për JOQ.al në mënyrë që të vërtetojë që nuk është as mik i Bashës as nuk është i arrestuar dhe as i dyshuar apo në kërkim për ngjarje kriminale.

Reagimi i PD
Partia Demokratike ka reaguar ashpër ndaj disa mediave të paguara nga qeveria, të cilat kanë hapur lajme të pavërteta ditën e sotme, të cilat kanë nxjerrë nga hiçi një lajm kundër kryeopozitarit Lulzim Basha.
Përmes zëdhënëses Ina Zhupa, PD hedh poshtë me forcë të gjitha shpifjet e nxjerra në lajmet e mediave të paguara nga Edi Rama, se kreu i saj Lulzim Basha, ka lidhje me njerëz të përfshirë në botën e krimit.
Me anë të një postimi në Facebook, Zhupa thekson se, Basha dhe PD janë të vendosur për të çuar deri në fund luftën e tyree pa asnjë kompromis kundër bandave dhe krimit të organizuar.
Postimi i zëdhënëses Ina Zhupa
Disa media që financohen nga paratë që Edi Rama ju grabit shqiptarëve kanë sajuar, sot, nga hiçi një lajm kundër Kryetarit të Partisë Demokratike për ta lidhur atë më persona me të cilët ai nuk ka asnjë njohje dhe as lidhje.
Partia Demokratike gjen rastin të theksojë një fakt që e dinë të gjithë shqiptarët: Lulzim Basha nuk ka patur, nuk ka dhe nuk ka për të patur kurrë asnjë lloj lidhje me njerëz të botës së krimit.
Lulzim Basha dhe Partia Demokratike janë të vendosur në luftën e tyre pa kompromis kundër krimit që ka kapur shtetin dhe kontrollon gjithë qeverisjen e vendit.

Ish-Kryeministri Berisha ka reaguar përmes një postimi në Facebook duke deklaruar se, pas aktit të sotëm të dhunimit të territorit shqiptar nga ekstremistë gerkë qëndron Tirana zyrtare dhe Athina zyrtare. 
“Denoj heshtjen para ketij akti perdhoses te territorit shqiptar te autoriteteve zyrtare te Athines dhe Tiranes, te cilat me qendrimet e tyre te papergjegjshme dhe histerike nxiten kete akt te shemtuar, nderkombetarisht te denueshem dhe qe sot heshtin per turpin e tyre”, shkruan Berisha përmes një postimi të shkurtër në facebook.
Postimi i plotë në fb
Te dashur miq, sot grupe ekstremistesh grek, raciste primitiv antishqiptare perdhosen territorin e Republikes se Shqiperise. Ata varrosen me parulla luftenxitese, raciste, antishqiptare, vorioepiriote ekstremistin Kacifas, i cili u vra ne nje perpjekje te armatosur me policine shqiptare.
Denoj me ashpersine me te madhe aktin primitiv te shfrytezimit te nje procesioni mortor nga ekstremiste, fanatike per qellime raciste dhe antishqiptare.
Denoj heshtjen para ketij akti perdhoses te territorit shqiptar te autoriteteve zyrtare te Athines dhe Tiranes, te cilat me qendrimet e tyre te papergjegjshme dhe histerike nxiten kete akt te shemtuar, nderkombetarisht te denueshem dhe qe sot heshtin per turpin e tyre. sb

Deputeti i Partisë Demokratike, Bardh Spahia, ka denoncuar sot situatën në të cilën ndodhen qendrat shëndetësore dhe spitalet në vendin tonë.
Ai ka postuar në rrjetet sociale dy foto, të cilat tregojnë se si janë urgjencat mjekësore në vend, ku u mungojnë pajisjet bazë për t’u shpëtuar jetën njerëzve.
Postimi i plotë i deputetit Bardh Spahia
Ne situaten katastrofike ku ndodhet sherbimi shendetsor publik ne Shqiperi padyshim Urgjenca Mjekesore spikat si nder me problematiket. Nje sherbim jetesor qe u shnderrua ne inekzistent nga fundi i vitit 2015 me krijimin e Urgjences Kombetare. Nje raport i fundit i KLSH citon se; “auditimi ka zbuluar se në automjetet që përdoren si autoambulanca nga urgjenca mjekësore u mungojnë pajisjet bazë për të shpëtuar jetën e pacientëve.
Duke listuar disa nga problematikat e evidentuara KLSH thekson në raport se pacientët vazhdojnë të raportojnë se shërbimi që u ofrohet nuk është në kohën e duhur dhe me cilësinë e kërkuar kjo edhe për disa arsye:
1-Ende numri i autoambulancave është i pamjaftueshëm.
2-Shërbimi i urgjencës mjekësore nuk është i shtrirë në gjithe territorin”.

Aktualisht nga 10 ambulancat e Spitalit te Shkodres njera eshte krejtesisht jashte funksionit dhe vetem 2 jane funksionale e plotesojne kushtet minimale per te ofruar sherbim. Nuk jane te pakta rastet kur njerezit kane humbur jeten per shkak te mungesave ne ambulancat e Urgjences Kombtare. Kaq do mjaftonte ta linte pa gjume ministren dhe te kuptonte qe ka te beje me jete njerezish. Nderkohe Ministrja Manasterliu vazhdon shoën ne spitalet e vendit. Sot me pafytyresi ne Spitalin Rajonal te Shkodres shpalosi “strategjine” per te stimuluar mjeket qe mos braktisin vendin. Realiteti eshte krejt ndryshe. Sondazhi me i fundit rezultonte me 78% te mjekeve qe duan te ikin jashte vendit ku shumicen derrmuese e perbenin specialistet
Ministrja Manastirliu bashke me shefin e saj Rama dhe anetaret e tjere te bandes “rilindja” do te mbahen mend si strateget e zbrasjes se vendit nga qytetaret dhe kryesisht nga rinia dhe intelektualet. Si kurre me pare ne historine e Shqiperise keto 5 vite mjeket u denigruan dhe u detyruan te marrin rruget e botes per nje jete me te mire duke u kthyer ne simbolin e depresionit te thelle te shoqerise tone dhe humbjen e shpreses per shqiptaret. Strategjia e vetme qe ka ofruar deri me tani ministrja dhe banda e saj eshte korrupsioni, paaftesia, bashkepunimi dhe mbeshtetja pa kufi e krimit qe ka mbyt qytetin e Shkodres dhe mbare Shqiperine dhe sulmi agresiv, selektiv dhe denigrues ndaj bluzave te bardha atyre pak mjekeve qe nuk kane ikur, qe nuk kane aplikuar ende si azilkerkuesa apo me keq akoma qe kane zgjedhur te kthehen ne Shqiperi. Mashtrimi, babezia dhe paaftesia jane simboli i “rilindjes” dhe kjo me mire se kudo shikohet tek shendetesia.