Presidenti Meta ka deklaruar sot se, në rast se nuk bindet ai nuk do të dekretojë si ministër të Brendshëm, Sandër Lleshin.
Kjo është përgjigja e Presidentit Ilir Meta në studion e SYRI.net pas pyetjes së gazetarit Çim Peka nëse do ta dekretojë apo jo Sandër Lleshin si ministër të Brendshëm.
Presidenti Meta është shprehur se ‘nuk është çështje shpatullash, por është çështje bindjesh, nëse nuk më bindin nuk do ti dekretoj’.
‘Kemi rastin e Italisë ku presidenti ka të njëjtat kompetenca, ku ai mendoi se një emër i propozuar si ministër ekonomie nuk e firmosi, pasi mendoi se rrezikonte ekonominë e Italisë. Askush nuk e detyron presidentit të firmosë një emër jashtë bindjes së tij
Në këtë drejtim unë përgjegjshmëritë e mia do ti ushtroj në mënyrë kurajoze dhe maksimale. Në këto momente Shqipëria është në luftë me krimin e organizuar, dhe kjo po e mban Shqipërinë larg BE-së.
Unë nuk paragjykoj askënd unë ushtroj përgjegjësitë e mia në mënyrë maksimale. Të gjithë ata që mendojnë se mund të ndikojnë në mënyra të ndryshme sipas interesit apo vlerësimit të tyre, duhet të jetë të qetë se unë nuk ndikohem nga asgjë, përveç detyrës që i takon presidentit për të qenë një institucion i përgjegjshëm’, deklaroi presidenti Ilir Meta në studion e SYRI.net.

Askush nuk më detyron të dekretoj ministër Sandër Lleshin
Presidenti Ilir Meta mbrëmjen e sotme ka folur edhe lidhur me propozimin e kryeministrit Edi Rama për dekretimin në postin e Ministrit të Brendshëm, të Sandër Lleshit.
I ftuar në emisionin ‘FAKT’, Meta u shpreh se do të marrë kohën e duhur, pasi sipas tij PResidenti është përgjegjës për çdo firmë që hedh.
“Do gjej kohën e duhur, për të marrë vendimin e duhur.
Presidenti ka për detyrë për të ushtruar të gjitha detyrimet kushtetuese për çdo propozim që i bëhet.
Nuk mund të hedh firmë për dekrete formale e aq më tepër për një detyrë të tillë që në momentin aktual, kërkon përgjegjshmëri.
Di të marr vendimet e mua, pa u ndikuar nga askush, as nga orët dhe sekondat.
Kushtetuta është shumë e qartë, presidenti ka përgjegjësi për çdo firmë që hedh”, u shpreh Meta.
Më tej ai u shpreh se nuk ka marrë ende anjë vendim.
“Ua kam thënë të qartë kam bërë punën time institucionale, kam bërë përpjekjet e mia, kam qenë mjaft bashkëpunues me institucionet dhe personat e interesuar për këtë çështja, dhe unë i marr vendimet e mia pa i ndikuar nga askush.
Më duket se Kushtetuta është shumë e qartë, presidenti ka përgjegjësi për çdo firmë që hedh.
Nëse do të kishte firmë unë atë nuk do ta lija për ta shpallur në studion tua, do ta kisha bërë atë publike”, tha presidenti Ilir Meta.
Në vijim, ai u shpreh se askush nuk mund ta detyrojë Presidentin të dekretojë dikë në një post të tillë.

Ish-Kryeministri Berisha ka publikuar një video të vizitës së kryeministrit Rama në Kukës, ku është shoqërua me një eskortë të madhe sportelet në Rrugën e Kombit dhe qindra forca policie.
Berisha shkruan në një postim në Facebook se, Rama nuk paguan asnjë qindarkë për të kaluar traun e autostradës, ndërsa shton se fut duart tek të varfërit e Kukësit.Postimi i Kryeministrit Berisha
Per vete Kallam Deshtaku nuk paguan nje qindarke kurse fut duart e tij te zeza edhe tek me te varferit e Qarkut te Kukesit. Turp! sb

Duke folur në studion e emisionit ‘FAKT’ në SYRI.net, përballë gazetarit Çim Peka, presidenti Ilir Meta ka treguar edhe disa prej bindjeve të tij se pse nuk e ka dekretuar ende kreun e ri të SHISH.
‘Nuk mendoj se është vendi këtu për të bërë diskutime të tilla. Së dyti unë vendos me bindje të plotë. Në rastin aktual as se kam kthyer e as se kam konfirmuar. Shumë të mirë e kemi marrëdhënien me zv.Drejtorin aktual të SHISH.
Rrethanat se si u bë dorëheqja e zotit Ajazi e cila ka qenë një dorëheqje jokorrekte, sepse ajo i jepet presidentit dhe jo kryeministri. Ai nuk meritonte të sillte një dekret tjetër në presidencë, unë e konfirmova sepse i kisha vënë kusht që të vazhdonte luftën me drogën dhe krimin.
Unë kam qenë dëshmitar në mbledhje të sigurisë kombëtare. Unë duke të njohur ty, e di që po ta kishte bërë ty, ti as dekretim për ta bërë ambasador e as dekoratë nuk do i jepje.
Unë i kam dhënë dekoratë sepse ka mbajtur qëndrime shumë të qarta sa i vlen luftës kundër drogës dhe krimit. SHISH ka punuar më mirë se shumë institucione të tjera në këtë fushë’, u shpreh Presidenti Ilir Meta në SYRI.net.

Presidenti Ilir Meta duke folur në studion e emisionit ‘FAKT’ në SYRI.net ka komentuar edhe listën e emrave të kandidatëve të cilët kanë aplikuar për të qenë kreu i ri i Kontrollit të Lartë të Shtetit.
Presidenti Meta përballë gazetarit Çim Peka është shprehur se është njohur me listën dhe me 2-3 emra.
‘Jam njohur me listën dhe me dy tre emra, të cilët janë shprehur para 30 tetorit.
Përderisa kam ndjekur një rrugë të tillë që në mënyrë publike secili të aplikojë dhe dua ti falënderoj ata që kanë aplikuar, sigurisht që nuk kishte kuptim sepse aty ka mjaft emra të spikatur dhe gjysma e tyre janë akademikë, dhe sigurisht emri do të dalë nga kjo listë.
Unë kam respekt për të gjithë emrat dhe ky është një proces që do kohën e vet.
Ky është një raport mes presidentit dhe kuvendit. Presidenti bën propozimin për drejtimin e këtij institucioni, kuvendi ka të drejtën e aprovimit ose mos aprovimit.
Unë jam për të ushtruar përgjegjësitë e mia në raport me opinionin dhe kuvendin, pastaj secili bën vlerësimin e tij.
Në radhë të parë aty ka shumë emra që mund të ishin në krye të këtij institucioni unë do të gjykoj duke parë me shumë vëmendje emrat e kësaj liste në rrethanat aktuale’, tha Presidenti Ilir Meta në studion e SYRI.net.

Ish-kryeministri Sali Berisha, ka vijuar me publikimin e denoncimeve të mbërritura në adresë të tij.
Me anë të një postimi në rrjetet sociale, Berisha ka publikuar një vedeo-denoncim të një qytetari, në të cilën shihet sesi Bashkia ka “mbytur” në gjoba qytetarët, ndonëse sinjalistia vertika dhe ajo horizontale rrugore janë tërësisht të kundërta.
Në denoncimin e Berishës thuhet
“Shikoni si i plaçkit qytetaret Lal Plehu me narkotrafikantin e tij Ermal Kapllani!
Qytetari dixhital denoncon kurthin kriminal te Lal Plehut dhe narkotrafikantit te tij.
Lexoni mesazhin dhe shikoni videon e qytetarit dixhital. sb
Pershendetje doktor Berisha!
Shikoni si i vjedhe qytetaret e Tiranes Erion Veliaj.
Ky hajdut, mashtrues e kriminel i ndryre!
Kjo eshte filozofia e Erion Veliaj dhe gjithe Rilindjes. Te pushtetojne duke u vendosur gjoba njerezve. Kete gjobe nuk ka gjykate qe e interpreton si te sakte”.

Kryetari i Bashkisë së Durrësit, Vangjush Dako, reagoi pas protestës së studentëve të Universitetit të Durrësit, lidhur me landfillin e mbetjeve në Porto Romano, ku protestuesit paralajmëruan për bojkotim të mësimit, nëse nuk zgjidhet problematika.
Në deklaratën e Dakos thuhet se, “Këshilli Bashkiak i Durrësit me vendim Nr. 533 datë 10.07.2018 ka vendosur “Miratimin për shpalljen e emergjencës mjedisore në fushën e Menaxhimit të Integruar të Mbetjeve Urbane për territorin e Bashkisë Durrës”, ndërsa i njihte me hapat që do ndërmerreshin.
Pas kësaj deklarate, kanë reaguar sërish studentët, të cilët i kanë dhënë ultimatum kryebashkiakut, që brenda 10 ditësh të ndalohet djegia e mbetjeve në këtë pikë grumbullimi.
Reagimi i plotë i studentëve
I nderuar kryetar i Bashkisë së Durrësit, Zoti Vangjush Dako, e lexuam me vëmendje sqarimin tuaj publik në lidhje me hapat që po ndiqen për zgjidhjen përfundimtare të mbetjeve në zonën e Porto Romanos në Bashkinë Durrës.

Duke qenë të vetëdijshëm se reagimi juaj në këtë moment është një akt që tregon shpresë për të gjithë studentët, stafin akademik, dhe banorët e Porto Romanos, dëshirojmë t’iu vëmë në dije se kërkesat tona kanë qenë konkrete dhe deklarata juaj vjen rishtas, pasi ky problem nuk është shfaqur tani dhe ai është i ditur botërisht prej vitesh.
I nderuar Zoti Dako, në deklaratën tuaj nuk përmendni afate, çka është pika kryesore për ne.
I nderuar Zoti, Dako, duke ritheksuar edhe një herë se jeta jonë nuk është as vendim e as deklaratë për media, dëshirojmë të të informojmë sërisht mbi kërkesat tona të palëkundura.
Si proces emergjent, kërkojmë nga ju që të vendosni urgjentisht ndalimin e diegies e mëtejshme të mbeturinave në një afat kohor jo më shumë se 10 ditë.
Pasi djegia e mbeturinave të jetë ndaluar, ne kërkojmë nga ju data jo fort të largëta kur do të nisë heqja e mbetjeve nga Porto Romano, e më pas afatet për të gjithë procesin.
I nderuar Zoti. Dako, kemi të bëjmë me jetën e mijëra qytetarëve, dhe me vazhdimësinë e djegies së mbetjeve çdo orë është më e rrezikshme se tjera në atë zonë.
Prandaj, duke qenë edhe një herë të palëkundur me kërkesat tona, ne do të vazhdojmë me aksionin tonë të përshkallëzuar derisa të marrin zgjidhje pikat e sipërcituara.