Mediat italiane, duke iu referuar raportit të hetuesve të Antidrogës, shkruanin dje se në bandën shqiptarë që drejtohej nga Moisi Habilaj për trafikun e armëve dhe drogës nga Shqipëria janë të përfshirë edhe zyrtarë të policisë shqiptare. Sipas autoriteteve italiane, hetimet për këtë organizatë kriminale që u shkatërrua një ditë më parë gjatë operacionit të Guarda di Finanza, kanë nisur para katër vitesh dhe është dokumentuar e gjithë veprimtaria kriminale e saj. Për të zbardhur se si funksiononte kjo bandë janë përdorur metodat speciale të hetimit me përgjime telefonike dhe ambientale.
Hetuesit italianë kanë bërë përgjime telefonike dhe ka rezultuar se trafikantët shqiptarë të drogës bashkëpunonin me zyrtarë të policisë për trafikun e armëve dhe drogës drejt Italisë. ANSA shkruan se, hetimet po kryhen nga Antiterrori për shkak se banda shqiptare trafikonte nga Shqipëria armë për terroristët dhe drogë.
Nga hetimet ka rezultuar se nga anëtarët shqiptarë të kësaj organizate, fitimet kryesore i merrte Moisi Habilaj dhe dy bashkëpunëtorët e tij, Maridian Sula dhe Fatmir Minaj. Ndërkohë, për anëtarët italianë të organizatës, kryesore është cilësuar Antonio Riela, i cili ka pasur edhe precedentë të mëparshëm penalë me klane mafioze të trafikut të ilaçeve. Mediat italiane shkruajnë se 4 personat e shpallur në kërkim besohet se janë shqiptarë, për të cilët i është kërkuar policisë shqiptare arrestimi dhe ekstradimi. Sipas të njëjtave burime në hetime është përfshirë edhe antiterrorizmi për shkak se ky rrjet i trafikut kishte në fokus të tij edhe armët.
Gazetarja Klodiana Lala, duke iu referuar disa burimeve nga Prokuroria shqiptare tha se, priten arrestime nga radhët e policisë shqiptare si të lidhur me Moisi Habilajn. “Një burim i imi nga Prokuroria më pohon se Prokuroria italiane ka në hetim një sërë drejtuesish nga kupola e policisë shqiptare si të dyshuar për lidhjet me Moisi Habilajn i arrestuar në Itali për trafik droge dhe armësh nga Shqipëria në Itali. Duke u nisur nga kjo, unë mendoj se shumë shpejt do kemi edhe zyrtarë të policisë të arrestuar. Saimir Tahiri la një polici akoma edhe më të korruptuar”, tha gazetarja.

“Trëndafili i erës”/ Si Habilajt mbushën Italinë me armë dhe drogë

Pas arrestimit të kreut të bandës, Moisi Habilaj, dy shqiptarëve dhe shtatë italianëve, mediat italiane e kanë konsideruar “një organizatë të vërtetë kriminale dhe mafioze të trafikut të drogës dhe armëve”. Nga një kërkim në mediat kryesore të vendit fqinj që të gjitha i kanë dhënë hapësirë operacionit të “Guardia di Finanza” që vuri në pranga 3 shqiptarët Moisi Habilaj (39 vjeç), Maridian Sulaj (29 vjeç) dhe Fatmir Minaj (55 vjeç). Në fakt urdhër-arrestet kanë qenë 11. Përveç 3 shqiptarëve, në pranga janë vënë edhe 4 italianë, ndërsa persona të tjerë, identiteti i të cilëve nuk dihet për të cilët është lëshuar një mandat kërkimi ndërkombëtar.

“Trëndafili i erës”

Pikënisja e arrestimeve ka qenë një operacion i koduar “Trëndafili i erës”, ku u sekuestruan 20 mijë euro të thata. Nga hetimet doli në dritë se kjo bandë në vitet e fundit kishte arritur të trafikonte në Itali armë dhe drogë në sasi të mëdha. Llogariten deri në 3.5 ton marijuanë e sekuestruar në disa operacione ku janë vënë në pranga të paktën 20 korrierë. Policia italiane sekuestroi edhe shumë armë kallashnikov dhe qindra municione. Agjentët italianë zbuluan se droga do të shpërndahej në rrugët dhe sheshet e Katanias. Vlera e saj në treg ishte rreth 20 milonë euro.
Në maj 2015 mjetet detare të trupës së Mesinës dhe Komandës Operative Aeronavale interceptuan në afërsi të Riposto, një peshkarexhë që ishte nisur nga brigjet shqiptare në bordin e së cilës u zbuluan 900 kg marijuanë, 2 armë kallashnikov me karikatorë dhe qindra municione.

Si funksiononte banda

Për të zbardhur se si funksiononte kjo bandë janë përdorur metodat speciale të hetimit me përgjime telefonike dhe ambientale. Nga hetimet ka rezultuar se nga anëtarët shqiptarë të kësaj organizate, fitimet kryesore i merrte Moisi Habilaj dhe dy bashkëpunëtorët e tij, Maridian Sula dhe Fatmir Minaj. Ndërkohë, për anëtarët italianë të organizatës, kryesor është cilësuar Antonio Riela, i cili ka pasur edhe precedentë të mëparshëm penalë me klane mafioze të trafikut të ilaçeve. Mediat italiane shkruajnë se 4 personat e shpallur në kërkim besohet se janë shqiptarë, për të cilët i është kërkuar policisë shqiptare arrestimi dhe ekstradimi. Sipas të njëjtave burime në hetime është përfshirë edhe antiterrorizmi për shkak se ky rrjet i trafikut kishte në fokus të tij edhe armët.

Ish-shefi i Antidrogës në Fier e Vlorë, Dritan Zagani, i cili u arrestua me urdhër të Tahirit dhe më pas u detyrua të largohet jashtë shtetit pse hetoi kushërinjtë e ish-ministrit Tahiri, për trafikun e drogës drejt Italisë, ka reaguar me anë të një statusi në Facebook, pas lajmit të arrestimit në Itali të Moisi Habilajt. Zagani aktualisht është azilant politik në Zvicër dhe e gjithë historia e tij dhe përndjekja që i është bërë në Shqipëri nga ish-kolegët e tij në polici me urdhër të ministrit Tahiri, ka pasur të bëjë pikërisht me Habilajt, kushërinjtë e ish-ministrit Tahiri, të cilët i hetoi pikërisht për krimin për të cilin u prangos dje në Itali, Moisi Habilaj.
Ish-eksponenti i policisë në kohën që ka qenë me detyrë në Fier dhe Vlorë, ka hetuar për vëllezërit Habilaj, si pjesëtarë të një organizate të fuqishme në trafikimin e drogës. Madje, ai arriti të zbulojë se vëllezërit Habilaj përdornin për trafik droge edhe makinën personale të Saimir Tahirit, ministër i Brendshëm në atë kohë.
Në një postim në Facebook, Zagani shkruan se në kohën që ai i akuzonte vëllëzërit Habilaj për trafik droge me makinën e Tahirit, Tahiri e cilësonte Moisi Habilajn si biznesmen të suksesshëm. “Arrestohet në Itali kushëriri i preferuar Moisi Habilaj…. një “biznesmen” i ndershëm nga Vlora që me “djersën” e ballit këto 4 vite qeverisje të “rilindjes” rriti fitimet e biznesit në ca miliona euro…!
Vite më parë kur unë si polic i “korruptuar” u arrestova me urdhër të kushëririt të Moisiut, ministrit të asokohe z.Saimir Tahiri, nga Saja dhe shefi i tij u tha që unë isha një i arratisur dhe kriminel që bashkëpunoja me trafikantët dhe se kushëriri i shkretë ishte biznesmen i pastër ….!
Çfarë të them më tepër…jam pa fjalë … Vetëm pres me ankth si do reagojë Shqipëria ime (shtypi dhe mediat) apo dhe vetë shteti im për këto “shpifjet” që unë kam vite e vite që i hetoja në cilësinë e policit… si dhe i kam deklaruar si fakte të fatkeqësisë time para më shumë se dy vitesh në mënyrë publike….dhe u shpallën si shpifje nga të gjitha strukturat e shtetit deri te vetë lartgjatësia e tij zoti Rama!”, shkruan Zagani.
Në shtator 2015, Tahiri deklaronte se në dijeninë e tij, Moisi Habilaj dhe të afërtit e tij nuk ishin kriminelë. Të qenurin e tyre kriminelë, Tahiri e cilësonte “rastin më të keq”. Kur të gjithë akuzonin Habilajt, madje edhe vetë vartësi i Tahirit, drejtori i Antidrogës së Vlorës, Dritan Zagani, Tahiri shprehej se në dijeninë e tij, ata nuk ishin kriminelë, por njëri nga vëllezërit Habilaj ishte një bizenesmen i ndershëm.

Sponsori i PS-së së Fierit dhe miku i Gramoz Ruçit ka marrë peng një të ri dhe e ka torturuar për tre ditë, ndërsa policia e ka mbajtur të fshehtë ngjarjen dhe nuk e ka arrestuar autorin, ndërsa policia nuk ka ndërhyrë pavarësisht denoncimit. Denoncimi është bërë nga një punonjës policie, i cili i është drejtuar me një mesazh kryetarit të PD, Basha, ku shkruan se autori është sponsor i PS në Fier dhe një nga njerëzit e Gramoz Ruçit prandaj nuk arrestohet.
“Ky është shteti mafioz i Edi Ramës dhe Gramoz Ruçit me kompani”, shkruan Basha në një postim në Facebook.
“Përshëndetje zoti Basha, unë që po ju shkruaj jam një punonjes policie në rrethin e Fierit dhe dua tju tregoj për një ngjarje që ka ndodhur në qyetin e Fierit, ku para rreth dy javësh është marrë peng nga Renato Çami një qytetar për tre ditë dhe policia nuk ndërhyri dhe nuk shkoi fare te banesa e këtij të fundit.
Pasi u lirua pas tre ditësh, qytetari i marrë peng shkoi në spital në reanimacion në gjendje të rëndë dhe kur shkoi policia si kishte deklaruar se ishte marrë peng nga Renato Çami në lagjen “1 Maj” në banesën e tij ku nuk guxon të futet njeri, aty erdhën prapë ushtarët e Renatos dhe e kishin goditur dhe ky person kishte ndryshuar dëshminë e tij. Dua të them se Renato Çami është sponsori më i madh i Partisë Socialiste në Fier në bekimin e kryetarit të Kuvendit, Gramoz Ruçi.
Personi, i cili u mor peng dhe u torturua ishte së bashku me një tjetër person i quajtur Klajdi Crraga, por ky i fundit nuk u kap dot. Ne si punonjës policie nuk na vjen aspak mirë që futen në burg njerëz për një tullë dhe te keta persona që marrin peng njerëz dhe i torturojnë ata nuk futemi dot. Policia e Fierit e ka fshehur totalisht këtë ngjarje. Ju lutem anonim”, shkruan punonjësi i policisë.

Kush është Renato Çami

Renato Çami, emri i vërtetë i të cilit është Renato Saliu, është konsideruar vazhdimisht si eksponent krimi në qytetin e Fierit. Ndërsa krahu i djathtë i tij është konsideruar shtetasi Gramoz Yzeiri, i cili deri në vitin 2009, ku u ekstradua nga Amerika, konsiderohej si një person me rrezikshmëri të lartë dhe ishte një ndër më të kërkuarit e drejtësisë shqiptare. Gramoz Yzeiri, nga lagjja Sheq i Madh i Fierit, njihej si person me precedentë të shumtë penalë. Rezultonte i skeduar në listat e personave të shpallur në kërkim që nga viti 2003, i kërkuar për vrasjen e Xheladin Qelisë, ngjarje e ndodhur në vitin 1998, në qendër të qytetit të Fierit.
Për këtë ngjarje u dyshua si i implikuar edhe Renato Çami, madje kishte dyshime se vrasjen e kryen në bashkëpunim. Sipas hetimeve të Prokurorisë, Gramoz Yzeiri, së bashku me Renato Saliun, kanë ndaluar shtetasin Xheladin Qelia, i cili ka qenë duke udhëtuar me një motor së bashku me një person tjetër, me inicialet Sh.J. Autorët nën kërcënimin e armëve, pasi kanë ndaluar viktimën dhe personin që e shoqëronte, kanë qëlluar me breshëri automatiku mbi shtetasin Xheladin Qelia, duke i shkaktuar vdekjen e menjëhershme. Pas kryerjes se krimit, Yzeiri dhe Çami janë larguar menjëherë nga vendi i ngjarjes.

Policia e Fierit pranon pengmarrjen

Pas publikimit të lajmit të marrjes peng dhe torturave ndaj një qytetari në Fier nga Renato Çami, sponsor i PS, dhe mik i Gramoz Ruçit, ka reaguar Policia e Fierit. Policia e Fierit në reagimin e saj pranon se një i ri është mbajtur peng për tre ditë dhe është torturuar dhe deklaron se lajmi është publikuar në faqen zyrtare. Megjithëse policia pranon marrjen peng të një qytetari, nuk e ka arrestuar autorin.
“Në lidhje me statusin e publikuar nga Kryetari i Partisë Demokratike në rrjetin social ‘Facebook’, ku akuzohet Policia e Fierit për fshehjen e një ngjarje, informojmë se ngjarja në fjalë nuk është fshehur, por sipas procedurës standarde të punës është publikuar dhe mund të gjendet lehtësisht si çdo njoftim tjetër në faqen zyrtare online të Policisë së Shtetit.
Burime nga Policia thanë se i dëmtuari nuk ka dhënë asnjë emër personi të dyshuar, por ka bërë vetëm përshkrim fizik, sipërfaqësor, duke pretenduar se nuk i njihte autorët. Por nga ana tjetër, kreu i opozitës, që i referohet denoncimit të bërë nga një punonjës i Policisë së Fierit, deklaron se autori i kësaj ngjarjeje është shtetasi Renato Çami dhe sipas tij, Policia nuk ka ndërhyrë.
Renato Çami, emri i vërtetë i të cilit është Renato Saliu, është konsideruar vazhdimisht si eksponent krimi në qytetin e Fierit. Ndërsa, krahu i djathtë i tij është konsideruar shtetasi Gramoz Yzeiri, i cili deri në vitin 2009, ku u ekstradua nga Amerika, konsiderohej si një person me rrezikshmëri të lartë dhe ishte një ndër më të kërkuarit e drejtësisë shqiptare. Gramoz Yzeiri, nga lagjja Sheq i Madh i Fierit, njihej si person me precedentë të shumtë penalë. Rezultonte i skeduar në listat e personave të shpallur në kërkim që nga viti 2003, i kërkuar për vrasjen e Xheladin Qelisë, ngjarje e ndodhur në vitin 1998, në qendër të qytetit të Fierit.
Për këtë ngjarje u dyshua si i implikuar edhe Renato Çami, madje kishte dyshime se, vrasjen e kryen në bashkëpunim. Sipas Policisë, Gramoz Yzeiri, së bashku me Renato Saliun, kanë ndaluar shtetasin Xheladin Qelia, i cili ka qenë duke udhëtuar me një motor së bashku me një person tjetër, me inicialet Sh.J. Autorët nën kërcënimin e armëve, pasi kanë ndaluar viktimën dhe personin që e shoqëronte, kanë qëlluar me breshëri automatiku mbi shtetasin Xheladin Qelia, duke i shkaktuar vdekjen e menjëhershme. Pas kryerjes se krimit, Yzeiri dhe Çami janë larguar menjëherë nga vendi i ngjarjes.
Konkretisht ngjarja e pasqyruar në web “Më datë 03.10.2017 u referuan materialet në Prokurorinë e Rrethit Gjyqësor Fier, për veprën penale “Heqje të paligjshme të lirisë”, parashikuar nga neni 110/2 i Kodit Penal, si dhe po punohet për identifikimin dhe kapjen e autorëve, pasi më datë 03.10.2017 është paraqitur dhe ka bërë kallzim shtetasi F.L., 20 vjeç, banues në fshatin Petovë Fier, se në datë 02.10.2017, në lagjen “1 Maj” Fier është rrahur nga disa persona dhe është mbajtur peng për disa orë në një banesë”.
Policia e Shtetit është e vendosur të kryejë detyrën me përgjegjësi e seriozitet dhe të ndëshkojë çdo paligjshmëri e këdo që shkel ligjin. E për këtë arsye, Policia e Shtetit fton çdo qytetar dhe parti politike të kërkojë informacion, duke u garantuar përgjigje në kohë, për të shmangur pasaktësitë në mos abuzimet me faktet”.

Ekzekutimi i tipit mafioz në qendër të qytetit dhe shumë pranë Komisariatit të Policisë Lushnjë të Zamir Latifit dhe Jurgen Hoxhës, ka krijuar dyshime se tre atentatorët mund të janë ndihmuar ose favorizuar nga uniformat blu, pasi këta të fundit nuk reaguan në kohë. Këto dyshime i ka ngritur grupi hetimor i çështjes dhe përforcohen edhe më shumë nga dëshmitarët në vendin e ngjarjes. Dëshmitarët në vendngjarje, kishin shquar se atentatorët ishin Laert Haxhiu dhe Oreges Bilbili, ndërsa drejtuesi i automjeti tip “Mercedes Benz” që i largoi nga vendi i krimit vrasësit mbante në dorë një radio-marrës, si ato të policisë. Ky person vijon ende të mos jetë zbuluar nga forcat e policisë, por nuk përjashtohet mundësia e përfshirjes edhe shumë njerëzve të tjerë në atë ngjarje kriminale që tronditi të gjithë qytetin.
Ndërkohë, pak pas masakrës së Lushnjës e ndodhur më 11 tetor, autorët e kishin menduar mirë se si do t’i shpëtonin ndjekjes së policisë. Ata dogjën automjetin në rrugën Lushnjë-Berat, në vendin e quajtur ‘Çukas i Vjetër’, ndërsa u gjetën dhe tre armë zjarri.
Vrasësit jo rastësisht kishin zgjedhur atë pikë për të humbur gjurmë. Tre janë rrugët, sipas policisë, që mund të jenë larguar Laert Haxhiu e Orges Bilbili dhe miqtë e tyre; e para, që të dërgon drejt rrugës nacionale për te Ura Vajgurore e pastaj në qytetin e Beratit. E dyta nga fshati Toshkëz, drejt Krutjes së Poshtme e më pas humb ndjekja, pasi ka shumë degëzimë rrugësh. Pistë, e cila po monitorohet imtësisht nga uniformat blu është nga fshati Cërraga, rrugë që lidhet me zonën e Dumresë e më pas shkon në Belësh e përfundon në Cërrik.
Dy nga autorët e masakrës me dy të vrarë në Lushnjë janë ende në kërkim, por hetuesit kanë shumë enigma. Në një kohë që nuk është identifikuar autori i tretë, grupi hetimor nuk ka gjetur as pronarin e vërtetë të makinës tip “Benz” që u përdor në masakër dhe më pas u shkrumbua. Sipas Prokurorisë së Lushnjës, targa e automjetit të djegur që u gjet në afërsi të fshatit Çukaj, në një rrugë dytësore, nuk korrespondon me shasinë, ç’ka hedh dyshime se mund të jetë vendosur targë falco. Por në të njëjtën kohë numri i shasisë së “Benz”-it është tepër i dëmtuar.
Një orë pas ngjarjes së datës 11 tetor, policia zbuloi mjetin në flakë, kurse në brendësi të tij tre kallshnikovë. Që prej asaj dite, policia vazhdon kontrolle në gjithë territorin e vendit për kapjen e dy personave të shpallur në kërkim; Laert Haxhiut dhe Orgest Bilbilit.
Prokuroria nuk konfirmon asnjë pistë të re, apo dëshmi që të çojë në identifikimin e autorit të tretë të ngjarjes. Ditën e shtunë në mbrëmje, ministri i Brendshëm, Fatmir Xhafa, bëri një vizitë të papritur në Komisariatin e Lushnjës dhe kërkoi zbardhjen urgjente të ngjarjes dhe arrestimin e autorëve.

Interpol Tirana e ka shpallur në kërkim ndërkombëtar, por nuk ka asnjë informacion mbi vendndodhjen e Domart Konjarit, i pandehur tek Krimet e Rënda, si drejtues i grupit të trafikut të drogës në Francë.
Shkresa e Interpol u lexua në seanën e së hënës, e cila u shty për shkak të mosgjetjes së Konjarit dhe njoftimit të të pandehurit për gjyqin. Konjari ndodhet në arrati, pasi ende nuk është ekzekutuar masa “arrest në burg”, caktuar në mungesë ndaj tij.
Në të njëjtën seancë, Gjykata citoi edhe një shkresë të Komisariatit të Policisë Nr. 4, sipas të cilit Konjari nuk ishte më banor i kësaj zone. Gjykata shtyu seancën, në pritje të një përgjigjeje nga Komisariati i Policisë Nr.1 në Tiranë, si edhe rikërkoi informacion nga Interpol Tirana.
Lirimi i Konjarit nga qelia në mars 2016, shkaktoi përballje mes Prokurorisë dhe Apelit për Krimet e Rënda. Për lirimin e tij reagoi ambasadori francez në Tiranë. Ministri i kohës i Drejtësisë, bëri një ndjesë publike.