Zëdhënësja e Partisë Demokratike, Ina Zhupa ka qenë sot e ftuar në Fax News, ku ka komentuar betonizimin që po i bëhet Tiranës nën qeverisjen e Erion Veliajt.
Pavarësisht se u premtua nga Veliaj në fillim të marrjes së mandatit se në Tiranë do të kishte zero ndërtime, kjo nuk ka ndodhur dhe shumë leje ndërtimi janë dhënë në zona të ndryshme të Tiranës, duke përfshirë dhe zonën e qendrës dhe tentativën për të prishur godinën e Teatrit Kombëtar.
Zhupa ka denoncuar dje prishjen e pedonales Murat Toptani që është bërë që prej vitit 2011 me fondet e BE-së, kohë kur kryeqyteti drejtohej nga Lulzim Basha.
Prishja e pedonales në rrugën Murat Toptani sipas Zhupës po bëhet me qëllimin e vetëm për t’i hapur rrugë betonizimit të kësaj rruge dhe prishjes së Teatrit Kombëtar.
“Është fjala për një projekt që është kryer me fondet e BE-së, rreth 2 milionë euro, është inaguruar nga zoti Basha kur ka qenë në drejtimin e Tiranës. Është një pjesë që cilësohet edhe në webin e Bashkisë për rëndësinë e veçantë që ka.
Kjo pedonale në pozicionin e vetë ndodhet në anën e Teatrit Kombëtar, kjo është dhe arsyeja nga Bashkia për t’i hapur rrugë betoniereve që do të ndërtojnë Kullat e kompanisë Fusha. Ju do thoni se pse kalojnë nga kjo rrugë dhe jo nga ana tjetër?
Është shumë e thjeshtë, unë e kam thënë dhe më herët që në anën tjetër do të ndërtohet një tjetër kullë. Nuk ka shumë detaje lidhur me tenderin, thuhet që janë vënë në dispozicion 4 milionë lekë të reja për rikonstruksionin e rrugës Murat Toptani, dhe është hequr dhe emërtimi i saj si pedonale. Nëse presioni do të jetë i madh, shpresoj shumë që Bashkia të heqë dorë nga shpërdorimi kaq i madh që i bëhet fondeve që jepen nga BE-ja”, u shpreh më tej Zhupa.
Zëdhënësja e PD-së u shpreh më tej se Bashkia e Tiranës ka fshehur planin rregullues dhe të gjitha postimet denoncuese që ajo ka bërë janë marrë në rrugë jo-zyrtare.
“Është gati e pamundur që ti të aksesosh informacion kur është fjala për qeverisjen e Tiranës, pasi ne nuk mund të aksesojmë planin urbanistik të kryqytetit, ku bëhej fjalë dhe për një ndërtim në zonën e Liqenit në Tiranë. Ne e kemi të pamundur që të dimë sesi janë kryer procedurat”, u shpreh më tej Zhupa.
Si po e betonizon Veliaj kryeqytetin, ka fshehur planin urbanistik
Ish-ministri sqaron ‘funksionin’ e Sandër Lleshit: Ka disa detyra që zv/ministri i Brendshëm nuk mund t’i bëjë as me autorizim
Ish-ministri i Drejtësisë ,Ylli Manjani ka sqaruar se, nëse zv/ministri i Brendshëm, Sandër Lleshi mund të bëjë detyrën e ministrit. Manjani shkruan se, bazuar në Kushetutë, janë disa disa procedura që ndiqen për t’i dhënë një zv/ministri funksionin e ministrit të Brendshëm në mënyrë të përkohshme.
Manjani shkruan se Fatmir Xhafaj është ende në krye të Ministrisë së Brendshme ndërsa, Sandër Lleshi i cili aktualisht është nga 5 zv/ministrat mund ta kryejë detyrën si ministër vetëm nëse kreu i institucionit e ka të pamundur ta kryejë vetë.
Ish-ministri i Drejtësisë shkruan se ka disa detyra që zv/ministri i Brendshëm nuk mund t’i bëjë as me autorizim sepse duhen ndjekur procedurat kushtetuese, Kryeminstër-President-Kuvend.
“Neni 6 i Ligjit për Këshillin e Ministrave në relacion me nenin 34 të Kodit të Proçedurave Administrative sqarojnë se po, një zëvendësministër mund të kryejë përkohësisht detyrën e ministrit kur ky i fundit është i pamundur për ta kryer vetë.
Por përkohësisht ama!
Por që kjo të ndodhë duhet që ministri të autorizojë me shkrim zëvendësministrin konkret (kujtojmë se ministria e brendshme ka 5 të tillë) që ta kryejë këtë detyrë.
Askush tjetër nuk mund te delegojë një detyrë që nuk e ka! As Kryeministri e as qeveria nuk mandaton dot një zëvendësministër të bëhet ministër!
Nga ana tjetër ka disa detyra që nuk mund ti kryejë zëvendësministri as me autorizim. Zv/Ministri nuk mund të votojë në qeveri ashtu siç nuk mund të ulet në podiumin e ministrit në Kuvend! Sepse për tu ulur aty, duhet të jesh emëruar ministër sipas proçedurës kushtetuese: Kryeministër-President-Kuvend.
Ndaj nuk ka kuptim ideja që ministrin “e bëjmë vetë” si zëvendësministër”, shkruan Manjani.
Postimi i Ylli Manjanit
Edhe një sqarim tjetër të kërkuar nga miq të mi:
Pyetja që shtrohet është a mund të caktohet Zëvendësministri Sandër Lleshi të bëjë detyrën e Ministrit?
Për ti dhënë përgjigje kësaj pyetje duhen mbajtur në konsideratë tre ligje kryesore: Kushtetuta e Republikës, Ligji Për Organizimin dhe Funksionimin e Këshillit të Ministrave dhe Kodi i Proçedurave Administrative.
Këto janë ligjet kryesore, përveç të tjerave si psh Ligji për Policinë e Shtetit.
Më konkretisht, sipas nenit 106 të Kushtetutës, Fatmir Xhafaj është ende ministër deri sa të betohet ministri i ri. Pra edhe pas miratimit të dekretit të shkarkimit të tij nga Kuvendi, Ai duhet të qëndrojë në detyrë deri sa të vijë Ministri i ri, jo zëvendësministri i ri.
Ky është detyrimi që buron nga Kushtetuta dhe nga interpretimi që Gjykata Kushtetuese ka bërë në vendimin e saj nr. 6 të shkurtit 2002.
Çështja shtrohet, çfarë ndodh nëse Ministri Xhafaj nuk e ushtron detyrën e ministrit de fakto?
Në këtë rast, veprohet njësoj si me çdo ministër tjetër kur gjendet në kushtet e pamundësisë reale për të kryer detyrën.
Neni 6 i Ligjit për Këshillin e Ministrave në relacion me nenin 34 të Kodit të Proçedurave Administrative sqarojnë se po, një zëvendësministër mund të kryejë përkohësisht detyrën e ministrit kur ky i fundit është i pamundur për ta kryer vetë.
Por përkohësisht ama!
Por që kjo të ndodhë duhet që ministri të autorizojë me shkrim zëvendësministrin konkret (kujtojmë se ministria e brendshme ka 5 të tillë) që ta kryejë këtë detyrë.
Askush tjetër nuk mund te delegojë një detyrë që nuk e ka! As Kryeministri e as qeveria nuk mandaton dot një zëvendësministër të bëhet ministër!
Nga ana tjetër ka disa detyra që nuk mund ti kryejë zëvendësministri as me autorizim. Zv/Ministri nuk mund të votojë në qeveri ashtu siç nuk mund të ulet në podiumin e ministrit në Kuvend! Sepse për tu ulur aty, duhet të jesh emëruar ministër sipas proçedurës kushtetuese: Kryeministër-President-Kuvend.
Ndaj nuk ka kuptim ideja që ministrin “e bëjmë vetë” si zëvendësministër.
Më në fund, nuk ka kuptim që një person që nuk kalon filtrin kushtetues për t’u bërë ministër, të kryejë detyrën e ministrit. Por kjo e fundit është moral.
Ky është sqarimi që kam për të gjithë ata që më pyetën.
Shembja e 320 ndërtesave, reagon Berisha: Ndal veprës kriminale nga narkoqeveria e Kallam Dështakut!
Ish-Kryeministri Berisha ka reaguar përsëri ndaj shembjes së 320 ndërtesave në Unazën e Re pranë pallatit me shigjeta nga qeveria.
Në një ostim në Facebook, Berisha shkruan: Ndal veprës kriminale nga narkoqeveria e Kallam Dështakut!
Postimi i plotë i ish-Kryeministrit Berisha në Facebook
Ndal vepres kriminale te rrafshimit te 320 ndertesave nga narkoqeveria e Kallam Deshtakut!
Ju bej thirrje qytetareve te solidarizohen me burrat, grate, femijet, te rinjte qe po mbrojne me heroizem votrat e tyre familjare dhe bizneset e kafshates se tyre te gojes! sb
Një ditë më pra, Berisha shkruante se, narkopolicia provokon ultesisht protestuesit paqesor qe mbrojne bizneset e tyre!
Lexoni mesazhin shikoni videon e qytetarit dixhital. sb
Shiko si i provokon policia protestuesit qe kane bllokuar rrugen per mos shembjen e shtepive tyre ne Njesinë Bashkiake nr 6 zoti Berisha.
Narkopolicia provokon ultesisht protestuesit paqesor qe mbrojne bizneset e tyre!Lexoni mesazhin shikoni videon e qytetarit dixhital. sbShiko si i provokon policia protestuesit qe kane bllokuar rrugen per mos shembjen e shtepive tyre ne Njesinë Bashkiake nr 6 zoti Berisha,
Gepostet von Sali Berisha am Samstag, 3. November 2018
CIA përditëson të dhënat për Shqipërinë, çfarë thotë për drogën dhe bandat
E njohur si një nga agjensitë më prestigjioze në botë CIA ka publikuar së fundmi edhe statistikat për situatën në Shqipëri.
Pas një kërkimi të thjeshtë në faqen zyrtare të këtij shërbrimi amerikan duket se CIA ka përditësuar të dhënat për vendin tonë.
Në faqen zyrtare të CIA-s, teksa shkruan gjeneralitet e përgjithme, thekson se një nga problematikat për Shqipërinë është trafikimi i lëndëve narkotike. Për CIA-n, Shqipëria vazhdon të jetë ende një nga pikat aktive të prodhimit të kanabisit, opiumit të cilat përmes vendit tonë kalojnë tranzit në Ballkan.
Sipas qendrës së inteligjencës së Amerikës, vendi ynë mbetet një nga vendet aktive ku kalon kokaina nga Amerika e Jugut drejt Europës Perndimore.
Këto të dhëna CIA i i përditësoi më 1 nëntor.
Por duket se shërbimi i inteligjeneces amerikane nuk është ndalur vetëm tek droga. Ne statistikat e saj theksohet se bandat shqiptare të drogës janë aktive dhe me zgjerim në Europë ku janë të lidhura edhe më pastrim parash, trafik armësh dhe kontrabandë refugjatësh.
Meta i përgjigjet Ramës: Ka përfunduar koha e drejtimit të shtetit me Sekretar të Parë!
Presidenti Meta i është kundërprgjigjur deklaratave të fundit të Ramës në lidhje me mos dekretimin e Sandër Lleshit si ministër i Brendshëm duke i kujtuar atij se kreu i shtetit nuk mund të jetë një kukëll në duart e Ramës.
“Presidenti i Republikës bën të qartë se nuk do të lejojë asnjë përpjekje sfiduese ndaj autoritetit te institucionit qe përfaqëson si Kryetar i Shtetit, Komandant i Përgjithshëm i Forcave te Armatosura dhe Kryetar i Këshillit të Sigurisë Kombëtare”, shprehet zëdhënësi i Presidentit në një reagim të shkurtër për mediat.
Meta ka shkuar edhe më tej ku i ka kujtuar Ramës se koha kur vendi drejtohej nga Sekretari i Parë i Partisë ka përfunduar një herë e përgjithmonë. Kreu i shtetit ka shprehur përmes këtij reagimi të shkurtër vendosmërinë për të mos u tërhequr përpara presioneve që Rama ka ndërmarrë ndaj tij përmes mediave të kapura.
Beteja politike mes Ramës dhe Metës sapo ka shpërthyer dhe ky është vetëm fillimi. Nëse deri tani, gjithçka zhvillohej në një sfond të padukshëm, tani ka nisur të bëhet publike.
Zëdhënësi i Presidentit të Republikës, Tedi Blushi, i pyetur nga mediat, lidhur me takimin e djeshëm ‘Rama-Meta’, thekson se:
‘Informacioni i dhënë nga Kryeministria lidhur me takimin ka qenë ezaurues.
Presidenti Meta konfirmon përkushtimin e tij maksimal në respekt të Kushtetutës, për të bashkëpunuar me të gjitha institucionet në vend, në interes të stabilitetit, forcimit të institucioneve dhe rritjes të kulturës së bashkëpunimit ndërinstitucional me transparencë dhe konstruktivitet.
Por njëkohësisht, Presidenti i Republikës bën të qartë se nuk do të lejojë asnjë përpjekje sfiduese ndaj autoritetit te institucionit qe përfaqëson si Kryetar i Shtetit, Komandant i Përgjithshëm i Forcave te Armatosura dhe Kryetar i Këshillit të Sigurisë Kombëtare.
Presidenti i Republikës ka shprehur gjithmonë gatishmërinë e tij t’i japë shpjegime në mënyrë transparente dhe të përgjegjshme Kuvendit të Republikës së Shqipërisë për të gjitha çështjet që Kuvendi do të shprehë interes.
Presidenti Meta ka bindjen e plotë se koha e drejtimit të shtetit shqiptar me Sekretar të Parë ka përfunduar njëherë e përgjithmonë’.
Qeveria po punon që këto breza fëmijësh të mos edukohen dhe të mos arsimohen
Xheml GJUNKSHI
Qeveria me politikat e saj po punon, qe keto breza femijesh te mos edukohen dhe te mos arsimohen.
Para dy javesh ngrita nje shqetesim per nje rast te paprecedent ku nje mesuese ne nje zone shume te thelle malore te Dibres, ne Selishte pushohet nga puna. Arsyeja, vetem sepse kjo mesuese si nene se bashku me prinderit e nxenesve kerkojne qe femijet e tyre vazhdojne shkollen aty ku kane qene.
Eshte mbyllur shkolla ne Qafemurre dhe eshte transferuar ne Lunare.
Jemi perballe fakteve:
1. Sa me ahume femije te paarsimuar, asnje perpjekje nga ana e qeverise, megjithese shkolla ka mbi dy muaj qe ka filluar.
2. Largimi nga puna i mesuesve te arsimuar dhe te kualifikuar, me nje pervoje te gjate ne fushen e mesimdhenies.
3. Emerimet ne detyrat e mesuesve si mesues partie (pa arsimin perkates).
Me poshte po ju percjell mesazhin e mesueses se pezulluar se bashku me vendimin perkates.
Pershendetje z Gjunkshi.
Nxenesit e shkolles Qafemurre jane ende pa mesim .Prinderit e zones tone enden prej dy muajsh sa ne Bashki sa ne Prefekture sa ne DAR dhe askush nuk po ju jep zgjidhje.
Ditet po kalojne dhe problemi sa vjen e behet me i nderlikuar pasi dje u shkarkua dr e dar Diber dhe puna mund te zvarritet edhe me shume.
“Legjendat” e Bajernit kritika ndaj Kovaç: Ke marrë fund!
Një konferencë për shtyp me krerët e Bayern-it që kërcënonin mediat për kritikat e tepruara dhe më pas disa fitore bënë që atmosfera rreth Bayern-it të kthehej disi më e qetë, por barazimi shtëpiak kundër Freiburg-ut, me gol të pësuar në minutën e fundit, ka ndezur sërish debatet dhe nën akuzë është trajneri Niko Kovac, i cili u kritikua hapur edhe nga Lisa Müller, bashkëshortja e Thomas Müller, me një postim në Instagram: “Pas më shumë se 70 minutash, trurit i vjen pak frymëzim”, duke iu referuar faktit që Thomas Müller u fut në fushë në fundin e ndeshjes.
Ish-ylli i Bayern-it dhe Gjermanisë, Lothar Matthäus, sheh një problem thelbësor: “Bashkëshortja e Thomas Müller postoi një mesazh që flet qartë mbi atmosferën te Bayern-i. Mendoj se ai mesazh kundër trajnerit Kovac reflekton bisedat që bëhen në shtëpi. Jo të gjithë lojtarët e mbështetin trajnerin, shoh pakënaqësi në ekip”.
Matthäus kërkon hierarki tek ekipi bavarez: “Nuk po shoh kohezion, lehtësi në veprime, agresivitet dhe kënaqësi të luajturi në këtë moment. Nuk po shoh askënd të marrë përsipër rolin e liderit. Kovac nuk ka arritur të ndërtojë një hierarki që në fillim të sezonit dhe situata nuk duket normale. Niko duhet të gjejë mënyrën që skuadra të kthehet e gjitha në mbështetje të tij”.
Dietmar Hamann – Ish-mesfushori i njohur Hamann shkon edhe më tej me kritikat e tij, duke e konsideruar të përfunduar misionin e Niko Kovac në Bavari.
“Mendoj se fati i Niko Kovac është vulosur javët e fundit. Nuk ka rëndësi nëse fiton apo jo në Dortmund, nuk mendoj se Kovac do plaket në Mynih. Roli i tij është zhvlerësuar, po dalin përditë histori e probleme që duhen zgjidhur nga brenda. Fakti që drejtuesit nuk po reagojnë, është një sinjal për lojtarët, sepse askush nuk po kujdeset që ta izolojë skuadrën dhe të mbrojë trajnerin. Çdo futbollist e kupton mirë çfarë po ndodh dhe sa i sigurt është trajneri”.
Inter-Barcelona, kuriozitetet e supersfidës së Champions
Nesër mbrëma, në orën 21:00, në “San Siro” do të luhet një ndeshje e rëndësishme për vazhdimin e rrugës europiane të Interit. Zikaltrit duhet të zhvillojnë një lojë të madhe kundër Barcelonës, me qëllim marrjen e tri pikëve, të cilat do t’i poziciononin matematikisht të parët e grupit B të Champions-it. Më poshtë po ju njohim me disa statistika dhe kuriozitete nga përballjet mes këtyre dy skuadrave me emër të madh në kontinent.
– Interi ka fituar vetëm dy nga 11 sfidat kundër Barcelonës në garat europiane, duke i humbur dy më të fundit.
– Barcelona e ka mundur Interin gjashtë herë në garat europiane, por vetëm një herë në “San Siro” (4-2, në shtator 1959, në Kupën e Panairit).
– Interi nuk e ka gjetur golin në gjashtë nga shtatë ndeshjet e Ligës së Kampionëve kundër Barcelonës (1F, 2B, 4H), duke shënuar vetëm tre gola në total.
– Barcelona nuk ka fituar katër ndeshje kundër Interit në garat europiane (3B, 1H). Ajo ka humbjen më të fundit ndaj zikaltërve në prill të vitit 2010 (3-1, në ndeshjen e parë gjysmëfinale të Ligës së Kampionëve).
– Interi ka fituar vetëm një nga tetë ndeshjet e fundit të Ligës së Kampionëve kundër skuadrave spanjolle (3B, 4H); 3-1 kundër Barcelonës, në prill të vitit 2010.
– Barcelona është e pamposhtur në 11 ndeshje të fazës së grupeve të Ligës së Kampionëve (9F, 2B) dhe ka mbajtur kryesimin në nëntë prej tyre.
– Vetëm një nga 20 ndeshjet e fundit të Ligës së Kampionëve përfundoi në barazim (1-1 kundër Trabzonspor, në nëntor 2011), për zikaltrit, të cilët kanë 10 suksese dhe 9 humbje në këtë periudhë.
– Mesfushori i Barcelonës, Philippe Coutinho, ka marrë pjesë aktive në 10 gola (në paraqitjet e fundit) të 7 ndeshjeve të fundit të Ligës së Kampionëve (6 gola, 4 asiste).
– Vetëm Edin Dzeko (14) ka tentuar më shumë goditje brenda zonës së penalltisë se sulmuesi i Interit, Mauro Icardi (11) në këtë Ligë Kampionësh.
– Nëse te Barcelona do të mungojë për arsye lëndimi Lionel Messi, duke i përjashtuar golat e tij, argjentinasi ka shënuar 9 nga 13 golat e fundit të ekipit të tij në Ligën e Kampionëve.
Asnjë ulje taksash, qytetarët paguan 5 miliardë lekë taksa
Partia Demokratike ka hedhur poshtë Buxhetin e 2019-ës të hartuar nga qeveria, sepse ky buxhet, për të gjashtin vit radhazi, nuk aplikon asnjë politikë lehtuese fiskale. Buxheti nuk artikulon asnjë politikë pro biznes dhe pro investimeve të huaja dhe vëmendja është tërësisht tek klientët e qeverisë.
Deputetja Jorida Tabaku e analizoi zë për projektin e qeverisë dhe tha se “që nga janari i 2014-ës, kur Edi Rama bëri buxhetin e tij të parë, shqiptarët kanë paguar 5 miliardë lekë taksa. FMN ka llogaritur se shqiptarët i paguajnë taksa, 1/3 e të ardhurave.
Le të themi vërtetat që ky buxhet nuk i jep zgjidhje:
Ky buxhet, për të gjashtin vit radhazi, nuk aplikon asnjë politikë lehtuese fiskale. Buxheti nuk artikulon asnjë politikë probiznes dhe pro invetsimeve të huaj dhe vëmendja është tërësisht tek klientët e qeverisë.
Qeveria ka vendosur që mësuesve e pedagogëve t’u japë lëmoshë 1 dollar në vit. Buxheti formalizon mbylljen e 138 shkollave.
Investimet e qeverisë në bujqësi janë vetëm për atë që do të marrë koncensionin e radhës.
Buxheti i 2019 është i pamëshirshëm me të varfrit dhe të pamundurit.
Fondi prej 10 milionë USD që u premtua një vit më parë për rritje rrogash nuk u pa dhe shqiptarët as kanë për ta parë ndonjëhërë.
Janë përgjysmuar fondet për ish-të përndjekurit. Me këto ritme do të duhen tre dekada për të ezauruar detyrimet ndaj tyre.
Asnjë ulje takse për biznesin e vogël, asnjë stimul për arsimin profesional”.
Çfarë di për ‘Lleshin’, ‘Presidentin’ e ‘Kryeministrin’…
Nga Çim Peka
Për herë të parë në jetën e vet, Edi Rama po mundohet të sillet si konstitucionalist.
I ndodhur në gjendje shoku pas refuzimit kurajoz të kandidaturës së tij për ministër të Brendshëm nga ana e Presidentit të Republikës, ai nëpërmjet enturazhit të tij në media, artikujve të porositur, apo edhe editorialeve të shkruara nga ai vetë në emër gazetarësh, po përpiqet të godasë Presidentin me argumentin ligjor dhe Kushtetues që Presidenti tagrin e tij kushtetues të (mos) dekretimit të propozimeve e ka vetëm ceremonial dhe jo substancial. Argumenti kryeministror shkon pak a shumë kështu: emri i ministrit është nomenklaturë e Shefit të qeverisë; Presidenti e dekreton vetëm formalisht pasi kompetenca e tij është vetëm formale dhe ceremoniale, dhe e voton parlamenti.
Si rrjedhim, Presidenti nuk mund të kthejë mbrapsht propozimin e Kryeministrit.
Gjëja më pozitive në këtë zhvillim është se Kryeministri më në fund ka mësuar me dhimbje, se mund të dalë dikush (në rastin konkret Presidenti) dhe ti thotë me një akt ligjor JO!
Pushteti nuk nënkupton që mund të bësh çfarë të duash, se ka rregulla, dhe se palët kontrollojnë njeri-tjetrin! Argumenti i ‘ceremonialitetit apo solemnitetit të dekretit të Presidentit’ është një debat kushtetues, dhe si rrjedhojë vetëm Gjykata Kushtetuese mund të ketë një argument shterues.
Nuk është as Kryeministri e as mediat e tij që përcaktojnë se çfarë është Kushtetuese e çfarë jo. Por Rama si konstitucionalist i ri-lindur nuk mund ti drejtohet Gjykatës Kushtetuese sepse asaj i ka vënë drynin! ‘Karma is i bitch’ është shprehja ironike më me vend në këtë rast.
Ishte ai qe i hoqi të drejtën kujtdo në këtë vend që ti drejtohen Gjykatës Kushtetuese për paudhësitë e qeverisjes së tij, dhe ja tani ai vetë ra në grackën që ngriti vetë.
Por përtej mungesës së Gjykatës Kushtetuese si akt politik i vetëdijshëm i Kryeministrit, ka një element tjetër që ai me ose pa vetëdije ( duke qenë se ai e urren ligjin dhe argumentin ligjor) e harron.
Parimi bazë kushtetues që përcakton ndërveprimin midis pushteteve (ekzekutiv, legjislativ dhe gjyqësor) është parimi i ‘kontrollit dhe ekuilibrave’ (checks and balances). Këtë parim nuk e përmend Rama, sepse e urren. Është parimi kushtetues që e frenon atë të sundoje siç do e siç di.
Duke qenë që Rama është një injorant në jurisprudence po ja shpjegojmë me gjuhën që e kupton: me gjuhën e rrugës apo tavolinave kur flet me Gjushin, Milin, Sajmen apo Elvis Roshin- kontrolli dhe ekuilibri i pushtetit nënkupton që institucionet kontrollojnë njëri-tjetrin që të mos i lejnë të abuzojnë.
E shpjeguar në mënyrë juridike, ‘checks and balances’ është një mekanizëm që çdo kushtetutë demokratike ka vendosur për të siguruar dhe garantuar që asnjëri prej tre pushteteve nuk kapërcen tagrat e vetë kushtetues, si dhe kufizon abuzimin dhe veprimet autokratike.
Në rastin konkret, Dekreti i Presidentit nuk është një akt solemn dhe ceremonial i Presidentit, por një ushtrim i rolit dhe funksionit të tij kushtetues për të kontrolluar aktet e një pushteti tjetër, siç është ai ekzekutiv. E thënë ndryshe, kushtetuta ka përcaktuar tre filtra për caktimin e dikujt si ministër.
Filtri i parë është përzgjedhja që i bën Kryeministri një individi duke e propozuar.
Filtri i dytë është (mos) dekretimi nga ana e Presidentit dhe filtri i tretë është votimi në Parlament.
Në rastin e Drejtorit të SHISH, ligji (jo kushtetuta) ka përcaktuar vetëm dy filtra: filtrin Kryeministër si përzgjedhës dhe propozues dhe filtrin President si dekretues.
Në logjikën e kontrollit dhe ekuilibrave kushtetues ndërmjet pushteteve, kushtetuta ka përcaktuar rastet kur Parlamenti shërben si kontrollues dhe ekuilibrues i Presidentit, siç është rasti i votimit të propozimit të tij për Guvernatorin e Bankës Qendrore apo Kryetarit të KLSH-së; dhe në të kundërtën kur Presidenti shërben si kontrollues dhe ekuilibrues i Parlamentit, ne rastin e kthimit të ligjeve të votuara nga Parlamenti kur Presidenti nuk është dakord!
Në rastin e bërjes së ligjeve, kushtetuta ka përcaktuar katër filtra: 1) vendimin e qeverisë që e propozon si ligj; 2) votimin e parlamentit; 3) (mos) dekretin e presidentit dhe 4) gjykatën kushtetuese ne rast referimi.
Ka edhe një moment tjetër delikat në lidhje me Dekretin presidencial. Kushtetuta ka njohur parimin e ‘miratimit në heshtje’. Kjo do të thotë, që kur parlamenti miraton një ligj, për të cilin presidenti nuk është dakord politikisht, por nuk gjen cene ligjore apo kushtetuese për ta kthyer mbrapsht, ai as nuk e kthen, as nuk e dekreton brenda afatit ligjor.
Në një rast të tillë, ligji quhet i miratuar në heshtje dhe hyn në fuqi. Kushtetuta ka bërë një dallim të qartë përsa i përket kësaj. Ka lejuar miratimin në heshtje për ligjet, por nuk ka sanksionuar miratimin në heshtje për emërimet.
Bash ky ndryshim, e përcakton fuqinë e dekretit presidencial në rast emërimesh.
Pra asnjë institucion nuk është tërësisht i lirë të bëjë çfarë të dojë.
Ashtu si votimi nga ana e parlamentit nuk është një akt ceremonial dhe vetëm solemn, por substancial i parlamentit, ashtu dhe dekreti i presidenti nuk është një akt solemn, por kompetencëe substanciale e Presidentit. Në të gjithë këtë zinxhir, është e vërtetë që ka një moment kur akti i Presidentit është vetem solemn dhe ceremonial: Ai është betimi i Ministrit para Presidentit kur merr detyrën.
Në fund duhet ti kujtojmë Kryeministrit, se kushtetuta ka caktuar Gjykatën Kushtetuese si vendi ku zgjidhen konfliktet midis institucioneve dhe si garant të Kushtetutës.
Nëse ai do t’i zgjidhë këto konflikte si shtetar duhet ti drejtohet asaj (bën mirë ta zhbllokojë një orë e më parë). Nëse do ti zgjidhe si bandit, të vazhdojë me presionet dhe shantazhet mediatike, dhe jo vetëm.
Ne i ecshin…
© SYRI.net
Kryesore
Continue to the category
