Emisioni “Stop” ka kryer një investigim në disa nga shkollat e mesme të Tiranës, aty ku lëndët narkotike shiten e blihen në mes të ditës fare lirisht.
Në gjimnazet “Partizani”, “Sinan Tafaj”, “Ibrahim Rrugova” në Kamëz, “Besnik Sykja” e “Petro Nini Luarasi” është më lehtë të gjesh hashash se çdo gjë tjetër. Madje ka raste kur dozat e narkotikëve hidhen nga dritaret e klasave.
Kamera e emisionit “Stop” sfaqi me zë dhe figurë sesa lehtë mund të blihet hashashi nga nxënësit e shkollave të mesme në kryeqytet.
Shkolla e mesme “Partizani”
Blerësi – Çuna, keni çakmak?
Nxënësi 1 – Çfarë do? Çakmak? Jo, s’kam!
Blerësi – Ëhë, s’e pikan cigaren çunat…
Nxënësi 1 – Ne pijmë vetëm hashash.
Blerësi – Ëëë, hajde na jep dhe neve, hajde një herë këtu, hajde një herë këtu, hajde se e kam seriozisht për zotin.
Veç ma gjej ku ta gjej se të jap unë sa të duash ti! Hajde!
Nxënësi 1 – Jo mo, e ka kyyy…
Nxënësi 2 – Kë do marrësh? X?
Nxënësi 1 – Ça o burrë, të marr atë shefin tim!
Blerësi – Po sa lekë mundet me më shku?
Nxënësi 1 – Po ke katërshe, pesë, sa të duash…

Nxënësi 2 – Po ju keni ditëlindje përditë?
Nxënësi 1 – Alo!
Blerësi – S’ka gjë se shkojmë bashkë!
Nxënësi 1 – Jo unë, jo!
Nxënësi 2 – Shkojmë bashkë thotë, shih ça thotë mo jeta!
Blerësi – Ikim bashkë, mor burrë! Ç’ke?
Nxënësi 1 – Po hë pra, sille këtu! A e sjell dot këtu? Te shpia ë?! Po mirë, mirë, te shkolla hajde!
Blerësi – Sa vonohet?
Nxënësi 1 – Bhaaa.
Nxënësi 2 – S’ka?
Nxënësi 1 – Si s’ka mo, po duhet me ik dhe një herë tani o jeta!
Blerësi – Po ky që e shet është çun apo gocë?
Nxënësi 1 – Këto jemi ne.
Nxënësi 2 – Jo ne, mo jo!
Blerësi – Po jeni të vegjël ju.
Nxënësi 1 – E do troç fare, plaku im?
Blerësi – Seriozisht?!
Nxënësi 1 – Po, troç!
Blerësi – 5 mijë lëkë ëëë? Merri!
Nxënësi 1 – A të pëlqen, shihe i herë, a të pëlqen? Po s’të pëlqeu ta kthej mbrapsht unë!
Blerësi – Po jo, o shok!
Shkolla “Sinan Tafaj”

Blerësi – Çuna, cila orë është kjo?
Nxënësi – Sapo ka filluar ora e pestë.
Blerësi – Hajde një çikë këtu!
Nxënësi- Po, shprehu!
Blerësi – Unëëë kam organizuar një ditëlindje dhe desha me ble një boçe hashash. Kam 25-vjetorin e ditëlindjes dhe do ta bëj një çikë kështu, të madhe…
Nxënësi – E, o, a mo ka noj gja aty (a mos ka ndonjë gjë aty)? E kam seriozisht!
Blerësi – Me lekë në dorë, i thuaj!
Nxënësi – Hë, mor burrë! Prit, prit njëherë!
Blerësi – A të futem unë tek X dhe të dalë ky, të ma japë tek dera?
Nxënësi – Jo, jo, se e hedh nga lart.
Blerësi – Ai të thërret, o ti e hodhi. Jo, jo, jo!
Nxënësi – Hajde ikim tani, prit se erdha! Ueee ja ka q… robt.
Blerësi – Hë, se s’ka gjë, pak më duhet.
Nxënësi – Mbaje këtë, të shof mos gjej noj tjetër!
Blerësi – Fute, fute, ma rregullo një çikë! Është i mirë, thu ti?
Nxënësi – Po mo, unë them e pi vetë. Ti, kur të duash…
Blerësi – Tjetër?
Nxënësi – Jo, jo!
Blerësi – Hë?
Nxënësi – Kur të duash, herë tjetër!
Shkolla e mesme “Ibrahim Rugova”, Kamëz
Blerësi – Keni dalë në pushim të gjatë?
Nxënësi – Jo, e kemi mbaru shkollën. Jemi në vit të tretë.
Blerësi – A vjen pak? Vjen një çikë, të të pyes për një gjë?
Nxënësi – Po, mo!
Blerësi – Unë kam një ditëlindje, do bëj diçka të madhe se është 25-vjetor, do e bëj kam nja 15- 20 veta, por doja të më ndihmoje, të gjeja një boçe hashash.
Nxënësi – Po s’kemi mo!
Nxënësi 2 – Do një teke hashash?

Blerësi – Ma gjen?
Nxënësi – Po!
Blerësi – Ku?
Nxënësi – Prit këtu!
Blerësi – Të pres këtu? Hajde!
Nxënësi – Thashë, se deshe ndonjë gjë tjetër, po për hashash eee, këtu ka sa të duash.
Nxënësi 2 – Ka Kamza plot.
Blerësi – Hajde këtej! Sa lekë do të jap?
Nxënësi – S’du lekë hiç!
Nxënësi 2 – A kërkove nder, a të mbaruam nder?
Blerësi – Ok! Faleminderit!
Shkolla e mesme “Besnik Sykja”
Blerësi – Djali, si je?
Nxënësi – Po!
Blerësi – Të të pyes, ku mund të gjej hashash?
Nxënësi – Hashash?
Blerësi – Po… me lekë ëëë…
Nxënësi – Ja të flas me këto cunat, o X.
Nxënësi 2 – Ju e doni patjetër?
Blerësi – Po, se kemi një ditëlindje.
Nxënësi – Sa doni?
Blerësi – Një qese.

Nxënësi – Alo… a more ndonjë gjë të mirë për gocën?
Transportuesi – Poo…
Blerësi – Të mirë ma, ee…
Transportuesi – Të mirë fare!
Nxënësi – Janë shoqet e mia, gocat.
Blerësi – Ja dhe lekët!
Nxënësi – Në rregull… po vij më vonë!
Blerësi – A na e ke dhënë të mirë?
Transportuesi – Po të mirë, provoje!
Nxënësi – Ne atë pijmë vetë përnatë.
Shkolla e mesme “Petro Nini Luarasi”
Blerësi – O çuna! Kot me jua bo një pyetje! Të lutem mos ma merrni për të keq…!
Nxënësi – Po jo moj, s’ka problem!
Blerësi – Ku mundem me e gjet 1 cigare hashash?
Nxënësi – Ke ofertë… ?
Nxënësi 2 – Hë!
Nxënësi – Ofertë ke?
Nxënësi 2 – Po!
Nxënësi – E ke numrin e X, apo është brenda?
Nxënësi 2 – Do jetë në mësim se s’ka mbaruar akoma, bie e dhjetë.
Nxënësi – Ku je? A vonohesh shumë ti? Aa, se na duhet një ashtu…, aa pasnesër thotë.
Nxënësi 2 – Si?
Nxënësi – Vetëm pasnesër, kur të vij thotë.
Blerësi – Për sot s’bëhet gjë këtu ee?
Nxënësi – S’është këtu ai.
Blerësi – Po të marr në telefon, po ashtu nesër.
Nxënësi – Po mirë!
Blerësi – Ok! Ça bën?
Nxënësi 3 – Si kaloni? Mirë? Edhe flori me pas prit, s’do kish vonu kaq shumë.
Blerësi – Ku e di ti, mesa padurim po e pres?!
Nxënësi 3 – A do ikim, ta pimë dhe një cigare tjetër?
Blerësi – Me e dredh.
Nxënësi 3 – Po me ik me e pi, se e kam dredh 1, e ke gati.

Blerësi – Jo, unë nuk jam aq në formë. Kjo e pi.
Nxënësi 3 – Pse?
Blerësi – Po s’jam.
Nxënësi 3 – Ti s’pi?
Blerësi – Jo unë vallaj, plus sot që është vapë…
Nxënësi 3 – E di sa do të të qetësojë?
Blerësi – Jo, ti rrofsh faleminderit! Unë e du për të martën!
Nxënësi 3 – Për të martën…
Blerësi – Ti e ke dredh? E ke gati?
Nxënësi 3 – Gati e ke!
Blerësi – Ok!
Nxënësi 3 – Mos e vrit mendjen! Kujdes, mos ta thyesh!
Blerësi – E ke bërë të përzier me cigare.
Nxënësi 3 – Po normal, o ti…
Blerësi – Sa detyrohem për këtë?
Nxënësi 3 – Asnjë gjë!
Blerësi – Jo, jo!
Nxënësi 3 – Vec për pritjen… jo, jo!
Blerësi – Merre! Faleminderit shumë!
Nxënësi 3 – Faleminderit ju!
Blerësi – Mos të detyrohem më shumë?
Nxënësi 3 – Jo, jo!
Blerësi – Unë numrin e kam.
Nxënësi 3 – Unë kisha qejf ta pinim edhe këtë tjetrën.
Blerësi – Një kafe e pimë ne, por këtë për sot jo njëherë!/
Moderatorët e emisionit “Stop” i bënë apel të gjithë instancave për të reaguar ndaj këtij fenomeni, pasi hashashi ka nisur të tregtohet haptazi./tvklan.al

Ish-Kryeministri Berisha ka publikuar mesazhin e një qytetari I cili denoncon zaptimin e pronës publike dhë ndërtimin pa leje nga drejtori i Ujësjellësit në Bashkinë e Lushnjes.
Ndërkohë që qytetarëve të thjeshtë po u prishen shtëpitë dhe bizneset edhe pse i kanë me letra ato, zyrtarët dhe miqtë e pushtetit nuk pyesin për ligjin, përkundrazi zaptojnë dhe pronën publike.
Qytetarët e Lushnjës kanë denoncuar tek ish-kryeministri se si zyrtarët e PS-së kanë zaptuar pronën publike dhe kanë ndërtuar pa leje.
Ja çfarë shkruan ish-Kryeministri
Kjo është Lushnja e babëzisë siçiliste!
Lexoni mesazhin dhe shikoni fotot e qytetarit dixhital. sb
“Kjo shtepi eshte e drejtorit te emergjencave ne bashki Lushnje, Milto Dhima dhe djali drejtor ujesjellesi.
Kjo shtepi e ka zaptuar polikliniken dhe ka marr hapesire publike as 70 cm nuk eshte kurse pjesa tjeter ka bere qymez per pulat kane bllokuar pjesen e shkalleve dhe si kane lene 1cm hapesire nga ana tjeter kane mbjell ullinje As bashkia as shendeti publike dhe as IKMT s’vene ujin ne zjarr. Te bjere zjarr s’ka nga hyn zjarrefikesi as per te lyer ska vend se jane ndertuar ngjityr”.

Deputetetja Partisë Socialiste, Klotilda Ferhati ka rritur në mënyrë marramendëse pasurinë e saj pas ardhjes së Ramës në pushtet.
Deputeti i PD, Ervin Salianji në një deklaratë për mediat, tha se, vetëm në 4 vitet e fundit biznesi i bashkëshortit të saj, Altin Bushka, ka 10-fishuar të ardhurat.
“Deputetja e Partisë Socialiste Klotilda Bushka bëri sot rolin e shërbëtores së oborrit të Edi Ramës për të sulmuar me të pavërteta opozitën, në mënyrë që të mbrojë pasurinë e saj personale. Këtë pasuri Klotidla Bushka e ka vënë duke grabitur tenderat publikë. Duke hedhur baltë mbi opozitën, Klotilda Bushka u fshehu pasurinë në emër të bashkëshortit të saj.
E vërteta është se Altin Bushka, bashkëshorti i Klotildës, ka 10 fishuar të ardhurat e kompanisë me marrjen e pushtetit nga Edi Rama. Grafiku tregon qartë se kompania Selcom, në pronësi të Altin Bushkës dhe Gentian Sulës, një tjetër klient I Edi Ramës dhe Erion Veliajt, deri në vitin 2012 ka qenë pothuajse inekzistente. Por në 4 vitet e fundit kompania ka rritur me 10 herë pasurinë e saj.
Dhe kjo është vetëm pasuria e dukshme e Klotilda Ferhatit. Vetëm me tendera publikë kompania e Klotilda Bushkës ka marrë 3 miliardë e 500 milionë lekë nga paratë e shqiptarëve. Me vettingun që propozon Partia Demokratike Klotilda Bushka largohet nga politika.
Është pasuaria e grabitur motivi i vetëm pse Edi Rama dhe shërbëtorët e tij, si Klotidla Bushka, kundërshtojnë platformën e opozitës, që do të sekuestrojë pasuritë e politikanëve të korruptuar dhe oligarkëve të lidhur me ta.
Me nismën e vet, Partia Demokratike do ta çlirojë ekonominë nga një grusht oligarkësh dhe klientësh të Edi Ramës, duke i dhënë mundësi të barabartë për konkurim çdo biznesi. Frikë nga vetingu në politikë dhe nga paketa antimafia duhet të kenë vetëm ata që, bashkë me Edi Ramën, u kanë vendosur gjobë shqiptarëve vetëm me koncesione 2.2 miliardë euro”, tha Salianji.

Policia greke thotë se në gjysmën e parë të këtij viti, ka sekuestruar më shumë se gjashtë tonë kanabis, me prejardhje kryesisht nga Shqipëria.
Në raportin gjashtëmujor, të publikuar të martën, thuhet se afërsia gjeografike me Shqipërinë, e ka shndërruar Greqinë në një pikë transiti për ngarkesat e paligjshme me kanabis, sa nga toka edhe nga deti. Destinacionet kryesore janë vendet europiane, por edhe Turqia.
Ndërkaq, në raportin e policisë greke vërehet se Greqia nuk është i vetmi kanal i kalimit të drogës, pasi trafiku realizohet edhe nëpërmjet kufijve të tjerë, tokësorë dhe detarë të vendit fqinj.
Sipas policisë greke, Shqipëria “është vendi kryesor i prodhimit të kanabisit në natyrë, dhe furnizuesi më i rëndësishëm i tregut europian”.
Gjithsesi, sasia e kanabisit që është sekuestruar për gjashtë muajt e këtij viti, është dukshëm më e vogël, në raport me vitin e kaluar. Gjatë 12 muajve të 2017-s policia kishte sekuestruar plot 31 tonë, dhe “pjesa e luanit” i takonte natyrisht, Shqipërisë.
Nga janari në qershor të këtij viti, autoritetet greke kanë sekuestruar, në shifra precize:
6067 kg kanabis,
95 kg heroinë,
76 kg kokainë
Si dhe kanë asgjësuar 21.794 fidanë kanabisi.

Frida Mirashi është punonjëse e hipotekës së Shkodrës e cila u arrestua këtë të martë bashkë me kreun e këtij institucioni. Policia e Shkodrës pas një urdhri të prokurorisë ka ndaluar edhe Zamir Leka, Regjistrues i ZVRPP në Shkodër.
Sipas burimeve nga organi i akuzës, drejtori Leka është arrestuar teksa ai ndodhej në punë në zyrat e hipotekës së Shkodrës. Policia ka shkuar aty duke e prangosur drejtorin dhe duke e shoqëruar në komisariatin e policisë vendore. Sipas burimeve, drejtori Leka ka akuzë për çështje korruptive.
Bashkë me të, sipas burimeve, është arrestuar edhe shtetasja Frida Mirashi, punonjëse e hipotekës së Shkodrës.
Vetëm pak ditë më parë, prokuroria lëshoi urdhër-ndalimi edhe për shtetasin Mirjam Bletaj, ish-jurist në hipotekën e Shkodrës gjatë viteve të fundit si dhe shtetasin Sokol Tirana që bashkë me shtetasin tjetër Johan Zefi dyshohen si sekserët që do i merrnin një mijë euro shtetasit Ndoc Taraj. Ky i fundit pronar i një objekti që ishte i gatshëm të paguante para për të nxjerrë në mënyrë të përshpejtuar certifikatën e pronësisë.
Gjykata e Shkodrës i la në “arrest me burg” ish-juristin Mirjam Bletaj dhe dy sekserët e dyshuar Sokol Tirana dhe Johan Zefi, ndërsa dha masën e sigurisë “arrest shtëpie” për shtetasin Ndoc Taraj. Para këtyre arrestimeve në hipotekën e Shkodrës që përfundojnë me ndalimin e drejtorit Zamir Leka, ministrja e drejtësisë Etilda Gjonaj paralajmëroi se shumë shpejt do të niste goditja e rasteve korruptive në hipoteka duke filluar kështu nga Shkodra.