Mbyllet një epokë te Wolfsburg, me mbrojtësin Marcel Schafer, që largohet nga klubi pas 10 vitesh. Shoqëria gjermane, përmes faqes zyrtare bëri të ditur largimin e 32-vjeçarit nga “Volkswagen Arena”, drejt Amerikës, me Schafer që firmosi për Tampa Bay Rowdies deri në vitin 2019. Megjithatë ky nuk është një largim përfundimtar i lojtarit nga gjermanët, sepse pasi të përfundojë aventurën amerikane, mbrojtësi do të kthehet te Wolfsburg ku do të këtë një rol drejtuesi.
