Persona të maskuar të pajisur me kallashnikov dhe tritol kanë sulmuar pas mesnate shtëpinë e sekretarit të PD në Lezhë, Tonin Kolthi.
Denoncimi deri edhe me foto që është bërë nga një banor i fshatit Spiten të Lezhës është publikuar nga ish-kryeministri Sali Berisha, i cili e ka dënuar ashpër këtë akt. Berisha shkruan:
“Akt terrorist ndaj veprimtarit të PD në Lezhë!
Sot në ora 2 të mëngjesit, terroristë të maskuar kanë hedhur tritol dhe gjuajtur me breshëri automatiku drejt shtëpisë së veprimtarit të PD, Tonin Kolthi në Spiten të Lezhës.
Duke shprehur solidaritetin tim më të madh ndaj Toninit, familjes së tij, banorëve të Spitenit, dënoj me ashpërsinë më të madhe këtë akt kriminal, terrorist ndaj veprimtarit të PD-së dhe paralajmëroj Edvin Mafinë dhe Pirinin, ish-polic bandit, se do të përgjigjeni personalisht për çdo akt kriminal terrorist ndaj kundërshtarëve politikë.
Lexoni me poshtë mesazhin e qytetarit dixhital dhe shikoni fotot e maskave terroriste!”
Doktor mirëmëngjes.
Uroj të jeni mirë me shëndet ju dhe familja.
Doja të të informoja: sot në orët e vona të natës, rreth orës 2 pa 4 min, persona të maskuar kanë terrorizuar familjen e sekretarit të seksionit Tonin Kolthi në fshatin Spiten të Lezhës, pasi kanë gjuajtur me breshëri automatiku.
Po ashtu edhe kanë hedhur lëndë plasëse tritol në oborr afër hyrjes së shtëpisë duke terrorizuar atë vetë dhe bashkëshorten e tij, që ndodheshin në shtëpi në ato momente.
Kamerat e sigurisë kanë filmuar të gjitha lëvizjet e dy personave të maskuar (sapo t’i kem t’i dërgoj).
Tonini thotë që nuk ka konflikte personale me askënd, ndaj mendohet që e gjitha të ketë ndodhur për arsye politike. Bashkangjitur fotot e shtëpisë së Tonin Kolthit dhe vendit ku ka shpërthyer tritoli.
Faleminderit.
