14.5 C
Tirana
E enjte, 8 Maj, 2025
type here...

“Janë shkrirë në një parti”, Basha publikon videon dhe akuzon Ramën dhe Berishën: Shqipëria nuk e meriton këtë pazar të turpshëm

Kreu i Demokratëve Euroatlantikë, Lulzim Basha, ka shpërndarë një video në të cilën Sali Berisha dhe Edi Rama shfaqen duke sulmuar njëri-tjetrin, me angazhimin e Ramës kur deklaronte që nuk do të negocionte me të shpallurin “non grata” dhe deklaratat e Berishës i cili thotë se konsensusi me Ramën është si të puthesh me Judën.

Lulzim Basha e cilëson si pjesë të pazarit marrëveshjen e arritur mes Ramës dhe Berishës për ndryshimet në kodin zgjdhor, që sipas tij i ka shkrirë ata në një parti, për shkak të halleve të përbashkëta me SPAK.

Postimi i Lulzim Bashës:

Asnjë mashtrim nuk e mbulon dot pazarin e djeshëm, sepse pa votat e Sali Berishës, Rama nuk i mbyllte dot listat.

Justifikimet për t’iu hedhur hi syve të shqiptarëve dhe demokratëve, nuk e zbehin dot revoltën ndaj allishverishit mes Rilindjes dhe Rithemelimit.
Indinjata nuk ka qenë kurrë kaq e madhe, sepse të gjithë e dinë tashmë që ata janë shkrirë në një parti të vetme për të mbrojtur interesat e tyre dhe të karrigeve të tyre, duke u tallur me qytetarët që duan një Reformë Zgjedhore të vërtetë.

Vota e kamikazëve të kryeministrit më të korruptuar në Europë dhe të ish-kryeministrit të shpallur non grata për korrupsion madhor, dëshmoi se ata nuk kanë hallin e familjeve shqiptare, të varfërisë, të largimit të të rinjve, të korrupsionit të kudogjendur, por i shqetëson vetëm halli i tyre i përbashkët me SPAK-un.

Shqipëria nuk e meriton këtë pazar të turpshëm!

Spahiu: Teatër komik! Rama ka marrë peng Berishën dhe e përdor si gogol për të trembur amerikanët

Juristi Kreshnik Spahiu e ka cilësuar si teatër komik votimin e një dite më parë në Kuvend të ndryshimeve në Kodin Zgjedhor. Sipas Spahiut, Rama ka marrë peng Berishën dhe e përdor si gogol për të trembur amerikanët.

Juristi u shpreh për Report Tv se konkluzioni i kësaj marrëveshje është fakti se Rama mban pushtetin dhe Berisha mban kreun e opozitës.

‘Ky është një teatër komik që i jep fund dilemave të publikut që mendonin se kanë të bëjnë me një luftë politike me Ramës dhe Berishës. Rama po e përdor Berishën si një patronazhist me të cilin po arrin qëllimet e tij politike. Ky teatër komik nxjerrë zbuluar përdorimin që Rama po i bën Berishën. E përdor si gogol për të trembur amerikanët.

Konkluzioni është Rama mban pushtetin, Berisha mban kreun e opozitës. Premtimi i tij që nuk do të bashkëpunonte me non gratën tashmë është zbehur. Të gjithë marrëveshjet famëkeqe te estabilishmentin politik ndodhin kur ambasadori amerikan nuk ndodhet në Shqipëri. Ndodhin kur është sezon pushimesh, ose në periudhë Krishtlindjesh.

27 deputetë e opozitës që votuan listat e mbyllura kanë votuar edhe kundër Kushtetutës, kundër sistemit pluralist. Kundër demokracisë. Këta deputetë janë patronazhnistët e Edi Ramës, janë fatkeqësia e sistemit demokratik në Shqipëri, duke qenë në patronazh të Edi Ramës i kanë garantuar vazhdimësi të pushtetit të tij.’- tha Spahiu.

Vlora e mbuluar nga tymi si pasojë e djegies së mbeturinave, Myzafer Elezi: Autoritetet lokale neglizhente dhe keqmenaxhuese të situatës

Lidhur me situatën e krijuar në qytetin e Vlorës, ku prej tre ditësh qyteti është i mbuluar nga tymi si rezultat i djegies së mbeturinave, ka reaguar në një postim në profilin e tij në rrjetin social facebook, anëtari i këshillit bashkiak dhe anëtari i kryesisë së PD – Demokratët Euroatlantikë, Myzafer Elezi.

Elezi shprehet se “autoritetet lokale kanë treguar një keqmenaxhim të qartë të situatës, duke mos marrë masa adekuate për të parandaluar dhe për të zgjidhur këtë problem njëherë e mirë. Zjarrfikësit, ndonëse përpiqen maksimalisht, janë të pafuqishëm për ta përballuar këtë sfidë të përhershme, që kërkon një ndërhyrje të gjithanshme dhe afatgjatë”.

Më poshtë postimi i plotë:

Të nderuar qytetarë të Vlorës.

Vlora, një nga qytetet më të bukura dhe me potencial të lartë turistik në Shqipëri, aktualisht po përballet me një situatë të papranueshme dhe të rrezikshme për shëndetin publik. Prej dy ditësh, qyteti është mbuluar nga tymi i rëndë, pasojë e djegies së mbeturinave. Kjo situatë po përsëritet në mënyrë sistematike, duke ndodhur disa herë në vit dhe shpeshherë në kulmin e sezonit turistik.

Autoritetet lokale kanë treguar një keqmenaxhim të qartë të situatës, duke mos marrë masa adekuate për të parandaluar dhe për të zgjidhur këtë problem njëherë e mirë. Zjarrfikësit, ndonëse përpiqen maksimalisht, janë të pafuqishëm për ta përballuar këtë sfidë të përhershme, që kërkon një ndërhyrje të gjithanshme dhe afatgjatë.

Në një periudhë kur Vlora duhet të shkëlqejë dhe të tërheqë turistë nga e gjithë bota, qyteti po mbytet nga ndotja akustike që shkaktojnë djegiet e mbetjeve urbane. Kjo, jo vetëm që dëmton imazhin e qytetit, por vë në rrezik shëndetin e banorëve dhe turistëve.

Ne kërkojmë urgjentisht që Bashkia Vlorë të ndërmarrë masa të menjëhershme për të parandaluar djegien e mbeturinave dhe për të implementuar një sistem efikas menaxhimi të mbetjeve urbane.

Gjithashtu, kërkojmë nga Qeveria që të mbështesë dhe të monitorojë nga afër situatën në Vlorë, duke ofruar ndihmë dhe resurse të nevojshme për të siguruar një mjedis të pastër dhe të shëndetshëm për të gjithë qytetarët.

Është koha që autoritetet të veprojnë me përgjegjësi dhe të tregojnë se kujdesen për të ardhmen e qytetit tonë dhe për mirëqenien e qytetarëve tanë.

Nuk mund të lejojmë që kjo situatë të vazhdojë më tej.

Ne meritojmë një Vlorë të pastër, të gjelbër dhe të sigurt.

Pasnësër, ditën e martë datë 30 Korrik 2024, në mbledhjen e Këshillit Bashkiak, lidhur me situatën e ndotjes nga djegia e mbeturinave, kam disa pyetje që do të kërkojnë përgjigje konkrete dhe të detajuara nga kryetari i bashkisë, duke kërkuar që zgjidhja e situatës të trajtohet me seriozitetin e duhur:

1. Cilat masa konkrete ka ndërmarrë bashkia për të parandaluar djegien e mbeturinave në qytet?

2. A ekziston një plan afatgjatë për menaxhimin e mbeturinave dhe cilat janë objektivat kryesore të tij?

3. Si planifikon bashkia të përmirësojë infrastrukturën për grumbullimin dhe përpunimin e mbeturinave?

4. Çfarë masash janë marrë për të identifikuar dhe ndëshkuar përgjegjësit për djegiet e mbeturinave?

5. A janë zbatuar ndonjëherë gjoba ose dënime për ata që shkelin rregullat e menaxhimit të mbeturinave?

6. Si planifikon bashkia të forcojë kontrollet dhe monitorimin për parandalimin e rasteve të tilla në të ardhmen?

7. A janë të mjaftueshme burimet dhe pajisjet që kanë zjarrfikësit për të përballuar situata të tilla?

8. Çfarë përmirësime janë planifikuar për forcimin e kapaciteteve të shërbimeve zjarrfikëse dhe të emergjencës?

9. Çfarë fushata ndërgjegjësimi janë zhvilluar për të informuar qytetarët dhe bizneset lokale mbi rreziqet e djegies së mbeturinave?

10. Si planifikon bashkia të monitorojë dhe të raportojë progresin e masave të ndërmarra për parandalimin e ndotjes nga mbeturinat?

Situata në Vlorë është alarmante.

Shteti duhet të ngrihet në këmbë për të shpëtuar shëndetin e qytetarëve, i cili është i rrezikuar seriozisht nga ndotja e ajrit.

Këshilltarët bashkiakë të Partisë Demokratike – Demokratët Euroatlantikë janë të shqetësuar për situatën e krijuar dhe kërkojnë zgjidhje emergjente nga pushteti lokal dhe ai qendror.

Vlora meriton më shumë!

Ndryshimet në Kodin Zgjedhor, Artan Fuga: Elektorati do të pyetet vetëm për bishtat e preshëve, çfarë talljeje me militantët demokratë

Artan Fuga ka reaguar përmes një postimi në Facebook në lidhje me dakordësinë e arritur në Kuvend ditën e djeshme për ndryshimet në Kodin Zgjedhor.

“More, këta thoshin në kohën e foltores se edhe një kryetar bashkie, një ministër, kryeministrin po se po, do ta zgjidhnin duke marrë parasysh votën e demokratëve!

Hahahahaha!

Tani edhe trecerekun e deputetëve vendosën se do ta emërojë kryetari pa pyetur per voten e elektoratit per secilin nga keta “te fiksuarit”.

Elektorati do te pyetjet vetem per bishtat e presheve.

Apo foltorja ishte loja!

Cfarë talljeje me militantët demokratë!

Cfarë hipokrizie!”, shkruan Fuga.

Kreshnik Spahiu: Partia e Berishës pengesë kryesore për rrëzimin e qeverisë dhe shkatërron partitë e reja për monopol opozitar

Juristi Kreshnik Spahiu thotë Partia Demokratike e Berishës është bërë pengesa kryesore për rrëzimin e qeverisë.

Në një intervistë për Report Tv, juristi u shpreh se për të mbajtur monopolin opozita PD po shkatërron partitë e vogla.

”PD është bërë pengesa kryesore për rrotacionin politik. Për këtë arsye të gjitha partitë e tjera duhet të bëhen bashkë, nga Lapaj, te Nisma Thurja, Arlind Qori dhe vetë Basha me partinë e re.

Të gjitha partitë duhet të bëhen bashkë të kundërshtojnë këtë pazar politik në GJK se përndryshe janë të vdekura. Ndërmjet të tjerave marrëveshja Rama-Berisha ka shkatërruar partitë e reja dhe mundësitë për të krijuar një pol të tretë.

Duke mbyllur listat partitë e reja nuk mund të bashkëpunojnë për koalicion pasi duhet një listë e përbashkët. Debate kryesore me partitë e vogla, që synojnë të jenë kundër, do të do të lindi në renditjen e listës.

Tani me ligjin e para 4 viteve, u hoq mundësia e koalicioneve dhe të gjithë do të kenë një logo partie. Me një gur kanë vrarë dy zogj, kanë siguruar pushtetin e tyre dhe kanë shkatërruar partitë e vogla. Këta bëjnë një lojë me njëri tjetrin ku kanë shkatërruar pluralizmin dhe kanë vrarë garën”, – tha Spahiu.

Reforma e bunkerizmit të kastës plurale solidare përballë drejtësisë dhe SHBA

Nga Preç Zogaj

As fantazia më e shfrenuar nuk mund të konceptojnë një sistem zgjedhor kaq deledash si ky që votoi Kuvendi i Shqipërisë dje. Nuk ia gjen shokun në asnjë vend normal të planetit.

Një e treta e listës së deputetëve në çdo çark do të emërohen nga kryetarët e partive. Për ta nuk do të aplikohet vota preferenciale; ata nuk do të votohen edhe me emër, siç u bë në zgjedhjet e para katër viteve. Në këtë pikë “reforma e re” ka bërë një hap domethënës prapa.

Një e treta e listës janë patricët e partive. Ata janë më të parë se të barabartët. Ata nuk mund të “të ndyhen” me votë nominale nga populli.

Me këtë gjetje, kasta Berisha-Rama ka vrarë me një gurë dy zogj:

Së pari, u krijon mundësi secilit të emërojnë nga zyra një listë të sigurtë besnikësh të prerjes lepe-peqe.

Së dyti – kjo mund të jetë e para në fakt- shmangin bezdinë e ballafaqimit me numrin diskretitues të votave nominale që do të merrnin ata vetë, servilët dhe lakejtë e tyre. Duke e ditur se lakejtë neveriten jo vetëm nga shumica popullore, por edhe nga shumica në kazermat e tyre partiake.

Tani që e mbyllën listën në pjesën e epërme janë të qetë. Dhe as janë shqetësuar fare se duke i ndarë kandidatët në të nënës dhe të njerkës, numri i pjesëmarrësve në zgjedhje do të jetë më i ulët.

Pjesëmarrja duhej të ishte shqetësimi kryesor i PD-së së Berishës, duke qenë se kjo parti e ka dukshëm më të vogël se PS e Ramës kazermën politike që voton symbyllur. Në çdo element të saj strategjia elektorale e PD-së dhe mbarë opozitës duhej të rrihte në një pikë: si të çonte në kutitë e votimit sa më shumë zgjedhës nga shumica popullore antiqeveritare. Listat e hapura nga fillimi në fund do të kishin qenë motivuese në këtë aspekt. Gara e shëndetshme brenda llojit do të kishte çuar më shumë zgjedhës në kutitë e votimit.

Duke i mbyllur në pjesën e kreut e duke i hapur në pjesën e bishtit gjasat janë që PD të ketë firo edhe nga blloku i militantëve. Është naivitet të mendohet se ”plebenjtë” do të hidhen në flakë e do të shqyhen me njëri-tjetrin për të rinovuar rrogat e deputetëve të emëruar.

Shpjegimet e Oerd Bylykbashit dhe Damian Gjiknurit, zëdhënës respektivë të Berishës dhe Ramës, nuk vlejnë as si gjethe fiku për të mbuluar të çarat ashiqare të kompromisit. Dakord që për kuotat e gjinisë femërore përligjet njëfarësoj lista e mbyllur, megjithëse kjo dhuratë nuk besoj se u pëlqen dhe u shërben shumë grave të angazhuara për të luajtur një rol në politikë. Po për burrat që do të përfitojnë gratis më shumë se gratë nga listat e mbyllura çfarë përligje ka? Shpjegimi se këto vende do të jenë për “akademikët” është më shumë se qesharak, i kërkuar, demagogjik.

Kur të bëhen listat do të shohin se lista e mbyllur është leva e kontrollit absolut, si asnjëherë tjetër, e grupit parlamentar nga kryetari. E shndërrimit të deputetëve thjesht në numra. Si në parlamentet ku sundon autokracia. Me dallimin se ndërsa në Rusi fjala vjen sundon një autokrat si Putin, në vendin tonë kemi sistemin e pashoq të autokracisë me stafetë: e merr njëri, bën barrë dhe ia kalon tjetrit.

Askush nuk duhet të çuditet që dy krerët e dy partive aktualisht kryesore arritën deri këtu. Kompromisi i tyre plot të çara lexon të vepruarit e tyre si një shumësi e vetme përballë rreziqeve të përbashkëta. Kompromisi i tyre shpreh përparësinë e tyre të re në periudhën që jetojmë: që është shtrëngimi i radhëve dhe bashkëveprimi si trup i vetëm kundër sundimit të ligjit dhe ndëshkueshmërisë në sferat e larta, kundër drejtësisë, kundër SPAK-ut dhe lidhur me të gjithë këto edhe kundër rolit aktiv të SHBA-ve.

Një mori aferash të hetuara dhe në proces e kanë alarmuar kastën e korruptuar. Rrethi sa vjen e shtrëngohet. Çështja e marrjes së pushtetit nuk është përparësi për Berishën. Sipas projeksionit të marrëveshjes së djeshme pushtetin do të vazhdojë ta ushtrojë Rama dhe ky nuk është problem për sa kohë Rama ka hyrë në të tilla telashe sa të përfundojë në një varkë me Berishën dhe të jetë ai, Rama, promotori i nismave që synojnë të frenojnë llogaridhënien, ndëshkueshmërinë e tjerë.

Çështja madhore që i bashkon të dy krerët është pikërisht kjo: shmangia e hetimeve, e llogaridhënies.

Imediatisht, marrëveshja e kompromisit kërkon t’u përcjellë prokurorëve kurajozë të SPAK-ut me Dumanin në krye dhe gjyqtarëve ta pandikuar nga politika mesazhin se ne jemi e do të jemi këtu për vite e vite, përballë jush, mbi ju sapo të lëvizin paksa balancat ndërkombëtare në favorin tonë, ndaj thirrini mendjes, bëjini vetë llogaritë, partnerët ndërkombëtare venë e vinë, ne mbetemi.

Përveç SPAK-ut që nuk impresionohet nga këto lloj mesazhesh, kasta ka dy pengesa të mëdha për të dalë aty ku do: SHBA dhe publikun shqiptar.

SHBA nuk do të lëshojnë pe nga premtimi i tyre dhënë popullit shqiptar. SHBA nuk mund të dështojnë në Shqipërinë mike. Sido që të jetë rezultati i zgjedhjeve presidenciale të nëntorit. Ata që presin braktisjen e angazhimeve amerikane janë në iluzion dhe do të zhgënjehen keq. Edhe për ujin nën rrogoz dhe sterkëmbëshat nën rrota ndaj saj.

Sa i takon popullit, kjo është një çështje që do vijë duke u sqaruar gjithnjë e më shumë me afrimin e zgjedhjeve. Le të kujtojmë se në preambulën e kushtetutës së Republikës së Shqipërisë shkruhet: “Ne, populli i Shqipërisë… vendosim këtë kushtetutë”. Në kushtetutën e vendosur nga populli në vitin 1998 kishim sistemin elektoral mazhoritar me korrektim proporcional ku njëqind deputetë zgjidheshin me emër, ballëpërballë dhe ku zgjedhësit e njihnin deputetin e tyre. Me ndryshimet Berisha-Rama të vitit 2008 dhe me këto të fundit të vitit 2024, preambula e lartpërmendur mund të lexohet kështu: Ne, populli i Shqipërisë që nuk na llogarit njeri. Jo vetëm për ligjin zgjedhor. Për asgjë.

Sado t’i qajmë hallin se nuk ka mundësi të ndryshojë fatin e vet, populli nuk ka humbur ende mjetin që lëviz historinë: votën e fshehtë. Në fund të fundit janë zgjedhësit që do të vendosin të shkojnë përpara apo të kthehen prapa në regjimin e pandëshkueshmërisë. Sfida është përpara./Liberale

Lulzim Basha shkakton termet tek Rilindja!

Nga Azgan Haklaj

Kurbani i parë Lindita Nikolla, të tjerë në radhë!

Rama shkarkon Nikollën me një sms nga oborri i Elizesë!

Arenës teatrale që u servir dje në Kuvendin e Shqipërisë ju bashkëngjit në
mënyrë spontane edhe komunikimi i spikeres së
tij Lindita Nikolla.
Me një zë të dominuar nga trishtimi e frika, nga presioni e intimidimi duke kapërdirë dridhjen dhe lotët ajo lajmëroj dorëheqjen e saj.
Ndonëse pa motiv të
vërtetë të argumentuar në pamje të parë ishte një skenë ordinere si një mësuese fshati që pensionohet.
Por realiteti dhe prapaskena e vërtetë e këtij akti meritojnë jo vetëm vëmendje por alarm për shkallën e lartë të brutalitetit e kriminalitetit politik që tashmë ka shtrirë hegjemoninë e vet në ç’do nivel.
Zonja Nikolla nuk e kishte menduar dorëheqjen dhe as kishte ndonjë shqetësim shëndetësor.
Përkundrazi sapo kishte dalë nga parukeria ku po pregatitej të
nusëronte në Kongresin e Rilindjes me dt.28 korrik kur mori një sms që
kishte fluturuar prej tutorit të saj Edi Rama nga oborri i Elizesë në Paris.
Përmbatja e sms-së është e ndyrë dhe përverse si vetë Edi Rama ndaj nuk është etike të
perifrazohet.
Por thelbi i mesazhit vlen të gjykohet.
“Ik, zhduku, mos të
gjej aty!!
Si e le Lulzim Bashën të na degjeneronte pazarin!
Për hir të së vertetës Linda se ndalonte dot fjalën e Bashës.
Në fakt znj Nikolla duhej ta linte këtë detyrë për vet faktin që në 3 vite nën drejtimin e saj me regjizurë të drejtimit të parlamentit e ktheu tempullin e demokracisë në zyrë noteriale të kryeministro-kracisë!
Ajo duhet të ikte pasi të
shijonte dyert e SPAK-ut ku është kallzuar për shkelje të rëndë e me dashje të
ligjeve kushtetuese të
vendit.
Por është bërë zakon që përpara se ti dorëzohen drejtësisë Edi Rama i ther vetë delet e tij, pavarësisht se vatha po i firon.
Të vetmen fjali të saktë e me nënkuptim që prononcoi mes lotëve të inatit, xhelozisë dhe trishtimit znj Nikolla e tha qartë …si numri 2 i shtetit”…etj.etj.
Po kush më thotë
se ç’farë është dyshi e ç’farë është njëshi në
këtë shtet?
Njëshi është kapterri infermier Bajram Begaj që i privuar edhe nga honoret e thjeshta ceremoniale kënaqet me parukieren e gruas që
me paratë e shtetit e përfshin në delegacione presidenciale.
Dyshi paska qënë Nikolla, kjo marionetë e bindur si gratë në mesjetë që
detyroheshin të lajnë deri dhe këmbët e agallarëve nën dhunë.
Po treshi është babloku…ai që aritmetikës politike në
këtë vend ja ka atrofizuar të gjithë numrat përveç numrit të tij.
Pra i parë në këtë këndveshtrim largimi i Nikollës është shqetësues, biles alarmues, sepse është largim me dhunë me kodin e shpellave të mafies.
Në fakt arsyeja thelbësore se përse Edi Rama gjeti kontekstin për të bërë kurban Lindën e tij është e lexueshme.
Ai duke parë se maska e ujdijë mes tij dhe Sali Berishës ishte grisur plotësisht inskenoi këtë melodramë nostalgjike përpara votimit te mbijetesës se autokracisë dhe funeralit të përgatitur që së bashku po i bejnë demokracisë nëse i lejon sovrani, Harku Opozitar Euroatlantik dhe aleatët tanë strategjikë!
Për askënd në këtë vend kjo ikje ndonëse nostalgjike dhe e pa lavdi e Lindita Nikollës nuk përbën lajm e impresion, por shqetësues e alarmues ngelet realiteti sesi është kapur e po keqpërdoret shteti.
Edhe kompanitë familjare kanë të sanksionuar me statut një bord mbikqyrës por në shtetin paçamurr e laraman të Edi Ramës e Sali Berishës gjithçka demokratike e ligjore, principiale e njerëzore është fshirë.
Ka vetëm “ego” dhe sulltanat despotik mesjetar, ku eunukët si gazelët e bylykët, gjiknurët, me shokë përzgjidhen të jenë të
tredhur dhe të belbëzojnë hiçin në këmbim të majmërisë pa e kuptuar se ustallarët e tyre i majmërojnë delet për ti bërë pastërma për dimrin e veshtirë që po vjen pas.
Kurbanë të tjerë rilindas priten në asamblenë rilindase.

Basha: Po përgatisim draft për dërgimin e aktit të djeshëm për mbylljen e listave në Gjykatën Kushtetuese

Kreu i Demokratëve Euroatlantikë, Lulzim Basha, tha se votimi i djeshëm në Kuvend për mbylljen e listave do ta çojë në Gjykatën Kushtetuese. Në deklaratën për mediat, Basha u shpreh se ekipi i juristëve në bashkëpunim dhe me ekspertë të njohur të së drejtës Kushtetuese vlerëson anti-Kushtetushmërinë të aktit të djeshëm dhe po përgatit draftin e dërgimit të kësaj çështje në Gjykatën Kushtetuese.

Pjesë nga fjala e Bashës:

Pyetje: Zoti Basha, ju më herët në argumentet tuaja që keni paraqitur për ndryshimet që u propozuan dhe u miratuan mbrëmjen e djeshme, keni thënë se Gjykata Kushtetuese i ka hapur listat tashmë. Dhe rrejedhimisht këto ndryshime janë si anti-Kushtetuese. Në këtë argument, do t’i dërgoni ju këto ndryshime në Gjykatën Kushtetuese?

Lulzim Basha: Po, faleminderit për pyetjen. Ju konfirmoj se ekipi i juristëve tanë në bashkëpunim dhe me ekspertë të njohur të së drejtës Kushtetuese, po vlerëson anti-Kushtetushmërisë të aktit të djeshëm dhe po përgatit draftin e dërgimit të kësaj çështje në Gjykatën Kushtetuese. Kanë nisur përgatitjet.

“Rama dhe Berisha duan ta mbajnë Shqipërinë kështu siç e kanë bërë atë nga maja e pushteti të tyre”, Basha: Janë trembur nga skeletet në dollapet e pushtetit të tyre. Ndëshkojni me votë

Kreu i Demokratëve Euroatlantikë, Lulzim Basha, në një deklaratë për mediat, u shpreh se Rama dhe Berisha duan ta mbajnë Shqipërinë kështu siç e kanë bërë atë nga maja e pushteti të tyre. Basha tha se janë trembur nga skeletet në dollapet e pushtetit të tyre dhe për këtë u bëri thirrje qytetarëve që t’i ndëshkojnë me votë.

Pjesë nga fjala e Bashës:

Përballja finale është tashmë afër, dhe dallimi mes të ardhmes dhe të shkuarës nuk ka qenë kurrë më e qartë, nuk ka qenë kurrë me e lehtë për t’u shquar me sy të lirë.

Rama dhe Berisha e kanë hedhur hapin e tyre. Dje u rreshtuan të kapur dorë për dorë në një front kundër ndryshimit. Ata duan ta mbajnë Shqipërinë kështu siç e kanë bërë nga karriget e pushtetit që kanë mbajtur.

Me korrupsion të kudgjendur, me shpopullim masiv, me rini të dëbuar, me familje të varfëruara, me media të kapura, pa drejtës, pa mirëqenie për të gjithë.

Na takon ne të ofrojmë alternativën përballë kësaj dysheje dhe kamikazëve të tyre, që janë gati të hidhen në erë për të mbrojtur shefat e tyre përballë drejtësisë.

Na takon në të bëjmë detyrën tonë qytetare, për të mos lënë që dy persona, të trembur nga skeletet në dollapet e pushtetit të tyre, të mbajnë vendin në gjendje të mjerueshme.

Edhe pse pazari u gatua në skutat e kuvendit, edhe pse u votua natën vonë, marrëveshja e tyre doli në dritë brenda dhe jashtë vendit.

“Revolta e qytetarëve nuk ka qenë kurrë kaq e madhe ndaj pazarit Rama-Berisha”, Basha: Me votë ju thanë që jemi mirë me këtë qeveri të korruptuar

Në një deklaratë për mediat, kreu i Demokratëve Euroatlantikë, Lulzim Basha, u shpreh se revolta e qytetarëve nuk ka qenë kurrë kaq e madhe ndaj pazarit Rama-Berisha. Vota kundër hapjes së listave të hapura, sipas Bashës, thane që jemi mire me këtë qeveri të korruptuar, që vjedh fondet e BE, fondet e shëndetësisë, me PPP-të dhe koncesionet korruptive, me afera 3D dhe 5D.

Pjesë nga fjala e Bashës:

Revolta e qytetarëve nuk ka qenë kurrë kaq e madhe, sepse tashmë panë sesi u shkrinë në një parti të vetme, vetëm për të mbrojtur interesat e tyre dhe të karrigeve të tyre, duke u tallur me qytetarët që kërkonin një Reformë Zgjedhore të vërtetë.

Një revoltë e përligjur, sepse ndonëse vija ndarëse ishte për listat e hapura, vota e kamikazëvë të kryeministrit më të korruptuar në Europë dhe ish-kryeministrit të shpallur non grata për korrupsion, ishte një votë që ju tha shqiptarëve që përpara hallit tuaja, jemi këtu për të zgjidhur hallin e karriges tonë.

Nuk ishte një votë thjeshtë kundër hapjes së listave, por një votë për të thënë që jemi mirë kështu.
Jemi mirë me një qeveri të korruptuar që vjedh zgjedhjet.
Jemi mirë me një qeveri që vjedh fondet e BE-së për fermerët.
Jemi mirë me një qeveri që vjedh fondet e shëndetësisë, e që shëndetësinë falas e ka kthyer në vdekje me pagesë.
Ju thanë shqiptarëve që jemi mirë me një qeveri që premton çdo vit legalizime falas, por shtyn vit pas viti hallin e shqiptarëve me pronat.
Ju thanë shqiptarëve që jemi mirë me një qeveri që fut krimelët në parlament e bashki, ndërkohë që bashkë me të amnistojnë të korruptuarit.
Ju thanë se jemi mirë me PPP-të dhe koncesionet korruptive.
Ju thanë se jemi mirë me vjedhjet në 5d dhe propagandën në 3D të Ramës dhe Veliaj, nga të cilët marrin lejet për kullat me të cilat pastrojnë paratë e korrupsionit dhe krimit.

E pra të dashur qytetarë, ju thanë jemi mirë me Edi Ramën, sepse dje nuk votuan për ju, por votuan për veten e tyre.

Një Pazar i trupshëm, që nuk do të harrohet as falet, sepse kurrë nuk ka qenë më e qartë ndarja midis një kaste të mbyllur që kërkon ta mbaj vendin peng, dhe shumicës dërrmuese të qytetarëve që kërkojnë një ndryshim të vërtetë.

1...884885886...8 291Faqja 885 nga 8 291

Kryesore

Continue to the category
Më shumë
© 2024 Rilindja Demokratike Euroatlantike