Kryeministri i Kosovës, Isa Mustafa deklaroi se qeveria është duke e mbajtur premtimin për zhvillim ekonomik. Duke folur për aprovimin e Ligjit për Trepçën, Investimet Strategjike, si dhe Ligjin për Veteranët, kreu i ekzekutivit, përmes një statusi në profilin e tij zyrtar në rrjetin social Facebook, ka bërë të ditur se së shpejti do të fillojnë me operacionalizimin e investimit në TC Kosova e Re, prej një miliard euro. “Shpejt do të fillojmë me operacionalizimin e investimit në TC Kosova e Re, prej rreth një miliard euro. Do të gjejmë edhe investitorë për Brezovicën. Po e zbatojmë Marrëveshjen për Stabilizim-Asociim dhe Axhendën e Reformave Evropiane. Të gjithë, me përgjegjësi, po e bëjnë punën e tyre”, ka shkruar ndër të tjera Mustafa. “Qeveria po e mban premtimin për zhvillim ekonomik. Dy vite të këtij mandati i shënuam me rritje të lartë dhe të qëndrueshme ekonomike, me ulje të papunësisë së përgjithshme, me fuqizim të sektorit privat të ekonomisë. Aprovuam Ligjin për Trepçën, Ligjin për Investime Strategjike, e kaluam fazën e parë të reformave fiskale dhe po e përmbyllim shumë shpejtë fazën e dytë të këtyre reformave. Siguruam ndryshimet e Ligjit për Veteranët dhe plotësuam kërkesat për vazhdim në programin e FMN-së. Shpejt do të fillojmë me operacionalizimin e investimit në TC Kosova e Re, prej rreth një miliard euro. Do të gjejmë edhe investitor për Brezovicën. Po e zbatojmë Marrëveshjen për Stabilizim-Asociim dhe Axhendën e Reformave Evropiane. Të gjithë, me përgjegjësi, po e bëjnë punën e tyre. E gjithë kjo siguron një rritje të fuqishme ekonomike sidomos në vitet në vijim. Duhet t’u gëzohemi sukseseve tona, por të synojmë edhe më shumë”.

Pas gjashtë ditë protestash të mëdha publike, qeveria social demokrate e Rumanisë shfuqizoi dje një dekret të debatueshëm të kabinetit që synonte të mbronte shumë politikanë nga ndjekja penale për korrupsion.
Vendimi i qeverisë së kryeministrit Sorin Grindeanu erdhi ndërkohë që dhjetëra mijëra demonstrues u grumbulluan në Sheshin Fitorja të Bukureshtit për një natë të gjashtë protestash, që shihen gjerësisht si tubimet më të mëdha antiqeveritare që nga rënia e diktatorit komunist Nikolae Çaushesku në vitin 1989.
“Njerëzit janë të lodhur nga kjo klasë politike, e cila gjatë 27 vjetëve ka treguar se ka qenë jo e besueshme. Sepse ka aq shumë njerëz që duan të ikin nga vendi për një jetë më të mirë për veten dhe familjet tona. Kjo është arsyeja pse kam ardhur këtu dhe jam njëri nga miliona rumunët që punojnë jashtë”, thotë një protestues me emrin Olimpu.
Dekreti, i miratuar në një sesion të kabinetit natën e së martës, përjashtonte zyrtarët nga akuzat për korrupsion, nëse fitimet me mjete të pandershme vlerësoheshin në më pak se 48 mijë dollarë.
Qeveria tha se kjo masë ishte e nevojshme për të ulur mbipopullimin e burgjeve në Rumani, një nga vendet më të korruptuara të Europës.
Por kritikët thonë se kjo do të kishte dëmtuar rëndë përpjekjet e qeverisë së sapoformuar të vendit.
Nisma e filluar në vitin 2014 nga Drejtoria Kombëtare e Antikorrupsionit ka çuar në dënimin e rreth 2 mijë njerëzve për shpërdorim pushteti, duke përfshirë gjyqtarë, politikanë, prokurorë dhe zyrtarë të tjerë publikë.

Protestat vazhdojnë
Edhe pas tёrheqjes sё dekretit pёr korrupsionin nё Rumani vazhduan protestat edhe nё fundjavё.
Pavarёsisht kthimit tё dekretit tё diskutueshёm pёr zbujen e dёnimeve pёr korrupsion sёrish qindra mijёra vetё demonstruan kundёr qeverisё rumune. Rreth 250.000 demonstrues u mblodhёn nё Bukuresht para selisё sё qeverisё. Ata deklaruan, se do ta ndjekin me vёmendje qëndrimin e mёtejshёm tё qeverisё. Nё mbarё vendin bёhet fjalё pёr rreth njё gjysmё milioni protestues. Qeveria vendosi ta anulojё dekretin e miratuar me procedurё tё pёrshpejtuar, i cili menjёherё u publikua nё Fletoren Zyrtare. Qeveria socialiste me kёtё vendim iu pёrgjigj premtimit tё kryeministrit Sorin Grindeanu, i cili tё shtunёn (04.02) u lut tё kthehet dekreti. Edhe pёrpara miratimit tё dekretit nё mbarё vendin u zhvilluan protesta masive dhe pati mjaft kritika nga bota e jashtme. Dekreti parashikonte zbutje dёnimesh pёr korrupsion dhe abuzim me postin. Ndёshkim parashikohej sipas dekretit vetёm nё rast se shuma e dёmit vlerësohej në më pak se 48 mijë dollarë. Ky dekret do tё favorizonte kryetarin e Partisё Social Demokrate nё pushtet, i cili ndёrkohё ndodhet nё gjyq pёr abuzim nё detyrё me njё dёm prej rreth 100.000 lei.
Presidenti Klaus Johannis e pati kritikuar dekretin duke u indinjuar pas miratimit të tij. Ai e quajti një “ditë zie” dhe deklaroi, se “deri në ditën e tij të fundit në detyrë” do të luftojë për rivendosjen e shtetit ligjor në Rumani. Presidenti madje është kërcënuar disa herë me shkarkimin nga posti prej krerëve të Partisë populiste Social Demokrate dhe aleatëve të saj liberalë në koalicion. Kritika të ashpra pati edhe nga organizma relevantë duke përfshirë edhe sindikatat, që tradicionalisht janë të afërta me qeverinë e majtë nacionaliste.

Muri në veri të Mitrovicës u shemb pas një marrëveshjeje të qeverisë me komunën në veri të Kosovës. Bashkimi Evropian tha se, shqiptarët dhe serbët mund të arrijnë edhe marrëveshje të tjera kur ka vullnet politik.
Komuna e veriut të Mitrovicës e administruar nga serbët, të dielën (05.02) shembi tërësisht murin e ngritur në dhjetor të vitit të shkruar në pjesën veriore të urës mbi lumin Ibër, që ndan qytetin në dy pjesë. Rrënimi i murit u bë vetëm një ditë pasi qeveria e Kosovës dhe komuna veriore e Mitrovicës arritën marrëveshje, që muri të rrënohet dhe në atë pjesë të bëhet një shëtitore për këmbësorët. Rrënimin e murit e përcolli nga afër shefja e zyrës së Bashkimit Evropian në Kosovë, Natalya Apostolova, e cila tha se, “kjo gjë tregon se të dy palët mund të arrijnë marrëveshje edhe për ҁështje të tjera kur ka dëshirë politike”.
“Jam duke parë dhe pritur gjithashtu për fillimin e diskutimit për asociacionin e komunave me shumicë serbe, me të njëjtin përkushtim që patëm për largimin e këtij muri”, tha Apostolova, duke shtuar se, “Ura mbi lumin Ibrit do të jetë ura më e bukur në Kosovë”.
Edhe kryeministri i Kosovës, Isa Mustafa, tha në një konferencë për mediat, se rrënimi i murit është bërë në marrëveshje me komunën e veriut, marrëveshje kjo që e ndihmoi edhe faktori ndërkombëtar.
“Krejt ajo çka kemi bërë është se kemi zgjidhur një problem të brendshëm, përmes autoriteteve të brendshme me përkrahje ndërkombëtare në rrugën tonë evropiane dhe euroatlantike. Nuk kemi pasur asnjë garë për të matur forcat, nuk kemi manifestuar populizëm e as folklorizëm. Mendoj se kanë triumfuar vlerat dhe kanë triumfuar metodat dhe mënyrat më të mira demokratike. Komuna ka vepruar sipas marrëveshjes”, tha kryeministri Isa Mustafa.
Kryetari i komunës së veriut të Mitrovicës, Goran Rakiç tha se, “të martën e kësaj jave do të fillojë ndërtimi i një strukture të re betoni, që do të shërbejë për zonën e këmbësorëve në rrugën Mbreti Petar që gjendet afër urës kryesore mbi lumin Ibër”.
Në natën e tre shkurtit qeveria e Kosovës dhe përfaqësuesit e serbëve lokalë të veriut të Mitrovicës, arritën marrëveshje për murin në pjesën veriore të urës mbi lumin Ibër që ndan qytetin në dy pjesë. Takimi që u mbajt në zyrën e kryeministrit të Kosovës, Isa Mustafa, ku të pranishëm ishin edhe përfaqësuesi i BE-së në Kosovë dhe ambasadori amerikan, zgjati deri në orët e para të mëngjesit të ditës së shtunë (04.02).
Pas takimit nëpërmjet një komunikate për mediat të lëshuar nga qeveria e Kosovës u tha se, “gjatë ditëve të fundit dhe nën lehtësimin e zyrës së Bashkimit Evropian, si dhe të ambasadës së Shteteve të Bashkuara të Amerikës, palët e përbëra nga ministri i Mjedisit dhe Planifikimit Hapësinor, Ferat Shala dhe kryetari i Mitrovicës së Veriut, Goran Rakiç, janë pajtuar që të zgjidhet çështja, që lidhet me ndërtimin e murit në Mitrovicën Veriore”.
Kjo zgjidhje sipas qeverisë, do të ulë tensionet në veriun e Kosovës, do të ndihmojë lirinë e lëvizjes dhe do të krijojë një mjedis të favorshëm për të gjithë qytetarët në veri dhe në jug të Mitrovicës.
“Ne jemi të vetëdijshëm që çështja ka shkaktuar paqartësi në periudhën paraprake, por jemi kënaqur që të gjithë kemi pasur një qasje konstruktive në mënyrë që të përmbyllim këtë çështje në mënyrë të qëndrueshme”, u tha në komunikatën e qeverisë.
Ndërtimi i murit të lartë dy metra nga serbët lokalë në pjesën veriore të urës mbi lumin Ibër i ngriti tensionet ndërmjet Prishtinës zyrtare, serbëve të veriut dhe Beogradit. Serbët e veriut thanë se, muri ishte pjesë e ndërtimit të një shëtitoreje, ndërsa, qeveria në Prishtinë e cilësoi ilegal dhe që pengon lëvizjen e lirë të qytetarëve nga të dyja anët.
Bashkimi Evropian e ka marrë përsipër revitalizimin e urës mbi lumin Ibër, një projekt ky që do të kushtojë 1.2 milion euro. Tash për tash akoma nuk dihet se kur do të përfundojë ky projekt, ndonëse, një bit më parë u paralajmërua, se nga fundi i janarit të vitit 2017 ura do të lirohet për qarkullimin e lirë të qytetarëve në të dyja anët.

Një gjykatë në Serbi hapi të hënën një proces gjyqësor kundër tetë ish-policëve serbë të Bosnjës nën akuzat për përfshirje në masakrën e Srebrenicës në vitin 1995.
Të tetë ishin arrestuar në Serbi në vitin 2015 që shënonte edhe rastin e parë të arrestimit të personave të dyshuar për përfshirje të drejtpërdrejtë në vrasjen e mbi 8 mijë burrave e djemve myslimanë në Srebrenicë. Më pas ata u lanë të mbrohen në gjendje të lirë.
Zonë e mbrojtur atëbotë nga Kombet e Bashkuara. Srebrenica u shndërrua në vendin e mizorive më të egra pas Luftës së Dytë Botërore në Evropë.
Të tetë akuzohen për pjesëmarrje në vrasjen e qindra myslimanëve në fshatin Kravica, afër Srebrenicës, derisa ata po përpiqeshin të shpëtonin nga masakra.
Rreth një mijë e 300 veta ishin mbyllur në një depo në Kravicë dhe ishin vrarë me granata dore dhe automatikë.
Procesi në gjykatën serbe për krime lufte në Beograd, shihet si provë për vullnetin e Serbisë për t’u përballur me të kaluarën dhe mizoritë e kryera gjatë luftërave që çuan në shkatërrimin e përgjakshëm të Jugosllavisë ndërmjet viteve 1991-1999.
Serbia duhet të dënojë kriminelët e luftës për të përshpejtuar procesin e anëtarësimit në Bashkimin Evropian.
Më 2008, ajo arrestoi ish-udhëheqësin e serbëve të Bosnjës, Radovan Karaxhiç, ndërsa tre vjet më pas edhe komandantin ushtarak Ratko Mlladiç, për t’i dorëzuar në Gjykatën e Kombeve të Bashkuara për Krime Lufte në Hagë.
Të dy ata qëndruan në arrati për më shumë se një dekadë.
Në vitin 2007 një gjykatë serbe dënoi katër pjesëtarë të njësitit paraushtarak Skorpionët, të cilët kishin regjistruar një video ku shiheshin duke vrarë gjashtë të rinj boshnjakë në kohën e masakrës së Srebrenicës.
Atëbotë gjykata tha se nuk kishte prova për të lidhur të dyja ngjarjet.

Nënpresidenti Mike Pence mbrojti kritikat e presidentit Donald Trump ndaj një gjykatësi federal që bllokoi urdhrin ekzekutiv që ndalonte udhëtimin në Shtetet e Bashkuara të qytetarëve nga shtatë vende me shumicë myslimane.
Në një intervistë në emisionin “NBC”, zoti Pence tha se, presidenti Trump u shpreh në një mënyrë “të veçantë” që amerikanët e pëlqejnë dhe e kuptojnë se ç’është në mendjen e tij.
“Veprimi i gjykatësit në këtë rast për të marrë një vendim për politikën e jashtme amerikane dhe sigurinë kombëtare, e ka indinjuar presidentin”, tha zoti Pence.
Pasi gjykatësi federal bllokoi përkohësisht urdhrin ekzekutiv të zotit Trump, presidenti paralajmëroi se vendimi do të bënte të mundur hyrjen e “shumë personave të këqij dhe të rrezikshëm në vendin tonë”.
“Në ç’pikë ka arritur vendi ynë kur një gjykatës mund të pezullojë një ndalim udhëtimi të Departamentit të Sigurisë Kombëtare dhe gjithkush edhe me synime të këqija mund të hyjë Shtetet e Bashkuara?”, tha presidenti në Twitter.
Ai e quajti qesharak vendimin e gjykatësit James Robart, një jurist 69-vjeçar në shtetin veriperëndimor të Uashingtonit i njohur për pikëpamjet e tij konservatore ligjore, i emëruar nga ish-presidenti George W. Bush.
Por një Gjykatë e Apelit e Shteteve të Bashkuara ka hedhur poshtë kërkesën e administratës së presidentit Trump që të rivendoset menjëherë në fuqi urdhri ekzekutiv, i cili ndalonte hyrjen në Shtetet e Bashkuara të vizitorëve nga shtatë vende me shumicë myslimane.
Gjykata e Qarkut të 9-të e Apelit në San Francisko i kërkoi administratës dhe shtetit të Uashingtonit të dielën në mëngjes të paraqesin më shumë argumente deri të hënën pasdite.
Departamenti amerikan i Drejtësisë e bëri apelin vonë të shtunën në përgjigje të vendimit të një gjykatësi federal, i cili bllokoi urdhrin ekzekutiv.
Apeli i Departamentit të Drejtësisë tha se, urdhri i gjyqtarit “gjykon vlerësimet e presidentit për sigurinë kombëtare” dhe dëmton publikun sepse “pengon zbatimin” e urdhrit ekzekutiv.
Në përgjigje të vendimit të së premtes, Agjencia federale amerikane për Mbrojtjen e Kufirit vendosi të lejojë udhëtarët me viza të vlefshme që të hyjnë në vend.
Departamenti amerikan i Shtetit më pas konfirmoi rregullin e fundit në lidhje me vizat dhe premtoi se do të japë informacion të mëtejshëm sa më shpejt të jetë e mundur.
Disa kompani ajrore të mëdha, duke përfshirë Air France, British Airways dhe Emirates filluan të lejojnë pasagjerët nga shtatë vendet e ndaluara me urdhër ekzekutiv që t’i hipin avionëve të destinuar për në Shtetet e Bashkuara.
Për shkak të pasigurisë rreth mundësisë se mund të shfuqizohet vendimi për bllokimin e urdhrit ekzekutiv ditët e ardhshme, ata që mundin të udhëtojnë menjëherë shpejtuan për të siguruar vendin në fluturimet e ardhshme.
Urdhri ekzekutiv i presidentit Trump ka shkaktuar kaos brenda agjencive qeveritare dhe gjykatat, dhe ka shkaktuar protesta në qytete të shumta amerikane, por edhe jashtë vendit.

Përfaqësuesja e lartë e Bashkimit Evropian për Politikë të Jashtme dhe Siguri, Federica Mogherini, ka vlerësuar se janë parë zhvillime inkurajuese në Mitrovicë.
“Do ta shfrytëzoj rastin sot që t’i njoftoj ministrat për punën që ne e kemi bërë gjatë disa javëve të fundit ndërmjet Serbisë dhe Kosovës, ku kemi parë zhvillime inkurajuese në Mitrovicë”, tha Federica Mogherini, para fillimit të mbledhjes së ministrave të Jashtëm të shteteve anëtare të Bashkimit Evropian në Bruksel.
Kjo ishte referencë për rrënimin e murit në pjesën veriore të Mitrovicës.
Më tutje, ajo është shprehur edhe lidhur me raportet ndërmjet Ukrainës dhe Rusisë, me ç’rast ka theksuar se Bashkimi Evropian do të vazhdojë “të mos e njohë” aneksimin ilegal të Krimesë nga ana e Rusisë dhe është angazhuar për implementimin e plotë të marrëveshjes së Minskut.

Para 25 vjetёsh (07.02.2017) u nёnshkrua Marrёveshja e Maastricht-it e BE-sё. Kjo marrёveshje pёrmban edhe norma tё rrepta pёr anёtarёsimin nё euro, tё njohura si kriteret e konvergjencёs.
Dy kriteret mё tё rёndёsishme tё Marrёveshjes sё Maastricht-it kanё tё bёjnё me disiplinёn buxhetore. Borxhet e reja tё njё vendi nuk duhet tё tejkalojnё kuotёn e 3% tё rendimentit ekonomik dhe borxhet e pёrgjithshme nuk duhet tё jenё mё shumё se 60% e produktit bruto nё vend. Pёr kёto kritere ka insistuar nё radhё tё parё Gjermania, ndonёse ideja me 3% fillimisht ёshtё hedhur nga njё francez i ri.
Guy Abeille ishte njё nёpunёs i thjeshtё nё Ministrinё e Financave nё Paris, kur nё vitin 1982 ai mori njё mandat, qё tё konceptojё pёr presidentin rregulla tё thjeshta pёr kufizimin e deficiteve buxhetore. Asokohe borxhet shtetёrore kёrcёnonin tё dilnin jashtё kontrollit pёr shkak tё eksperimentit socialist tё presidentit tё zgjedhur njё vit mё parё Francois Mitterand.
Nё atё periudhё borxhet e reja nё Francё pёrbёnin pikёrisht 2,6% tё rendimentit ekonomik. Guy Abeille mendoi: Njё pёr qind kufiri maksimal pёr deficite buxhetore do tё ishte jo realist, edhe dy pёr qind do ta kishin vendosur qeverinё nёn presion. Kёsisoj ai vendosi tre pёr qind. Kaq thjesht dhe arbitrarisht lindi kjo formulё magjike, qё mё vonё u pranua si njё ndёr kriteret mё tё rёndёsishme nё bisedimet pёr Marrёveshjen e Maastricht-it pёr Unionin Monetar.
Edhe kuota e 60% pёr borxhin e pёrgjithshёm ka natyrё arbitrare, thotё Oliver Sievering nga shkolla e lartё pёr administratёn publike dhe financat nё Ludwigsburg. Kjo pёr arsyen, se nё vitet 1990 borxhi pёr shumё vende pёrbёnte rreth 60% tё produktit bruto nё vend. Kёto dy shifra hynё nё historinё ekonomike. “Nёse ekonomia rritet nominalisht me 5%, atёherё borxhet e reja lejohen tё rriten me 3%. Tre tё pestat janё 60 pёr qind”.
Shpejt u bё e qartё, qё rritja vjetore me pesё pёr qind ishte utopi. Po ashtu, si edhe kuota e 60% pёr vendet si Belgjika, Italia dhe Greqia. Por atёherё u mjaftuan duke argumentuar, se situata e borxheve nё pёrgjithёsi do tё zhvillohej nё drejtim pozitiv dhe vёmendja u pёrqendrua tek kriteri i 3%. Pёrveç Greqisё tё gjithё kandidatёt pёr nё zonёn e euros nё vitin 1998 kishin njё deficit buxhetor nёn 3%.
Disa vende pёrdorёn truke, duke pёrfshirё edhe Gjermaninё. Qeveria federale ia shiti aksionet e Telekomit gjerman dhe tё Postёs gjermane bankёs shtetёrore KfW, pёr tё reduktuar borxhet. Italia madje pёr njё kohё tё shkurtёr aplikoi njё taksё pёr Europёn, pёr t’ua kthyer qytetarёve atё pas aplikimit tё euros.
Dy kriteret e Maastricht-it duhet tё respektohen edhe pas anëtarёsimit nё klubin e euros, nё mёnyrё qё monedha e pёrbashkёt tё qëndrojё mbi njё bazё solide. Pёr kёtё insistoi qeveria gjermane. Por pikёrisht Gjermania nё vitin 2002 e tejkaloi bashkё me Francёn kufirin e deficitit. Bashkё tё dy vendet mё tё fuqishme tё euros ia dolёn qё tё pengojnё ndёshkimin me miliarda dhe qё t’i zbusin rregullat e rrepta.
Oliver Sievering: “Kjo ishte shumё e dёmshme pёr disiplinёn tregtare nё tё gjithё zonёn e euros, sepse shumё vende tё tjera thoshin, qё nёse Gjermania dhe Franca nuk u pёrmbahen shumё kritereve, atёherё pёrse duhet t’u pёrmbahemi ne?”.
Nё pikёn kulmore tё krizёs financiare pothuajse tё gjitha vendet e shkelёn kriterin. Tani ndonёse shumica e vendeve tё euros sёrish e kanё nёn kontroll deficitin buxhetor, sa ka tё bёjё me borxhet e pёrgjithshme, nё vitin 2015 nuk e arritёn kuotёn e 60% tri shtete baltike, si dhe Çekia, Sllovakia dhe Luksemburgu. Gjermania edhe pse nё vitin 2016 pati ulje tё boxheve, me rreth 70% kuotё borxhi kundrejt produktit bruto nё vend ende vazhdon tё jetё mbi normёn e lejueshme.
Ndonёse kriteret e Maastricht-it janё shkelur me qindra herё, asnjёherё nuk ёshtё marrё masё, vё në dukje Sievering: “Askush nuk do t’i vendosё tjetrit njё gjobё, sepse e di mirё, qё nё pak vjet mund ndodhet vetë nё njё situatё tё ngjashme dhe do tё gёzohej qё ta privilegjonin”, thotё Sievering. Me fjalё tё tjera: mёkatarё tё mundshёm gjykojnё pёr mёkatarёt aktualё.
Edhe pse letra ёshtё e durueshme dhe mekanizmat e ndёshkimit nuk funksionojnё si duhet, ekonomisti i konsideron rregullat tё pashmangshme. Vetёm duke i mbikëqyrur dhe duke folur pёr to, ndikon efekti disiplinues.