Kryetari i grupit parlamentar të PS, Taulant Balla u ka kërkuar socialistëve të Librazhdit që të sulmojnë sa më shumë deputetin e PD, Ervin Salianji.
“Vëlla, është porosi nga Taulanti. Fol edhe me grupin dhe futuni tani urgjent se pastaj e ha unë”, shkruhet në mesazhin dërguar socialistëve të Librazhdit.
“E kemi porosi nga shefi që të futemi të gjithë te statuset dhe postet e Salianjit dh eta degjenerojmë fare.
Folë edhe me grupin e Librazhdit dhe futuni të gjithë me komente vlla”, shkruhet në një nga mesazhet që militant i PS i shkruan një tjetri militant.
Urdhëri i Ballës është lëshuar menjëherë sapo Salianji publikoi video-skandalin të martën në “Opinion” ku rrëfehet dëshmitari kyç i Prokurorisë, Alizoti që pretendon se ka qenë ai njeriu që ka imituar zërin e Agron Xhafës.
Në atë video të shkurtër prej katër minutash, Fred Alizoti tregon se si Drejtori i Policisë e ka marrë thuajse peng dhe e ka çuar me makinën e tij në Prokurorinë e Krimeve të Rënda për të dëshmuar nën presion dhe joshje për të deklaruar se zëri në përgjimin e Babales ishte i tiji dhe jo i Agron Xhafës.

Alizoti tregon se në derën e Prokurorisë e ka pritur Kryetari i grupit parlamentar të PS, Taulant Balla dhe e ka shoqëruar në ambjentet e Prokurorisë duke i kërkuar që të kalojë në anën e tyre se do ti jepnin para dhe do ta dërgonin jashtë vendit.
Në pamjet e transmetuara, Alizoti nuk e di se po regjistrohet thotë se është marrë në makinë nga Drejtori i Policisë së Shtetit Ardi Veliu dhe është dërguar në Prokurorinë e Krimeve të Rënda në mënyrë që të pranojë versionin që i shkon për shtat mazhorancës.
“Je me ne apo me ata”, i ka thënë Veliu, Fredi Alizotit. Ky i fundit thotë se e ka takuar edhe Taulant Balla me 2 persona të tjerë.
Ai rrëfen se si po i bëhej presion që të pranonte se ishte ai që kishte folur si Agron Xhafaj në bisedën me Babalen.
Në rrëfimin e tij Alizoti phon se ai nuk dinte asgjë në lidhje me përgjimin që i ishte bërë Xhafës nga babalja dhe se si ishte realizuar. Alizoti thotë se atë e kiishte marrë në shtëpinë e tij Drejtori i policisë bashkë me shoferin e vet. “Ka qenë ora 8 e darkës kur erdhën bashkë dhe më morën.
Më çuan në Prokurorinë e Krimeve të Rënda dhe kërkuan që të pranoja se zëri në inçizim ishte i imi. Aty ishte edhe Taulant Balla”, tregon Alizoti në rrëfimin e tij në videon e transmetuar në “Opinion”.

Deputeti i Partisë Demokratike, Ervin Salianji ka publikuar disa dokumenta në studion e emisionit “Opinion”. Ai tha se, pas hetimeve të prokurorisë për audio përgjimin mes Babales dhe Agron Xhafajt qëndron në fakt vetë ministri i Brendshëm Fatmir Xhafaj.
Sipas Salianjit, zërin e Geron apo Agron Xhafajt e kanë marrë ekspertë të policisë shkencore që varen nga Ministria e Brendshme. Salianji tha se, edhe prokurori Gentian Osmani ka kërkuar që për analizën ta merren specialistë të policisë kriminale.
“Edhe tablatet telefonike i ka zbardhur Ministria e Brendshme. Vartësit e Fatmir Xhafajt kanë marrë kampionin e zërit të Agron Xhafës si dhe kanë zbardhur përgjimet e Babales dhe të miat”, tha Salianji duke theksuar se bëhet fjalë për një konflikt të pastër interesi.
Deputeti demokrat ka akuzuar shefen e Prokurorisë së Krimeve të Rënda, Donika Prela se ka shmangur shortin dhe ka caktuar prokurorin Gentian Osmani me urdhër të ndjekë këtë çështje. Salianji tha se, në dojen hetimore gjenden vërtetimet e gjendjes gjyqësore të Albert Veliut dhe Agron Xhafajt, të dyja me të njëjtën datë dhe me të njëjtin numër protokolli, por njëra është shkruar me germa kapitale kompjuteri ndërsa tjetar me shkrim dore.

Deputeti demokrat, Ervin Salianji i në emisionin “Opinion” publikoi disa dokumente, sipas të cilave, Kryeprokurorja Arta Marku ka mbajtur qëndrime krejt kontradiktore lidhur me çështjen “Babale”. Salianji kujton se, në komisionin e ligjeve në korrik të këtij viti, e pyetur mbi çështjen Kryeprokurorja ishte shprehur se, nuk kishte tagër për të ndërhyrë në çështje konkrete. “Shpjegimi është i njëjtë si në pyetjen e parë, nuk kam tagër ligjor të kem informacion për çështje konkrete”, ka thënë Marku në Komsionin Ligjor e pyetur për çështjen “Babale”.
Deputeti i PD-së, Salianji ka zbuluar një dokument të cilit në maj të po këtij viti, Marku kërkon informacion lidhur me çështjen e Audio-përgjimit.
“Implikojmë ministrin e Brendshëm në manipulimin e provave për të shpëtuar vëllain e vet. Këtu kemi Arta Markun, shkresë zyrtare, e kan pyetur kolegë të mi dhe kanë qenë në komisionin e ligjeve. Keni dijeni e kanë pyetur edhe gazetarë. Keni dijeni për hetimin e Geron Xhafajt.
Ka thënë se Prokurorja e Përgjithshme për shkak të tagrave ligjore nuk ndërhyn në asnjë çështje. Prokuroria e Përgjithshme dhe Prokurorja e Përgjithshme për shkak të ndryshimeve në dispozitat ligjore, nuk ka tagër dhe nuk ndërhyn në hetime të perveçme. Nuk ndërhyn ka qenë përgjigjia e Prokurores së përgjithshme të Përkohshme që nuk po i mbaron përkohshmëria.
Në datën 17/5, Arta Marku kërkon informacion konkret për këtë çështje. Unë po them se çfarë thotë Arta Marku në Komision të Ligjeve dhe çfarë thotë në shkresë. Unë po ju ndaj vetëm dokumentat nuk po mbaj qëndrimet e mija sot. Pse i duhet prokurorit informacion për trajtimin e çështjes”, tha Salianji.

Një tjetër gomone me droge e trafikuar nga Shqipëria drejt Italisë është sekuestruar sot në ujrat e detit Adriatik.
352 kilogramë marihuanë të ndara në 222 pako u konfiskuan nga Guardia di Finanza, gjatë një shërbimi patrullues, raportojnë mediat italiane.
Sipas Financës Italiane droga e kapur mund t’i sillte organizatave kriminale një vlerë përfitimi prej mbi 3 milionë euro
Në pranga është vënë skafisti, një 41 vjecar italian banues në qytetin e Lecces. Prej janarit të 2018 e deri më sot, në Adriatik, janë sekuestruar 17 mjete lundruese me drogë, 17 tonë marijuanë e janë vënë në pranga 40 skafistë.
Operacioni është kryer në bashkëpunim me reparitin e Financës italiane pozicionuar në portin e Durrësit.