Byroja e Kuvendit ka rrëzuar kërkesën e PD për të përjashtuar me 10 ditë Kryeministrin Rama. Në përfundim të mbledhjes së Byrosë, nënkryetari demokrat i Parlamentit, Edmond Spaho tha se ushtarët e bindur të Ramës nuk përjashtuan Ramën. “ Ushtarët e bindur të Ramës kur kanë dënuar deputetët e opozitës sot vendosën që mos ta dënojnë Kryeministrin. Madje kur po diskutonin u duk se po propozonin që Kryeministrit t’i japim gojëmbëli i Parlamentit për fjalorin që iu drejtua opozitës në seancën parlamentare, ku e cilësoi tufë bagëtish në aleancë me forcat e errëta dhe të gjitha forcat që kundërshtojnë Reformën në Drejtësi. Në këtë debat, Rama ofendoi me fjalor banal jo vetëm opozitën, por edhe gjykatën dhe Prokurorinë duke i cilësuar përfaqësuesit e saj, trafikantë, kriminelë, horra, derdimentë, vrasës dhe një mori epitetesh të denja për fjalorin e një Kryeministri. Këto epitete gurgulluan edhe nga Ministria e Brendshme, të cilit kur i lirojnë të atin gjykatësit dhe prokurorët i duken engjëj, kurse kur i pezullojnë Hakiun, po këta njerëz i duken lugetër” tha Spaho.
