I ftuar në studion e Top News, kandidati për deputet në qarkun Tiranë, i Koalicionit Euroatlantik, Gazment Koduzi, I drejtohet me një mesazh të qartë të gjithë qytetarëve pa dallim bindjeje politike se përse do të duhet të votojnë për kandidatë të pakorruptuar.
“Ne i drejtohemi të gjithë qytetarëve shqiptarë. Pse e them këtë? E them këtë sepse çdo qytetar shqiptar ka të njejtat probleme, pavarësisht bindjeve të tij, mund të jetë i majtë apo i djathtë, mund të jetë banor i zonave rurale apo i zonave urbane, mund të jetë një tregtar i vogël, mund të jetë i shtresës së mesme apo edhe një biznes i madh. Problematikat që përballim të gjithë, këtu jemi të gjithë në të njejtin vend. Kemi probleme me arsimin, kemi të njejtat probleme me shëndetësinë, kemi të njejtat probleme me rendin, me infrastrukturën.“
Ndërsa mjeku është në fushatë në terren në takime me njerëzit ai ndalet tek problemi kryesor që ka sipas tij ka kapluar vendin që është korrupsioni.
“Problemi madhor kryesor është korrupsioni ku të gjithë qytetarët shqiptarë paguajnë taksa dhe taksa më normale që paguajnë është TVSH-ja qoftë edhe për një pagure uji, është taksë që e paguan qytetari dhe kjo qeveri ka treguar që i menaxhon këto taksa të qytetarëve duke ia dhënë klientëve të vet ose oligarkëve dhe qytetarët nuk duan më një qeveri që abuzojë me taksat e tyre. Duan një qeveri që këto taksa të shkojnë të punojnë për të mirën e tyre, për të përmirësuar jetesën e tyre“.
Postimi i plote:
