29.5 C
Tirana
E hënë, 18 Gusht, 2025
type here...

Ambasadori gjerman në Prishtinë: Veprimet e njëanshme dhe të pakoordinuara të Kosovës rrezikojnë aplikimin e saj për anëtarësim në BE

Ambasadori gjerman në Prishtinë, Jorn Rohde, tha se veprimet e njëanshme dhe të pakoordinuara jo vetëm që janë në kundërshtim me marrëveshjet e dialogut mes Kosovës dhe Serbisë, por “më keq, rrezikojnë të lënë të bllokuar në postë aplikimin e Kosovës për anëtarësim në BE”.

“BE-ja lulëzon duke mbledhur rreth vetes të gjitha shtetet anëtare dhe komunitetet e tyre dhe ne na duhet qasje e njëjtë në nivel kombëtar”, tha Rohde përmes një postimi në X, teksa shpërndau reagimin e zëdhënësit të bllokut evropian, Peter Stano, lidhur me mbylljen e disa degëve të Postës së Serbisë në veriun e Kosovës.

Kosova ka aplikuar për anëtarësim në BE më 15 dhjetor të vitit 2022. Por, ky aplikim ende nuk është shqyrtuar dhe rrjedhimisht Kosova mbetet vendi i vetëm në rajon që nuk ka statusin e vendit kandidat.

Aksioni policor për mbylljen e degëve të Postës së Serbisë u zhvillua më 5 gusht, kur u mbyllën nëntë objekte.

Në Mitrovicë të Veriut dhe Leposaviq u mbyllën nga tri objekte, në Zveçan dy, dhe një në Zubin Potok.

Nga Policia e Kosovës thanë se aksioni u zhvillua pas informatës së pranuar nga Autoriteti Rregullativ i Komunikimeve Elektronike dhe Postare (ARKEP) se në territorin e Kosovës po operojnë operatorë ekonomikë pa licencë dhe që nuk janë të regjistruar në Agjencinë për Regjistrimin e Bizneseve në Kosovë (ARBK).

Bashkimi Evropian e kritikoi aksionin, duke thënë se ishte një veprim i njëanshëm dhe i pakoordinuar i autoriteteve të Kosovës.

Sipas BE-së, një veprim i tillë shkel dialogun për normalizimin e raporteve mes Kosovës dhe Serbisë, që ndërmjetësohet nga Bashkimi Evropian.

Blloku evropian rikujtoi që në kuadër të marrëveshjeve të arritura për telekomunikacionin, më 2013 dhe 2015, dy palët janë pajtuar që për shërbimet postale të diskutohet “në një fazë të mëvonshme”, dhe kështu, sipas BE-së, është kuptuar që kjo çështje mund të adresohet vetëm përmes dialogu.

Edhe Shtetet e Bashkuara thanë se janë “thellësisht të zhgënjyera” për mbylljen e degëve të Postës së Serbisë.

“Veprimet e pakoordinuara të Kosovës përballin shtetasit e Kosovës dhe ushtarët e KFOR-it me rrezik të madh, nxisin përshkallëzim të panevojshëm të tensioneve rajonale, dhe minojnë reputacionin e Kosovës si partnere e besueshme ndërkombëtare”, tha Ambasada amerikane në Prishtinë në një reagim të publikuar më 5 gusht.

Mbyllja e objekteve u dënua edhe nga zyrtarët e Postës së Serbisë, Lista Serbe, dhe institucioneve shtetërore të Serbisë.
/rel

“Po notojnë në hale”, polemika të forta për garat në Senë gjatë Lojërave Olimpike. Ekipet tërheqin notarët

Ujërat e ndotura të Senës në Paris vazhdojnë të krijojnë kaos dhe polemika në Lojërat Olimpike. Lëvizja e fundit vjen nga Belgjika, e cila vendosi të tërhiqte ekipin në shenjë proteste nga stafeta e triatlonit miks, që u zhvillua dje. Vendimi u mor për shkak se u sëmur atletja Claire Michel, e cila mori pjesë pak ditë më parë në garat individuale, por shfaqi probleme shëndetësore pas zhytjes në lumë.

 

SITUATA – Michel mori pjesë në garën e triatlonit për femra të mërkurën e kaluar, duke u renditur në vendin e 38-të. Por sportistja 35-vjeçare belge tani është e sëmurë dhe është detyruar të tërhiqet nga stafeta e përzier. Mediat belge bëjnë të ditur se Michel ka pësuar një infeksion “Escherichia coli”. Ky është bakteri që vazhdon të pushtojë ujërat e Senës, sidomos pas reshjeve të fundit. Gjatë ditëve të fundit madje ishin përhapur zëra për shtrimin e atletes në spital, por kjo u mohua nga Komiteti Olimpik Belg. Tërheqja e Belgjikës nga gara mikse u shoqërua edhe me një mesazh të fortë:

“Shpresojmë që leksioni të mësohet në kuadër të garave të ardhshme të triatlonit në Olimpiadë. Është një cirk, dhe në këtë atletët janë kukulla”, deklaroi Marten Van Riel, triatlet i Belgjikës. Nga ana tjetër organizatorët parizianë të Lojërave u shfajësuan: “Është Komiteti Olimpik Ndërkombëtar që vendos nëse mund të garohet në Senë apo jo”.

Ndërkohë, probleme gastroenteriti për shkak të infektimit me “Escherichia coli” kanë shfaqur edhe dy atletët zviceranë, Adrien Brifford e Simon Westermann, të cilët garuan gjatë javës së kaluar. Por ndryshe nga Belgjika, Zvicra nuk e tërhoqi skuadrën. Për këtë çështje nuk kanë munguar as komentet e ashpra nga politika. Ministri italian i transportit, Mateo Salvini, nuk u kurseu në akuza:

 

 

“Të përfundosh në spital sepse noton në një hale është mungesë respekti ndaj sportistëve, të cilët kanë sakrifikuar për muaj me radhë për këtë garë”, u shpreh Salvini. Megjithatë, pavarësisht cilësisë së dyshimtë të ujit, garat në Senë do të vazhdojnë. Më 8 gusht do të zhvillohet disiplina 10 km për femra, ndërsa më 9 gusht, gara 10 km për meshkuj.

Konfirmohet një pacient me ‘Ethet e Nilit’ në Lushnjë, niset drejt Greqisë për kurim

Një person ka rezultuar pozitiv me virusin ‘Ethet e Nilit’, në Lushnjë. Mësohet se pacienti është nisur drejt Greqisë për kurim.

 

“Ethet e Nilit” konsiderohet një sëmundje e zakonshme, por në vetëm dy javë ka shënuar tri viktima në Shqipëri dhe dhjetëra të infektuar.

Tre qytetarët që humbën jetën nga Ethet e Nilit ishin mbi 62 vjeç dhe me sëmundje të tjera shoqëruese.

Virusi kalon lehtshëm tek të rinjtë, por të rrezikuar janë moshat mbi 50 vjeç me sëmundje të tjera bashkëshoqëruese.

E Ngarkuara me Punë e SHBA mesazh në gjuhën shqipe, Nancy VanHorn: Mbështes Shqipërinë në rrugën e integrimit europian

E Ngarkuara me Punë e SHBA, Nancy VanHorn, ka dhënë sot një mesazh në gjuhën shqipe.

 

Ajo shprehet se është e nderuar për këtë post, ndërsa shton se do të jetë e përkushtuar në mbështetjen e Shqipërisë për t’u integruar në Bashkimin Europian dhe forcimin e marrëdhënieve mes dy vendeve.

Ndër të tjera ajo zbulon se ka punuar si diplomate në të gjitha shtetet e Europës Lindore.

Po ashtu, VanHorn shpreh dëshirën për të njohur, kulturën, ushqimin dhe vendet e Shqipërisë.

“Përshëndetje të gjithëve. Unë jam Nancy VanHorn dhe jam e nderuar të filloj punë si e ngarkuara me punë në ambasadën e SHBA-ve këtu në Tiranë.

Nga viti 2007 iu bashkova shërbimeve të jashtëm të SHBA. Kam punuar si diplomate në të gjithë Europën Lindore, përfshirë ambasadat e Ukrainës, Armeni dhe Rusi.

Jam e emocionuar që jam në Shqipëri dhe që do të punojmë për qëllimet e përbashkëta, për të promovuar vlerat demokratike. Për të rritur sigurinë dhe bashkëpunimin si aleatë të NATO-së, për të çuar përpara rritjen ekonomike. Jam e përkushtuar që të mbështes Shqipërinë në rrugën drejt BE dhe të forcojmë lidhjet mes dy vendeve tona.

Kam qenë duke mësuar shqip dhe mezi pres të njoh dhe kulturën e pasur të Shqipërisë dhe për këtë më duhet ndihma juaj. Kam tri pyetje për ju; cilin vend duhet të vizitoj të parin, cilin ushqim duhet të provoj patjetër dhe cilin libër që tregon shpirtin e vendit tuaj më rekomandoni?

Faleminderit për mikpritjen e ngrohtë në vendin tuaj të bukur. Pres me kënaqësi, të zbuloj, mësoj dhe të krijoj miqësi që i qëndrojnë kohës”, shprehet ajo.

 

 

Zgjedhjet presidenciale në SHBA, Kamala Harris shpallet zyrtarisht kandidate e Partisë Demokratike

Kamala Harris është shpallur zyrtarisht kandidatja demokrate për zgjedhjet e vitit 2024 në SHBA.

 

Asnjë sfidues nuk u paraqit përpara afatit të 27 korrikut, duke eliminuar mundësinë e një konvente të hapur të Partisë Demokratike në Çikago në gusht.

Harris dukej se mori vulën përfundimtare të miratimit kur Obama-t i ofruan asaj miratimin e tyre muajin e kaluar.

Ish presidentit iu bashkuan Clintonët, ish-kryetarja e Dhomës së Përfaqësuesve, Nancy Pelosi, aktorit George Clooney dhe këngëtareve Cardi B, Ariana Grande dhe Charli XCX në mbështetjen e Harris për të kandiduar kundër Donald Trump.

Donacionet për demokratët janë rritur gjithashtu që kur Presidenti Joe Biden tha se nuk do të kërkonte rizgjedhje.

 

Pothuajse menjëherë 50 milion dollarë mbështetje u derdhën, me sindikatat e punëtorëve dhe grupet e avokimit gjithashtu pas Harris.

Keni nevojë për pushime? Ja 4 sinjalet që ju jep trupi për t’ju informuar se është koha për t’u relaksuar

Trupi juaj është gjithmonë aty për t’ju informuar se duhet të relaksoheni pak, se keni nevojë për një pushim. Problemi është se herët ne të gjithë mësohemi të ndalojmë së dëgjuari trupin tonë.

 

Kjo është pikërisht arsyeja pse është kaq e rëndësishme t’i kushtoni vëmendje ndryshimeve që vini re në botën tuaj mendore dhe emocionale, asaj që përjetoni fizikisht dhe si i trajtoni gjërat përreth jush. Nëse tani mendoni se keni nevojë për pak pushim, atëherë patjetër që e meritoni atë.

Lexoni 4 mesazhet që ju dërgon trupi juaj dhe nuk duhet t’i injoroni.

Keni çrregullime të tretjes

Stomaku i trazuar, kapsllëku ose dispepsi, si dhe ndryshimet në oreks, mund të jenë një shenjë se keni nevojë për një pushim. Stresi shpesh shkakton tension të muskujve, duke çuar në dhimbje koke, dhimbje nofullash dhe dhimbje shpine ose shpatullash. Ju mund të mos e kuptoni gjithmonë se sa i tensionuar është trupi juaj derisa të vini re qëllimisht se çfarë ndjeni dhe ku. Në të njëjtën kohë, nëse shihni ndryshime në pjesën e gjumit, nëse jeni të rraskapitur kur zgjoheni, këto janë shenja të mundshme që duhet të kaloni më shumë kohë për pushim dhe relaksim.

Sëmureni lehtë

Stresi mund të prekë të gjitha sistemet e trupit. Hulumtimet tregojnë se mund të dobësojë sistemin imunitar, për shembull, duke e sëmurë më shpesh. “Kam studentë të diplomuar që u jap mësim dhe ata shpesh më thonë se menjëherë pasi diplomohen, ata ftohen ose sëmuren”, thotë terapisti Ashley Fields për revistën TIME.

Marrëdhëniet tuaja me të tjerët bëhen më “të vështira”

Kur përjetoni stres të fortë, a përhapet ai në marrëdhëniet tuaja me të tjerët? Ju mund të vini re se ndiheni pak më nervoz ose të vështirë. Dhe nëse e gjeni veten duke dashur të izoloheni pak më shumë, kjo mund të jetë gjithashtu stres.

Ju vini re ndryshime emocionale

Nëse keni nevojë për pak pushim, do të vini re se përjetoni stres të shtuar. Humori juaj patjetër mund të ndikohet. Ankthi mund t’ju pengojë të shijoni aktivitetet që dikur i keni shijuar. Ju mund të mos jeni më i interesuar për atë libër që po lexonit ose për atë udhëtim që dëshironi të bëni, dhe kjo duhet të merret patjetër si një shenjë se diçka nuk është në rregull. Njerëzit të cilët kanë nevojë dëshpërimisht për një pushim ndonjëherë humbasin aftësinë për t’u përfshirë në kujdesin bazë për veten, siç janë ushtrimet dhe ushqimi i mirë.

Forumi i rëndësishëm “BBC World Questions” vjen në Shqipëri, Lulzim Basha në panel!

BBC World Questions më 10 shtator pritet të mbërrijë në Shqipëri për të disktuar për të ardhmen e vendit.
Zhvillimi ekonomik, korrupsioni, emigrimi dhe kostoja e jetesës do të jenë tematika e diskutimeve me një panel politikanësh dhe aktivistësh.
Programi i BBC World Service, i cili vendos pyetjet në qendër të debatit, do të prezantohet nga korrespondenti i BBC, Jonny Dymond. Jonny do të drejtojë debatin përreth një orë, me pyetje nga një audiencë e drejtpërdrejtë.

Paneli do të përfshijë:
• Lavdrim Krashi – Deputet i Partisë Socialiste
• Lulzim Basha – Kryetar i Demokratëve Euro Atlantik
• Edlira Cepani – Juriste dhe aktiviste për të drejtat e njeriut
• Fiori Hoxhaj – Aktiviste rinore

Gwenan Roberts, Redaktore e Komisionerëve BBC World Service English, ka thënë: “BBC World Questions mbërrin në Shqipëri për herë të parë për të diskutuar mbi çështjet kryesore që prekin qytetarët në të gjithë vendin. Mezi presim ta sjellim debatin në Tiranë për të gjithë dëgjuesit tanë në mbarë botën.”

Programi do të zhvillohet live të martën e 10 shtatorit në orën 19:00 në Hotel Rogner.
Paraprakisht do të ketë një pritje me pije duke filluar nga ora 18:00.
Regjistrohuni për të marrë pjesë këtu.

Programi do të transmetohet për herë të parë në World Service English më 14 shtator. Ai do të jetë i disponueshëm në internet , në BBC Sound dhe në shumicën e platformave të tjera podcast.

Për akreditimin e shtypit për të marrë pjesë në debat, kërkesat për intervista dhe çdo pyetje në lidhje me BBC World Service, kontaktoni: [email protected].

Rreth BBC World Service
Shërbimi Botëror i BBC ofron përmbajtje lajmesh në mbarë botën në anglisht dhe 41 shërbime të tjera gjuhësore, në radio, TV dhe platforma dixhitale. BBC World Service ka një audiencë javore prej 320 milion ndjekwsish (BBC Global Audience Measure 2024).
BBC World Service English është një radio dhe rrjet online në gjuhën angleze që transmeton ndërkombëtarisht. BBC World Service English arrin një audiencë javore prej 84 milion (2024), duke transmetuar lajme dhe programe aktuale si Newsday, Newshour, The Newsroom, OS dhe The Inquiry. Ai gjithashtu transmeton një sërë dokumentarësh duke përfshirë People Fixing the World, In the Studio, The Documentary, The Forum, Heart and Soul dhe The Climate Question.

Podkastet e fundit të njohura të ofruara nga BBC World Service English përfshijnë Love Janessa, The Lazarus Heist dhe Dear Daughter, të cilat fituan çmimin Podcast i Vitit 2022 në British Podcast Awards. Për më shumë informacion, vizitoni bbc.com/worldservice.

Rikthehen pas 13 vitesh “Ethet e Nilit”, 3 viktima e 17 të infektuar! Nga temperaturë, dhimbje të forta muskulore e koke, ja simptomat që shfaq! Zonat ku është më e përhapur dhe moshat më të rrezikuara

Pas COVID-19 që ka zënë vend prej disa vitesh, një tjetër virus po kërcënon jetën e qytetarëve.

 

Bëhet fjalë për “Ethet e Nilit”, që konsiderohet një sëmundje e zakonshme, por në vetëm dy javë ka shënuar tri viktima dhe dhjetëra të infektuar (të konfirmuar dhe një numër më i lartë të dyshuar se janë prekur). Shefja e departamentit të Sëmundjeve Ngjitëse pranë ISHP-së, zonja Silva Bino, përmes një njoftimi për mediat konfirmoi lajmin dhe bëri të ditur se situata është nën kontroll dhe se janë marrë masa nga bashkitë për dezinsektimin e zonave.

“Kjo verë ka qenë me pak infeksione, ka pasur rritje të rasteve me COVID edhe të shfaqjes së Etheve të Nilit. Për Evropën, kjo verë është e mbushur me disa lloje infeksionesh. Kjo lidhet me lëvizjet e njerëzve. Kemi pasur shpërthim në 2011, 2017 dhe 2018, kemi 17 raste, një banues në Lushnjë, 19 raste të mundshme, të prekurit kanë jo vetëm shenja klinike dhe ekzaminim serologjik, janë kryer testime 84% gjatë korrikut, janë 64 raste të dyshuara. Ethet e Nilit qarkullojnë tek zogjtë, por prekin kuajt. Janë 3 raste vdekje, ethet janë sëmundje që kalon letshëm tek personat e rinj, pas moshës 60 vjeç apo tek persona që kanë dëmtime të imunitetit shfaqen format me prekje të sistemit nervor. Kemi komunikuar me bashkitë për dezinsektimin e zonës”, – tha Bino.

“Ethet e Nilit” është sëmundje zoonotike, që qarkullon kryesisht te zogjtë dhe që prek sistemin nervor, por sëmundja kalon tek njerëzit nga pickimi i mushkonjave dhe nuk transmetohet nga njeriu tek njeriu.

SHTRIRJA E VIRUSIT

Drejtoresha e Institutit të Shëndetit Publik, Eugena Tomini, thotë se zonat me prevalencë më të lartë të të infektuarve deri më tani rezultojnë bashkitë Fier, Lushnje e Kurbin, ndërkohë që apelon bashkitë të dezinfektojnë mjediset.

“Zonat që janë të prekura aktualisht janë zona 2 deri në 3 km në zonën periurbane. Pra në zonat qendrore të bashkive dhe kryesisht duhet të përmend Bashkinë Fier, Lushnje dhe Kurbin, ku kanë predominuar rastet. Bashkitë duhet të vijojnë me procesin e dezinsektimit me adulticid si në rastin në fjalë Bashkia Lushnje e ka kryer procesin e dezinsektimit në vatrën ku është evidentuar ky virus”.

SHENJAT

Tre qytetarët që humbën jetën nga Ethet e Nilit ishin mbi 62 vjeç dhe me sëmundje të tjera shoqëruese. Virusi kalon lehtshëm tek të rinjtë, por të rrezikuar janë moshat mbi 50 vjeç me sëmundje të tjera bashkëshoqëruese.

“Duhet të theksoj se prekshmërinë si sëmundje e ka mbi moshën 50 vjeç. Ndërkohë që rastet e evidentuara në bazë të vlerësimit epidemiologjik klinik janë mbi moshën 62 vjeç. Pra janë pacientë të cilët kanë sëmundje bashkëshoqëruese dhe kanë imunitet të deprimuar (të dobët)”, – u shpreh Tomini. Por në 80% të rasteve të prekurit nuk shfaqin simptoma. Shenjat sipas mjekëve janë të ngjashme me ato të gripit si temperaturë, dhimbje të forta muskulore, dhimbje koke ose shenjë në lëkurë.

“Duhet të theksojmë faktin tjetër që 80% e individëve të cilët infektohen me virusin e Nilit Perëndimor nuk shfaqin klinikë, pra e kalojnë në formë të lehtë. 20% prej tyre shfaqin formë të rëndë ose të moderuar dhe një përqindje shumë e vogël e tyre shfaqin prekje të sistemit nervor qendror, që do të thotë japin meningite, encefalite etj.. Me keqardhje edhe rastet që kanë humbur jetën kanë qenë me imunitet të ulët e me sëmundje të tjera bashkëshoqëruese. Nëse shfaqin klinikën sigurisht nëse kalojnë 2 deri në 3 ditët e para dhe shenjat klinike agravojnë me ndryshime të koshiencës, duhet këshillim me mjekun e familjes, që është shumë e rëndësishme”, – tha Tomini.

PARANDALIMI

Drejtoresha dhe mjekja Eugena Tomini kërkon të veçojë se situata është nën kontroll dhe këshillon qytetarët se si të mbrohen nga pickimi i mushkonjave.

“Duhet pasur kujdes në sezonin ku kemi popullatën e mushkonjës të shtuar, sigurisht për punonjësit që punojnë në të mbjella apo jashtë. Daljet në orët e pikut të mbrëmjes ku dhe lloji i mushkonjës kuleksi pickon, që është më shumë aktive gjatë mbrëmjes. Duhet të veshim veshje të lehta, të pambukta, të cilat janë me mëngë të gjata. Në pjesën e poshtme me çorape, me pantallona të shkurtra me ngjyra të çelura në mënyrë që të shohim mushkonjat dhe t’i largojmë ato. Si dhe këshillohet lyerja me mbrojtës nga mushkonjat etj.”, – u shpreh drejtoresha e ISHP-së. Prej dy javësh, ISHP po vijon me testimet në terren dhe i kërkon pushtetit vendor të bëjë dezinsektimin e zonave.

Gjykata në SHBA: Google ka shkelur ligjin me monopolin mbi kërkimet në internet! Vendimi, pasoja të jashtëzakonshme për internetin, mund të paralizojë një nga kompanitë më të njohura në botë

Një gjykatës arriti të hënën në përfundimin se kompania Google shkeli ligjin kur mbajti monopolin mbi kërkimet në internet, duke shtypur konkurrencën dhe tkurrur inovacionin.

Vendimi ka gjasa të ketë pasoja të jashtëzakonshme për internetin dhe të paralizojë një nga kompanitë më të njohura në botë. Gjykatësi i qarkut të Uashingtonit, Amit Mehta e mori atë një vit pasi Departamenti i Drejtësisë paditi kompaninë Google në përballjen më të madhe antitrust në Shtetet e Bashkuara që prej një çerek shekulli.

“Pasi shqyrtoi dhe peshoi me kujdes dëshminë dhe provat, gjykata arrin në përfundimin e mëposhtëm: Google është një (kompani) monopoliste dhe ka vepruar si e tillë për të ruajtur monopolin e vet”, shkruan gjykatësi Mehta në vendimin e tij prej 277 faqesh.

Ai tha se dominimi i Google në tregun e kërkimit në internet, është dëshmi e monopolit të saj.

Google “kontrollon 89.2% të tregut për shërbimet e kërkimit të përgjithshëm, një shifër që shkon në 94.9% në pajisjet celulare”, thuhet në vendimin që përbën një humbje madhore për Google dhe kompaninë ombrellë të tij, Alphabet Inc., e cila kishte argumentuar me forcë se popullariteti i motorit të saj të kërkimit buronte nga kërkesa e madhe e konsumatorëve për ta përdorur atë, falë cilësisë së lartë, që “e ka kthyer në sinonim të kërkimit në internet”.

Motori i kërkimit i Google aktualisht përpunon rreth 8.5 miliardë pyetje në ditë në mbarë botën, pothuajse dyfishi i vëllimit të tij ditor krahasuar me 12 vjet më parë, sipas një studimi të fundit të publikuar nga firma e investimeve BOND.

Kent Walker, presidenti i Google për çështjet globale, tha se kompania synon ta apelojë vendimin e gjykatësit e Mehta:

“Ky vendim e konfirmon se Google ofron motorin më të mirë të kërkimit, por arrin në përfundimin se ne nuk duhet të lejohemi ta bëjmë atë lehtësisht të disponueshme”.

Tani për tani, vendimi u jep të drejtë rregullatorëve antitrust në Departamentin e Drejtësisë, i cili ngriti padinë gati katër vjet më parë, ndërsa Donald Trump ishte ende president, dhe ka përshkallëzuar përpjekjet për të frenuar kontrollin e firmave të mëdha të teknologjisë gjatë administratës së Presidentit Joe Biden.

“Kjo fitore kundër Google është një fitore historike për popullin amerikan”, tha Prokurori i Përgjithshëm Merrick Garland. “Asnjë kompani – pavarësisht sa e madhe apo me ndikim – nuk është mbi ligjin. Departamenti i Drejtësisë do të vazhdojë të zbatojë me forcë ligjet antitrust./VOA

DETAJE TË REJA/ Prindërit mund të jenë vrarë nga i biri, policia heton disa pista të mundshme për ngjarjen në Konispol

Zbardhen të tjera detaje rreth krimit të rëndë, me dy të vdekur në Konispol.

Ngjarja ndodhi rreth orës 07:00, në fshatin Shalës.

Pavarësisht dyshimeve të para, ku u tha se Huso Islamaj vrau gruan e tij me sëpatë, shtetasen Shano Islamaj, dhë pas konfliktit me djalin e tij, u rrëzua nga shkallët dhe për pasojë humbi jetën, policia hedh dyshime dhe për një tjetër version. Duke iu referuar burimeve hetimore, policia po heton dhe djalin e çiftit, shtetasin Klement Islamaj, pasi nuk përjashtohet që mund t’i ketë vrarë prindërit.

E moshuara, sipas policisë, humbi jetën nga goditja më sëpatë, ndërsa 69-vjeçari pas rrëzimit nga shkallët. Aktualisht, trupat e pajetë të burrë e grua ndodhen ende në vendin e ngjarjes, ndërsa nuk janë transportuar në morgun e spitalit të Sarandës.

Sakaq, 40-vjeçari, i cili jetonte bashkë me prindërit, gruan dhe dy fëmijët e tyre, aktualisht është shoqëruar në polici dhe po merret në pyetje, mbi detajet e ngjarjes.

1...946947948...8 382Faqja 947 nga 8 382

Kryesore

Continue to the category
Më shumë
© 2024 Rilindja Demokratike Euroatlantike