Në disa portale janë publikuar disa pasazhe nga tema me të cilën ka mbrojtur doktoraturën deputeti socialist Ulsi Manja.
Të habit fakti se deputeti i Komisionit të Ligjeve që shfaqet kudo dhe ka ardhur në politikë nga radhët e organit të akuzës, pasi ka qenë për shumë vitesh prokuror deri në momentin që e zbuloi Rilindja, e ka mbrojtur doktoraturën në Fakultetin e Shkencave Juridike, në fushën e ‘inspektimit’ dhe posaçërisht atë të mjedisit.
Gjithsesi pasazhet që ka zbuluar ‘Lolita’ është e sigurt, se kanë xhelozuar keq skenaristët e ‘Portokallisë dhe ‘Al Pazar’.
Ja si e jep mendimin e tij ‘shkencor’ profesori i Reformës së Drejtësisë dhe gjithë ligjeve që kalon Kuvendi i Rilindjes, për çështjen e inspektimit të mjedisit.
‘Inspektimi në veçanti, është një pjesë e rëndësishme e mbrojtjes së mjedisit, pasi në këndvështimin tim është çelësi i çdo gjëje, nisur nga shprehja popullore gjithkohore, ‘frika ruan vreshtin’.
Nga ana tjetër, mendoj se reformimi i sistemit të inspektimit për të gjitha fushat në një inspektoriat të vetëm do të ishte zgjidhja efektive e inspektimit, sepse një fjalë popullore e vendit tonë thotë ‘disa mami e nxjerrin fëmijën çyryk’, shkruan, Ulsi Manja, në mbrojtjen që e bëri ‘doktor të shkencave juridike’.
Mos qeshni, por mendoni se kush merret me ligjet që rregullojnë Shqipërinë …

“Fletë-arresti për Lulzim Berishën”, kjo ishte deklarat e policisë dhe kryefjala e disa prej mediave mbrëmjen e së dielës kur u zhvillua një aksion i policisë që çoi në dhjetra të arrestuar.
Mirëpo ashtu siç rezulton tashmë për Lulzim Berishën nuk ka pasur urdhër-arrest, dhe ai ka qenë në një udhëtim jashtë vendit mbrëmjen kur në banesën e tij u krye një kontroll nga ana e policisë.
Bëhet e ditur se, Lulzim Berisha është kthyer në Shqipëri të hënën, dt 22.10.2018, nga Rinasi.
Kjo pasi Gjykata e Durrësit ka vendosur më herët, detyrim paraqitje pranë Shërbimit të Provës Durrës.
Dje në dt.23.10.2018 orën 11:00 është paraqitur prane Shërbimit të Provës në Durrës, pasi në rast të kundërt, nëse nuk paraqitej shpallej në Kërkim nga organet ligjzbatuese.
Bëhet fjalë për daljen e tij nga burgu herën e fundit dhe nuk ka asnjë hetim të ri në drejtim të tij, bëjnë me dije burime nga gjykata e Durrësit.
Ndërkohë që edhe pse gazetarë të kronikës me burimet e tyre thonë se Berisha përmendet në përgjime si garant i transportit të heroinës në laboratorin e Hasit, derimë tani ai vijon të jetë një person i lirë, dhe pa asnjë detyrim me drejtësinë.
Lirimi i tij nga Gjykata e Durrësit edhe pse ka qenë kreu i bandës së Durrësit, ka qenë një nga vendimet më të dyshimta të marra nga ana e drejtësisë.

Po zhvillohet në gjykatën e Tiranës seancë për të arresturit nga mega-operacioni i policisë në të gjithë vendin disa ditë më parë.
Ndërkohë Fax News raporton se njëri nga të arrestuarit ka humbur ndjenjat në sallën e gjyqit tek Krimet e Rënda. Bëhet fjalë për Vlash Gazullin 76 vjeç, topograf.
Paraditen e sotme kanë dalë para Gjykatës së Krimeve të Rënda personat e arrestuar në operacionin Vol-vo 4, në një seancë që pritet të zgjasë me orë të tëra për shkak të numrit shumë të madh të të ndaluarve.
Derimë tani burime bëjnë me dije se para gjykatës do të dalin 34 persona, edhe pse policia ka bërë të ditur vetëm 27 arrestime ditën kur u bë publik operacioni.
Në seancën e sotme do të jepet masa dhe për dy ish-deputetët socialistë Arben Çuko dhe Arben Ndoka si dhe anëtarët e grupit Avdylaj. Deputetët e PS-së akuzohen për korrupsion dhe tjetërsim të pronave, ndërsa ende vijon të jetë në kërkim ideuesi i laboratorit në Has, Admir Hoxha.
Operacioni:
Në datë 18 tetor në mëngjes u ushtrua kontroll në banesën e shtetasit Mustaf Shuti në fshatin Brenogë, Has, ku u gjetën prekursorë për prodhimin e lëndës narkotike.
Të arrestuar në flagrancë janë 5 shtetas për veprat penale “Prodhimi dhe shitja e narkotikëve”, “Trafikim i narkotikëve”, “Prodhimi dhe fabrikimi i lëndëve narkotike”, në bashkëpunim, në formën e posaçme të grupit të strukturuar kriminal dhe organizatë kriminale:
Vehbi Berushi, 57 vjeç
2. Flamur Çela, 48 vjeç
3. Xhevit Shuti, 48 vjeç
4. Mustaf Shuti, 76 vjeç
5. Anila Shuti, 42 vjeç

U shpallën në kërkim 4 persona: 2 shtetas turq, 1 kosovar dhe 1 shqiptar.
Të arrestuar për veprat penale ”Prodhimi dhe shitja e narkotikëve”, ”Trafikim i narkotikëve”, në bashkëpunim në formën e posaçme të grupit të strukturuar kriminal dhe organizatë kriminale, si dhe pastrim i produkteve të veprës penale janë 18 persona:
Jasin Kala, alias Jasin Avdyli, me pseudonimin“Cine”, nga Shijaku;
2. Shkëlqim Avdyli, me pseudonimin“Kiçi”, nga Shijaku;
3. Denis Llaftiu, nga Shijaku;
4. Fatos Llaftiu, nga Shijaku;
5. Hajri Seferi, nga Shijaku;
6. Petro Kuci, alias Abedin Kuçi, nga Delvina;
7. Ilirjan Prifti, nga Fieri;
8. Elton Shehaj, nga Tirana;
9. Armand Spiro, nga Tirana;
10. Astrit Balliu, alias Avdyli, Sulejmani, me pseudonimin “Titi”, nga Shijaku;
11. Altin Avdyli, me pseudonimin“Niçja”, nga Shijaku;
12. Saimir Gjepali, nga Shijaku;
13. Gjevi Ndoka, alias Xhevahir, me pseudonimin“Xhevi”, nga Lezha;
14. Esat Mehmeti, me pseudonimin“Çakja”, nga Fieri;
15. Saimir Sulejmani, nga Fieri;
16. Orges Jahelezi, alias Artan Elezi, me pseudonimin“Nita”, nga Tirana;

17. Elis Bahushi, nga Elbasani;
18. Elis Guri, nga Shkodra.
19. Artur Balla, nga Elbasani.
Gjithashtu u shpallën në kërkim 2 shtetas: M.Z., dhe P.S.
Në kuadër të këtij mega operacioni, ku u goditën këto 4 grupe kriminale, është zbuluar edhe implikimi i 3 punonjësve të Policisë së Shtetit. Ata akuzohen për veprat penale “Shpërdorim detyre”, “Ndihmë për kalimin e paligjshëm të kufijve”, në kuadër të grupit të strukturuar kriminal dhe organizatës kriminale:
Ardit Gjyriqi, nga Tirana;
2. Jasin Abdul, nga Saranda;
3. Bledar Koçi, nga Lushnja.
Ndërkohë në kuadër të këtij procedimi janë arrestuar më herët edhe 12 persona për vepra të ndryshme penale që lidhen me fushën e narkotikëve.
Gjatë kontrolleve të ushtruara u sekuestruan:
• 3 pistoleta;
•3 armë gjahu, çifte dhe fishekë;
• 1 shotgan;
• Presë për lëndë narkotike të llojit heroinë;
• Peshore elektronike;
• Sasi lëndë narkotike heroinë e kokainë;
• 13 mjete, njëri i blinduar;
• Sasi e konsiderueshme parash;
• Rreth 75 telefona celularë.

Një i ndaluar nga policia ka ndërruar jetën në dhomën e paraburgimit të Komisariatit të Policisë numër 3 në Tiranë.
Por kush është viktima dhe për çfarë ishte arrestuar?
Dritan Rica, 45 vjeç është personi që ka humbur jetën gjatë mbrëmjes së djeshme.
Nga këqyrja paraprake e trupit nuk rezulton të ketë shenja në trup.
Sipas policisë, dyshohet se vdekja ka ardhur si pasojë e një arresti kardiak.
Ai ishte ndaluar për akuzën e vjedhjes.
45-vjeçari është dërguar tek Urgjenca e Tiranës, por nuk ka mundur të shpëtojë.