22.5 C
Tirana
E martë, 6 Maj, 2025
type here...

Gati për 16 shkurtin, pritje madhështore e Bashës në Kukës!

Kuksianët i kanë rezervuar sot një pritje madhështore kreut të opozitës, Lulzim Basha. Mijëra banorë kishin mbushur rrugët dhe sheshet për të pritur Bashën. Kreu I opozitës është shoqëruar nga banorët përgjatë rrugës qëndrore ku edhe është ndalur duke bashkëbiseduar me ta.
Basha u premtoi kuksianëve në një takim që ende vijon se gjëja e parë që do të bëjë sapo të vijë në pushtet se do të zerojë taksën e rrugës vendosur nga kryeministri Rama.
Përballë shqetësimit të banorëve, që i janë ankuar se “Rama i ka izoluar si në Gaza”, ka thënë se do të zhbëhet gjithcka që është bërë në kurriz të kuksianëve.
“Taksa do të jetë zero, plani i tij për ta shkretuar Kukësin do të marrë fund dhe një nga hapat kryesore në këtë drejtim do të jetë rihapja e Universitetit të Kukësit, bijtë dhe bijat tuaja do ti shkolloni këtu, por ne do të subvencionojmë praninë e pedagogëve që këtu të ketë qendër e kërkimit shkencor do të marrim përvojën më të mirë gjermane dhe gjermanët i kemi në krah”- tha Basha.
Ndërsa qytetarët janë ankuar se Kukësi po braktiset çdo ditë e më shumë, nga varfëria dhe korrupsioni qeveritar. “Largimi i kuksianëve ka ndikuar shumë keq. Është zbrazur. Vendosja e taksës në Rrugën e Kombit është shumë kriminale. Ne nuk kemi asnjë të drejtë. Mbylli universitetin. Tokat janë të gjitha të përmbytura. Lekët e hidrocentralit i merr për vete. Ne nuk kemi nevojë të na japë ai lekë, ne duam të jemi të barabartë si i gjithë populli shqiptar”-thanë qytetarët.
Ndërsa kreu i PD-së u shpreh se: “Gjendja është më e rëndë. Edi Rama me Kukësin ka ndjekur politikë spastrimi dhe zbrazje. Ky është njeriu që na hiqet si patriot i madh, por e ka shprehur i pari, a ka mundësi me e heq Kukësin e me ja çu Kosovës që të mos kemi votën e kuksianëve. Ai e di që nuk e ka mbështetjen e kuksianëve dhe qëllimi i tij ishte zbrazja e Kukësit. Për t’i larguar nga shtëpitë e tyre dhe Kukësi kja shkallën më të lartë të emigracioni në të gjithë Shqipërinë”, tha ndër të tjera Basha.

Nxënësi: Duam rikthimin e universitetit
Një bashkëbisedim i veçantë iBashës ishte ai me një nxënës të gjimnazit të Kukësit.
Gjimnaizisti Blerim Cenaj ka bashkëbiseduar gjatë ecjes në qytetin e Kukësit me kreun e PD-së, Lulzim Basha.
Gjimnazisti: Klasat tona janë pa nxënës. Duam të na rikthehet Universiteti, taksa e rrugës së kombit të hiqet sepse po shkatërron Kukësin dhe të gjithë shqiptarët.
Basha: I ke rënë problemeve në kokë, i ke vënë pikat mbi i.
Unë të jap fjalën se një ndër hapat e para do të jetë rihapja e Universitetit të Kukësit dhe të jetë qendër e kërkimit shkencor dhe e trajnimit të rinisë që të shërbeni këtu në Kukës. Të vini në Tiranë pa paguar asnjë taksë.
Gjimnazisti: Duam një arsim pa taksa të larta. Duam arsim për të gjithë të rinjtë.
Basha: Kjo ishte skemë e Edi Ramës për zbrazjen e Kukësit. Këtë betejë po e bëjmë për ju dhe duhet ta merrni në dorë Shqipërinë.

Rama dhe Roshi, të parët që duhet të arrestohen për skandalin në shkollën “Rilindja”

Ish-Kryeministri Berisha ka publikuar mesazhin e një qytetari nga Kavaja i cili shrkuan se, i pari që duhej të arrestohej për ngjarjen e rëndë në shkollën “Rilindja” duhej të ishte Edi Rama dhe Elvis Roshi.
Postimi i ish-Kryeministrit Berisha
Kush duhej arrestuar per rastin e Shkolles Rilindja!
Lexoni mesazhin dhe shikoni fotot e qytetarit dixhital! sb
Pershendetje doktor.
Sot ne burg si persona te perfshire direkt ne perdhunimin e ndodhur ne Kavaje duhet te ishte 1.Edi Rama qe ngriti ne piedestal Elvis Rroshin kur te gjithe ambasadat,tv,gazetat dhe rrjetet sociale e njoftonin ket gje qe nga 2011.
2.Megi Katroshi kryetare e freshit qe dhuron LIKE dhe Zemra ne cdo mesazh ku permendet dhe lavderohet Elvis Rroshi.
3.Dea Qarri drejtoresha e shkolles e cila edhe pse eshte koshiente se Elvis Rroshi u shkarkua nga detyra per perdhunim ne grup e lavderon dhe e ngre ne piedestal ne cdo koment dhe diskutim.
Ata femije ne fakt ndoqen nje model te servirur nga Edi Rama dhe kupola socialiste e qytetit.
Bashkangjitur po ju dergoj fotot qe vertetojne keto qe thashe.

Përshkallëzohet përplasja, Franca tërheq ambasadorin nga Italia

Pas grindjeve prej disa javësh mes qeverisë së Francës nën presidentin Emmanuel Macron dhe qeverisë populiste të djathtë në Romë, Parisi e ka tërhequr për konsultime ambasadorin e vet nga Roma. Ndërhyrjete fundit të Italisë në poliitkën e brendshme franceze janë një “provokim i papranueshëm”, komunikoi Ministria e Jashtme franceze. Mbështetja e lëvizjes së jelekverdhëve nga politika e Romës “cënon respektin, për të cilin janë të detyruara ndaj nejra-tjetrës qeveritë e zgjedhura në mënyrë demokratike dhe të lirë”.
Në fokus zgjedhjet për Parlamentin Europian
Përfaqësuesi i qeverisë franceze u shpreh i inidinjuar edhe ndaj takimit të fshehtë të zëvendëskryeministrit italian Luigi Di Maio me përfaqësues të “jelekverdhëve” të martën (06.02) në Paris. Vetëm katër muaj para zgjedhjeve për Parlamentin Europian qeveria në Romë fare hapur është angazhuar për lëvizjen eprotestës, që kërkon tërheqjen epresidentit Macron. Kalkulimi që me sa duket bëjnë populistët është të fitojnë pikë në elektorat për zgjedhjet europiane.
Di Maio nga lëvizja populiste “Pesë yjet” është takuar me disa kandidatë të “jelekverdhëve” për zgjedhjet europiane në fund të majit, ndër ta edhe me zëdhënësin e lëvizjes së protestës, Christophe Chalençon. Ky është si figurë e diskutueshme për shkak të deklarimeve të tij ksneofobe dhe kundër islamizmit.
Mes “jelekverdhëve” dhe lëvizjes “Pesë yjet” ka shumë “pikëtakime”, deklalroi zyra e Di Maios. Kjo ka të bëjë me temat për drejtësinë sociale, demokracinë direkte dhe mjedisin. “Era e ndryshimeve i ka kaluar alpet”, pati komunikuar Di Maio pas takimit me jelekverdhët.

Front kundër Macron
Qeveria e Italisë e përbërë nga lëvizja Pesë Yjet dhe partia radikale e djathtë Lega qysh muajin e kaluar i mbështeti “jelekverdhët”. “Jelekverdhë – jini të qendrueshëm”, oati deklaruar Di Maio gjatë protestave. Zëvendëskryeministri italian dhe ministër i Brendshëm Matteo Salvini pati dekalruar, se ai mbështet “qytetarët seriozë” në protestën e tyre kundër presidentit Macron, i cili qeveris “kundër popullit të tij”. “Jelekverdhët” në manifestimet e tyre të ëprjavshme kërkojnë dorëheqjen e Macronit dhe distancimin nga politika e tij sociale.
Mollë sherri politika e migracionit
Qeveria italiane prej kohësh është në konflikt me Macronin – ndër të tjera për shkak të politikës së saj restriktive ndaj emigracionit. Macron e akuzoi Rimën për “cinizëm” dhe “mungesë përgjegjësie”, pasi Italia refuzoi të pranojnë ankorimin në protet e saj të anijeve me refugjatë. Di Maio u kundërvu duke deklaruar, se emigrimi masiv nga Afrika është pasojë, që “vende të caktuara europiane, në radhë të parë Franca, asnjëherë nuk janë ndalur së kolonizuari vendet afrikane.”

Çfarë mund të sillte ndërhyrja e SHBA-së në Venezuelë?

Venezuela's President Nicolas Maduro (C, back facing camera, in light green) attends a military parade in Campo de Carabobo, Venezuela December 28, 2016. Miraflores Palace/Handout via REUTERS ATTENTION EDITORS - THIS PICTURE WAS PROVIDED BY A THIRD PARTY. EDITORIAL USE ONLY. - RTX2WRRD

Mundësia që Presidenti Donald Trump të përdorë forcën ushtarake për të larguar nga pushteti në Venezuelë Nicolas Maduron, po ngre shqetësime për koston e mundshme në jetë njerëzish dhe për pasojat e tjera të angazhimit të forcave amerikane në një tjetër konflikt. Siç njofton korrespondenti i Zërit të Amerikës, Brian Padden, ndërsa mbështetësit e ndërhyrjes thonë se vetëm forca do ta detyrojë Maduron të dorëzojë pushtetin, kundërshtarët thonë se ndërhyrja ushtarake amerikane vetëm do ta forconte udhëheqësin socialist.
Presidenti Trump është shprehur se ekziston alternativa e përdorimit të forcës ushtarake amerikane në Venezuelë, por ai theksoi gjatë fjalimit për Gjendjen e Vendit nevojën për të ulur angazhimet e kushtueshme ushtarake nëpër botë.
“Si kandidat për president, premtova një qasje të re. Shtetet e mëdha nuk bëjnë luftëra pa fund”, deklaroi Presidenti Trump.
Shtetet e Bashkuara, pjesa më e madhe e Amerikës Latine, si dhe Evropa kanë njohur tashmë kreun e Asamblesë Kombëtare të Venezuelës, Juan Guaido, si President të përkohshëm të vendit.
Ato thonë se Presidenti Nicolas Maduro nuk ka legjitimitet pasi ai manipuloi zgjedhjet presidenciale të vitit të kaluar.
Politikat socialiste të Maduros e kanë sjellë vendin e pasur me naftë pothuajse në prag të shkatërrimit ekonomik, me inflacion tepër të lartë, mungesa në ushqime dhe ilaçe, ndërsa miliona njerëz po i largohen trazirave dhe varfërisë në vendin e tyre.

Administrata Trump ka shtuar presionin ekonomik, duke ngrirë të ardhurat nga nafta e Venezuelës, për të mundësuar largimin e Maduros.
Mbështetësit e opsionit ushtarak thonë se forca mund të jetë e nevojshme dhe se do të mirëpritej nga shumica e venezuelianëve për të larguar qeverisjen e Maduros, e cila akuzohet se është përfshirë në trafik drogash dhe se po shton represionin politik.
“Duket se ky opinion po zë më shumë vend mes venezuelianëve – e vetmja mënyrë për ta larguar këtë qeverisje kriminale nga pushteti është nëpërmjet forcës”, thotë Ana Quintana, e Fondacionit “Heritage”.
Kundërshtarët e ndërhyrjes thonë se kriza humanitare në Venezuelë nuk përbën kërcënim sigurie për Shtetet e Bashkuara.
Një shënim në bllokun e Këshilltarit për Sigurinë Kombëtare, John Bolton, për “5 mijë trupa në Kolumbi” ngjalli spekullime se forcat amerikane mund të dërgohen në kufirin mes Kolumbisë dhe Venezuelës.
“Mund të ekzistojë mundësia në rast të nevojës për të ndërhyrë në Venezuelë dhe për të zhvilluar operacione humanitare, ose për të operacione të tjera, si p.sh. marrja nën mbrojtje të anëtarëve të qeverisë Guaido ose të deputetëve të rrezikuar”, thotë Evan Ellis, i Kolegjit të Luftës të Ushtrisë së Shteteve të Bashkuara.
Por, edhe një operacion me objektiv shumë të ngushtë do të sillte një konflikt me ushtrinë e mirëpajisur venezueliane dhe mund të rriste mbështetjen për Maduron, brenda vendit dhe në rajon.
“Nëse objektivi i Shtëpisë së Bardhë është, siç duket, ndryshimi i regjimit në Venezuelë, atëherë duhet të kenë parasysh se veprimet e tyre do të krijojnë një kundër-reagim ndaj SHBA-së në Venezuelë dhe në rajon”, thotë Alexander Main, analist për Amerikën Latine, në Qendrën për Studime Ekonomike dhe Politike.
Kanadaja dhe vendet kryesore aleate në Amerikën Latine kanë paralajmëruar gjithashtu kundër përdorimit të forcës në Venezuelë.

Stresi vështirëson shumë humbjen e peshës

Shkencëtarët në Universitetin e Floridës, kanë gjetur se stresi kronik e stimulon prodhimin e një proteine, që e pamundëson trupin, të shkrijë dhjamin.
Shumica nga ne, mundohemi në baza ditore, të heqim stresin. Mundohemi të bëjmë balancën mes punës dhe familjes dhe qëndrojmë zgjuar gjatë natës, duke menduar për lidhjet dhe miqtë.
Por, krahas netëve pa gjumë dhe stresit kronik, është gjetur pamundësia e njeriut, të heqë peshë.
Proteina e quajtur betatrophin, është menduar më parë të jetë një terapi ndihmëse, për të prekurit nga diabeti.
Universiteti i Harvardit, ka sugjeruar se ky proteinë, mund të lëshoi një numër të qelizave me insulinë, për t’i ndihmuar njerëzve të sëmurë.
Mirëpo, më vonë është kuptuar, se ky proteinë nuk e ka këtë efekt, por vetëm bën ndalimin e djegies së dhjamit.
Është gjetur se kjo proteinë, e ngadalëson procesin e djegies së dhjamit, duke bërë që trupi të shtojë eshë dhe të mos dobësohet.

Basha: Do t’i japim fund padrejtësisë!

Gjatë bashkëbisedimit me banorët e Kukësit kreu i PD, Basha u shpreh se, drejtësia do të veprojë ndaj Edi Ramës dhe qeveritarëve të tjerë të korruptuar.
Basha: Shoh vendosmërinë tuaj, nën këtë ditë të bekuar nga Zoti me këtë diell. E paskemi lënë larg datën 16, sepse me sa shoh nisemi sot e t’i japim fund padrejtësisë. Heqja e taksës korruptive, do të jetë masa jonë e parë. Kuksianët treguan qëndresë dhe drejtësi për të gjithë shqiptarët. Një mesazh për organet e drejtësisë. Kini kujdes. Gjithçka do të shënohet, padrejtësinë ndaj kuksianëve nuk do t’jua falim kurrë. Asnjë prind apo i ri kuksian që u ngrit kundër padrejtësisë, meriton vetëm mirënjohje. Drejtësia do të veprojë ndaj Edi Ramës dhe qeveritarëve të tjerë të korruptuar që vendosën këtë taksë.
Basha: Këta janë kukullat e krimit dhe oligarkisë që kanë uzurpuar pushtetin. Edi Rama bën manorva për të heshtur e mbrojtur Gjushin dhe gjushërit e tjerë sepe mbron veten e tij, sepse në dosjet e prokurorisë qartësisht provohet se mendja, truri dhe përfituesi kryesor i shkatërrimit të zgjedhjeve në 2017 dhe i kapjes së institucioneve nëpërmjet bandave, është vetëm dhe vetëm një emër. Është Edi Rama kryeministri i krimit dhe kryeministri i oligarkëve. Nëse në një nga vendet më të korruptuara do të bënte vaki ajo që ndodhi me Unazën, ku u kap në flagrancë duke vjedhur 20 milionë euro kilometrin në një rrugë të ndërtuar, edhe qeveria më e korruptuar e botës, do e kishte çuar ministrin përgjegjës në burg. Është kështu apo jo? Ndërsa këtu jo! Sepse po të shkojë Damian Gjiknuri në burg emri i parë që do të nxjerrë është emri i atij që i ka marrë milionat dhe i ka çuar në konto bankare sekrete dhe ju e njihni se kush është ky. 2 miliard euro u ka marrë shqiptarëve këto vite. Rriti 100% taksat, energjinë, karburantin. Familjeve me ndihmë ekonominë u hoqi bukën e gojës fëmijëve dhe të pamundurve.

Dhimbjet, shenjë paralajmëruese e sëmundjeve

Dhimbjet janë një ndjenjë e pakëndshme dhe ndër shenjat më të shpeshta të sëmundjeve. Përmes tyre, trupi na paralajmëron se me të nuk është diçka në rregull.
Sot, është vështirë të ndash angazhimet në punë, në shtëpi dhe kohën e lirë. Lëvizja e shpejtë çdo ditë në vende të ndryshme të punës, e lodh trupin tonë.
Si pasojë paraqitet kokëdhimbja, problemet me zemër, dobësimi dhe të ngjashme. Por, dhembjet në disa raste madje janë edhe të dobishme dhe të rëndësishme për mbijetesë.
Kur dhimbjet zgjasin një kohë të shkurtë, quhen akute. Këto dhembje afatshkurta, kanë kuptimin e vet biologjik, pasi që neve na paralajmërojnë për ndonjë veprim të dëmshëm në organizëm ose në mjedisin rrethues ose kanë efekt mbrojtës.
Kur dhimbjet zgjatin një kohë më të gjatë, edhe pse shkaktari i vërtetë nuk ekziston, ato quhen kronike. Tek këto dhembje humbet kuptimi primar i tyre, shpesh shoqërohen edhe me shenja të depresionit, që edhe më shumë e përkeqëson gjendjen. Zhvillohet sindroma kronike e një sëmundje të caktuar.

Të gjitha dhembjet, qofshin akute ose kronike, duhet të shërohen. Gjithmonë e më shumë dëshmohet se dhimbjet, të cilat nuk i shërojmë ose nuk i shërojmë mjaftueshëm, e dëmtojnë organizmin tonë.
Ekzistojmë shumë mënyra të shërimit, të cilat mund t’i ndajmë në shërim me barna dhe shërim pa barna. Pa barna, dhimbjet mund t’i shërojmë me masazhe të ndryshme, kompresa, hipnozë, akupunkturë, etj.
Cilat janë mjetet e sigurta dhe efikase për të lehtësuar dhimbjen, të cilat mund t’i marrim edhe pa recetë të mjekut?
Barnat për lehtësimin e dhimbjeve (analgjetikët), të cilat mund të gjinden nëpër barnatoret tona pa recetë të mjekut, më së shpeshtë përmbajnë njërën prej këtyre përbërësve: paracetamol, ibuprofen, acid acetilsalicilik, naproksen ose kombinim të tyre në sasi më të vogla.
Paracetamoli, për shembull, sigurisht është bari më së shpeshti i përdorur për të lehtësuar dhimbjet e lehta dhe të mesatarisht të forta dhe për uljen e temperaturës trupore. Mund ta shfrytëzojnë edhe fëmijët dhe të rriturit.
Mekanizmi i veprimit të paracetamolit, dallohet mjaft prej mekanizmit të veprimit të barnave tjera për qetësimin e dhimbjes, pastaj ka më pak efekte të dëmshme, nuk e dëmton mukozën e lukthit, etj.
Në barnatore, pa recetë mund të marrim edhe tableta të cilat treten në gojë pa shtesë të lëngjeve dhe pa përtypje, ndërsa kanë edhe shije mjaft të këndshme.

Ushtrimet që duhet të bëni për të shmangur hipertensionin

Veçse e dimë se shtypja e lartë e gjakut është një sëmundje e cila i prekë miliona njerëz anë e mbanë botës, ndërkaq shkaktohet duke mos bërë mjaftueshëm ushtrime fizike dhe si pasojë e një diete të pashëndetshme.
Hipertensioni shkakton stres ekstra në enë të gjakut dhe është vital për organet. Ju mund t’i zvogëloni simptomat vdekjeprurëse të shtypjes së gjakut duke bërë rregullisht peshëngritje, transmeton Telegrafi.
Daria Kantor, themeluese e aplikacionit të fitnesit ‘TrueBe’, thotë se ushtrimet me peshëngritje janë më të mirat për t’ju ndihmuar ta ulni shtypjen e lartë të gjakut.
Ndonëse ka gjasa të shkaktojë rritje të shpejtë të shtypjes së gjakut kur i filloni ushtrimet me peshëngritje, ato do t’ju ndihmojnë ta zvogëloni rrezikun e hipertensionit përgjatë një periudhe disa mujore.
Kantor thotë se peshëngritja ka efekte pozitive në shëndetin e përgjithshëm.
Vlen të ceket se shtypja e lartë e gjakut është diçka që gjithsecili njeri duhet të synojë ta shmangë, pasi që në mënyrë drastike e rritë rrezikun e sëmundjeve serioze si ato të zemrës, bllokadat e gjakut, sulmet e trurit, sëmundjet e veshkave, etj.

Tre pika konkrete për shpronësimin e kuksianëve nga përmbytja për HEC-in

Tre pika konkrete zgjidhjeje ju dha kreu i opozitës, Lulzim Basha kuksianëve të pashpronësuar nga përmbytja e tokave për HEC-in, problem i pazgjidhur në vite.
“Ky vend po qeveriset nga një grusht shteti, vetëm se grushtin e shtetit nuk e kanë bërë ushtarakët, nuk e kanë bërë serbët, e kanë bërë një grusht oligarkësh, një grusht kriminelësh me Edi Ramën, tha Basha. Problemin me tokën, shtëpitë dhe pasuritë e përmbytura e njoh me detaje, që kur kemi qenë në qeveri.
Fatura totale e shpronësimit për afro 5 mijë familje është rreth 70 milionë euro, kjo nuk është fatura e talljes.
Përse tallen me ju? Unë s’kam ardhur si kontabilist. Vitin që shkoi OSSH e ka mbyllur me 70 milionë euro fitim, por ka krijuar fitim edhe për kompani fantazëm ku gazetarë hetues të Sllovenisë thonë që janë familjarë të lidhur me Edi Ramën që për 8 orë ka bërë 4 milionë e gjysëm euro fitim.
Nuk dëmshpërbleheni, jo sepse s’ka lekë, por sepse lekët tuaja i merr Edi Rama. Kjo me ne do marrë fund.
1. Do të ngremë komisionin e posatshëm shtetëror për shpronësimin dhe dëmshpërblimin tuaj.
2. Të gjitha vlerat e shpronësimit do të jenë me vlerë tregu. Jo me VKM por me ligj në Parlament.
3. Do të bëjmë gjithçka që brenda dy viteve të para që buxheti i shtetit të bëjë rakordime me maskarallëqet që ju rrinë në qafë me kamatvonesatr e më të gjitha të tjerat. Këto janë pikat e mia për kuksianët e pashpronësuar.

Caktohet data e gjyqit për Balilin

Seanca e parë gjyqësore për Klement Balilin do të mbahet me 25 shkurt, ora 10:00 në Gjykatën e Krimeve të Rënda. Trupa gjykuese përbëhet nga një treshe gjyqtarësh, të kryesuar nga gjyqtarja Flora Hajredinaj.
Balili akuzohet për veprat penale ” trafik të narkotikëve”, “grup i strukturuar kriminal”, mosdeklarim të pasurisë” dhe “pastrim parash”.
Avokati i Balilit ka dorëzuar edhe një kerkesë për të proceduar me gjykim të shkurtuar. Pretendimi i mbrojtësit ligjor pritet të shqyrtohet ne seancën e parë të gjykimit te çështjes.
Në dosjen e prokurorise thuhet se nga informacioni i policisë, rezultonte se nga fundi i muajit Maj 2015 shërbimet ligjzbatuese greke dhe DEA- s në Athinë kanë qenë duke hetuar në lidhje me një organizatë kriminale për trafikimin e lëndëve narkotike e përbërë nga shtetas grekë, shqiptarë dhe nga vendet e Evropës Qëndrore.
Kjo organizatë kriminale merrej me trafikimin e lëndëve narkotike të llojit kokainë dhe kanabis sativa duke përdorur për transport kamionë që janë të regjistruar në vende të ndryshme të Evropës në pronësi të kompanive që zotërohen nga shtetas grekë dhe përdorin si përfaqësues të këtyre firmave njërëz të ndryshëm.
Balili nuk e ka pranuar akuzat ndërsa pas rreth dy vjet ne kerkim ai u vetëdorëzua në momentin kur dosja vajti për gjykim.

1...4 8774 8784 879...8 286Faqja 4 878 nga 8 286

Kryesore

Continue to the category
Më shumë
© 2024 Rilindja Demokratike Euroatlantike