26.5 C
Tirana
E diel, 15 Qershor, 2025
type here...

Paketa ‘1 miliard dollarë’ e Ramës, falimenton Shqipërinë

 

Koço Kokëdhima vazhdon sulmet ndaj kryeministrit Edi Rama. Së fundi, ai ka reaguar pas qëndrimit të FMN-së për rreziqet që i vijnë vendit nga koncesionet, duke u ndalur në mënyrë të veçantë te paketa ‘1 miliard dollarë’. Kokëdhima që drejton lëvizjen ‘Zgjidhja’, i bën thirrje Ramës të heqë dorë nga kjo aventurë e rrezikshme që po çon vendin drejt falimentimit. “Fondi Monetar Ndërkombëtar i paralajmëroi shqiptarët se, viti i ardhshëm do të jetë edhe më i zi për ta si dhe paralajmëroi qeverinë që të mos e zbatonte projektin 1 miliard dollarë për koncesionet e saj. Qeverisja e Rilindjes nuk solli asnjë investim të vetëm të huaj në 4 vite, por ka bërë dhjetëra koncesione, me miliarda të marra borxh që ua shpërndan biznesmenëve të saj. FMN-ja paralajmëron rreziqe të mëdha për vendin, nëse qeveria e tutkunëve do të shpërndajë 1 miliard dollarë të marra borxh për biznesmenët e oborrit të vet. Kjo qeveri do të zhysë në kolaps pagesat mjerane për shtresat më të pambrojtura, që marrin lekë sa për bukën thatë dhe nuk do të arrijë që të paguajë as pensionet, ndihmën ekonomike, rrogat e policëve, ushtarakëve, infermierëve apo të mësuesve”, thuhet në reagimin e Kokëdhimës.

Luksemburg, azilkërkuesit shqiptarë po kthehen në problem

Pas Holandës e Francës, dhe Luksemburgu ka shprehur shqetësimin për rritjen e numrit të azilkërkuesve nga Shqipëria. Ministri i Luksemburgut për Emigracionit dhe Azilit, Jean Asselborn, i cili ndodhet në Tiranë për një vizitë zyrtare, shprehu hapur se “fluksi i azilkërkuesve shqiptarë është problematik” dhe se Luksemburgu nuk mund t’i strehojë më ata. Gjatë një deklarate të përbashkët shtypi me ministrin e Punëve të Jashtëm, Ditmir Bushatin, deklaroi: “Nuk është vetëm problem i Luksemburgut, por edhe i vendeve të tjera europiane. Në Luksemburg fluksi i azilkërkuesve [shqiptarë] është problematik. Pas liberalizimit të vizave në 2010 qëllimi kryesor i regjimit pa viza nuk është që të promovohen kërkesat e pabazuara për azil. Të miturit dërgohen pa prindërit e tyre. Duhet të përpiqemi të mos lejojmë një gjë të tillë”. Pak javë më parë, Franca dhe Holanda kanë shprehur idenë e rikthimit të regjimit të vizave për Shqipërinë, për shkak të numrit të lartë të azilkërkuesve shqiptarë. Edhe pse ambasadorët kanë deklaruar në mënyrë të vazhdueshme se, Shqipëria është vend i sigurtë origjine dhe se azilkërkuesit shqiptarë nuk do të pranohen, numri i shqiptarëve që aplikojnë për azil vazhdon të jetë i lartë. Pavarësisht deklaratave të vazhdueshme të shteteve evropiane, Kryeministri Rama vazhdon ta mohojë si problem, rritjen e numrit të azilantëve shqiptarë.

Nis përgatitja për Spanjën

Nga salla e konferencave në fushë, Christian Panuccit i duhet të bëjë maksimumin në dy ndeshje të rëndësishme me kombëtaren që nisi përgatitjet për sfidat me Spanjën dhe Italinë. Kanë mbëritur të gjithë në Tiranë, nuk ka vonesa në grumbullim edhe pse në seancën e parë stërvitore mungesat ishin të pranishme. Mungonte Thomas Strakosha që vuan një dëmtim në kofshë dhe nuk do të jetë për ndeshjet e radhës, ndërsa Elseid Hysaj ishte lënë pushim, mbrojtësi i Napolit ka pasur temperaturë dhe nga stafi mjekësor ka preferuar t’i japë kohë për ta kaluar si duhet pa rrezikuar. Për sa i përket pjesës tjetër, padyshim kuriozitet për të rikthyerit, me Taulant Xhakën, Ermir Lenjanin, Ergys Kaçen e Cikalleshin që bashkë me trajnerin e ri gjejnë edhe shokë të rinj në kombëtare. Seanca e parë ka patur më së shumti një karakter shkrythës me lojtarët që vijnë pas impenjimeve me klubet respektive. Natyrisht pa lënë mënjanë edhe taktikën, me Panuccin që do t’i shfrytëzojë në maksimum ditët në dispozicion para sfidës së parë me Spanjën. Nga e marta niset me dy seanca në ditë, me kombëtaren që paraditen e së enjtes i drejtohet tokës iberike.
Strakosha i dëmtuar do të zëvendësohet nga portieri i Kukësit. Një ftesë e shumëdëshiruar pa diskutim, e madje dhe e shumëpritur me ëndrrën e portierit të kampionëve të Shqipërisë që bëhet realitet atëherë kur nuk e priste. Një ndër gardianët më të spikatur të Kategorisë Superiore sezonin e kaluar 31-vjeçari nga Pogradeci me paraqitjet e tij kishte fituar vlerësimin e publikut duke u kuotuar për një thirrje në kombëtare. Thirrje që vjen pikërisht tani, para dy ndeshjeve tejet të rëndësishme, me Spanjën dhe Italinë, natyrisht për shkak të dëmtimit të Strakoshës, i cili vuan një problem muskular në kofshë me stafin mjekësor të kombëtares që ka vendosur t’i japë lejen për t’u kthyer në Romë ku do të kryejë edhe rehabilitimin nën kujdesin e klubit të tij, Lazios. Për Kolicin vjen momenti i duhur, menjëherë sapo ka marrë ftesën i është drejtuar hotelit për t’u bashkuar me shokët e skuadrës, atë të ambicies maksimale të çdo futbollisti, ekipit kombëtar.

Projekti që po shkatërron Parkun Kombëtar të Divjakës

 

Prej dekadash Parku Kombëtar Divjakë-Karavasta ka qenë shtëpi e 24 specieve në rrezik zhdukje dhe e miliona shpendëve të tjerë, që e përzgjedhin atë për folenizim apo shtegëtim. 22 hektarët e kësaj zone gëzojnë mbrojtje më të lartë me ligj dhe janë një ekosistem unik flore dhe faune, ky spikat pelikani Kaçurrel.
Çdo vit, disa mijëra vizitorë vijnë këtu veçanërisht për të admiruar nga larg shpendët e rrallë në habitatin e tyre natyror, ndërsa i vrojtojnë ato me dylbi dhe teleskopë. Të shtunën, një grup të pasionuarisht të natyrës, vrojtuan shpendët në këtë zonë, mes tyre edhe Ervin Allushi, një specialist i menaxhimit të florës dhe faunës pranë Parkut Kombëtar Divjakë-Karavasta, i cili tha për BIRN se zona është jetike për shumë specie.
“Parku Kombëtar Divjakë-Karavasta është simbol për sa i përket numrit të shpendëve dhe specieve ku kemi rreth 245 lloje”, tha Allushi, duke shtuar se laguna është zona e vetme folenizimi për Pelikanin Kaçurrel. Megjithatë, një megaprojekt urbanizimi i kompanisë Mabetex, në pronësi të biznesmenit dhe politikanit nga Kosova, Behxhet Pacolli, rrezikon t’i japë fund jetesës së qetë të shpendëve në këtë park.
Projekti i parashikuar prek rreth 15 kilometra vijë bregdetare nga Vila e Bashtovës deri në pikëlidhjen e detit me Lagunën e Karavastasë. Orintologu Taulant Bino, i cili studion shpendët dhe drejton organizatën AOS që merret me vrojtimin dhe mbrojtjen e tyre, e sheh si të pamundur bashkëjetesën e foleve dhe pallateve këtu.
“Për fat të keq, kjo ligatinë pavarësisht rëndësisë që ka kërcënohet nga faktorë të ndryshëm, por ai që ne e quajmë më të rrezikshmin dhe që në afatgjatë e heq nga faqja e dheut është zhvillimi i modeleve të turizmit masiv”, tha Bino, duke folur për BIRN.
“Shqetësimi i pranisë së njerëzve, infrastrukturës që do të shtohet, [do të bëjë që] këtu të mos kemi më park apo një ligatinë, gjithë këta shpendë që shohim sot nuk do të jenë më, sepse shtëpia e tyre praktikisht digjet”, shtoi Bino, duke iu referuar megaprojektit. Në maj, 20 organizata mjedisore europiane i bënë thirrje kryeministrit Edi Rama dhe Ministrisë së Mjedisit të mos i hapin rrugë projektit të urbanizimit të Parkut Divjakë-Karavasta, por ta lënë zonën në gjendjen natyrore.

Qeveria rikthen taksat për biznesin e vogël

Ministria e Financave, në paketën fiskale të vitit 2018 po merr në konsideratë që të rivendosë taksën për biznesin e vogël, në kufirin e xhiros nga 2 deri në 5 milionë lekë, që aktualisht është zero. Lëvizja, sipas burimeve në Ministrinë e Financave po studiohet pas rekomandimeve të Fondit Monetar Ndërkombëtar, që ka qenë gjithnjë kundër përjashtimeve fiskale, pasi ato janë burim evazioni. FMN ka pohuar në deklaratën e fundit në përfundim të Artikullit IV se “struktura e TVSH-së dhe e tatimfitimit për bizneset e vogla duhet të marrë në konsideratë një regjim të thjeshtuar për ta minimizuar barrën për administratën tatimore”.
Në fund të vitit 2015, qeveria shqiptare vendosi që të heqë taksën e biznesit të vogël për xhiro deri në 5 milionë lekë (që ishte 25 milionë lekë në vit), ndërsa për fashën nga 5 në 8 milionë lekë tatimi u ul në 5%, ndërsa për bizneset që kanë një qarkullim vjetor më të lartë sesa 8 milionë lekë, tatim fitimi është 15%.
Vendimi u mor, pasi aksioni antiinformalitet që u zhvillua me agresivitet në shtator-dhjetor 2015 dhe u përqendrua fillimisht tek biznesi i vogël, krijoi pakënaqësi të mëdha dhe uli popullaritetin e politikave të qeverisë.
Por ky përjashtim u konstatua shumë shpejt që u bë burim evazioni. Heqja e taksave dhe vendosja e kufijve të xhiros bëri që prodhuesit të gjendeshin para refuzimit të tregtarëve për të marrë faturë. Kjo do të sillte rritje të xhiros së sipërmarrjeve të vogla, deri në kalimin e tyre në të mesme e të mëdha, pra duke i bërë një biznes objekt taksash.
Të ardhurat nga biznesi i vogël zbritën në rreth 600 milionë lekë në vitin 2016, nga 2 miliardë lekë që ishin në vitin 2015, para se të hiqej taksa për subjektet me xhiro deri në 5 milionë lekë. Pesha që zënë të ardhurat nga tatimi mbi biznesin e vogël në buxhet është e papërfillshme, përkatësisht 0.5% dhe 0.1% e totalit në 2015 dhe 2016, por shqetësimi kryesor lidhet me shkëputjen e zinxhirit të deklarimit për shkak të mungesës së interesit të subjekteve të vogla për të marrë faturë.
Ndërsa në buxhet pesha e të ardhurave të biznesit të vogël është e papërfillshme, ajo ishte e rëndësishme për pushtetin lokal (që përdorte të ardhurat nga kjo taksë), i cili u detyrua ta kompensonte përmes shtimit të taksave të tjera si ajo e pastrimit, hapësirës, pronës etj.
Mësohet se ndërkohe, në kuadër të aksionit antiinformalitet që ka nisur nga 1 tetori, tatimet po kalojnë shumë subjekte të vogla në biznese me TVSH.

Ndërtimet pa kriter ulin çmimet e banesave

Numri i pronave të pashitura, si për banesat, ashtu edhe për godinat tregtare, ka shënuar rënie. Vlerësimi i situatës në tregun e pasurive të paluajtshme u bë nga Banka e Shqipërisë përmes një vrojtimi në terren të një kampioni të përbërë nga 230 agjentë imobiliarë dhe shoqëri ndërtimi, të cilët përfaqësojnë rreth 75-80% të sektorëve përkatës për nga madhësia e aktivitetit.
Numri i pronave të pashitura, si për banesat, ashtu edhe për godinat tregtare, ka shënuar rënie. Balanca neto ishte pozitive, duke treguar më pak prona të pashitura, për herë të dytë radhazi që nga koha e fillimit të vrojtimit, pavarësisht se me vlera më të moderuara në krahasim me gjashtëmujorin e kaluar.
Nga ana tjetër, indeksi i çmimit në rang vendi është 7% më i ulët nga periudha e kaluar. Për Tiranën, indeksi ra lehtë kundrejt periudhës bazë me 2.2%, dhe me 16.7% ndaj periudhës paraardhëse. Për zonat bregdetare, agjentët kanë raportuar çmime mesatare më të ulëta sesa ato të periudhës bazë, por rreth 7% më të larta se gjashtëmujorin e kaluar.
Koha mesatare e shitjes së pronave në rang vendi raportohet të jetë mesatarisht 10 muaj ose rreth 3.7 muaj më e shkurtër se në gjashtëmujorin e kaluar. Për Tiranën, subjektet e intervistuara kanë raportuar një kohë mesatare shitjeje prej 9.5 muajsh, ndjeshëm më e ulët krahasuar me 13.8 muaj të raportuar në gjashtëmujorin e kaluar.
Për zonën e bregdetit, koha e shitjes është rritur nga 8.4 muaj në rreth 11.7 muaj, ndërsa për zonat e tjera, subjektet kanë raportuar rënie të qenësishme të kohës së shitjes me periudhën paraardhëse; nga 15 muaj në 9.7 muaj.
Sipas agjentëve, rreth 72% e pronave për banim dhe për përdorim tregtar të shitura prej tyre janë blerë me hua bankare. Kjo shifër shënon rritje të lehtë në krahasim me vlerën prej 68% të raportuar në periudhën paraardhëse.
Agjentët imobilarë janë optimistë për ecurinë e tregut në territorin ku ata veprojnë për të ardhmen afatshkurtër dhe ndjeshëm më pozitivë për periudhën afatgjatë (deri në dy vjet). Numri i pronave që pritet të regjistrohen për shitje gjatë periudhës në vazhdim, pritet të shënojë rënie, teksa agjentët presin rritje të çmimeve të pronave të paluajtshme.

Italia “paguan” emigrantët për t’u kthyer në atdhe, përfshihen edhe shqiptarët

Vetëm pak ditë më parë, raporti i PWc tregoi se shqiptarët kryesonin listën e azilantëve të 2015 dhe 2016 që ishin ende në pritje të përgjigjes së tyre të qëndrimit. Ndërsa në tremujorin e dytë të vitit 2017, Eurostat raportoi se 6,000 shqiptarë aplikuan rishtas për azil, duke u renditur të gjashtët pas vendeve të Lindjes së Mesme dhe atyre afrikane, për numrin e lartë të azilkërkuesve. Në të njëjtën kohë, Italia, fqinja jonë tek e cila numri i emigrantëve shqiptarë është i konsiderueshëm ndër vite, ka shpallur një projekt të ri, i financuar nga Ministria e Brendshme italiane, me bashkëpunim të Fondit Europian të Azilit, Migrimit dhe Integrimit, ku ndihmohen ekonomikisht të gjithë të huajt jokomunitare për rinisjen e një jetë të re në atdhe. Projekti “Back to the future”,i Gruppo Umana Solidarietà, mbështet konkretisht ata që vendosin të kthehen (duke përfshirë edhe shqiptarët), duke u ofruar pagesën e biletës së kthimit, një shumë të vogël për nevojat e para dhe një mbështetje të personalizuar për riintegrimin e të kthyerve në Atdhe. Sipas njoftimit të projektit të afishuar në faqen e internetit të projektit (http://rimpatri.gus-italia.org/), mund të përfitojnë të gjithë ata që kanë një leje qëndrimi, ata në pritje për ta marrë apo atyre që u është refuzuar, por nuk mund të marrin pjesë ata që kanë përfituar më parë nga programe të ngjashme riatdhesimi vullnetar të ndihmuar.

Skllavëria moderne dhe Shqipëria

epaselect epa04954158 A father and son from Syria wait for a bus to take them and other migrants to a further accommodation, at the railway station in Schoenefeld, Germany, 28 September 2015. Earlier, a chartered train carrying around 450 refugees arrived from Salzburg in Austria. Europe is dealing with its greatest influx of migrants and asylum seekers since World War II as immigrants fleeing war and poverty in the Middle East, Afghanistan and Africa try to reach Germany and other Western European countries. EPA/PATRICK PLEUL

Mbi 100 mijë emigrantë kanë hyrë në Europë nëpërmjet detit deri në vitin 2017, sipas vlerësimeve të Organizatës Ndërkombëtare të Migracionit. Rritja e shfrytëzimit të tyre do të thotë që rreziqet e skllavërisë moderne janë rritur në gati tre të katërtat e 28 shteteve anëtare të Bashkimit Europian gjatë vitit të kaluar, duke e bërë atë rritjen më të madhe, sipas një studimi global i rrezikut. Si pikat hyrëse kryesore të emigrantëve, pesë vende të BE-së – Rumania, Greqia, Italia, Qiproja dhe Bullgaria – janë identifikuar si vendet me rrezik më të lartë brenda bllokut, bazuar në forcën e ligjeve të tyre, efektiviteti i zbatimit të tyre dhe ashpërsia e shkeljeve. Këto të dhëna janë tw përllogaritura nga Verisk Maplecroft, në edicionin e dytë të Indeksit të Skllavërisë Moderne (MSI), ku janë ekzaminuar 198 vende. Shqipëria, në këtë raport, nuk ka pësuar përkeqësime, duke mbajtur të njëjtin pozicion si në 2016, e 37 në botë, dhe “skllevërit” më të vegjël në rajon. Shtetet, të cilat kanë një risk të lartë, sipas raportit, janë Greqia, Turqia dhe Italia. Indeksi i Skllavërisë Moderne 2017 (MSI) vlerëson rrezikun e ekspozimit ndaj praktikave të skllavërisë, trafikimit të personave dhe punës së detyruar. Indeksi është i dizajnuar në mënyrë specifike për të ndihmuar kompanitë të identifikojnë se ku rreziku i skllavërisë moderne është më i madh në të gjithë zinxhirin e biznesit dhe zinxhirin e furnizimit, për të mbrojtur më mirë punëtorët dhe për të përmbushur legjislacionin e ri dhe në zhvillim.

FBI, ende pa një pistë për masakrën

Policia e Las Vegasit njoftoi se një 64-vjeçar qëlloi me armë mbi turmën në një koncert të muzikës country të dielën në mbrëmje. Sipas njoftimeve, janë vrarë të paktën 58 persona dhe mbi 515 të tjerë janë plagosur. Personi që shtiu vrau veten, sipas burimeve të policisë.
FBI-ja është angazhuar në hetime, në mbështetje të forcave lokale të rendit. Sipas FBI-së, autori i sulmit nuk ka patur lidhje me terrorizmin ndërkombëtar. Edhe CIA këshilloi të kihet kujdes dhe të mos nxirren përfundime të nxituara, pas një deklarate të bërë prej grupit Shteti Islamik, i cili mori përgjegjësinë për tragjedinë në Las Vegas. Zëdhënësi i CIA-s Jonathan Liu tha se, agjencitë amerikane të zbulimit janë në dijeni të pretendimit të ISIS-it. Por ai shtoi se, njerëzit nuk duhet të nxitojnë për të gjykuar “para se të gjenden faktet”.
Shteti Islamik ka thënë se personi që shtiu, Stephen Paddock e kreu sulmin në emër të këtij rrjeti, sepse kishte përqafuar fenë islame dhe kishte shprehur besnikëri ndaj kësaj organizate disa ditë më parë, por policia thotë se nuk ka asnjë sinjal, asnjë dëshmi që ai kishte kontakte me rrjete ndërkombëtare terroriste.
Forcat e rendit thonë se, ende nuk kanë një shpjegim për këtë akt. Në fakt, personi në fjalë Stephen Paddock, nuk kishte pasur asnjë kontakt me forcat e rendit më parë. Sherifi i Las Vegasit, Joseph Lombardo tha se janë kontrolluar të gjitha sistemet kompjuterike dhe se emri i tij nuk ka dalë asnjëherë në skenë. Ai as nuk ka qenë ndëshkuar ndonjëherë qoftë edhe ndonjë me gjobë trafiku rrugor. Policia ka zbuluar se ai ishte i dhënë pas kumarit, por motivi mbetet mister.
Forcat e policisë arritën të futen në banesën e tij sot dhe reagimi i tyre ishte habia që nuk gjetën asnjë të veçantë, asgjë të pazakontë që lidhej me këtë akt tronditës.
Sipas sherifit të Las Vegasit, policia kishte gjetur pak municion, por asgjë të përmasave dhe natyrës makabre të sulmit. Personi hapi zjarr nga kati 32 i Hotelit “Mandalay Bay” në Las Vegas, pasi theu xhamin e dritares së dhomës së Hotelit. Ai shtiu mbi turmën prej rreth 22 mijë njerëzish që kishte ardhur për të ndjekur koncertin.
Pamjet filmike nga vendi i ngjarjes në pjesën jugore të qytetit, e njohur si Las Vegas Strip, ku ndodhen hotelet dhe kazinotë më të famshme të qytetit, tregonin njerëzit që fshiheshin për t’u mbrojtur dhe vraponin duke bërtitur, ndërsa në sfond dëgjoheshin të shtëna armësh.
“Të shtënat vazhdonin pa pushim. Kishte vetëm pauza të shkurtra. Por, dukej se vazhduan për rreth 20 minuta. Sapo krijohej një pauzë, vraponim dhe vetëm vraponim. Nuk isha e sigurtë nëse ishin realisht plumba, por njëri prej miqve tanë na tha se u godit dikush pranë nesh”, tregon Vanessa, vizitore nga Kalifornia.
Sherifi i Policisë së Las Vegasit, Joseph Lombardo, u tha gazetarëve se sulmuesi ndodhej në katin e 32-të të kazinosë “Mandalay Bay”, përballë vendit të ngjarjes.
“Mendojmë se ai është vendas. Nuk mundem t’jua them ende vendbanimin e tij, pasi po zhvillohet hetimi. Nuk dimë se në çfarë besonte”, tha sherifi Lombardo.
Autoritetet ishin gjithashtu në kërkim të një gruaje që mendohej se ishte shoqëruese e të dyshuarit 64-vjeçar, Stephen Paddock.
Ndër të vrarët janë edhe disa oficerë policie që po ndiqnin koncertin.
Ndërsa ngjarjet zhvilloheshin, njerëzit kërkuan strehim në hotelet e shumtë përgjatë distriktit turistik. Në zonë ndodhet edhe aeroporti ndërkombëtar i Las Vegasit, ku fluturimet u pezulluan.
Ylli i muzikës country, Jason Aldean, ishte duke kënduar në skenë kur filluan të shtënat. Disa orë më vonë, ai shkruajti në Instagram, duke e përshkruar momentin “të llahtarshëm”.

Trump, mesazh solidariteti për Las Vegasin

Presidenti Donald Trump dërgoi një mesazh uniteti pas ngjarjes në Las Vegas.
Në një fjalim me tone të zymta në Shtëpinë e Bardhë, ai tha se në momente tragjike dhe tmerri, “Amerika bashkohet si një e vetme, gjithmonë e ka bërë këtë”.
Presidenti Trump tha se “Uniteti ynë nuk mund të tronditet nga e keqja” dhe se “lidhjet tona tona me njëri-tjetrin nuk mund të shkelen me dhunë”.
Ai tha se bashkë me zonjën e Parë, po luten për të gjithë vendin që të gjejë unitet dhe paqe.
Presidenti falenderoi Policinë e Las Vegasit për sakrificat dhe reagimin e tyre të shpejtë gjatë “sulmit të tmerrshëm”, siç e quajti ai, dhe shtoi se do ta vizitojë qytetin të mërkurën.
Grupi Shteti Islamik mori përgjegjësinë për sulmin, duke thënë se njeriu i armatosur që sulmoi ishte një nga “ushtarët” e tij i konvertuar në Islam disa muaj më parë, por nuk dha ndonjë provë.

1...6 4756 4766 477...8 382Faqja 6 476 nga 8 382

Kryesore

Continue to the category
Më shumë
© 2024 Rilindja Demokratike Euroatlantike