Ndërsa autoritetet gjejnë më shumë paisje shpërthyese që u janë dërguar figurave demokrate me peshë, Presidenti amerikan Donald Trump po fajëson kryesisht median për atmosferën e acaruar politike në Amerikë. is largely blaming the media for the angry political atmosphere in America.
Të enjten në mëngjes, në një postim në Twitter, ai shkruante: “një pjesë shumë e madhe e zemërimit që shohim sot në shoqërinë tonë është shkaktuar nga raportimi qëllimisht i rremë dhe i pasaktë i mediave kryesore që unë i quaj Fake News (Lajmet e Rreme)”.
“Është bërë aq negative dhe me urrejtje, saqë është e papërshkrueshme. Media Kryesore duhet të ndreqë gabimet e veta, ME SHPEJTËSI!”, tha ai.
Komenti i zotit Trump erdhi ndërsa pasije të dyshuara eksplozive, drejtuar aktorit Robert De Niro dhe ish-nënpresidentit Joe Biden, u gjetën të enjten, duke e sjellë në 10 numrin e paketave të tilla që janë zbuluar në vendndodhje të ndryshme në Shtetet e Bashkuara që nga e hëna.
Policia e Nju Jorkut zbuloi të enjten herët në mëngjes një pako me përmbajtje të dyshimtë, në një lagje të vogël të Manhatanit. Zyrtarët e policisë tha se pakoja ishte dërguar në një kompani produksioni të aktorit Robert De Niro dhe ishte e ngjashme me ato që i janë dërguar demokratëve të tjerë me peshë, përfshirë ish-Presidentit Barack Obama dhe ish-sekretares së Shtetit, Hillary Clinton.
Departamenti i Policisë së Nju Jorkut e largoi bombën e dyshuar dhe po e analizon atë.
FBI-ja konfirmoi gjithashtu se dy pako drejtuar ish-nënpresidentit Joe Biden, u gjetën në Delaware.
Paketa të tjera u ishin drejtuar ish-Prokurorit të Përgjithshëm të administratës së ish-presidentit Obama, Eric Holder, dy anëtarëve demokratë të Kongresit dhe ish-Drejtorit të CIA-s, John Brennan.

Ai iu përgjigj komentit të Presidentit Trump në Twitter të enjten duke shkruar në median sociale: “Mjaft fajësove të tjerët. Shih në pasqyrë. Retorika jote acaruese, fyerjet, gënjeshtrat dhe nxitja e dhunës, janë të turpshme”.
Një paisje eksplozive që policia tha se ishte aktive, mbërriti në një zarf që i drejtohej zotit Brennan në zyrën e CNN-it në Nju Jork, shkaktoi evakuimin e Qendrës Time Warner për orë të tëra të mërkurën.
Presidenti i CNN-it, Jeff Zucker nxorri një deklaratë ku thuhej se anëtarë të administratës së zotit Trump, kanë “një moskuptim të plotë” të seriozitetit të sulmeve të tyre të shpeshta ndaj medias.
Sekretarja e Shtypit e Shtëpisë së Bardhë, Sarah Huckabee Sanders u përgjigj në Twitter, duke e akuzuar zotin Zucker si përçarës.
E pyetur nga gazetarët, nëse mund të kishte një lidhje mes fyerjeve të Presidentit Trump ndaj kundërshtarëve politikë dhe dërgimit të paisjeve shpërthyese, zonja Sanders u përgjigj:
“Sigurisht që Presidenti nuk është përgjegjës për dërgimin e paketave të dyshimta, ashtu siç nuk ishte përgjegjës Bernie Sanders kur një përkrahës i tij hapi zjarr në një fushë bejsbolli vitin e kaluar”, tha ajo.
Presidenti Donald Trump tha dje se zarfat me lëndë plasëse të dërguara në adresë të zyrtarëve aktualë dhe të mëparshëm të qeverisë amerikane nuk kanë vend në politikën amerikane dhe i quajti “sulm ndaj vetë demokracisë”.
Nënpresidenti Mike Pence i dënoi incidentet si akte prej frikacakësh.
Në Florida, zonja Clinton u shpreh se këto janë kohë të trazuara:
“Këto janë kohë të shoqëruara me përçarje të thella. Duhet të bëjmë të pamundurën që ta bashkojmë vendin”.
Kritikët e kanë akuzuar presidentin se e ka acaruar retorikën. Një senator republikan nuk mendon ashtu, megjithatë bën thirrje për qëndrim të moderuar:
“Mendojmë se njerëzit nga të dyja kahjet politike, duhet të përqafojmë qëndrime të moderuara,” tha Senatori Orrin Hatch.
Drejtori i Byrosë Federale të Hetimeve Christopher Wray tha se hetimi i kësaj çështjeje do të trajtohet me prioritetin më të lartë.
“Kemi angazhuar burimet më të mëdha të FBI-së dhe së bashku me partnerët tanë në grupet e përbashkëta Task-Force kundër terrorizmit, do të vazhdojmë të punojmë për të identifikuar dhe arrestuar këdo që është përgjegjës për dërgimin e këtyre pakove”, tha zoti Wray në një deklaratë.
Gazeta New York Times njofton se paisja e gjetur pranë shtëpisë së ish-Presidentit Bill Clinton dhe kandidates demokrate për presidente në vitin 2016, është e ngjashme me atë që ishte vendosur në një kuti postare para shtëpisë së filantropistit, George Soros të hënën.

Bombat e dërguara janë të ngjashme, thonë zyrtarët e rendit
Autoritetet amerikane të zbatimit të ligjit thonë se lloji i bombave që u janë dërguar disa demokratëve të profilit të lartë, përfshirë ish-Presidentin Barak Obama dhe ish-Sekretaren e Shtetit Hillari Klinton, janë pajisje të ndërtuara në mënyrë artizanale që duken të jenë të ngjashme.
Byroja Federale e Hetimeve tha se pajisjet ishin vendosur brenda zarfave të veshur me shtresë flluskash. FBI-ja tha se zarfat me gjashtë pulla të klasit të parë, i kishin adresat e shtypura në kompjuter.Sipas një njoftimi të gazetës Nju Jork Tajms që citon një ish- zyrtar të zbatimit të ligjit, pagesa e bërë ishte më shumë se e nevojshme për dërgesat me postë.
Zarfat gjithashtu kishin si adresë kthimi atë të ligjvënëses së Floridës Debbie Wasserman Schultz, ish-kryetare e Komitetit Kombëtar Demokratik. Zonja Schultz është akuzua nga rivalët e zonjës Clinton se e ndihmoi atë fshehurazi, gjë që e ndihmoi atë përfundimisht të fitonte emërimin presidencial të Partisë Demokrate në vitin 2016.
Zarfa me përmbajtje të dyshimta janë konfiskuar në Nju Jork, Uashington, Delauer, Florida dhe Kaliforni.
Sipas një zyrtari të zbatimit të ligjit që pa imazhet në skaner dhe foli në kushte anonimite për shkak të vazhdimit të hetimeve, pajisjet e gjetura të mërkurën ishin rreth 15 centimetra të gjata dhe kishin të bashkangjitur një bateri të vogël. Zyrtari tha gjithashtu se bombat janë ndërtuar me tuba plastikë, të mbuluara me shirit të zi, dhe të paketuara me copa xhami pluhur dhe të thyer.
Pajisjet e gjetura janë dërguar në laboratorin e FBI-së në Kuantiko të Virxhinias, gati 18 kilometra në jug të Uashingtonit.
Autoritetet thanë të mërkurën se teknikët e bombave do të përpiqen të përcaktojnë se ku janë blerë pjesët dhe ku janë ndërtuar ato. Teknikët gjithashtu do të përpiqen të zbulojnë shenjat e gishtave ose gjurmët e ADN-së nga pjesët dhe zarfat me pajisjet e dyshimta.

Imazhet e breshkave të detit që mbyten nga një pipë plastike, dhe delfinëve, që vdesin në rrjetat e peshkatarëve kanë dhënë efektin e tyre shokues në nivel ndërkombëtar. Edhe raportimet e shumë pushuesve nga plazhet e mbytura me kilometra të tëra prej mbeturinave plastike në mbarë botën i kanë nxitur politikanët dhe qytetarët që t’i thërrasin arsyes, se ka ardhur koha për të vepruar. Të martën një studiues austriak shokoi me zbulimin e tij, që partikujt plastikë dëshmohen edhe në zorrët e njeriut. Unanimiteti i Parlamentit Europian është përtej kufijve partiakë dhe një propozim i Komisionit të BE-së për kufizimin e mbeturinave plastike në Europë u pranua me shumicë dërmuese.
Për çfarë bëhet fjalë?
BE-ja prodhon çdo vit 26 milionë ton mbeturina plastike, kjo i përgjigjet një të katërtës së volumit mbarëbotëror. Vetëm 30% e kësaj mase arrin të riciklohet. Kina ndërkohë e ka ndaluar importin e mbeturinave plastike nga Europa. Tajlanda do të pasojë me ndalimin e këtij importi pas dy vjetësh. BE-Ja duhet të zhvillojë strategji të reja, për ta zgjidhur problemin aty, ku ai e ka burimin.

Luftë plastikës që përdoret vetëm një herë
Gjatë dy viteve të ardhshme Komisioni i BE-së do të ndalojë enët plastike. E njëjta gjë vlen edhe për pipat e stekat për mbajtjen e tullumbacëve. Gjysma e mbeturinave plastike në Europë përbëhet prej të tilla mbetjesh.
Gjithashtu ambalazhimet plastike në tregun europian deri në vitin 2030 do të jenë të ripërdorueshme ose të riciklueshme me efikasitet në kosto. Në këtë drejtim kritikët si ekologjistët kërkojnë që afati i tranzicionit të shkurtohet deri në vitin 2025; shmangia dhe ripërdorimi i ambalazheve plastike duhet të ketë prioritet kundrejt riciklimit.
E më e rëndësishmja mikroplastika, që përdoret në produktet kozmetike si pastë dhëmbësh apo kremëra, sa të jetë e mundur duhet të kufizohet. Kjo vlen edhe për uniformat e punës që përmbajnë mikropartikuj dhe shirita ndriçues apo elementë të ngjashëm, si dhe për të ashtuquajturat “palstikë oxo-biologjikisht e shpërbëshme”. Ato shpërbëhen në komponente gjithnjë e më të vogla dhe në fund në mikropartikuj, që gjithashtu depërtojnë në rrejtin e ushqimeve për njeriun dhe për kafshët.
Kritikët tërheqin vëmendjen në këtë drejtim, se duhet vepruar më shpejt dhe më ashpër. Suedia p.sh. e ka ndaluar mikroplastikën në produktet kozmetike qysh tani në vitin 2018. Ndalimi është i mundur të realizohet shpejt e pa probleme, deklarojnë ekologjistët në Parlamentin Europian. Probleme mund të krijohen edhe nga plastika, që konsiderohet si biologjikisht e shpërbëshme dhe e kompostueshme. Komisioni propozon etiketimin dhe një asgjësim më të mirë të mbetjeve të këtij lloji. Në të kundërt mbrojtësit e mjedisit paralajmërojnë nga shtimi i vazhdueshëm i partikujve plastikë edhe në tokat bujqësore. Përveç kësaj plastika kompostohet me shumë vështirësi.
Shishet plastike duhet përdoren shumë herë
Të gjitha shishet plastike në BE brenda shtatë viteve të ardhëshme duhet të kalojnë në sistemin e ripërdorimit. Për këtë do të vendosen sistemet e pagesës për shishen që kthehet. Pas disa vitesh aplikim ky sistem gjerman e rendit Gjermaninë në vendin e nderit për mbrojtjen e mjedisit. Propozohet gjtihashtu që në dekadën e ardhëshme gradualisht shihet të prodhohen nga material i rickliueshëm.

Masa të tjera janë udhëzimet për asgjësimin e përshtatshëm si dhe etiketimin e produkteve me përmbajtje plastike në facoletat kozmetike, tamponët apo tullumbacat.
Konsumatorët dhe disa grupe të caktuara profesionesh, si peshkatarët, duhet të informohen më mirë për pasojat e flakjes pa kriter të mbeturinave plastike. Rrjetat gjigande të peshkimit që notojnë nëpër detra paraqesin një rrezik të madh për kafshët e detit. Po ashtu prodhuesit duhet të involvohen më shumë si në kuadër të përgjegjësisë për kostot e mbetjeve që ato prodhojnë ashtu edhe në fushatat sensibilizuese për pastrimin dhe mbrojtjen e mjedisit.
Si do të ecet më tej?
Projektligji nga Parlamenti Europian do t’i kalojë këshillit të ministrave përgjegjës. Atje ekziston rreziku, që të përfshihen interesat kombëtare në legjislacion dhe kësisoj ligji të zbehet. Komision dhe parlamenti gjithësesi janë për një trajtim të shpejtë të temës: Ato duan që brenda kësaj periudhe legjislative, pra përpara zgjehdjeve të BE-së vitin e ardhshëm, të bëjnë gati direktivat e BE-së, që pastaj duhet të zbatohen në legjislacionet kombëtare.
Se sa efekt mund të kenë norma të tilla europiane? Ato krijohen dhe zhbëhen sipas vullnetit të mirë të vendeve anëtare. Mbrojtësit e mjedisit i shohin këto masa të propozuara si një hap të parë drejt një rruge të gjatë. Sidoqoftë qëkurse më 2016 është vendsour kufizimi i qeseve plastike, në BE ndërkohë është përgjysmuar konsumi i plastikës.

NATO ka nisur manovrën e saj më të madhe që nga fundi i Luftës së Ftohtë. 50.000 ushtarë do të stërviten bashkarisht për dy javë në Norvegji si dhe në zonat ajrore dhe detare përreth.
Sipas të dhënave të zëdhënëses së aleancës ushtarake admirali përgjegjës nga SHBA-ja James G. Foggo në orën 0.01 (sipas orës së verës në Europën Qendrore) mori përsipër komandën. Krahas 50.000 ushtarëve janë edhe rreth 10.000 automjete, mbi 300 avionë e helikopterë ushtarakë si dhe anije të vëna në veprim në kuadër të manovrës së madhe “Trident Juncture”. Qëllimi i manovrës është stërvitja për të vepruar për të ashtuquajturin rasti i solidarizimit në aleancë. Ky rast mund të shfaqet nëse një ose disa nga 29 vendet anëtare sulmohen nga një kundërshtar. Si rrjedhojë aleatët e tjerë duhet të solidarizohen.
Me traget e me pajisje të rënda rrugës drejt Norvegjisë
Zyrtarisht kjo manovër nuk drejtohet kundër asnjë sulmuesi të mundshëm. Por në sfondin e tensioneve në rritje prej vitesh me Rusinë kjo ka të bëjë me një demonstrim force dhe një sinjal frikësues drejt Rusisë. Në radhë të parë Polonia si dhe aleatët baltikë Lituania, Letonia dhe Estonia ndihen të kërcënuar nga politika e fqinjit të tyre të madh. Ato kërkojnë armatime dhe më shumë demonstrim force. Ndaj nuk është rastësi, që manovra zhvillohet në një vend, i cili ka kufi të përbashkët me Rusinë. Manovra zhvillohet në qendër dhe në lindje të Norvegjisë, në Atlantik dhe në detin Baltik si dhe në hapësirën ajrore mbi Finlandën dhe Suedinë.

Bundeswehri merr pejsë me 10.000 ushatrë
Bundeswehri (ushtria gjermane) merr pjesë me rreth 10.000 ushtarë e kësisoj ka kontigjentin më të madh pas SHBA-së. Angazhimi i fuqishëm argumentohet në radhë të parë me faktin, se Gjermania duke nisur që nga viti 2019 do të marrë përsipër drejtimin e trupës së ndërhyrjes së shpejtë të NATO-s. E ashtuquajtrua VJTF (Very High Readiness Joint Task Force) është krijuar në valën e krizës në Ukrainë dhe është po ashtu element i strategjisë së demonstrimit të forcës ndaj Rusisë, gjë së cilës që nga viti 2014 sërish po i kushtohet më shumë vëmendje. Asokohe Rusia aneksoi gadishullin e Krimesë në Ukrainë.
Kontrolli i karburanteve në bazën gjermane të fushimit “Camp Gardermoen”
Në raundin e parë të manovrës së NATO-s, sipas të dhënave të aleancës, “forcat jugore” të përbëra nga vendet si Gjermania, Italia dhe Britania e Madhe do të mbrojnë një sulm nga “forcat veriore”. Forcat veriore do të përbëhen ndër të tjera nga trupat e SHBA-së, Kanadasë dhe Norvegjisë. Në raundin e dytë skenari parashikon një kundërsulm të “forcave jugore” ndaj “forcave veriore”. Krahas të gjitha 29 vendeve të NATO-s marrin pjesë në manovër edhe vendet partnere të aleancës si Suedia dhe Finlanda.