20.5 C
Tirana
E martë, 12 Gusht, 2025
type here...

Bëhuni gati!

Bledi KASMI

Ata janë pranë dilemës të një fundi të tmerrshëm apo të një tmerri pa fund. Bëhuni gati ti rezervoni fundin e denjë kësaj organizate në qeveri.
Ajo që u konsiderua si një komplot për krijimin e “liderëve të fortë” që do të merrnin përsipër ndryshimin e kufijve të Shqipërisë dhe Kosovës në dëm të shqiptarëve dhe për interes të Serbisë dhe Geqisë ka dështuar. Plani është bllokuar nga Shtetet e Bashkuara, sikurse e ka pohuar edhe vetë ministri i Jashtëm serb, Daçiç.
Si duhet të përkthehet kjo politikisht në kontekstin e Shqipërisë?
E keni parë këtë që drejton organizatën kriminale në qeveri se si është tërbuar javët dhe ditët e fundit? Konstatojeni këtë tek fytyra e përdhunuar e Prokurorisë që ka rrëshqitur drejt një çmendurie ku thërret kreun e opozitës pse ka denoncuar përdhunimin e një vajze nga djali i deputetit, ndësa deputeti tjetër i opozitës, Salianji ishte në prag të arrestimit vetëm se denoncoi trafikun e drogës të vëllait të ministrit të Brendshëm.
E shikoni nervozizmin e tyre, por duhet të kuptoni arsyet se përse kanë arritur në këtë pikë në një kohë që duhet të ishin më të qetë se kurrë, sepse i kanë të gjitha pushtet të përqëndruara në duart e tyre. Po ndodh e kundërta dhe kjo e ka një shpjegim. Opozita e qetë dhe qeveria e tërbuar. Opozita e sigurtë dhe organizata kriminale në panik.
Tërbimi i Ramës nuk vjen nga shpërthimi i skandaleve, se ai është mësuar me të tilla ngjarje që vetë ai dhe banda përreth prodhojnë për çdo ditë. Halli i tij i madh është gjetkë. Atij i ka rënë skema e qëndrimit në pushtet për një afat të pacaktuar përmes të qenit faktori kryesor tek një pjesë e ndërkombëtarëve që e mbështesnin atë deri dje për kopsitjen e ndarjes së Kosovës dhe shitjes së detit tek Greqia.
As Kosova nuk do të ndahet dhe as deti i Shqipërisë nuk do të falet. Vula është vendosur në Shtetet e Bashkuara, rrjedhimisht teroria e “liderëve të fortë” që duhet të ndryshonin kufijtë ka rënë bashkë me Ramën në Shqipëri dhe Thaçin në Kosovë.
Rama ka dështuar së qeni një faktor i dobishëm në rajon. Ai është tashmë i defaktorizuar bashkë me skemën e tij që mund të ndizte flakët e luftës në rajon.
Ai nuk i nevojitet më askujt dhe në të tilla raste ata që të mbështesnin deri dje, tani të flakin si një limon i shtrydhur. Kjo po ndodh me Ramën. Ai e di këtë dhe është i ndërgjegjshëm se është në prag të fundit, që vërtet mund ta ketë të tmerrshëm.

Krimi nuk ndalet, breshëri plumbash në Tiranë, një i plagosur

Disa të shtëna me armë zjarri janë dëgjuar para pak minutash në zonën e Selitës në Tiranë. Një 18-vjeçar me iniciale M.SH. ka mbetur i plagosur dhe është nisur drejt spitalit. Nuk dihen shkaqet e kësaj ngjarje të rëndë, ndërsa policia ka shkuar në vendin e ngjarjes.
Ende nuk ka asnjë njoftim nga policia për këtë ngjarje.
Kjo është ngjarja e tretë kriminale Brenda 12 orësh në Tiranë.
Mbrëmë u vra me armë një vajzë e mitur vetëm 13 vjeçe me plumbë në bark në banesën e saj. Pak më Vonë u ther me thikë një burrë po në Tiranë.
Holti Hajdari jetonte i vetëm në banesë, dhe punonte në një lavazho në kryeqytet. Babai i tij jetonte në Greqi, ndërsa nëna ka ndërruar jetë pak kohë më parë.
Mësohet se sherri ka nisur që në banesë për të vijuar më pas gjatë gjithë rrugicës së banesës, ku dëshmitarë shprehen se kanë dëgjuar dhe të bërtiturat.
Një prej banorëve të lagjes dhe dëshmitar i vrasjes me thikë shprehet se në banesën e Holtit vinin shpesh të rinj që merrnin drogë, po sipas tij, vetë viktima nuk merrej me shitjen e lëndëve narkotike.
Banori tregon se, e ka gjetur Hajdarin të shtrirë në rrugicë, dhe saktëson se ambulanca ka vonuar me rreth një orë që të shkonte në vendngjarje. Dëshmitari shprehet se Holti i ka treguar se e ka plagosur i njëjti person si herën e shkuar.

Dy shenjat që tregojnë se keni mungesë të vitaminave esenciale

Mungesa e vitaminave dhe minerale ndodh atëherë kur trupit i mungojnë disa vitamina dhe minerale të caktuara.
Pavarësisht se cila vitaminë apo mineral ju mungon, edhe simptomat dhe shkaktarët dallojnë.
P.sh., mungesa e hekurit mund të shkaktohet nga humbja e gjakut në trup. Simptomat përfshijnë lëkurë më të verdhë dhe lodhje e madhe.
Në anën tjetër, mungesa e vitaminës B12 mund të shkaktohet kur nuk merrni shumë vitaminë B12 përmes ushqimit. Simptomat përfshijnë lodhje dhe dhimbje koke.
Sidoqoftë, nëse e përjetoni ndonjërën prej simptomave të mëposhtme, atëherë mund të jetë shenjë e mungesës së mineraleve apo vitaminave.
Ulcerat e gojës
Ulcerat e gojës mund të jenë të ndërlidhura me mungesë të hekurit apo vitaminave B, siç është B1, B2, B6 dhe B12.
Kjo mund të rregullohet duke përfshirë më shumë hekur dhe vitamina B në dietë.
Ushqimet që janë të pasura me hekur janë mishi, produktet arrore, perimet, etj.
Ndërkaq ushqimet që janë burim i mirë i vitaminave B janë peshku, mishi, qumështi, produktet e bulmetit, veza, farat, produktet arrore, etj.
Rënia e flokëve
Rënia e flokëve mund të shkaktohet nga mungesa në shumë vitamina dhe minerale, siç është hekuri, zinku, vitamina B3 dhe vitamina B7.
Burime të mira të zinkut janë mishi, produktet e bulmetit dhe buka.
Vitamina B3 mund të gjendet në mish, peshk, vezë dhe qumësht.

“Kam lejen e kryeministrit”, nis ndërtimi i HEC-it në lumin Cem, banorët në revoltë

Qeveria shqiptare ka miratuar ndërtimin e 4 hidrocentraleve në Malësinë e Madhe. Fax News ka udhëtuar ditën e sotme në zonën e Vermoshit. Në brigjet e lumit Cem, qeveria shqiptare ka miratuar ndërtimin e 4 hidrocentraleve dhe kjo ka krijuar polemika te banorët e Malësisë së Madhe të cilët e konsiderojnë këtë një pasuri e cila nuk duhet të cënohet.
Në një intervistë për Fax News, Kujtim Gjelaj, të cilit i është zënë prona nga ndërtimet që vazhdojnë çdo ditë, shprehet se askush nga komuniteti nuk është pyetur për ndërtimin e HEC-eve. Sipas tij ndërtimi i HEC-ve mbi lumin Cem do ta kthejë zonën në një zonë të vdekur.
“Ndërtimi i këtij HEC-i ka filluar qysh në muajin prill dhe askush nga komuniteti nuk ka qenë aspak në dijeni për ndërtimin e këtij HEC-i.
Banorët e Kelmendit janë shumë të shqetësuar sepsepo u ikën pasurioa më e madhe që ka falur zoti në këtë vend. Që nga fillimi kur kanë ardhur për të ndërtuar HEC-t ne nuk kemi ditur asgjë. Të themi të drejtën këtu nuk ka asnjë tabelë që të informojë se po ndërtohet. Vetëm kur kanë zbarkuar më skavatorë kemi pyetur se çfarë po ndodh.
Kjo pronë është e imja, e trashëguar prej disa vitesh. Njoftova policinë dhe sapo njoftova policinë më shoqëruan në Komisariat pasi ndalova punimet. U përballëm me organet kompetente dhe tregova dokumentat dhe ato më thanë se nuk është e jotja.
Më pas erdhi dhe presidenti i firmë ndërtuese dhe më tha unë kam lejen e kryeministrit. Ata nuk pyesin dhe më thanë nëse u del para mund të dënohesh me disa muaj kundër. Me ndërtimin e këtij HEC-I kjo zonë do të jetë e vdekur. Lumi Cen i ka dhën gjithë bukurinë kësaj zonë.
Komuniteti është i bashkuar për t’i thënë jo ndërtimit të këtij HEC-i. Ka reaguar dhe një shoqatë nga Mali i Zi.
Do t’i drejtohesha qeverisë shqipatre se nëse ka prokurori dhe gjykatë të veprojnë sot sepse nesër është vonë. Hapni ambasadat dhe populli i Vermoshit të largohet nga ky vend”.
Nga ana tjetër dhe këshilli bashkiak i Malësisë së Madhe të majtë dhe të djathët janë kundër ndërtimit të këtij HEC-i.

Basha del nga Prokuroria: Ky regjim është drejt fundit, diktatura do të shkatërrohet

Kryetari i PD, Basha deklaroi pas daljes nga Prokuroria ku ai ishte thirrur pas padisë së bërë nga deputeti Balla se ky regjim ëhstë drejt fundit, ndaj dhe po përdor mjetet e fundit që janë kapja e shtetit. Basha lëshoi një mesazh të qartë për Ramën pas daljes nga Prokuroria ku u shpreh se “makinacionet e tij nuk na trembin dhe se ky nuk ëhstë fundi i opozitës, por fillimi i fundit të regjimit. Diktatura do të shkatërrohet”, tha Basha.
Basha deklaroi se thirrja e kreutr të opozitës për t’u paraqitur në prokurori, është fillimi i fundit të këtij rregjimi kriminal.
Mesazhi im për Ramën dhe veglat e tij është: PD, unë dhe shqiptarët, nuk shantazhohemi as impresionohemi nga makinacionet politike të shtetit privat të Edi Ramës, dhe jemi të vendosur të vazhdojnë betejën tonë…
Thirrja e kryetarit të opozitës në një regjim kriminal për t’u paraqitur në Prokurori, nuk është fundi i opozitës, por fillimi i fundit të regjimit kriminal. Nuk shantazhohemi, as unë dhe as shqiptarët.

Deklarata e plotë e kryetarit të PD, Basha
Dy deputetë të opozitës janë thirrur sot në Prokurori; deputeti Salianji, sepse është kallëzuar nga një trafikant i dënuar droge dhe unë i kallëzuar nga një politikan bandit i lidhur me krimin. Kur regjimet e korruptuara dhe të inkriminuara janë afër fundit, faza e fundit është përdorimi i shtetit me shpresën e dëshpëruar për të mbytur zërin e opozitës dhe për të shpëtuar pushtetin e tyre të inkriminuar. Thirrja e kryetarit të opozitës në një regjim kriminal për t’u paraqitur në Prokurori, nuk është fundi i opozitës, por fillimi i fundit të regjimit kriminal.
Ndaj sot kam një mesazh të qartë për Edi Ramën dhe veglat e tij qorre në shtet, media dhe kudo: Partia Demokratike, unë dhe shqiptarët e vendosur për të larguar krimin nga politika, as nuk trembemi, as nuk shantazhohemi dhe as nuk impresionohemi nga makinacionet politike të shtetit privat të Edi Ramës, por jemi të vendosur për të vazhduar deri në fund betejën tonë për çmontimin e këtij shteti privat dhe shkatërrimin e diktaturës mafioze.

Daçiç e pranon: SHBA ka bllokuar planin Thaçi-Vuçiç-Rama për ndarjen e Kosovës

Konfirmi i kësaj rradhe vjen nga vetë Serbia. Ministri i Jashtëm serb ka pranuar se plani I tyre për ndarjen e Kosovës i koordinuar me Thaçin e Ramën është bllokuar nga Shtetet e Bashkuara.
Ka kohë që Serbia ka nisur një fushatë për të bindur shtetet që e kanë njohur Kosovën, ta anulojnë vendimin për njohjen e pavarësisë. Ivica Daçiq ka thënë se qëllimi i tij është që numrin e njohjeve, nga 116 sa janë të regjistruara nga Kosova, ta cojë nën 96.
Por, Ivica Daçiq Zëvendëskryeministër dhe Ministër i Jashtëm i Serbis ka thënë në një emision televiziv në Serbi se Amerikanët i kanë kërkuar që ta ndalet kjo fushatë me arsyetimin se në këtë mënyrë pala serbe është duke punuar kundër dialogut me Kosovën.
“Amerikanët na kanë kërkuar që të mos u kërkojmë shteteve që ta tërheqin njohjen. Kjo ka ndodhur gjatë një takimi në Nju Jork ku isha me Kryeministren Ana Bërnabiq” ka thënë shefi i diplomacisë serbe.
Daçiq ka thënë se qëllimi i tij është që Kosova e cila ka të regjistruara 116 shtete që e kanë njohur të mos njihet nga shumica e shteteve anëtare të OKB’së. Pra, Serbia synon që ky numër të ulet nën 96, nga 192 shtetet anëtare të Kombeve të Bashkuara.

Bastet sportive/ Berisha: Gjithçka për Olsin dhe familjen mafioze Rama!

Mbyllja e pikave të basteve është gënjështër, pasi populli do të luajë 24 orë në 24 Online, ndërkohë që mbi 9 mijë persona do të mbeten pa punë. Kështu shkruan një qytetar I cili I është adresuar ish-Kryeministrit Berisha.
Berisha shkruan se, “gjithçka për Olsin dhe familjen mafioze Rama”.
Postimi i plotë i ish-Kryeministrit Berisha
Gjithçka për Olsin dhe familjen mafioze Rama!
Lexoni denoncimin e qytetarit dixhital. sb
pershendetje doktor dhe rrespekte..mar shkas tju shkruaj nga urdhri qe ka dhen drogaxhiu per mbylljen e pikave te bastit..9 mij te papune..ok kjo..po ky drogaxhi nuk do i mbylli genjen popullin po do ti bej ONLINE dmth qe populli mund te luaj 24 or ne 24 te ONLINE i olsi rames dhe gaz demit…ne 9 mij te papun dalim rrugve..rrespekte doktorr per ty dhe jam i sigurt qe ju sdo e benit ket gje…

Salianji: Prokurorët të bindur se rrjedha e hetimit ka ndryshuar me “pakon e mirë” që është marrë

Deputeti i Partisë Demokratike, Ervin Salianji ka dalë nga Prokuroria pak minuta më parë ku ka dhënë shpjegime lidhur me audiopërgjimin e Agron Xhafajt. Salianji deklaroi për mediat se, “unë besoj në Zot, tek Alizoti beson Edi Rama” duke aluduar për Fred Alizotin, të ashtuquajturin “aktori”.
Salianji ka dëshmuar për afro 2 orë në Prokurorinë e Krimeve të Rënda lidhur me audiopërgjimin pasi është vënë nën hetim. “Do viheni në dijeni për rrethanat, tha deputeti i PD, prokurorët ishin të qartë dhe pa asnjë dilemë për atë çështje.
Jam person nen hetim për shkak se Agron Xhafaj i burgosur më ka kallëzuar mua dhe gazetarin investigativ, ndërkohë që viktima kallëzuese nuk ka ardhur asnjëherë të pyetet apo të dëshmojë”, tha ai.
“Kryesisht u pyeta për videon e publikuar. Aty se isha thirrur përpara se ta publikja videon. Pyetjet ishin për publikimin e videos së tyre. Sapo të dalë nga dera, mund ti ketë nxjerr. Do viheni në dijeni të plotë për të gjithë rrethanat e kësaj çështje”, tha Salianji.
Zbardhja e përgjimeve, Alizoti: Po pres të vijë Taulanti tani
Deputeti Ervin Salianji zbardhi mbrëmë në emisionin “Të paekspozuarit” në News24 një pjesë të përgjimeve nga transkriptet e Prokurorisë që publikoi në “Facebook”. Salianji tha se është një pjesë e skandalit “Xhafaj gate”.
Në përgjimet e ‘imituesit’ të Agron Xhafajt sipas tij, Fredi Alizoti i thotë një mikut të tij se ka marrë një pako të mirë.
“Ka një evoluim të çështjes. Nuk bëhet më debati publik nëse ka qenë apo jo zëri i Agron Xhafajt.

Ne kemi publikuar nëj video, e keni parë që e kam nxjerrë gjatë një debati televiziv ku aktori i fabrikuar nga qeveria pranon që e merr Ard Veliu dhe Taulanti. Këto fakte dhe prova janë të njëjta me provat e prokurorisë. Faktohen dhe nga përgjimet që ka bërë vetë prokuroria e shtetit shqiptar.
Po ju them vetëm një pjesë të këtij skandali ‘Xhafaj gate’, skandalin më të madh në fabrikimin e provave për të mbrojtur një person që është vëllai i ministrit të brendshëm dhe vetë ministrin.
Alizoti me nr. tel 091 në fund thotë në datën 1.6.2018 në orën 5:20 dy apo 3 orë para se të vinte në prok flet me një mikun e tij dhe i thotë 5 min dhe vjen drejt i policisë së Fierit dhe i thotë mora një pako të mirë.
Unë jam person nën hetim dhe si person nën hetim mund të kem të gjitha provat. Këto janë dokumente zyrtare të Prokurorisë që kanë shkuar në gjykatë.
Prokuroria ka marrë disa mjete aty këtu për të mbajtur në detyrim paraqitje Jetmir Olldashin. Në datë 29 maj thuhet ‘ça do bëjmë me atë shokun nga Librazhdi’.
Dy ditë para 1 qershorit. Thotë më është ofruar një gjë e mirë nga një palë tjetër. ‘Taulanti nga Librazhdi’”, deklaroi Salianji.
I pyetur nga drejtuesi i emisionit Ylli Rakipi nëse bëhet fjalë për deputetin e PS, Taulant Balla, Salianji tha ‘më thoni një tjetër Taulant nga Librazhdi’.

Zbardhja e transkriptit të bisedës telefonike:
0682029700- numri i personit që merr në telefon
0676494091- Numri i telefonuesit që përgjigjet.
091: Alo.
771: Alo.
091: E vlla.
771: Hë mo vlla, ça bën ti.
091: Jam jam me një shok po pres, ca bën ti?
+700: Hiç vlla ja ka pak punë në Durrës.
091: O vlla.
+700: He?
+091: Fola edhe me Salen, kupton thashë mos të ngelet qefi të ha në besë kupton?
+700: Fol.
+091: E po pres të vi Taulanti tani.
+700: Kush?
+091: Taulanti, Taulanti.
+700: Cili?
+091: Taulanti, Taulanti.
+700: Krah i kundërt eee?

Si shpjegohet që Taulant Balla del në të gjitha episodet kriminale?!

Deputeti i PD, Enkelejd Alibeaj ka marrë pjesë i vetëm sot në Këshillin e Legjislacionit, që kishte thirrur në dëgjesë shoqërinë civile për nismën e Vetingut në politikë. Ai ka theksuar në fjalën e tij se, cilat ishin motivet e kësaj iniciative nga opozita dhe e ilustroi me shembuj: “Po si shpjegohet që përfaqësues të lartë të kësaj mazhorance, kryetari i Grupit parlamentar të këtyre, Taulant Balla, del në të gjitha episodet kriminale të muajve të fundit?! 4 apo 5!”
“Ajo që po them sot unë nuk është retorikë politike, tha Alibeaj, por ajo që po them dhe do të ngelet dhe në analet e këtij parlamenti, është motivi i vërtetë për të cilin ne kemi propozuar amendamentet kushtetuese. Mbi to do të gjykojnë zotërinjtë, motivet e vërteta. Se ndaj e keni thirrur shoqërinë civile.
Motivi është gjendja e rëndë e vendit sot e kapluarnga krimi, ku bandat kanë vendosur flamurin e zi të vdekjes në këtë vend. Pyetja është përse ky fenomen që nuk ka ndodhur në këto 30 vite, sot të lulëzojë. Ne besojmë dhe kemi prova se kjo ndodh vetëm për shkak të një motivi: Lidhjes së fortë të krimit të rrugës, të llumit, me politikën, me qeverinë, me kryeministrin. Dhe nuk është një sensibilitet yni i njëanshëm, partiak, por është publik. Bazuar në prova. Bazuar në fakte.
Po si shpjegohet që përfaqësues të lartë të kësaj mazhorance, kryetari i Grupit parlamentar të këtyre, Taulant Balla, del në të gjitha episodet kriminale të muajve të fundit?! 4 apo 5! Si shpjegohet që një deputet, kolegu i tyre, Çyrbja flet pa teklif me bandën e Shullazit? Si shpjegohet që i biri i një deputeti këtu, merr, dhunon, torturon, i mbrojtur nga i jati, një viktimë të pafajshme?! Janë të gjtiha këto elementë që publiksiht janë bërë të ditura që unë besoj se çdo shqiptar e bëjnë të mendojë se kjo situatë do një zgjidhje, se ka sjellë dëm të madh.

Trajtim special për politikanët nuk mund të ketë më!
“Veting politikanëve pa vonesë. Trajtim special për politikanët nuk mund të ketë më!” Këtë ka theksuar sot në Këshillin e Legjislacionit, deputeti demokrat Enkelejd Alibeaj, para përfaqësuesve të paktë të shoqërisë civile, që ishin thirrur nga Gramoz Ruçi për të konsoltuar iniciativën kushtetuese të opozitës për Vetingun e politikës. Alibeaj e theksoi ç’ka tha, nisur nga fakti se mazhoranca e kishte refuzuar tashmë Vetingun e politikës dhe ky takim me shoqërinë civile ishte një farsë, një teatër, për ta mohuar plotësisht nismën e opozitës.
“Para se te fillonte kjo mbledhje, tha Alibeaj, unë u njoftova se janë njoftuar 21 shoqata dhe janë vetëm 5 përfaqësues. Kjo tregon se ata kanë kuptuar, ata që nuk kanë ardhur, në këtë farsë, në skenë hipokrizie që është duke zhvilluar kjo godinë. Iniciativa që kemi marrë ne për Vetingun në politikë, ëprmbajtjen e të cilës e dinë i madh e i vogël, është një iniciativë që ka vetëm një zgjidhje të qasjes politike: pranohet ose jo, përballet ose hidhet në kosh të plehrave.
Ajo që ndodhi në seancën e parë ishte qëndrimi i mazhorancës që me gojën e kryeministrit u shpreh se nuk e pranon vetingun në politikë as në përmbajtje, as në frymë. Dhe pikëtishr atëherë ne kemi thenë se ky është një teatër hipokrizie që po zhvillohet nga komisioni i ligjeve dhe këshilli i legjislacionit. Ky mohim total i kësaj kërkese emergjente, ulëritëse, është për të blerë kohë. Mos e lejoni veten tuaj të përdoreni si fasadë e mohimit që po i bëhet nga këta, Vetingut politik”.

Eshtë koha ta mbrojmë Kosovën nga ndarja dhe shpërbërja e shtetformimit të saj!

Drejtuar:
Presidentit të Shteteve të Bashkuara të Amerikës, zotit Donald Trump
Kancelares së RF të Gjermanisë, zonjës Angela Merkel
Kryeministres së Britanisë së Madhe, zonjës Tereza May
Presdientit të Republikës së Francës, zotit Emmanuel Macron
Presidentit të Republikës së Shqipërisë, zotit Ilir Meta
Presidentit të Republikës së Kosovës, zotit Hashim Thacci
Kryeministrit të Republikës së Shqipërisë, zotit Edi Rama,
Kryeministrit të Republikës së Kosovës, zotit Ramush Haradinaj
Partive politike parlamentare shqiptare në Shqipëri, Kosovë, Maqedoni, Mal të Zi dhe Luginën e Preshevës
Memorandum
Eshtë koha ta mbrojmë Kosovën nga ndarja, copëtimi dhe shpërbërja e shtetformimit të saj!
Të nderuar shkelqësi!
Instituti i Studimeve të Europës Juglindore me qendër në Tiranë dhe në Prishtinë ju drejtohet me këtë memorandum për një çeshtje madhore e jetike, ruajtjen e sovranitetit dhe integritetit të Kosovës dhe rritjes së përpjekjeve për ta bërë atë anëtare të OKB-së dhe të gjitha organizatave ndërkombëtare!
Të shqetësuar për diskutimet e sotme lidhur me përmbylljen e dialogut të Prishtinës me Beogradin përmes ndarjes së Kosovës dhe në emër të korrigjimit të kufijve,
Të tronditur nga deklaratat dhe përpjekjet e vazhdueshme të përfaqësuesve politikë e shtetërorë në Beograd për të imponuar përfitime territoriale në Kosovë në emër të zgjidhjes së konfliktit shqiptaro-serb,
Të zhgënjyer nga qëndrimi i klasës politike të Kosovës dhe sidomos nga deklaratat e Presidentit të vendit, Hashim Thaçi, për kompromis të dhimbshëm me Serbinë duke i dhënë asaj pjesë të territorit të vendit,
Të keqardhur për deklaratat e papërgjegjshme të disa autoriteteve ndërkombëtare, sipas të cilëve në dialogun Prishtinë-Beograd “mund të diskutohet për mundësinë e korrigjimit të kufijve, nëse palët bien dakord”,
Ju drejtohemi ju me kërkesën tonë të bazuar në të drejtën ndërkombëtare dhe të drejtën sovrane të popullit e qytetarëve të Kosovës që t’i jepet fund diskutimit për opsionin e ndarjes së Kosovës dhe të mos mbështeten ide të tilla për disa arësye:

1. Kufijtë e Kosovës janë përcaktuar në periudhën e Jugosllavisë me vullnetin politik dhe jurodik të tri dhomave të legjislativit të asaj kohe, parlamentit të Jugosllavisë, parlamentit të Serbisë dhe parlamentit të Kosovës. Si të tillë këta kufij ishin element konstituiv i ish-Federatës Jugosllave, njësoj si kufijtë e shteteve të tjera ish-republika të dala nga shpërbërja e kësaj federate. Komisioni Ndërkombëtar i Banditerit i vitit 1992, kur miratoi njohjen e shteteve të reja ish-jugosllave, vendosi që këto shtete të njihen në kufijtë federativë. Kosova është shtet i pavarur si produkt i shpërbërjes së dhunshme të ish-Jugosllavisë.
2. Kosova është njohur nga 114 shtete të botës, përfshirë Shtetet e Bashkuara të Amerikës, 7 vendet më të industrializuara të botës dhe 23 vende anëtare të Bashkimit Europian në kufijtë aktualë të saj. Çdo ndryshim i këtyre kufijve do të thotë cënim i vullnetit politik të njohjes së këtyre vendeve. Theksojmë se Shtetet e Bashkuara të Amerikës, Britania e Madhe, Gjermania dhe vende të tjera të BE-së dhe NATO-s janë aktori kryesor i çlirimit të Kosovës nga sundimi mizor i Serbisë dhe sponsori kryesor i shtetësisë së saj. Çdo devijim ose korrigjim i kufijve cënon njëkohësisht mbrojtjen e investimit amerkiano-europian e të NATO-s për këtë vend.
3. Opsioni i ndarjes së Kosovës është refuzuar kategorikisht në dokumentin e Martti Ahtisaarit, mbi bazën e të cilit vendet e tjera më të fuqishme të botës kanë sponsorizuar krijimin dhe shtetndërtimin. Kushtetuta e Kosovës ndalon ndryshime në pakon Ahtisaari. Për pasojë shumica e politikanëve dhe e qytetarëve të vendit nuk do t’i pranojnë ndryshimet kushtetuese, me të cilat ndryshon edhe harta e Kosovës. Kjo do të thotë nxitje e luftës dhe konfliktit në këtë vend.
4. Ndryshimi i kufijve dhe ndarja e Kosovës dëmton rëndë interesat politike, ekonomike, strategjike dhe jetike të saj, por edhe të SHBA-ve, NATO-s dhe Bashkimit Europian. Në veriun e Kosovës, të cilën kërkon ta aneksojë Beogradi përmes marrëveshjes me zotin Thaçi, gjendën 90 përqind e rezervave të pasurive minerale, si dhe rezervat ujore me të cilat furnizohet më shumë se gjysma e Kosovës, përfshirë kryeqytetin e vendit, Prishtinën. Në veriun e Kosovës gjendet maja më e lartë e Ballkanit, nga ku kontrollohet i gjithë territori i gadishullit deri në Detin e Zi, Bosfor e madje Lindjen e Mesme. Në veriun e Kosovës gjendet pjesa më e madhe e gjigandit industrial, Trepçës. Të gjitha këto pasuri të llogaritura në 200 deri në 300 milardë dollarë rerzerva do t’i kalonin Serbisë. Qytetarët e Kosovës nuk do të pajtohen me këtë humbje katastrofike. Në vend që Serbia të dëmshpërblejë dëmet e jashtëzakonshme që i shkaktoi në luftën e fundit popullsisë së Kosovës, ajo dëshiron të marrë prej saj pasuritë më të mëdha të vendit.

5. Nndarja e Kosovës ishte gjithashtu opsion i Milosheviçit. SHBA-të dhe vendet e fuqishme të BE-së ishin aso kohe (para luftës) kundër këtij opsioni, prandaj dhe ndodhi bombardimi i caqeve ushtarake dhe policore të Serbisë nga NATO. Nëse do të ndodhte sot ndarja, atëherë kjo do të ishte fyerje e rëndë për humbjet e mëdha në luftë, përkatësisht për 16 mijë viktimat e dhunës dhe terrorit serb të Milosheviçit, për 20 mijë gra dhe vajza të përdhunuara nga ushtarët dhe policët serbë në Kosovë, për dëmet kolosale në pasuritë e tundshme e të patundshme të Kosovës, të cilat llogariten në mbi 20 miliardë dollarë amerikanë. Çdo devijim nga politika e atëhershme për respektimin e tërësisë territoriale të Kosovës është e do të jetë goditje e rëndë dhe me pasoja të pariparueshme për fatin e Kosovës.
6. Projekti i tjetërsimit të territorit të Kosovës dhe ndarjes së tij është hartuar në Beograd dhe mbështetur nga Moska. Ne konsiderojmë se me ndarjen e saj Rusia dhe Serbia llogarisin në zhbërjen e shtetit të Kosovës. Kjo do të thotë që ajo të bashkohet me Shqipërinë . Me bashkimin e Kosovës me Shqipërinë Serbia legjitimohet të kërkojë krijimin e federatës serbo – boshnjake. Për pasojë Rusia do të ndërtojë baza ushtarake antieuropiane në territorin e Republikës Srpska. Shtetet e Bashkuara të Amerikës dhe vendet e Bashkimit Europian nuk mund të lejojnë që Serbia dhe Rusia të shtrijnë influencën politike dhe ushtarake në Serbi dhe Republikën Srpska, e cila posedon një rrip të ngushtë të Bregdetit Adriatik. Kjo do të ishte një goditje e rëndë e paqes, sigurisë dhe stabilitetit ballkanik e europian.
7. Efektet e ndryshimit të kufijve të Kosovës do të shtrihen në Maqedoni, Serbi, Mal të Zi, Bullgari, Rumani, Sllovaki dhe Greqi, vende të cilat kane konflikte dhe probleme etnike të shumta me fqinjët. Ndarja e Kosovës do të përdoret nga Moska si formulë e modelit të ndarjes së Ukrainës, Moldavisë, Lutuanisë, Letonisë dhe do të legjitimojë aneksimin prej saj të Krimesë. Përfundimisht do të ndodhë një zingjir konfliktesh etnike. Në këtë pikëpamje ndarja e Kosovës shndërrohet në precedent, ndërkohë që pavarësia e saj ishte rrjedhë logjike e shpërbërjes së ish-Jugosllavisë dhe dhunës së Serbisë ndaj shqiptarëve.
Shqiptarët nuk duhet të bëhen pjesë e këtyre projekteve. Ata janë pozicionuar tashmë qartë si aleatë të besueshëm e të pakontestueshëm të SHBA-ve, NATO-s dhe BE-së e për pasojë nuk duan të krijohen precedente të reja, të cilat bëhen shkak për konflikte të reja në rajon.

8. Në Serbi, Shqipëri dhe në Kosovë ideja e ndarjes mbështetet nga oligarkët e korruptuar, të përfaqësuar përkatësisht nga presidenti i Serbisë, Aleksandër Vuçiq, kryeministri i Shqipërisë, Edi Rama dhe nga presidenti i Kosovës, Hashim Thaçi. Ndarja e Kosovës është vullnet politik i këtyre tre oligarkëve, të cilët për arësye të dyshimta bashkëpunojnë me oligarkë të tjerë të lindjes. Këta të tre janë në lidhje të ngushta me ish-bashkëpunëtorët e Milosheviçit.
Shtetet e Bashkuara të Amerikës dhe Bashkimi Europian duhet të kontribuojnë për ndërtimin e shtetit të së drejtës në këto vende dhe në vende të tjera të rajonit. Nuk duhen marrë për asnjë cast në konsideratë idetë dhe pikëpamjet e udhëheqësve të korruptuar dhe oligarkë të Serbisë, Shqipërisë dhe Kosovës, sepse ato nuk i hapin rrugë perspektivës së zhvillimit të këtyre vendeve dhe të rajonit në paqe, stabilitet e siguri. Ndërkohë ndryshimi i kufijve dhe ndarja e Kosovës ka si qëllim zgjerimin e tregut të oligarkëve në pushtet në Shqipëri, Kosovë e Serbi e deri në Turqi e Rusi. Ujdia për këtë do të jetë thjesht një ujdi interesash për pastrimin dhe investimin e parave të pista reciprokisht në këto vende. Beogradi e ka stil të tij joshjen financiare dhe materiale të politikanëve shqiptarë e të tjerë. SHBA-të dhe vendet e fuqishme të BE-së, sidomos Gjermania, Britania e Madhe e Austria, si aleatë të sigurt e të përhershëm të shqiptarëve, si kontributorë e sponsorë të paqes, demokracisë dhe të së drejtës, duhet ta ndalojnë këtë proces.
9. Eshtë e vërtetë se Kosova nuk është anëtare e NATO-s, por NATO është në Kosovë. Për pasojë Kosova duhet konsideruar si pjesë e Aleancës së Atlantikut e të trajtohet sa i përket territorit njësoj si vendet anëtare të kësaj Aleance. Ndaj çdo tentativë e ndryshimit të kufijve të këtij vendi do të ulë imazhin e NATO-s dhe BE-së në sytë e opinionit ndërkombëtar, si dhe do të lëkundë besimin e banorëve të saj në këta faktorë dhe aktorë të fuqishëm e përcaktues gjeopolitikë në botë. Çdo lëshim për ndryshim të kufijve ose cënim të shtetësisë së Kosovës përmes krijimit të një shteti serb në territorin e saj do të lexohet si dobësi e politikës dhe diplomacisë amerikane e europiane dhe kjo do të shfrytëzohet për përfitime nga kundërshtarët e tyre në pikëpamje strategjike dhe nga iligarkët në pushtet.
10. Nëse ndahet Veriu i Kosovës me vetëm 30 mijë serbë banorë të tij, atëherë askush nuk do të ketë të drejtë të ndalojë ndarjen e Maqedonisë me 700 mijë shqiptarë banorë të saj. Nuk mund të ndalet ndarja e Serbisë me 60 mijë shqiptarë në Luginën e Preshevës, dhe pakica të tjera në Vojvodinë e Sanxhak, ndarja e Greqisë me qindramijë shqiptarë banorë të saj në Çamëri, ndarjen e Malit të Zi po me gati 50 mijë shqiptarë si banorë autoktonë në vazhdimësinë e kufirit me Shqipërinë. Me ndarjen e Kosovës asgjë nuk do të jetë më si më parë as për shqiptarët në Ballkan. Kjo do të thotë konflikt dhe luftë midis popujve të Ballkanit.

Ndarja e veriut të Kosovës do të shkaktonte vale dhune kundër serbëve ne enklava në brendësi të vendit, sepse shqiptarët do t’i shihnin ata si rrezik permanent për larine, pavarësinë dhe sovranitetin e vendit. Ndarja e Kosovës do të çontë në krijimin e shteteve të pastra etnike. Kjo lëvizje do të krijojë konflikte të panumërta në Europë dhe në të gjitha kontinentet e tjera. SHBA-të dhe BE, së bashku me NATO-n, janë të fuqishme ta parandalojnë këtë.
11. Nëse fillon procesi i ndarjes së Kosovës, parlamenti i tij nuk do ta ratifikojë një marrëveshje të tillë. Ndërkohë në Kosovë do të fillonte një lëvizje e fuqishme popullore antiserbe, me kërkesën që Serbia të zhdëmtojë Kosovën për krimet e dëmet e shumta në luftërat e mizoritë e saj të para 20 viteve. Familjet e mbi 1600 të pagjeturve, të cilët janë marrë të gjallë dhe asgjësuar në Serbi dhe të cilëve u janë marrë organet e brendshme për transplante, do të shpërthenin në një revoltë legjitime të tyre në mbrojtje të sovranitetit shtetëror. Kësaj mase të madhe njerëzish do t’i bashkoheshin të gjithë qytetarët e Kosovës dhe marrëveshja do të mbetet një relike me shije të keqe. Aktualisht të gjitha forcat politike në Kosovë, si dhe kryeministri dhe kryetari i parlamentit të vendit janë kundër idesë së zotit Vuçiq, zotit Rama dhe zotit Thaçi për të ashtuquajturën “korrigjim të kufijve”!
Në këto kushte i bëjmë thirrje SHBA-ve, RF e Gjermanisë, Mbretërisë së Bashkuar, Austrisë dhe vendeve të tjera të Bashkimit Europian e të NATO-s të shtojnë presionin mbi Beogradin që ta pranojë Kosovën si shtet të pavarur e sovran dhe të kërkojë ndjesë për krimet e paimagjinueshme që Serbia ka bërë kundër shqiptarëve, pa diskutuar në dialog për territoret e saj. Ndërkohë që i bëjmë thirrje lidershipit politik në Kosovë të kompaktësojë veprimet e qëndrimet e veta si dhe të garantojë komunitetin ndërkombëtar për respektimin e lirive dhe të drejtave themelore të pakicave përfshirë serbët në Kosovë. Autoritetet shtetërore dhe politike shqiptare në Shqipëri, Kosovë e kudo në Ballkan duhet të distancohen dhe bëjnë presion të parandalojnë një katastrofë të re në hapësirën shqiptare e në Ballkan. Shqiptarët kanë dhe do të kenë dobi, prosperitet dhe zhvillim vetëm në kushtet e paqes, harmonisë me veten e me fqinjët si dhe në aleancë me NATO-n, BE-në dhe SHBA-të!
Instituti i Studimeve të Europës Juglindore
Tiranë, Prishtinë, 12.10.2018

1...5 3415 3425 343...8 382Faqja 5 342 nga 8 382

Kryesore

Continue to the category
Më shumë
© 2024 Rilindja Demokratike Euroatlantike