Deputeti i PD, Agrpon Shehaj ka abërthyer një pjesë të planit politik të Ramës, Arta Markut dhe Fatmir Xhafës kundër opozitës. Shehaj thotë se sipas këtij plani ishte planifikuar arrestimi sot i deputetit Salianji me akuza të fabrikuara dhe dëshmitar të rremë. Kemi të bëjmë me një konstatim të rëndë të deputetit Shehaj po të kemi parasysh se deri ku mund të arrijë Prokuroria politike nën urdhrat e Ramës dhe Fatmir Xhafës.
“Në Shqipëri është vendosur de facto diktatura, sepse vetëm në diktaturë shteti burgos kundërshtarët politikë përmes proceseve të montuara”, shprehet Shehaj në një postim në rrjetet sociale.
Postimi i plotë i Agron Shehajt
Plani i qeverisë për të burgosur një Deputet të Opozitës dhe një Gazetar.
Për t’u mbrojtur nga akuzat e rënda për lidhjet e qeverisë me krimin, policia e FatmirXhafajt dhe prokuroria fabrikuan prova për të burgosur një Deputet të opozitës dhe një Gazetar.
Nëse nuk do kishte patur provë për të zbuluar fabrikimin e policisë dhe prokurorisë, sot Ervin Salianji do të ishte në burg.
Në Shqipëri është vendosur de facto diktatura, sepse vetëm në diktaturë shteti burgos kundërshtarët politikë përmes proceseve të montuara.

Deputeti Salianji paraqitur të martën në “Opinion” një video skandaloze në të cilën rrëfehet dëshmitari kyç i Prokurorisë që pretendon se ka qenë ai njeriu që ka imituar zërin e Agron Xhafës.
Në atë video të shkurtër prej katër minutash, Fred Alizoti tregon se si Drejtori i Policisë e ka marrë thuajse peng dhe e ka çuar me makinën e tij në Prokurorinë e Krimeve të Rënda për të dëshmuar nën presion dhe joshje për të deklaruar se zëri në përgjimin e Babales ishte i tiji dhe jo i Agron Xhafës.
Alizoti tregon se në derën e Prokurorisë e ka pritur Kryetari i grupit parlamentar të PS, Taulant Ballad he e ka shoqëruar në ambjentet e Prokurorisë duke i kërkuar që të kalojë në anën e tyre se do ti jepnin para dhe do ta dërgonin jashtë vendit.
Në pamjet e transmetuara, Alizoti nuk e di se po regjistrohet thotë se është marrë në makinë nga Drejtori i Policisë së Shtetit Ardi Veliu dhe është dërguar në Prokurorinë e Krimeve të Rënda në mënyrë që të pranojë versionin që i shkon për shtat mazhorancës.
“Je me ne apo me ata”, i ka thënë Veliu, Fredi Alizotit. Ky i fundit thotë se e ka takuar edhe Taulant Balla me 2 persona të tjerë.

Ai rrëfen se si po i bëhej presion që të pranonte se ishte ai që kishte folur si Agron Xhafaj në bisedën me Babalen.
Në rrëfimin e tij Alizoti phon se ai nuk dinte asgjë në lidhje me përgjimin që i ishte bërë Xhafës nga babalja dhe se si ishte realizuar. Alizoti thotë se atë e kiishte marrë në shtëpinë e tij Drejtori i policisë bashkë me shoferin e vet. “Ka qenë ora 8 e darkës kur erdhën bahskë dhe më morën.
Më çuan në Prokurorinë e Krimeve të Rënda dhe kërkuan që të pranoja se zëri në inçizim ishte i imi”, tregon Alizoti në rrëfimin e tij në videon e transmetuar në “opinion”.
Pasi deputeti i PD Salianji nxori video qe dogji dhe përvëloi dëshmitarin e prokurorisë që mbronte Agron Xhafën duke thënë se atij i kishte bërë presion drejtori policisë Ardi Veliu, në vend që të kuptonin se si ishte manipuluar hetimi, Nano dhe Vangjeli u hakërryen me sharje dhe ofendime për opozitën duke e braktisur rrolin e gazetarit që kërkon të vërtetën dhe duke marrë rrolin e militantit.
Në vënd që të pyesnin se si qe e mundur qe personi ku prokuroria kishte mbështetur gjithë akuzën fallco dilte në këtë mënyrë, ata u hodhën me sulme personale ndaj Salianjisit me fjalët më fyese dhe duke e parë si mjerimin e opozitës.

“Prokuroria ka fabrikuar prova dhe është përdorur si grup kriminal për të fabrikuar prova”. Këtë përgjigje dha deputeti Ervin Salianji mbrëmjen e sotme në ABC News sa i përket audio përgjimit të publikuar mbrëmjen e djeshme në emisionin “Opinion” të Blendi Feziut në Tv Klan.
“Unë nuk e njoh, më ka ardhur si fytyrë në një audio të caktuar që nuk e kam marrë seriozisht, se nuk e mendoja kurrë që shteti do kalonte në fabrikimin e një prove”, theksoi ai.
I pyetur se kush e ka bërë përgjimin e Alizotit, Salianji u përgjigj se, për këtë do të flasë në Prokurori të premten.
Milori: Pse e bëtë përgjimin e Alizotit?
Salianji: Nuk kam bërë asnjë përgjim.
Milori: Kush e ka bërë përgjimin?
Salianji: Nuk kam dijeni dhe ato që di do t’ia bëj të ditur Prokurorisë të premten.
Deputeti demokrat theksoi se, nuk i beson Alizotit nën kërcënim, por i beson atij në gjendje të lirë.
“Nëse Prokuroria beson variantin e parë duhet të besojë edhe të dytin, nëse ky është i pabesueshëm për njërën palë është i pabesueshëm edhe për palën tjetër.
Unë Alizotin nuk besoj kur ka shkuar në prokurori nga këta persona, por e besoj Alizotin në gjendje të lirë. Nëse jemi te kallëzimi i rremë Prokuroria e Krimeve të Rënda nuk duhet të bënte deklarim, por hetim për Ardi Veliun, Ballën dhe ballafaqimin mes këtyre personazheve”. /abcnews.al.

Banorët e Laprakës kanë protestuar për të ndaluar prishjen e fushës sportive në zonën ku ata banojnë. Ata i kanë dalë sot para mjeteve të rënda që ishin afruar pranë kësaj fushe për ta shkatërruar. Ata kanë thënë se se do të qëndrojnë aty dhe nuk do të lejojnë shkatërrimin e saj.
Ndërkohë zëdhënësja e Partisë Demokratike Ina Zhupa në disa pamje të publikuara në rrjetet sociale shihet debati i ashpër i banorëve me deputetin e maxhorancës për fushën sportive. Manja u thotë se edhe si është i shqetësuar për fushën, por merr përgjigje të prerë nga banorët se po të ishte i shqetësuar e rregullon fushën dhe largon fadromat.
Banorët e zonës së Laprakës janë alarmuar sot pas lajmit të prishjes të së vetmes fushë që kanë në këtë zonë. Banorët janë shprehur për Fax News se Veliaj para tre vitesh premtoi rregullimin e kësaj fushe, ndërsa sot një ndërtues do bëjë një pallat.
“Jam banor i vjetër këtu që nga viti 90. Pra lozim futboll në kët fushë. Përpara 3 vjetësh kryetari i Bashkisë është shprehur për rritjen mirëmbajtjen e ambjenteve për fëmijët. Tani na vjen një ndërtues që do vijnë do ndërtojnë pallate. Kërkojmë nga bashkia të marrin masa për ndalimin e ndërtimit në të vetmën fushë që disponojnë. Këtu gratë e moshuara bëjnë stërvitje. Besoj se do na ndihmojnë që të jetë një zgjidhje e drejtë për ne”, tha ai.
Një tjetër banor tha se nuk janë njoftuar për fushë tjetër dhe që e mban mend që nga viti 1963.I indinjuar ai shprehet se është e padrejtë që po e shndërrojnë kryeqytetin në beton.
“Jam banor i vjetër e mbaj mend këtë fushë që në vitin 1963. E mora vesh që do prishet dhe erdhëm të protestojmë të mbrojmë fushën. Do bëjmë rezistencë. Po e bëjnë Tiranën beton”, theksoi ai duke mos kursyer akuzat për Veliajnë.

Avokati i gazetarit Jetmir Olldashi, Indrit Sefa ka deklaruar se akuzat e prokurorisë për klientin e tij për “kallëzim të rremë” nuk qëndrojnë pasi regjistrimi është bërë në tetor dhe jo në janar siç pretendon prokuroria.
Sefa, i ftuar në “Fax News” tha se Fredi Alizoti nuk është i besueshëm dhe se akuza ndaj klientit të tij është e paligjshme. Ai thotë se deklarata e drejtorit të policisë Ardi Veliu se Fredi Alizoti është shoqëruar nga policia e Fierit nuk qëndron. Sipas tij nuk ka asnjë urdhër në dosje për shoqërimin e Fredi Alizotit.
“Fredi Alizoti nuk ka të qarta rrethanat, pretendon se regjistrimi është bërë në muajin janar, ndërkohë regjistrimi është bërë në 24 tetor. Është e faktuar, Jetmir Olldashi ka qenë më 24 tetor në Vlorë dhe prokuroria e pranon. Prokuroria ka një variant të saj, thotë që zoti Olldashi nuk arriti të bëjë regjistrimin në datë 24 tetor të 2017 kur ka qenë pjesë e investigimit, këtë fakt e ka përmendur publikisht në media edhe zoti Olldashi që në momentin e bërjes së bisedës mes Babales dhe Agrin Xhafës në lokal nuk ka qenë prezentë, por e ka pajisur Babalen me një stilolaps”, tha ai.
“Është e provuar katërçipërisht që zoti Olldashi nuk ka qenë në janar në Vlorë. Është e provuar edhe nga tabulatet, pra akuza për kallëzim të rremë nga prokuroria është se regjistrimi i sjellë nga Partia Demokratike, nuk është ai që është zhvilluar në 24 tetor të 2017 por është biseda e regjistruar nga Albert Veliu dhe Fredi Alizoti në janar, por në janar Jetmir Olldashi nuk ka qenë në Vlorë”, shtoi Sefa.

Ai tha se Prokuroria nuk e ka kërkuar CD-në origjinale që Jetmir Olldashi i ka dhënë deputetit Ervin Salianji, por ka kërkuar vetëm atë që ka publikuar PD dhe jo edhe materialin e publikuar të plotë në emisionin “Ajsberg” në “Fax News” ku sipas tij implikoheshin edhe persona të tjerë.
“Prokuroria nuk e ka kërkuar diskun që Jetmir Olldashi i ka dhënë Ervin Salianjit, por vetëm atë që ka publikuar PD, por në investigimin e plotë të transmetuar në ‘Ajsberg’ në “Fax News” ka dhe vepra të tjera penale”, tha ai.
Sefa u shpreh se Fredi Alizotin, ose duhet ta besojmë ose jo, nëse besohet atëherë duhet të shoqërohet Ardi Veliu dhe Taulant Balla.
“O do ta besojmë Fredi Alizotin në të gjitha deklaratat e tij, o nuk do ta besojmë, e vendos prokuroria, nëse do ta besojmë, të shoqërohet drejtori i policisë, të shoqërohet Taulant Balla, të gjithë personat që përmendet, ne jemi dakord, ne do pranojmë të gjithë deklarimin që ka dhënë Fredi Alizoti në Prokurori, por të pranojmë edhe deklarimet në video”, u shpreh avokati.

Deputeti i PD, Enkelejd Alibeaj shprehet se përfaqësuesit e shtetit janë të zhytur në krim. I ftuar në rubrikën ‘Opinion’, Alibeaj ka komentuar versionet e Fredi Alizotit në lidhje me çështjen e audio përgjimit që pretendohet se shfaqet vëllai i ministrit Fatmir Xhafaj në trafik droge.
Pavarësisht se Prokuroria pretendon se, zëri në audio përgjim është i Fredi Alizotit dhe jo i Agron Xhafës, deputeti i PD ka hedhur akuza edhe në drejtim të kryeprokurores Arta Marku.
“Përfaqësues të shtetit janë zhytur në krim. Pra ka dy versione të Fredi Alizotit në këtë histori. Historia nuk fillon tek Alizoti por nis kur doli video përgjimi i Albert Veliut që tregoi trafikun e drogës të vëllait të ministrit Xhafaj. Xhafaj duhet t’i nënshtrohej ligjit anti-mafia. Alternativa tjetër është të shkatërronte sistemin dhe të krijonte alibi. Qeveria krijon alibi përmes Prokurorisë. Arta Marku është celulë kriminale e PS. Ekspertiza britanike ka thënë se zëri është i ngjashëm me atë të Agron Xhafajt. Ata e kanë çuar materialin për ekspertizë me cilësi të dobët”- tha Alibeaj.
Deputeti i PD, Enkelejd Albeaj tha se, Qeveria ka dërguar Ardi Veliun dhe Taulant Ballën për presion ndaj Alizotit.
“Ata kanë çuar drejtorin e përgjithshëm të policisë, Ardi Veliu dhe Taulant Ballën, i cili del kudo për presion ndaj Alizotit. Balla figura kryesore e krimit në qeveri. Këta joshën Alizotin me para duke ia servirur Prokurorisë. Rama pranoi që ka krijuar prova për këtë çështje. Prokuroria kishte në dorë vetwm një provë. Pra vetëm Alizotin që akuzon për kallëzim të rremë. Rama tha se, kam krijuar një strukturë private që të më bindin. E bëra, tha, unë ekspertizën. Nuk ishte zëri i Xhafajt, tha Rama. Ekspertiza britanike tregon se zëri është i ngjashëm me zërin e Agron Xhafës”, tha Alibeaj.