Ish-kryeministri Sali Berisha ka denoncuar më herët qeverinë e kryeministrit Edi Rama se me marrëveshjen e re të detit, i ka falur Greqisë blloqet 1 dhe 2 në detin Jon, të cilat janë të pasura me naftë dhe gaz.
Ndonëse nga qeveria dhe Ministria e Jashtme vijojnë të qëndrojnë në heshtje, është kreu i Agjencisë së Burimeve Natyrore, Adrian Bylyku, i cili konfirmon për ‘Tv Klan’ se këto blloqe nuk janë më pjesë e territorit të Shqipërisë.
“Blloku Joni 5 është bllok në territorin shqiptar, kurse blloku 1 dhe blloku 2 nuk bëjnë pjesë në territorin shqiptar. Saktësimi i ndarjes midis dy blloqeve është një element i cili do të sqarohet, por kurrsesi nuk cënon pjesën e interesit të hidrokarbureve”, ka deklaruar Bylyku.
Kjo është hera e parë që një drejtues institucioni në Shqipëri pranon heqjen dorë nga dy blloqet e rëndësishme në Jon.
Kreu i Agjencisë së Burimeve Natyrore ka deklaruar gjithashtu se për çështje ditësh, qeveria shqiptare do të firmosë marrëveshjen me kompaninë Shell e cila do të nisë kërkimin e naftës në bllokun 4 në tokë, mes Gjirokastrës e Delvinës.
Kapitullanti Edvin Kristaq Rama kapet mat?!
Te dashur miq, mashtrimi me Top Channel dhe mediat e tjera te majta te Edvin Kristaq Rames, eshte nje deshmi tjeter e kapitullimit te tij dhe faljes Greqise te fushave me te medha te naftes dhe gazit ne Jon dhe Mesdhe.
Dje, media e specializuara greke ne fushen e energjise “energypress.gr” publikoi harten dhe njoftimin se ne marreveshjen e re te detit Greqia si perfitime kryesore kishte heqjen dore nga Shqiperia nga blloqet 1 dhe 2 te trilionave te gazit dhe naftes ne Jon.
Fill pas ketij publikimi Edi Rama reagoi, por ne menyre trashanike dhe qesharake, per te mashtruar shqiptaret. Keshtu, sugar Fuga shperndau nje njoftim shtypi, te cilin TCH, dhe pas tij ne kor ne portale dhe gazeta te majta, e serviren dizinformimin e Fuges si te nje diplomati grek pa emer, mbiemer as dhe adrese, sipas te cilit Greqia bujare i kishte falur Shqiperise blloqet 1 dhe 2 dhe shume territore te tjera, me pretendimin qesharak se ajo e beri kete bujari sepse donte te korrigjonte marreveshjen e meparshme per zemermiresi, dhe se ajo me urgjence donte te firmoste kete marreveshje me Shqiperine per shkak te marreveshjeve qe ajo do te firmose me Egjiptin, Qipron, Izraelin dhe Turqine!
Me kete akt te pergenjeshtrimit te mediave te specializuara greke nga zyra e tij, provohet perfundimisht se Edvin Kristaq Rama ka arritur marreveshjen e Detit me Greqine dhe, siç kemi njoftuar jave me pare dhe konfirmuar disa here publikisht nga pala greke, ai ka kapitulluar dhe falur fushat me te medha te gazit dhe naftes ne Jon dhe Mesdhe.
Perveç kesaj, sipas ketij lajmi perseri provohet se ishujt e Egjeut percaktojne qendrimet per ishujt e Jonit!? sb
