Ish-kryeministri Sali Berisha ka vijuar me publikimin e denoncimeve të mbërritura në adresë të tij nga qytetarë të ndryshëm.
Me anë të një postimi në rrjetet sociale, Berisha ka publikuar mesazshin e një qytetari, i cili denoncon me video degradimin e aksin Lin-Pogradec, që sipas tij ndonëse është një aks i ndërtuar së fundmi, ka shumë probleme me kanalizimet.
Postimi i ish-Kryeministrit Berisha në Facebook
Kjo eshte rruga qe pas pese vitesh mezi i hodhen asfaltin dhe inauguruan.
Lexoni mesazhin dhe shikoni videon e qytetarit dixhital. sb
Sa here kalon ai i Gjati ne rrugen Lin-Pogradec me ministrat vetem mburret. ai Gjiknuri tha se eshte nje nder rruget me te bukura dhe cilesore ne rajon pak kohe ka qe u inagurua dhe ne Mememelisht jane bllokuar pucetat se jane vene tuba te ngaushta dhe sjane vene ne pjerresi tani qe fillojne shirat, ,ngrocat ,bora-keta banoret do thyejne krahet,kembet, brinjet kushedi sa aksidente do kete nga uji qe kalon mes per mes asfaltit ishalla kalojne keta hajdute qe mos u ngopshin dhe thefshin qafen dhe ishall i befshin ilace lekat tona dhe tregojani Kryeministrit tone sic e ka qef ai seshte 3.D po eshte realit dhe trasformimi i rrugve sipas teje ishalla ka ndonjeri me seder dhe te pergjegjshem ne Qeverri te shkoje ta shikoj nga afer dhe te marri masa se do behen cope makinat nga ngricat …

Një ngjarje e rëndë raportohet të ketë ndodhur në Vlorë. Sipas informacioneve të para ngjarja ka ndodhur pranë universitetit në zonën e Skelës në qytetin bregdetar. Mësohet se ka pasur disa të shtëna me armë dhe më pas është raportuar për një person të plagosur, i cili është dërguar në spital. I plagosur ka mbetur 18-vjeçari Brikeno Brahimaj.
Policia ndodhet në vendin e ngjarjes dhe po heton për zbardhjen e krimit, ndërsa ka identifikuar autorin dhe është vënë në kërkim të tij.
Informacion paraprak
Më datë 06.11.2018, në orën 19:45, në Spitalin Rajonal Vlorë ka shkuar një person i cili dyshohet të jetë plagosur me armë zjarri.
Policia ka filluar menjëherë hetimet në lidhje me ngjarjen dhe nga veprimet paraprake ka zbuluar se në zonën e Skelës në lulishten pas universitetit është plagosur në këmbë dyshohet me armë zjarri shtetasi Brikeno Brahimaj, 18 vjeç, në gjendje shëndetësore jashtë rrezikut për jetën.
Policia ka identifikuar autorin dhe është vënë në ndjekie të tij. Dyshohet se ngjarja ka ndodhur për motive të dobëta midis dy të rinjve. Vazhdojnë hetimet për sqarimin e rrethanave të ngjarjes dhe dokumentimin e plotë të saj.

“Komuniteti arbëresh në Kalabri është shembulli se si mikëpritja dhe integrimi janë rruga e duhur, madje ajo që unë personalisht e shoh si të vetmen rrugë që duhet përshkuar për të krijuar kushtet e paqes dhe progresit”.
Deklarata është bërë nga Presidenti i Rajonit të Kalabrisë, Mario Oliverio gjatë takimit me Presidentit Ilir Meta, i cili po zhvilloi sot një vizitë në Kalabri.
“Marrëdhëniet mes dy vendeve tona – shtoi Oliverio – kanë rrënjë të thella dhe ushqehen nga një histori miqësi. Fakti që Presidenti Meta dhe Presidenti ynë i Republikës, Sergio Mattarella do të marrin pjesë në ceremoninë e përkujtimit të vdekjes së një shqiptari të madh, Skënderbej, është për ne një nder i madh dhe kënaqësi. Këtu në Kalabri jeton prej më shumë se 600 vitesh një komunitet shqiptar që jo vetëm ka ditur sesi të integrohet, por edhe ka bashkëjetojë dhe të jap një kontribut të madh në rritjen e rajonit tonë.
Është një komunitet që për në përbën një burim, jo vetëm nga ana kulturore dhe njerëzore, por edhe për shkak të kontributit që ka dhënë dhe vazhdon të jap në terma ekonomikë, socialë dhe më lejoni të them edhe civilë dhe etikë.
Skënderbeu ka qenë një strateg i madh – përfundoi Oliverio- që ka kontribuar për mundësuar pavarësinë dhe autonominë e popullit shqiptar, por edhe për të ushqyer një kulturë dhe praktikë pavarësia dhe në vendin tonë. Mesazhi që shoqëron figurën e tij shkon përtej kufijve të Shqipërisë”.

Vazhdon protesta e banorëve të Astirit, të cilët kanë bllokuar rrugën prej ditësh pas lajmit të shembjes së 317 ndërtesave që preken nga ndërtimi i segmentit rrugor në zonën e Unazës së re.
Një nga banorët për Fax Newës tha se se kryeministri nuk ka asnjë të drejtë që të shembë ndërtesat në këtë zonë. Teksa kërkoi një zgjidhje ligjore të situatës, kërkoi më shumë seriozitet nga ana e qeverisë.
“Jam këtu për të mbrojtur ndërtesat e ndërtuara me djersë dhe dinjitet. Dhe siç e shikoni edhe fëmijët janë ndërgjegjësuar për këtë çështje. Nuk mund të dalë një kryeministër të thotë dilni ju se do të ndërtoj rrugën. Nuk mund t’i thuash një personi që ka 30 vjet që jeton aty, do ndërtohet rruga. U dha VKM-në dhe dëmshpërblime për minoritaret grekë që protestuan, ndërsa ne shqiptarët pse duhet të dalim të protestojmë. I teket një zotërie me kollare dhe i thotë do prishen shtëpitë, qeveria duhet t’i japë zgjidhje problemit. Unë kam 20 vite në këtë zonë. Preken 317 ndërtesa.

Kemi të drejtën ndërkombëtare të Konventës të së Drejtave të Njeriut. Është rasti që garanton që asnjë lloj tulle nuk mund të prekët, sepse cënon pronën private. Duhet të gjejmë edhe zgjidhje ligjore. Qytetarët nuk janë kundër që do të bëhet rruga. Kjo është protestë shumë qytetare që qeveria duhet ta shikojë më seriozitet. Nëqë ke guxim mos rri atje dhe dërgo mercenarët. Unë e njoh këtë zonë kamë shumë vjet që jetoj këtu. Është një zonë kozmopolike në kuptimin si ndërtohet kjo zonë”, u shpreh ai.
Një tjetër banor në protestë, teksa u çudit nga lajmi që është skualifikuar nga procesi i legalizmit kërkoi arsye për këtë vendim, duke theksuar se ka 20 vite në atë zonë.
“Jemi në proces legalizmi. Për çfarë arsye unë kam ardhur që në vitet 1999. Bashkia e Tiranës ofron një bonues qeraje, kjo është rren. Jam dakord që të bëhen rrugët e të gjitha të stabilizohem në një vend”, u shpreh ai.
Një ditë më parë kreu i ARRSH, Afrim Qendro e cilësoi projektin si më të rëndësishmin e 100 viteve dhe se janë identifikuar 327 objekte nga të cilat 163 janë në proces legalizimi. Qendro tha se nuk është bërë ende një përllogaritje e kostove që vjen nga ndërtimi I rrugës dhe shembja objekteve përgjatë gjithë Unazës së re.
“317 objekte, të cilat 163 janë në proces legalizimi, të cilat do të jenë të s’kualifikuar dhe 123 objekte janë me vërtetimi pronësie. Janë edhe objekte të tjera që nuk ka informacione të detajuara. Për objektet, kemi dy kategori objektesh, me dokumente pronësie dhe në proces legalizimi”, u shpreh ai.

Një shqiptar është arrestuar nga Guardia di Finanza në komunën Belpasso në provincën e Catanias pai u kap me 14 kg drogë në kamion.
Bëhet e ditur se shqiptari është prangosur bashkë me një italian, pasi iu janë gjetur mbi 140 kilogramë marijuanë, të fshehura brenda kamionit dhe në një banesë.
Agjentët e GDF panë daljen e kamionit nga një shtëpi e veçuar, e dyshuar si vend për ruajtjen e substancave të ndaluara, dhe urdhëruan shoferin të ndalonte.
Shqiptari nuk iu bind urdhërit dhe tentoi të largohej duke goditur murin me kamion për të marrë arratinë nëpër fusha, por u gjurmua dhe arrestua në Piano Tavola të Belpassos.
Në kamion u gjetën gjashtë pako me rreth 23 kilogramë marijuanë.
Kontrolli në shtëpi solli zbulimin e 30 pakove të tjera me 119 kile marijuanë. Shqiptari përfundoi në arrest, ashtu si dhe katanezi, pronar i shtëpisë.

Pesë institucione: Drejtoria e Autoritetit Rrugor, Inspektorati Kombëtar i Mbrojtjes së Territorit, Hipoteka, Agjencia e Legalizimeve dhe Bashkia e Tiranës, në një dalje publike të përbashkët, kanë sqaruar projektin e Unazës së Madhe dhe çfarë do të ndodhë me banesat e bizneset që rrezikohen.
Sipas tyre, zgjerimi i Unazës së Madhe prek 317 objekte në tri njësi administrative, 6, 7 dhe 11, shumica e të cilave janë dyqëllimshe, për strehim e biznes. Segmenti rrugor nga “Pallati me Shigjeta” te sheshi “Shqiponja” do të jetë me tri korsi dhe me një gjatësi prej 2.34 kilometrash. Fatura financiare vetëm për rrugën (pa shpronësimet), sipas projektit të shpallur fitues në Agjencinë e Prokurimit Publik, për ndërtimin e tri loteve të para është 5.98 miliardë lekë. Institucionet janë të mendimit se projekti në fjalë është shumë i rëndësishëm për 100 vitet e ardhshme të këtij qyteti, pasi rregullon trafikun në një prej nyjeve më të rëndësishme.
FATI I BANESAVE
Autoriteti i Rrugëve thotë se bëhet fjalë për 242 objekte që preken në tri lotet e para të punimeve për zgjerimin e Unazës së Madhe në pjesën perëndimore të saj. Lajmin e keq për shembjen e tyre e përforcon institucioni përgjegjës, IKMT, duke thënë se derimë tani vetëm sa i ka identifikuar, ndërsa prishja e tyre do të nisë ditët në vijim. “Jemi në fazën fillestare, në fazën e identifikimit dhe së bashku me grupin e punës, në ditët në vijim do të jemi në fillim të procedurave ligjore deri në vendimmarrje”, tha drejtoresha, Dallëndyshe Bici.

Edhe Hipoteka ka bërë punën e saj, duke parë objektet që janë me leje, të cilat rezultojnë në total 123, më pak se gjysma e atyre që janë parashikuar t’u vihet ruspa. Nga ana tjetër, ALUIZNI, përmes nëndrejtoreshës Ingrid Konomi, shoi çdo shpresë të banesave që janë në proces legalizimi, duke i cilësuar të skualifikuara nga procesi.
“Në momentin që shfaqet një plan i tillë, të gjithë subjektet, të cilat kanë aplikuar për leje legalizimi, janë verifikuar dhe sigurisht ato subjekte që ndodhen në gjurmën e këtij plani, janë në proces të skualifikimit”. Për këtë kategori, Bashkia e Tiranës ofron zgjidhje të parë bonusin e qirasë me afat 1-vjeçar, periudhë kjo, sipas tyre, e mjaftueshme deri në një zgjidhje përfundimtare.
Më me fat janë ata që disponojnë një certifikatë pronësie. Ata do të dalin në rrugë, por në një moment të dytë do të shpronësohen me një çmim të caktuar me vendim qeverie. “Çdo person, i cili ka një dokument hipotekor për banesën ose biznesin e tij që preket nga projekti, do të marrë dëmshpërblim sipas ligjit. Të gjithë ato familje, të cilat janë në proces legalizimi dhe do të duhen të skualifikohen si rrjedhojë e këtij projekti nga legalizimi, Bashkia e Tiranës do t’i trajtojë me një nga programet e mbështetjes për banesë. Do t’i trajtojmë me një procedurë të posaçme për bonusin e qirasë, në mënyrë që të kemi mundësi t’i kalojmë me procedurë më të shpejtë”, deklaroi nënkryetari i bashkisë, Arbjan Mazniku. Sipas ministrit të Infrastrukturës dhe Energjisë, Damian Gjiknuri, i gjithë projekti për ndërtimin e Unazës së Madhe pritet të përfundojë pas tre vitesh.
Kundër shembjes së shtëpive, banorët dalin në protestë pa afat: S’pranojmë bonus qiraje. Edhe kompensimi qesharak

Banorët e shtëpive që janë parashikuar të shemben me qëllim zgjerimin e Unazës së Madhe, kanë dalë dje sërish në protestë, duke bllokuar një nga akset kryesore rrugore në qytet për një orë.
Me thirrjen “Duam shtëpitë tona”, ata shprehen të palëkundur në vijimin e protestave si të vetmen mënyrë për të shmangur daljen në rrugë të madhe. “Jam vetë i teti në familje. Pa punë, pa asgjë.
S’kam ku shkoj. Vetëm pasi të na vrasin ne, mund të bëjnë ç’të duan. Nuk tërhiqemi”, pohojnë banorët. Shumica prej tyre i qëndrojnë bindjes se qeveria nuk i ka legalizuar ato qëllimisht, pasi ka të tjera plane ndërtimi për zonën ku ata kanë banuar për gati dy dekada.
E për më tepër, sipas tyre, zgjerimi po bëhet përtej planit fillestar. “Vija e kuqe është zhvendosur mbi 20 metra nga rruga kryesore. Përse duhet të vijë deri këtu?!”. Të njohur me alternativën e bashkisë për bonus qiraje të propozuar një ditë më parë, ata nuk pranojnë kurrsesi, pasi për ta nuk është zgjidhje afatgjatë. Edhe ata që konsiderohen më me fat, banorët me hipotekë, janë zë i pakënaqur e protestues. “Të vijë të na shpronësojë nga fillimi deri në fund. Jam me hipotekë, ata japin një shifër qesharake. Asnjë lloj kompensimi nuk na kanë dhënë. Mirë një vit po vuajmë nëpër dyer të huaja me bonus qiraje, po pastaj ku të shkojmë?!”, shprehet një banore e një prej shtëpive buzë rruge, nga të parat që pritet të shemben. Dje ishte dita e tretë e daljes dhe bllokimit të rrugës, duke shkaktuar kaos e panik në mes të rrugës.

/Boldnews